ರೊಮಾಪೂರ 5:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಅಪೆ ಆಸ ನೈಸೊವಾಲಾ ರ‍್ಹತಾಮಾ, ಕ್ಹುದಾ ಇನಿಲಿದಲ ಟೈಮಮಾ ಕ್ರಿಸ್ತ ಅಪ್ನಾ ಕೆಟ್ಟ ರ‍್ಹಯಲವಾಲಾವೊನಾ ಹುತಿ ಮರ‍್ಯೊ.

ರೊಮಾಪೂರ 5:6 ပူးပေါင်းရင်းမြစ်များ

ರೊಮಾಪೂರ 11:26

ಇಮ್ಮ ಕ್ಹಾರಾ ಇಸ್ರಾಯೆಲೊ ರಕ್ಷಣೆ ಹೊಂದಿಲಿವಸ. ಪವಿತ್ರ ಗ್ರಂಥಮಾ ಅಮ್ಮ ಬರ್ದ್ಯಾಸ; "ಸಿಯೊನತೊ ರಕ್ಷಕ ಆವಸ; ತೆ ಯಾಕೊಬನಾ ಕುಟುಂಬಮಾತೊ ಕ್ಹಾರು ಕೆಟ್ಟತನಾ ಕಾಡಿಪಡಸ.

ರೊಮಾಪೂರ 4:25

ಅಪ್ನಾ ಪಾಪೊನಾ ಹುತಿ ಯೆಸುನೆ ಮರಾನೆ ದಿದ್ಯಾ. ಅಪೊನೆ ನಿತಿವಂತವಾಲಾ ಕರಾನಾಹುತಿ ತಿನೆ ಮರಲವಾಲಾವೊಮಾತೊ ವರಿ ಜಿವ್ತೊ ಕರಿನ ಉಟಾಡ್ಯೊ.

ರೊಮಾಪೂರ 4:5

ತೆನೈಸೊ ಯಕ್ಲೊ ತೆ ಕರಾನು ಕಾಮ ಪರ ಬರೊಕ್ಹೊ ಕರಾತಿ ಕ್ಹುದಾಪರ ಬರೊಕ್ಹೊ ಮ್ಹೆಲಸ. ಕ್ಹುದಾ ಕೆಟ್ಟ ರ‍್ಹಯಲವಾಲಾನೆ ಧರಮಿ ಕರಾಲೊ ಕ್ಹುದಾ ವ್ಹೈ. ತೆ ಕ್ಹುದಾಪರ ಬರೊಕ್ಹೊ ಮ್ಹೆಲಲ ಎ ಬರೊಕ್ಹೊ ತಿನೆ ಕ್ಹುದಾನಿ ನಜ಼ರಮಾ ನಿತಿವಂತ ವ್ಹೈ ಕೈನ ದೆಕಾಡಿನ ದಿವಸ.

ರೊಮಾಪೂರ 5:10

ಕಾಕದ್ಯಾಮ ಅಪೆ ಕ್ಹುದಾನಾ ವಿರೊಧಿಯೊ ರ‍್ಹತಾಮಾಜ಼ ಕ್ಹುದಾ ತಿನಾ ದಿಕ್ರಾನಾ ಮರಣನಾ ಮುಲಕ ಅಪೊನೆ ತಿನಾ ದೊಸ್ತೊ ಕರಲಿದ್ಯೊಸ. ಹಮ್ನಾ ಅಪೆ ಕ್ಹುದಾನಾ ದೊಸ್ತೊ ಥಯಲ ಹುತಿ ಕ್ಹುದಾ ತಿನಾ ದಿಕ್ರಾನಾ ಜ಼ಲಮನಾ ಮುಲಕ ಅಪೊನೆ ವಚಾ಼ಡಾನು ಹೆಚ್ಕಿ ದೆಕಾಡಿನ ದಿವಸ.

ರೊಮಾಪೂರ 5:7

ನಿತಿವಂತವಾಲಾನೊ ಜ಼ಲಮ ವಚಾ಼ಡಾನಾಹುತಿ ಯಕ್ಲೊ ಜ಼ಲಮ ದಿವಾನು ಅಪರುಪ ವ್ಹೈ. ಕ್ಹರಿಮಾಜ಼ ಚೊ಼ಕೊ ರ‍್ಹಯಲವಾಲೊ ಯಕ್ಲಾನಾ ಹುತಿ ಜ಼ಲಮ ದಿವಾನು ಯಕ್ಲೊ ತಯ್ಯಾರ ಥಾಸ.

ರೊಮಾಪೂರ 5:8

ತೆನೈಸೊ ಅಪೆ ಪಾಪಿಯೊ ರ‍್ಹತಾಮಾಜ಼ ಕ್ರಿಸ್ತ ಪಾಪಿಯೊನಾ ಹುತಿ ಜ಼ಲಮ ದಿದ್ಯೊ. ಇನಾಹುತಿ ಕ್ಹುದಾ ಅಪೊಪರ ರ‍್ಹಯಲ ಘನ್ನಿ ಮಯಾ ಇಮ್ಮ ಅಪೊನೆ ದೆಕಾಡಿನ ದಿವಸ.

ರೊಮಾಪೂರ 8:32

ಕ್ಹುದಾ ತಿನಾ ಸ್ವಂತ ದಿಕ್ರಾನೆ ವಚಾ಼ಡಿ ಲಿದ್ಯಾವಾಚಿ ಅಪೊನೆ ಕ್ಹಾರಾವೊನಾ ಹುತಿ ವಪ್ಸಿನ ದಿದ್ಯೊ. ತಿನಾಹುತಿ ಹಮ್ನಾ, ಕ್ಹುದಾ ಯೆಸುನಾ ಕ್ಹಾತೆ ಅಪೊನೆ ಕ್ಹಾರುಜ಼ ಕ್ಹರಿಬಿ ದಿದ್ಯಾವಾಚಿ ರ‍್ಹವಸ ಸು?

ರೊಮಾಪೂರ 8:34

ಕ್ಹುದಾನಾ ಮನಕ್ಹೊ ದೊಷಿ ವ್ಹೈ ಕೈನ ಕವಾಲಾ ಕುನ್ನ ವ್ಹೈ? ಕ್ರಿಸ್ತ ಯೆಸು ಅಪ್ನಾ ಹುತಿ ಜ಼ಲಮ ದಿದ್ಯೊ. ತೆಕ್ಲುಜ಼ ನ್ಹವ್ಹೈ, ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ಹಮ್ನಾ ತೆ ಕ್ಹುದಾನಾ ಸಿದಾ ಬಗಲ ಶೆ ವರಿ ಅಪ್ನಾ ಹುತಿ ಕ್ಹುದಾಕನ ಮಾಂಗಿಲಿವಾಡೊಸ.

ಗಲಾತ್ಯ 2:20

ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.

ಗಲಾತ್ಯ 4:4

ತೆನೈಸೊ ಕರೆಟ್ಟ ಟೈಮ ಆಯಲ್ಪರ ತಿನಾ ದಿಕ್ರಾನೆ ಮೊಕಲ್ಯೊ. ಕ್ಹುದಾನೊ ದಿಕ್ರೊ ಹೆಣ ಮನಕ್ಹನಾ ಪೆಟಮಾತೊ ಹುಟ್ಟಿನ, ಧರಮಶಾಸ್ತ್ರನಿ ಅಧಿನಮಾ ಜಿವ್ನಾ ಕರ‍್ಯೊ.

ಎಫೆಸ 5:2

ಮಯಾಕ್ಹು ರ‍್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.

ಕೊಲೆಸ್ಸೆ 2:13

ಅಪರಾದ ಕರ‍ಲ ಹುತಿ ವರಿ ಶರಿರನಾಭಾವ ಕ್ಹು ಮರಲವಾಲಾ ಥಯಲ ತುಮೊನೆ ಕ್ಹುದಾ ಕ್ರಿಸ್ತನಾ ಕ್ಹಾತೆ ಜಿವ್ತೊ ಕರ‍್ಯೊಸ ವರಿ ತ್ಯುನೆ ಕರಲ ತಪ್ಪ ಕ್ಹಾರಾ ಮಾಫ ಕರ‍್ಯೊಸ.

1 ಥೆಸಲೊನಿಕ 5:9

ಕ್ಹುದಾ ಅಪೊನೆ ಇನಿಲಿದಲ ತಿನಿ ಶಿಟ್ಟನೆ ಗುರಿ ಥೌ ಕೈನ ನ್ಹವೈ. ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ರಕ್ಷಣೆ ಥೌ ಕೈನ ಕ್ಹುದಾ ಅಪೊನೆ ಇನಿಲಿದ್ಯೊ.

1 ತಿಮೊತಿ 1:9

ಧರ್ಮಶಾಸ್ತ್ರನೆ ತಯ್ಯಾರ ಕರಲ ಚೊ಼ಕಾವೊನಾ ಹುತಿ ನವೈ ಕೈನ ಅಪೊನೆ ತಿಳದ್ಯುಸ. ತಿನೆ ತಯ್ಯಾರ ಕರಲ ತಿನಾ ವಿರುದ್ದ ಚಾ಼ಲಾಲಾ ವರಿ ತಿನೆ ನೈ ಚಾ಼ಲಿಲಿನ ಜಾ಼ವಾಲಾ ಮನಕ್ಹೊನೆ ವ್ಹೈ. ಕ್ಹುದಾನೆ ವಿರುದ್ದ ಥಯಲ ಮನಕ್ಹೊನೆ ವರಿ ಪಾಪಿಯೊನೆ, ಧರಮ ನೈಕರಾಲಾವೊನೆ ವರಿ ಪರಿಶುದ್ಧ ನೈರ‍್ಹಯಲವಾಲಾವೊನೆ, ಮಾ-ಬಾಪನೆ ಖಲಾಸ ಕರಾಲಾವೊನೆ ವರಿ ಮನಕ್ಹೊನೆ ಖಲಾಸ ಕರಾಲಾವೊನೆ,

ತಿತನೆ 2:12

ಆ ಕೃಪಾ ಅಪೊನೆ ಕ್ಹುದಾನೆ ವಿರುದ್ದ ಥೈನ ಜಿವ್ನಾ ಕರ‍್ಯಾವಾಚಿ ದುನಿಯಾಮಾನಾ ಮನಕ್ಹೊ ಕರಾನೆ ಬಯಸಾಲಾ ಕೆಟ್ಟ ಕಾಮೊ ಕರ‍್ಯಾವಾಚಿ ತೆ ಹುಬ್ರಾಡಸ. ಅಪೆ ಕ್ಹುದಾನಿ ಸೆವಾ ಕರಾಡಾಸ ಕೈನ ದೆಕಾಡಾನಾಹುತಿ ಚೊ಼ಕಾಥೈನಬಿ ಗ್ಯಾನಿಥೈನಬಿ ದುನಿಯಾಮಾ ಹಮ್ನಾ ರ‍್ಹೌ ಕೈನ ತೆ ಶಿಕ್ಕಲಾಡಸ.

ಇಬ್ರಿಯ 8:3

ಹರಿಯಕ್ಕ ಮ್ಹೊಟೊ ಯಾಜಕ ಕಾಣಿಕೆ ವರಿ ಬಲಿ ಚ಼ಡಾವಾನೆ ನೆಮಕ ಥಯಲ ಯಕ್ಕಜ಼ ರ‍್ಹವಸ.

ಇಬ್ರಿಯ 9:26

ತಿಮ್ಮಜ ಸಮರ್ಪಿತ ಕರಾನೆ ಚಾ಼ಯೆ ಥಯಲ ಪಮಾಫ ತೆ ದುನಿಯಾತೊ ಕೆಕ್ಲಿ ಸಲಾ ತ್ರಾಸ ಕ್ಹಾವಾನೆ ಥಾತುತು. ತೆನೈಸೊ ಯಕ್ಕ ಸಲಾ, ದುನಿಯಾ ಕ್ಹರೆಲಕ್ಕಾ, ತೆ ಪಾಪ ಪರಿಹಾರ ಕರಾನಾ ಉದ್ದೆಶಕ್ಹು ತಿನಾಕ್ಹು ತೆಜ಼ ಯಜ್ಞ ಕರಿಲಿವಾನಾ ಹುತಿ ಪ್ರತ್ಯಕ್ಷ ಥಯೊ.

1 ಪೆತ್ರಾ 1:20

ಎ ಜಗತ್ತ ರಡಿ ಥಾವಾತಿ ಅಗ್ದುರಜ಼ ಯೆಸು ಇನೈಲಿದ್ಯೊ. ತೆನೈಸೊ ಎ ಜಗತ ಅಂತೆ ಥಾವಾನಾ ಟೈಮ್ಮಾ ತುಮೊನೆ ದಿಕ್ಹ್ಯೊಯೊ.

2 ಪೆತ್ರಾ 3:7

ಹಮ್ನಾ ರ‍್ಹಯಲ ಹಬಾಳ ವರಿ ಜಿಮಿನ್ನೆ ಕ್ಹುದಾನಿ ವಾಕ್ಕಯಾಜ಼ ಆಸ್ರೊ ಥೈಸ. ಹಬಾಳ ವರಿ ಜಿಮಿನ ಆಗಕ್ಹು ಹಾಳ ಥಾವಾನೆ ಮುಕ್ಯಾಸ. ಕ್ಹುದಾನಾ ವಿರುದ್ದ ರ‍್ಹಯಲ ಮನಕ್ಹೊನೆ ಥಾವಾನಾ ಫೈಸಲಾನಾ ದಿನ್ನಾ ಹುತಿ ಹಾಳಥಾನಾಹುತಿ ಹಬಾಳ ಜಿಮಿನ ಮುಕ್ಯಾಸ.

ಯುದ ಬರ್ದಲ ಪತ್ರ 1:15

ಪ್ರಭು ಹರಿಯಕ್ಲಾನೆ ಫೈಸಲೊ ಕರಸ. ಭಕ್ತಿಮಾ ಕಮಿ ರ‍್ಹಯಲವಾಲಾ ತಿನಾ ವಿರುದ್ದ ಕರಲ ಕ್ಹಾರಾ ಕೆಟ್ಟ ಕಾಮೊ ವರಿ ಪಾಪಿಯೊ ತಿನಾ ವಿರುದ್ದ ಬೊಲಲ ಕ್ಹಾರಿ ವಾತೊ ಖಂಡ್ಸಾನೆ ತೆ ಆವಾಡ್ಯೊಸ.

ಯುದ ಬರ್ದಲ ಪತ್ರ 1:18

ಅಪೊಸ್ತಲೊ ತುಮೊನೆ, ಅಂತ್ಯಕಾಲಮಾ ಕ್ಹುದಾನಾ ಹುತಿ ಅಕ್ಹಾಲಾ ಮನಕ್ಹೊ ರ‍್ಹವಸ ಕೈನ ಕದ್ಯಾ ಎ ಮನಕ್ಹೊ ತ್ಯುನಾ ಮನಸೆ ಆಯಲ ತಿಮ್ಮಜ ವರಿ ಕ್ಹುದಾನಾ ವಿರುದ್ದ ರ‍್ಹಯಲ ಕರಾಲಾ ಥಯಾಸ.

ಯುದ ಬರ್ದಲ ಪತ್ರ 1:4

ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.