ರೊಮಾಪೂರ 6:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ತುಮೆ ಕಿನೆತುಬಿ ತಿನಾ ಆಗನ್ಯಾ ಪಾಲ್ಸಾನೆ ವಪ್ಸಿನ ದಿವೊಶಿ. ತೆ ತುಮೊನೆ ಮಾಲಕ ಥಾವಸ ವರಿ ತುಮೆ ತಿನೆ ಗುಲಾಮೊ ಥಾವೊಶಿ. ತಿನಾಹುತಿ ತುಮೆ ಪಾಪನೆ ಗುಲಾಮೊ ಥಾವೊಶಿ ತಿನು ಪರಿಣಾಮ ಮೌತ ಥಯುಸ. ತೆನೈಸೊ ವಿಧೆಯತೆನೆ ಗುಲಾಮೊ ಥಾವಾನು ತೆ ತುಮೊನೆ ಕ್ಹುದಾನಿ ಸನ್ನಿಧಿಮಾ ನಿತಿವಂತವಾಲಾ ಕೈನ ಫೈಸಲೊ ಕರಸ.

ರೊಮಾಪೂರ 6:16 ပူးပေါင်းရင်းမြစ်များ

ಮತ್ತಾಯ 20:4

ತ್ಯುನೊನೆ, ‘ ತುಮೆಬಿ ಮಾರಾ ದ್ರಾಕ್ಷಿಯೊನಾ ಮಳಾನೆ ಜಾವೊ; ತುಮೊನೆ ಕರೆಟ್ಟ ಪಗಾರ ದ್ಯುಸ’ ಕದ್ಯೊ. ತೆಳಾಮಾ ತ್ಯುನೆ ಕಾಮೆ ಗಯಾ.

ಮತ್ತಾಯ 6:24

ಕಯೊಬಿ ಬೆ ಮಾಲಕೊನೆ ಯಕ್ಕಜ ಟೈಮಮಾ ಸೆವಾ ನೈ ಕರಸಕ್ತೊ. ತೆ ಯಕ್ಕ ಮಾಲಕನೆ ದ್ವೆಶ ಕರಿನ ವರಿ ಯಕ್ಲಾನೆ ಮಯಾ ಕರಸ ತೆನೈಸೊ ಯಕ್ಕ ಮಾಲಕನಾ ಪಾಚೊ಼ ಗೈನ ವರಿ ಯಕ್ಲಾನೆ ಇನ್ಕಾರಸ. ತಿನಾಹುತಿ ತು ಕ್ಹುದಾನೆ ವರಿ ದೊಕ್ಡಾನೆ ಯಕ್ಕಜ ಟೈಮಮಾ ಸೆವಾ ನೈ ಕರಸಕ್ತೊ.

ಯೊಹಾನ 8:34

ಯೆಸು"ಮಿ ತುಮೊನೆ ಕ್ಹರಿಜ ಕೌಸ. ಪಾಪ ಕರಾಲೊ ಹರಿ ಯಕ್ಲೊಬಿ ಪಾಪನೆ ಗುಲಾಮ ಥಯಾಸ.

ರೊಮಾಪೂರ 11:2

ಕ್ಹುದಾ ತೆ ಅಗೊ ಥೈನ ತಿನಾ ಮನಕ್ಹೊ ಥಾವಾನೆ ಗ್ವತ್ತ ಕರಿಲಿದಲ ಮನಕ್ಹೊನೆ ಢಕ್ಲಿ ಪಾಡ್ಯೊ ನೈ. ಎಲೀಯಾನಿ ಜವ್ನಾನಾ ಹುತಿ ಪವಿತ್ರ ಗ್ರಂಥ ಕವಾನಿ ವಾತ ತುಮೊನೆ ಗ್ವತ್ತ ನೈ ಥಾತು ಸು? ತೆ ಕ್ಹುದಾನಾ ಕ್ಹಾಮೊ-

ರೊಮಾಪೂರ 12:1

ತಿನಾಹುತಿ ಭಾಯೊ, ಭೆನೊ, ಕ್ಹುದಾ ಘನ್ನೊ ಮರಗಾಲೊ ವ್ಹೈ ತುಮೊನೆ ಶೆ ಕರಲಿನ ತುಮೊಕನ ಸು ಮಾಂಗಿಲ್ಯುಸ ಕದ್ಯಾಮ, ತುಮೊನೆಜ಼ ಕ್ಹುದಾನೆ ಒಪ್ಸಿನ, ಮೆಚ್ಚಿಗೆ ರ‍್ಹಯಲ ಖುದ್ದನೆ ಒಪ್ಸಿನ ದಿವೊ. ಎಜ಼ ತುಮೆ ಕರಾನಿ ಕ್ಹರಿನಿ ಆರಾಧನಾ ವ್ಹೈ.

ರೊಮಾಪೂರ 6:17

ಪಾಚ್ಲಯಾ ದಿನೊಮಾ ತುಮೆ ಪಾಪೊನೆ ಗುಲಾಮೊ ವ್ಹತ್ತಾ. ಪಾಪ ತುಮೊನೆ ತಿನಾ ಹತೊಟಿಮಾ ಧರಲಿದ್ಯುತು. ತುಮೊನೆ ಕದಲ ವಿಷಯನೆ ತುಮೆ ಕ್ಹಾರಿ ತರಾಮಾ ವಿದೆಯ ಥಯಲ ಹುತಿ ಕ್ಹುದಾನೆ ಸ್ತೊತ್ರಾ ಥಾವಾದೆ.

1 ಕೊರಿಂಥ 3:16

ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.

1 ಕೊರಿಂಥ 5:6

ತುಮೆ ಅಹಂಕಾರ ಥಾವಾನು ಚೊ಼ಕು ನ್ಹವೈ ದಕ್ಹೊ ಖಾವಾನೊ ಸೊಡೊ ಪುರಾ ಲೊಟನೆ ಪುಗ್ಗಾಡಸ ಕವಾನಿ ವಾತ ತುಮೊನೆ ಗ್ವತ್ತ ಛೆ.

1 ಕೊರಿಂಥ 6:2

ಕ್ಹುದಾನಾ ಮನಕ್ಹೊ ದುನಿಯಾನೆ ಪೈಸ್ಲೊ ಕರಸ ಕವಾನು ತುಮೊನೆ ಗ್ವತ್ತ ನೈ ಥಾತು ಸು? ಕ್ಹುದಾನಾ ಮನಕ್ಹೊ ದುನಿಯಾನೆ ಪೈಸ್ಲೊ ಕರಾಲಾ ರ‍್ಹಯಮ, ಹೆವಾ ನ್ಹಾನಾ ಸಂಗತಿಯೊನಾ ಹುತಿಬಿ ಪೈಸ್ಲೊ ಕರಸ ಕವಾನು ಕ್ಹರಿಜ಼ ವ್ಹೈ.

1 ಕೊರಿಂಥ 6:3

ಅಗಲ್ಯಾ ಕಾಲಮಾ ಅಪೆ ದೆವದುತೊನೆ ಪೈಸ್ಲೊ ಕರಿಯೆಸ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತಿನಾಹುತಿ ಎ ಜಿವಿತನಾ ಸಂಗತಿಯೊನಾ ಹುತಿ ಅಪೆ ಪೈಸ್ಲೊ ಕರಸಕೆಸ.

1 ಕೊರಿಂಥ 6:9

ಅಧರಮಿಯೊ ಕ್ಹುದಾನಿ ರಾಜ್ಯನೆ ಯೊಗ್ಯ ನತ್ತಿ ಕೈನ ತುಮೊನೆ ಗ್ವತ್ತ ಛೆ. ತುಮೊನೆ ತುಮೆಜ಼ ತ್ರಾಸಮಾ ಘಾಲಿವೊ ನಕೊ. ಕೆಟ್ಟ ಮನಕ್ಹೊ, ಮುರತಿಯೊನೆ ಪುಜಾ ಕರಾಲಾ, ವ್ಯಭಿಚಾರಿಯೊ, ಸಲಿಂಗ ಕಾಮಿಯೊ,

1 ಕೊರಿಂಥ 9:13

ದೆವಾಲಯಮಾ ರ‍್ಹವಾಲಾ ದೆವಾಲಯನಿ ಆದಾಯಕ್ಹು ಜಿವ್ನಾ ಕರಸ. ಬಲಿನಾ ಕಟ್ಟಾ ಕನ ಸೆವೆ ಕರಾಲಾ ಬಲಿ ಚ಼ಡಾಯಲಮಾನು ಪಾಲ ಲಿವಸ. ಎ ತುಮೊನೆ ಗ್ವತ್ತ ಛೆ.

1 ಕೊರಿಂಥ 9:24

ತುಮೊನೆ ಗ್ವತ್ತ ರ‍್ಹಯಲ ಲಿಂಗತ ಮೈದಾನಮಾ ಘನ್ನಾ ಜ಼ನಾ ನ್ಹಾಟಾನಾ ಕ್ಹೆಲಮಾ ಭಾಗ ಲೆತಾ ನೈಸು? ತೆನೈಸೊ ಪಸ್ಟ ಬಹುಮಾನ ಮಳಾನು ಯಕ್ಲಾನೆಜ಼ ವ್ಹೈ. ತಿನಾಹುತಿ ಬಹುಮಾನ ಲಿವಾನೆ ತುಮೆಬಿ ನ್ಹಾಟೊ.

2 ಪೆತ್ರಾ 2:19

ಎ ಸುಳ್ಳ ಭೊದಕೊ ತೆ ಮನಕ್ಹೊನೆ ಬಂದನ್ಮಾತಾ ಛೊಡೈಸ ಕೈನ ವಾತ ದಿವಸ ತೆನೈಸೊ ಎ ಸುಳ್ಳಭೊದಕೊಜ಼ ಬಂದನಮಾ ರ‍್ಹೈನ ಹಾಳ ಥಾವಾನೆ ಸಂಗತಿಯೊನ ಗುಲಾಮೊ ಥೈನ ರ‍್ಹವಸ. ಯಕ್ಲೊ ಕಿಕ್ಹು ಹಾರ‍್ಯೊಸ ತಿನೆ ಗುಲಾಮ ಥಯೊಸ.