ರೊಮಾಪೂರ 6:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ತಿನಾ ಲಿಂಗತಜ಼ ತುಮೆಬಿ ತುಮೊನೆ ಪಾಪನಿ ತಾಕತನಿ ಪಾಲೆ ಮರ‍್ಯಾಸ ಕೈನ ವರಿ ಪಾಪನಿ ಅದಿಕಾರಮಾ ನಕೊ ಚಾ಼ಲೊ ಕ್ರಿಸ್ತ ಯೆಸುನಾ ಮುಕಾಂತರ ಕ್ಹುದಾನಾ ಕ್ಹಾತೆ ಜಿವ್ನಾ ಕರಿಯೆಸ ಕೈನ ತಿಳ್ದಿಲಿವೊ.

ರೊಮಾಪೂರ 6:11 ပူးပေါင်းရင်းမြစ်များ

ಯೊಹಾನ 20:31

ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ‍್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.

ರೊಮಾಪೂರ 16:27

ಯಕ್ಲೊಜ಼ ಗ್ಯಾನಿ ಥಯಲ ಕ್ಹುದಾನೆ ಯೆಸು ಕ್ರಿಸ್ತನಾ ಮುಲಕ ಕೆಳಾಮಾಬಿ ಮಹಿಮಾ ಥಾವಾದೆ. ಆಮೆನ್.

ರೊಮಾಪೂರ 5:1

ಇಮ್ಮ ರ‍್ಹತಾಮಾ, ಅಪೆ ಬರೊಕ್ಹಾ ಕ್ಹು ನಿತಿವಂತವಾಲಾ ಥಯಾಸ. ತಿನಾಹುತಿ ಅಪ್ನೊ ಪ್ರಬು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಕ್ಹುದಾನಾ ಕ್ಹಾತೆ ಸಮಾಧಾನ ಕ್ಹು ಛೆ

ರೊಮಾಪೂರ 6:10

ಹೊ, ಕ್ರಿಸ್ತನೆ ಹಬ್ದಾ ಪಾಪನಿ ತಾಕತ ಸೊಲ್ಸಾನೆ ಸಾದ್ಯ ನತ್ತಿ. ಹಮ್ನಾ ತಿಮಾ ನೈ ಜಿವ್ನಾ ಛೆ. ಕ್ಹುದಾನಾ ಕ್ಹಾತೆ ಜಿವ್ತಾ ರ‍್ಹವಾನು ತೆಜ಼ ನೈ ಜಿವಿತ ವ್ಹೈ.

ರೊಮಾಪೂರ 6:13

ತುಮಾರು ಅಂಗನು ಭಾಗನೆ ಪಾಪನಿ ಸೆವೆ ಕರಾನೆ ವಪ್ಸಿನ ದಿವೊನಕೊ. ತುಮಾರು ಅಂಗ ಪಾಪನೆ ವಪ್ಸಿನ ಕೆಟ್ಟ ಕಾಮನೆ ಚ಼ಲಾವಾನು ಚಿ಼ಜ ಕರಿಲಿವೊ ನಕೊ. ತಿನಾ ಬದ್ಲಿ ಮರಿನ ಹಮ್ನಾ ಜಿವ್ತೊ ಥೈನ ಉಟಿನ ಆಯಲ ಲಿಂಗತ ತುಮೊನೆ ಕ್ಹುದಾನೆ ವಪ್ಸಿನ ದಿಪಾಡೊ. ಚೊ಼ಕಾ ಕಾಮೊ ಕರಾನೆ ತುಮಾರು ಅಂಗ ಸಾಮನ ಥೈನ ಕ್ಹುದಾನೆ ವಪ್ಸಿನ ದಿವೊ.

ರೊಮಾಪೂರ 6:2

ಕ್ಹರಿಜ಼ ನೈ! ಅಪೆ ಅಪ್ನಾ ಪಾಚ಼ಲ್ಯಾ ಪಾಪನಿ ಜಿವ್ನಾನಾ ಪಾಲೆ ಮರಿ ಗಯಾಸ. ತಿಮ್ಮ ರ‍್ಹಯಾಮ, ಅಪೆ ಪಾಪಮಾಜ಼ ಜಿವ್ನಾ ಕರಾನು ಕಿಮ ಸಾದ್ಯ ಛೆ?

ರೊಮಾಪೂರ 6:23

ಕಾ ಕದ್ಯಾ ಪಾಪನಿ ಪಗಾರ ಮರಣ ವ್ಹೈ. ತೆನೈಸೊ ಕ್ಹುದಾ ಫ್ರಿ ದಿವಾನು ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಮಾ ರ‍್ಹಯಲ ಹಮೆಶಾನೊ ಜ಼ಲಮ ವ್ಹೈ.

ರೊಮಾಪೂರ 7:4

ಮಾರಾ ಭಾಯೊ ಭೆನೊ, ಇನಾಲಿಂಗತಜ಼ ತುಮಾರಾ ಜು಼ನ್ನಿಯೊ ಚಾಳಿಯೊ ಮರಿ ಗಯ್ಯೊ; ತುಮೆ ಕ್ರಿಸ್ತನಾ ಅಂಗನಾ ಮುಲಕ ಧರಮಶಾಸ್ತ್ರಕ್ಹು ಬಿಡುಗಡೆ ಥಯಾಸ. ಹಮ್ನಾ ತುಮೆ, ಮರಲ ಮನಕ್ಹೊಮಾತಾ ಜಿವ್ತೊ ಥೈನ ಉಟಿನ ಆಯಲವಾಲಾನೆ ಮಳಲವಾಲಾ ಥಯಾಸ. ಅಪೆ ಕ್ಹುದಾನಾ ಹುತಿ ಫಲ ದಿವಾನಾ ಹುತಿ ಕ್ರಿಸ್ತನೆ ಮಳಲವಾಲಾ ಥಯಾಸ.

ರೊಮಾಪೂರ 7:6

ತೆನೈಸೊ ಹಮ್ನಾ ಅಪೊನೆ ಧರಮಶಾಸ್ತ್ರಕ್ಹು ಬಿಡುಗಡೆ ಮಳ್ಯುಸ. ಕಾಕದ್ಯಾಮ. ಕಯಾ ಧರಮಶಾಸ್ತ್ರಮಾ ಭಾಂದ್ಯಾತಾ ಅಪೆ ತಿನಾಹುತಿ ಮರ‍್ಯಾಸ ಜು಼ನ್ನಾ ಅಕ್ಷರೊಕ್ಹು ನ್ಹವೈ ಆತ್ಮಾನಿ ನೈ ತರಾಮಾ ಅಪೆ ಕ್ಹುದಾನಿ ಸೆವೆ ಕರೆಸ.

ರೊಮಾಪೂರ 8:18

ಮನೆ ಕಳಲ ತೆಕ್ಲು ಹಮ್ನಾ ಅಪೆ ತ್ರಾಸೊಮಾ ತಡ್ದಿಲಿವಾಡ್ಯಾಸ. ವರಿಬಿ ಅಪೊನೆ ಅಗು ದಿವಾನು ಮಹಿಮಾನೆ ಎ ಕಸ್ಟ ತ್ರಾಸೊ ಹೊಲಶ್ಯಾಮ ಎ ಮೊಜಾ಼ನೆ ಥಾತೊ ನೈ.

1 ಕೊರಿಂಥ 6:20

ಕಾಕದ್ಯಾಮ, ತುಮೊನೆ ಕಿಮ್ಮತ ದಿನ್ನ ಲಿದಲವಾಲಾ ವ್ಹೈ. ತಿನಾಹುತಿ ತುಮಾರಾ ಅಂಗೊನೆ ಕ್ಹುದಾನಿ ಮಹಿಮಾ ಕರಾ ವರಕ್ಹು ಕರೊ.

ಎಫೆಸ 2:7

ಕ್ಹುದಾ ತಿನಾ ಮ್ಹೊಟಿ ಕೃಪಾನೆ ಅಗಲ್ಯಾ ದುನಿಯಾಮಾ ದೆಕಾಡು ಕೈನ ಅಮ ಕರ‍್ಯೊಸ. ಕ್ಹುದಾ ಎ ಕೃಪಾ ತಿನಿ ಮರಗಾಕ್ಹು ಅಪೊನೆ ಕ್ರಿಸ್ತ ಯೆಸುಮಾ ದೆಕಾಡಸ.

ಫಿಲಿಪ್ಪಿ 1:11

ಯೆಸು ಕ್ರಿಸ್ತನಾ ಮುಲಕ ರ‍್ಹಯೆಲ ನಿತಿ ಕವಾನು ಫಲ ಭರೆಯೆಲ ವಾಲಾರೊನೆ ರವಾನು ರ‍್ಹಯೆಲ ಕ್ಹುದಾನೆ ಮರ್ಯಾದಿ ಸ್ತೊತ್ರಾ ಕರ‍್ಯಾ ಕೈನ ಮಾಗಿಲಿದ್ಯಾ.

ಫಿಲಿಪ್ಪಿ 4:7

ಕ್ಹುದಾನಿ ಶಾಂತಿ ಕ್ರಿಸ್ತಯೆಸುಮ್ಮಾ ತುಮಾರಾ ಮನಸೊನೆ ಕಾಯಿದಸ. ಕ್ಹುದಾ ದಿವಾನಿ ಯೆ ಶಾಂತಿ ಅಪೆ ನೈ ತಿಳದಿಲಿವಾನಾಕ್ಲು ಘನಿ ಮ್ಹೊಟಿಶೆ.

ಕೊಲೆಸ್ಸೆ 2:20

ಲೊಕನಿ ಪೈಲಾ ರ‍್ಹೈಯಲ ಬೊದನೆನಾ ಪಾಲೆ ತುಮೆ ಕ್ರಿಸ್ತನಾ ಕ್ಹಾತೆ ಮರೆಲ ರ‍್ಹಯಾರೆ, ಹಮ್ನಾತೊಬಿ ಲೊಕನಾ ಮನಕ್ಹೊ ಕರಲ ಆಗ್ಯಾ ವರಿ ಉಪದೆಶ

ಕೊಲೆಸ್ಸೆ 3:17

ತುಮೆ ತುಮಾರಾ ವಾತೊಖು ರ‍್ಹವಾದೆ,ತುಮಾರಾ ಚಾಳಿಯೊಖು ಸು ಕರಿತೊಬಿ ತೆ ಕ್ಹಾರು ಅಪ್ನೊ ಕರ್ತಾ ಥಯಲ ಯೆಸುನಾ ನಾಮಪರ ಕರೊ ವರಿ ಅಪ್ನೊ ಬಾ ಥಯಲ ಕ್ಹುದಾನೆ ಕ್ರಿಸ್ತನಾ ಮುಲಕ ಸ್ತುತಿ ಕರೊ.

1 ಪೆತ್ರಾ 2:24

ಕ್ರಿಸ್ತ ಅಪ್ನಾ ಪಾಪೊ ತಿನಾ ಅಂಗಪರ ಉಚೈಲಿನ ಶಿಲುಬಿರ ಚ಼ಡ್ಯೊ. ಅಪೆ ಪಾಪನಾ ಹುತಿ ಜಿವ್ತಾ ರ‍್ಹಯಾವಾಚಿ಼. ಕ್ಹರಿಕ್ಹು ಜಿವ್ತಾ ರ‍್ಹೌ ಕೈನ ಮನಸ ವ್ಹತ್ತು. ತಿನಾ (ಕ್ರಿಸ್ತನಾ) ದುಕೊಕ್ಹು ತುಮೊನೆ ಅರಾಮ ಥಯು.

1 ಪೆತ್ರಾ 2:5

ತುಮೆಬಿ ಜ಼ಲಮ ರ‍್ಹಯಲ ಮಂಗಾಳಾ ವ್ಹೈ. ಆತ್ಮಾನೆ ಸಂಬಂದ ಥಯಲ ದೆವಾಲಯ ಥಾವಾಹುತಿ ತುಮೆಜ಼ ತಯ್ಯಾರ ಥಾವಾಡ್ಯಾಸ; ಕ್ಹುದಾಕ್ಹು ಒಪ್ಪಿಲಿದ್ಯಲ ಆತ್ಮಿಕಕ್ಹು ಬಲಿಯೊ ದಿವಾನೆ ಯೆಸು ಕ್ರಿಸ್ತಕ್ಹು ಕ್ಹುದಾನೆ ದಿವಾನು ಪವಿತ್ರ ಯಾಜಕೊ ಥಯಾಸ.

1 ಪೆತ್ರಾ 4:11

ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.