ರೊಮಾಪೂರ 6:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ತಿಮ್ಮ ರ‍್ಹತಾಮಾ, ಅಪೆ ಬಾಪ್ತಿಸ್ಮ ಕರಲೆತಾಮಾ, ಅಪೊನೆ ಕ್ರಿಸ್ತನಾ ಕ್ಹಾತೆ ಸಮಾದಿ ಥೈ ವರಿ ಅಪೆ ತಿನಾ ಮರಣಮಾ ಪಾಲ ಲಿವಾಲಾ ಥಯಾ. ಅಪೆ ಜಿವ್ತಾ ಥೈನ ಉಟಿನ ನಯಿ ಜಿವ್ನಾ ಕರುಕೈನ ಅಪೊನೆ ಕ್ರಿಸ್ತ ಕ್ಹಾತೆ ಸಮಾದಿ ಥೈ. ಕ್ರಿಸ್ತ ಬಾನಿ ಅದ್ಬುತ ಕರಾನಿ ತಾಕತ ಕ್ಹು ಮರ‍ಲವಾಲಾವೊಮಾತೊ ಜು಼ವ್ತೊ ಥೈನ ಆಯಲ ಲಿಂಗತ ಅಪೆ ಬಿ ಜಿವ್ತಾ ಥೈನ ಆಯಾಸ.

ರೊಮಾಪೂರ 6:4 ပူးပေါင်းရင်းမြစ်များ

ಯೊಹಾನ 11:40

ತೆ ವಾತೆ ಯೆಸು, ಮಾರ್ಥಳನೆ ಮಿ ತುನೆ ಕದಲ ಶೆ ಕರ್ಲೆಶಿಸು? ತು ಬರೊಕ್ಹೊ ಕರಿಮ ಕ್ಹುದಾನಿ ಮಿ,ಹಿಮಾ ದೆಕಸಿ ಕೈನ ಮಿ ತುನೆ ಕದ್ಯೊತೊ "ಕೈನ ಕದ್ಯೊ.

ಯೊಹಾನ 2:11

ಕಾನಾ ಕವಾನಾ ಗಾಮ್ಮಾ ಯೆಸು ಕರಲ ಪೈಲಾನು ಅದ್ಭುತ ಕಾಮ ವ್ಹೈ. ತೆ ತಿನಿ ಮಹಿಮಾ ತ್ಯಾ ದೆಕಾಡಿನ ದಿದ್ಯೊ. ತಿನಾ ಶಿಷ್ಯಾ ತಿಪರ ಬರೊಕ್ಹೊ ಮ್ಹೆಲ್ಯಾ.

ಅಪೊಸ್ತಲೊ 2:24

ಯೆಸು ಮೌತನೊ ತ್ರಾಸ ಖಾದ್ಯೊ. ತೆನೈಸೊ ಕ್ಹುದಾ ತಿನೆ ಛೊಡಾಯೊ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಮೌತನೆಬಿ ಯೆಸುನೆ ಧರಲಿವಾನೆ ಥಯು ನೈ.

ಅಪೊಸ್ತಲೊ 2:32

ತಿನಾಹುತಿ ಕ್ಹುದಾ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಯೆಸುನೆಜ಼ ಅಪೆ ಕ್ಹಾರಾ ಜ಼ನಾ ಸಾಕ್ಷಿಯೊ ಥಯಾಸ.

ರೊಮಾಪೂರ 6:19

ಮನಕ್ಹೊನೆ ಕಳಲ ಉದಾಹರಣೆ ಮುಲಕ ಮಿ ಎ ತುಮೊನೆ ಕವಾಡ್ಯೊಸ. ಪಾಚ಼ಲ್ಯಾ ಕಾಲ್ಮಾ ತುಮೆ ತುಮಾರಾ ಅಂಗಕ್ಹು ಪಾಪನೆ ಕೆಟ್ಟ ಕಾಮೊನೆ ವರಿ ದುಷ್ಟ ಕಾಮೊನೆ ಗುಲಾಮ ಲಿಂಗತ ವಪ್ಸಿನ ದಿದ್ಯಾತಾ ತಿನಾ ಲಿಂಗತಜ಼ ಹಮ್ನಾ ತುಮಾರಾ ಅಂಗೊನಾ ಭಾಗನೆ ಪವಿತ್ರ ಆತ್ಮಾನೆ ವಪ್ಸಿನ ದಿದ್ಯಾಸ.

ರೊಮಾಪೂರ 6:3

ಅಪೆ ಬಾಪ್ತಿಸ್ಮ ಕರಲೆತಾಮಾ, ಕ್ರಿಸ್ತಮಾ ಪಾಲ ಲಿವಾಲಾ ಥಯಾ ಕವಾನು ತುಮೆ ಇಕ್ಹರಿ ಪಡ್ಯಾ ಸು? ಅಪ್ನಿ ಬಾಪ್ತಿಸ್ಮ ಕ್ಹು ತಿನಾ ಮರಣಮಾ ಪಾಲ ಲಿವಾಲಾ ಥಯಾ.

ರೊಮಾಪೂರ 6:8

ಅಪೆ ಕ್ರಿಸ್ತನಾ ಕ್ಹಾತೆ ಮರಿ ಗಯಾ, ವರಿ ಅಪ್ನೊ ಬರೊಕ್ಹೊ ತಿನಾ ಕ್ಹಾತೆ ಜಿವ್ತೊ ಕರಸ ಕವಾನು ಕ್ಹರಿಜ಼ ಛೆ.

ರೊಮಾಪೂರ 6:9

ಕ್ರಿಸ್ತ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ತೆ ವರಿ ಮರಾನೆ ಕೆಳಾಮಾಜ಼ ಸಾದ್ಯ ನತ್ತಿ ಕವಾನು ಅಪೊನೆ ಗ್ವತ್ತ ಛೆ. ಹಮ್ನಾ ಮರಣನೆ ತಿಪರ ಕಯೊ ಅದಿಕಾರ ನತ್ತಿ.

ರೊಮಾಪೂರ 7:6

ತೆನೈಸೊ ಹಮ್ನಾ ಅಪೊನೆ ಧರಮಶಾಸ್ತ್ರಕ್ಹು ಬಿಡುಗಡೆ ಮಳ್ಯುಸ. ಕಾಕದ್ಯಾಮ. ಕಯಾ ಧರಮಶಾಸ್ತ್ರಮಾ ಭಾಂದ್ಯಾತಾ ಅಪೆ ತಿನಾಹುತಿ ಮರ‍್ಯಾಸ ಜು಼ನ್ನಾ ಅಕ್ಷರೊಕ್ಹು ನ್ಹವೈ ಆತ್ಮಾನಿ ನೈ ತರಾಮಾ ಅಪೆ ಕ್ಹುದಾನಿ ಸೆವೆ ಕರೆಸ.

ರೊಮಾಪೂರ 8:11

ಯೆಸುನೆ ಮೌತಕ್ಹು ಉಟಾಡಲ ಕ್ಹುದಾನಿ ಆತ್ಮಾ ತುಮೊಮಾ ರ‍್ಹಯಮ, ಕ್ರಿಸ್ತನೆ ಮೌತಕ್ಹು ಉಟಾಡಲವಾಲೊ ತುಮಾರಿ ಆತ್ಮಾ ಕಂತೊ ತುಮಾರಾ ಮರಲ ಅಂಗೊನೆ ಜ಼ಲಮ ದಿವಸ.

1 ಕೊರಿಂಥ 6:14

ಪ್ರಭುನೆ ಪುನರುತ್ಥಾನ ಕರಲ ಕ್ಹುದಾ ಅಪೊನೆ ತಿನಿ ಮ್ಹೊಟಿ ತಾಕತಕ್ಹು ಉಟಾಡಸ.

2 ಕೊರಿಂಥ 13:4

ತೆ ತಾಕತ ಟೈಮ ಪರ ರ‍್ಹಯಲ ಶಿಲುವಿ ಘಾಲ ಕ್ಹರಿ ವ್ಹೈ.

2 ಕೊರಿಂಥ 5:17

ಕುನಬಿ ಕ್ರಿಸ್ತಮಾ ರ‍್ಹಯೊಮ ತೆ ನವೊ ಸೃಷ್ಠಿ ಥಯಾಸ. ಜುನ್ನಿಯೊ ಸಂಗತಿಯೊ ಗೈಪಡಿಯೊ. ಕ್ಹಾರುಜ ನವು ಥಯು.

ಎಫೆಸ 4:17

ಪ್ರಭುನಾ ಹುತಿ ಮಿ ತುಮೊನೆ ಎ ಕೌಸ ವರಿ ಹುಶಾರಕಿ ದಿವ್ಸ. ಅವಿಶ್ವಾಸಿಯೊ ಲಿಂಗತ ಇತ್ತಿ ಉಪ್ಪರ ಜಿವ್ನಾ ಕರೊ ನಕೊ. ತ್ಯುನಾ ವಿಚಾರೊ ಉಪಯೊಗ ನೈಸೊ ಥಯಾಸ.

ಎಫೆಸ 5:8

ಕಾಕದ್ಯಾಮ ಪಾಚ಼ಲ್ಯಾ ಕಾಲಮಾ ತುಮೆ ಅಂದಾರು ಥಯಾತಾ. ಹಮ್ನಾ ತುಬಿ ತುಮೆ ಪ್ರಭುಮಾ ಪುರಾ ಉಜಾಲು ಥಯಾಸ. ತಿನಾಹುತಿ ಉಜಾಲಾನೆ ಮಳಲ ಬಚ್ಚಾ಼ ಲಿಂಗತ ಜಿವ್ನಾ ಕರೊ.

ಕೊಲೆಸ್ಸೆ 3:10

ಆ ನೈ ಚಾಳಿ ಅಪೊನೆ ಸೃಷ್ಟಿ ಕರೆಲನಾ ಗ್ಯಾನನಾ ಪ್ರಕಾರ ದಿನ್ನೆ ದಿನ್ನೆ ನೈ ಥಾತಿ ಆವಸ.

ಕೊಲೆಸ್ಸೆ 4:1

ಕ್ಹಾರಾ ಮಾಲಕೊ, ಸ್ವರ್ಗಲೊಕಮಾ ತುಮಾರಾ ಉಪ್ಪರ ಯಕ್ ಮಾಲಕ ಶೆ ಕೈನ ತಿಳ್ದಿಲಿನ ತುಮಾರಾ ಆಳೊನಾ ಕ್ಹಾತೆ ತ್ಯುನೊನೆ ಮೊಸ ಕರ‍್ಯಾವಾಚಿ ಕ್ಹರಿಕ್ಹು ರ‍್ಹವೊ.

1 ಪೆತ್ರಾ 3:21

ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ‍್ಹಯಲ ತೆ ದಿಕ್ಕಷಾಸ್ನಾನ ರ‍್ಹಯಲ ಲಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ಲಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ಲಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ್.

1 ಯೊಹಾನ 2:6

ಮಿ ಕ್ಹುದಾಮಾ ಛೆ ಕವಾಲೊ ಯೆಸು ಜಿವ್ನಾ ಕರಲಲಿಂಗತ ಜಿವ್ನಾ ಕರು.