ರೊಮಾಪೂರ 7:24 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁴ ಮಿ ಕೆಕ್ಲೊ ಕೆಟ್ಟ ನಸಿಬವಾಲೊ ವ್ಹೈ. ಮನೆ ಮೌತ ಲಾವಾನಾ ಎ ಅಂಗಕ್ಹು ಮನೆ ವಚಾ಼ಡಾಲು ಕುನ್ನ ವ್ಹೈ?

ರೊಮಾಪೂರ 7:24 ပူးပေါင်းရင်းမြစ်များ

ಮತ್ತಾಯ 5:4

ದುಕ್ಕ ಪಡಾಲಾ ಧನ್ಯ ವ್ಹೈ; ತ್ಯುನೆ ಸಮಾಧಾನ ಹೊಂದಿಲಿವಸ.

ಮತ್ತಾಯ 5:6

ನಿತಿನಾ ಹುತಿ ಭುಕ್ಕಾ ವರಿ ತರಕ್ಹಾ ರ‍್ಹಯಲವಾಲಾ ಧನ್ಯ ವ್ಹೈ; ತ್ಯುನೊನೆ ತೃಪ್ತಿ ಥಾವಸ.

ಲುಕ ಬರ್ದಲ ಸುವಾರ್ತಾ 4:18

"ಕ್ಹುದಾನಿ ಆತ್ಮಾ ಮಪರ ಛೆ. ಗರಿಬ ಮನಕ್ಹೊನೆ ಚೊ಼ಕಿ ಸುದ್ದಿ ಕವಾ ಹುತಿ. ಕ್ಹುದಾ ಮನೆ ಅಭಿಶೆಕ ಕರ‍್ಯೊಸ. ಪಾಪ ಕವಾನಿ ಯಕ್ಕ ಜೆಲಮಾ ರ‍್ಹಯಲವಾಲಾವೊನಾ ಮನಕ್ಹೊನೆ ಛೊ಼ಡಾವಾನೆ ವರಿ ಕುಡ್ಡಾವೊನೆ, ಡೊಳಾ ದಿವಾನೆ ವರಿ ತ್ಯುನೊನೆ ಚೊ಼ಕಿ ಸ್ತಿತಿನಾ ಹುತಿ ಮನಸ ಭಗೈ ಗಯಲವಾಲಾವೊನಾ ಹುತಿ ತ್ಯುನು ಮನಸ ಚೊ಼ಕು ಕರಾಹುತಿ. ಮನೆ ಕ್ಹುದಾ ಮೊಕ್ಕಲ್ಯೊಸ"

ರೊಮಾಪೂರ 6:6

ಅಪ್ನಿ ಜು಼ನ್ನಿ ಜಿವಿತ ಕ್ರಿಸ್ತನಾ ಕ್ಹಾತೆ ಶಿಲುಬಿಪರ ಮರಿ ಗೈಸ ಕವಾನು ಅಪೊನೆ ಗ್ವತ್ತ ಛೆ. ಅಪ್ನಿ ಪಾಪನಿ ಚಾಳಿಕ್ಹು ಅಪೊಪರ ಕಯೊ ಅದಿಕಾರ ರ‍್ಹೌ ನೈ ಕೈನ ಅಪೆ ಅಗಾ ಪಾಪನಾ ಗುಲಾಮೊ ಥೈ ರ‍್ಹೌ ನೈ ಕೈನ ಇಮ್ಮ ಥಯೊ.

ರೊಮಾಪೂರ 8:13

ತುಮಾರಿ ಪಾಪ್ನಿ ಸ್ವಭಾವ ಛಾಳಿಯೊ ಆಸ ಕರಾನಿಯೊ ಕೆಟ್ಟ ಕಾಮೊ ಕರಾನಾಹುತಿ ತುಮೆ ತುಮಾರಿ ಜಿವಿತ ಉಪಯೊಗ ಕರ‍್ಯಾಮ, ತುಮೆ ಆತ್ಮಿಕಮಾ ಮರೊಸಿ. ತೆನೈಸೊ ತುಮೆ ತುಮಾರಿ ಅಂಗನಾ ಮುಕಾಂತರ ಕರಾನಾ ಕೆಟ್ಟ ಕಾಮೊ ಪವಿತ್ರ ಆತ್ಮಾನಿ ಸಹಾಯಾ ಕ್ಹು ಹುಬ್ರಾಡ್ಯಾಮ ಜಿವ್ತಾ ರ‍್ಹವೊಶಿ.

ರೊಮಾಪೂರ 8:2

ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ನಿಲಯ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ‍್ಯುಸ.

ರೊಮಾಪೂರ 8:23

ಸೃಷ್ಟಿ ಯಕ್ಕಜ಼ ನೈ, ಅಪೆಬಿ ಅಪ್ನೊಮಾ ದುಖ ಕ್ಹು ನೆಳ್ತಾ ಕೈದಾಡ್ಯಾಸ. ಕ್ಹುದಾನಿ ವಾತನಿ ಪೈಲಾನೊ ಭಾಗ ಥಯಲ ಕ್ಹುದಾನಿ ಆತ್ಮಾನೆ ಅಪೆ ಹೊಂದಿಲಿದ್ಯಾಸ. ಅಪೊನೆ ತಿನಾ ಸ್ವಂತ ಬಚ್ಚಾ಼ ಥೈನ ಕರಿಲಿವಾನೆ ಕ್ಹುದಾ ಕರತೊ ರ‍್ಹಯಲ ಕಾಮ ಪುರಾ ಥಾವಾನುಜ಼ ಕದ್ಯಾಮ, ಅಪ್ನಾ ಅಂಗನೆ ಥಾವಾನೆ ಬಿಡುಗಡೆಜ಼ ಅಪೆ ಕೈದಾಡ್ಯಾಸ.

ರೊಮಾಪೂರ 8:26

ತಿನಾ ಲಿಂಗತಜ ಅಪೊಮಾ ತಾಕತ ಕಮ ರ‍್ಹಯಲ ಹುತಿ ಅಪ್ನಿ ಕಮ ತಾಕತಮಾ ಪವಿತ್ರ ಆತ್ಮಾ ಅಪೊನೆ ಸಹಾಯಾ ಕರಸ. ಅಪೆ ಕಿಮ್ಮ ಪ್ರಾಥನಾ ಕರು ವರಿ ಶಾನಾ ಹುತಿ ಪ್ರಾಥನಾ ಕರು ಕವಾನು ಅಪೊನೆ ಗ್ವತ್ತ ನತ್ತಿ. ತೆನೈಸೊ ಪವಿತ್ರ ಆತ್ಮಾ ತೆ ಅಪ್ನಾ ಹುತಿ ಕ್ಹುದಾನೆ ಕವಾನೆ ಥಾಯೆ ನೈಸೊ ಮನಸೆ ಮಾಂಗಿಲಿವಸ.

ಕೊಲೆಸ್ಸೆ 2:11

ಕ್ಹುದಾ ತಿಮಾ ಮನಕ್ಹೊನಾ ಹತೆನೈಸೊ ಥಾವಾನು ಖತ್ನಾ ಕರ‍್ಯೊಸ. ಕ್ರಿಸ್ತನಿ ಸುನ್ನತಿ ಶಾರಿರಿಕ ಥಯಲ ಪಾಪ್ನಿಯೊ ಚಾಳಿಯೊ ಕಾಡಿಪಾಡಾನುಜ಼ ವ್ಹೈ.

2 ತಿಮೊತಿ 4:18

ಕುನಬಿ ಮನೆ ಕ್ಹಾರಾ ತ್ರಾಸೊ ದಿವಾನು ರ‍್ಹಯೊಮ, ಕ್ಹುದಾ ಮನೆ ವಚಾ಼ಡಸ ವರಿ ಕ್ಹುದಾ ಮನೆ ತಿನಾ ಸ್ವರಗಾಮಾ ಮಳೈಲಿವಸ. ಯುಗೊ ಯುಗೊಮಾ ಕ್ಹುದಾನಿ ಮಹಿಮಾ ಥಾವಾದೆ. ಆಮೆನ್.

ತಿತನೆ 2:14

ತೆ ಅಪ್ನಾಹುತಿ ತಿನೆ ತೆಜ಼ ಒಪ್ಸಿನ ದಿದ್ಯೊಸ. ಅಪೊನೆ ಪಾಪಕ್ಹು ಛೊ಼ಡಾವಾನೆ ವರಿ ಕೆಳಾಮಾಬಿ ಚೊ಼ಕಾ ಕಾಮೊಜ಼ ಕರಾಲಾ ತಿನಾ ಪರಿಶುದ್ಧ ಮನಕ್ಹೊ ಥೈನ ಕರಾನೆ ತೆ ಮರಣ ವ್ಹಂದ್ಯೊ.

ಇಬ್ರಿಯ 2:15

ತ್ಯುನೊನೆ ಮರಾನಿ ಯಕ್ಕ ಭೆಂಕ್ಹು ಪುರಾ ಜಿಂದಗಿ ಆಳಥೈನ ರ‍್ಹಯಲವಾಲಾವೊನೆ ಛೊಡಾವಾನಾಹುತಿ ತ್ಯುನಾ ಲಿಂಗತ ಥೈನ ಆಯೊ

ಪ್ರಕಟನೆ 21:4

ಕ್ಹುದಾ ತ್ಯುನಾ ಡೊಳಾಮಾನು ಪಾನಿ ನುಚ್ಚಿ ಪಾಡಸ. ತ್ಯಾ ಮರಣ ಕವಾನುಜ಼ ರ‍್ಹತು ನೈ, ದುಖ ರ‍್ಹತು ನೈ, ರವಾನು ರ‍್ಹತು ನೈ ವರಿ ಜುನ್ನಿಯೊ ವಾಟೊಜ಼ ಗೈಪಡಿಯೊ "ಕೈನ ಕದ್ಯು.