ರೊಮಾಪೂರ 5:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಕಾಕದ್ಯಾಮ ಅಪೆ ಕ್ಹುದಾನಾ ವಿರೊಧಿಯೊ ರ‍್ಹತಾಮಾಜ಼ ಕ್ಹುದಾ ತಿನಾ ದಿಕ್ರಾನಾ ಮರಣನಾ ಮುಲಕ ಅಪೊನೆ ತಿನಾ ದೊಸ್ತೊ ಕರಲಿದ್ಯೊಸ. ಹಮ್ನಾ ಅಪೆ ಕ್ಹುದಾನಾ ದೊಸ್ತೊ ಥಯಲ ಹುತಿ ಕ್ಹುದಾ ತಿನಾ ದಿಕ್ರಾನಾ ಜ಼ಲಮನಾ ಮುಲಕ ಅಪೊನೆ ವಚಾ಼ಡಾನು ಹೆಚ್ಕಿ ದೆಕಾಡಿನ ದಿವಸ.

ರೊಮಾಪೂರ 5:10 ပူးပေါင်းရင်းမြစ်များ

ಯೊಹಾನ 14:19

ಹಜು಼ನ ದಕ್ಹಿ ಯೆಳ ಥಯಲ್ಪರ ಎ ದುನಿಯಾ ಮನೆ ದೆಕ್ತಿ ನೈ. ತೆನೈಸೊ ತುನೆ ಮನೆ ದೆಕೊಶಿ. ಕಾಕದ್ಯಾಮ ಮಿ ಜಿವ್ತೊ ರ‍್ಹೌಸ ವರಿ ತುಮೆಬಿ ಜಿವ್ತಾ ರ‍್ಹವೊಶಿ.

ಯೊಹಾನ 5:26

ಬಾ ಜ಼ಲಮ ದಿವಾನಿ ತಾಕತ ತೆ ವ್ಹಂದಲಲಿಂಗತ ದಿಕ್ರಾನೆ ಜ಼ಲಮ ದಿವಾನಿ ತಾಕತ ದಿದ್ಯೊಸ,

ಯೊಹಾನ 6:40

ದಿಕ್ರಾನೆ ದೆಕಿನ ತಿಪರ ಬರೊಕ್ಹೊ ಮ್ಹೆಲಾಲೊ ಹರಿ ಯಕ್ಲೊ ಹಮೆಶಾನೊ ಜ಼ಲಮ ವ್ಹಂದ್ಯೊಸ. ಲಾಸ್ಟನಾ ದಿನ್ಮಾ ಮಿ ತೆ ಮನಕ್ಹನೆ ಜಿವ್ತೊ ಕರಿನ ಉಟಾಡುಸ ಮಾರೊ ಬಾ ಆಸ ಕರಾನು ಎಜ಼ ವ್ಹೈ" ಕದ್ಯೊ.

ಯೊಹಾನ 6:57

"ಜಿವ್ತೊ ರ‍್ಹಯಲ ಬಾಜ ಮನೆ ವಳಾಯೊ. ವರಿ ತಿನಾಕ್ಹುಜ ಮಿ ಜಿವ್ತೊ ರ‍್ಹೌಸ, ತಿನಾಹುತಿ ಕುನ್ನ ಮನೆ ಖಾವಸ ತೆ ಮಾರಾಕ್ಹುಜ ಜಿವ್ತೊ ರ‍್ಹವಸ.

ರೊಮಾಪೂರ 11:28

ಯಹುದ್ಯೊ ಸುವಾರ್ತೆ ಒಪ್ಪಿಲಿದ್ಯಾ ನೈ. ತಿನಾಹುತಿ ತ್ಯುನೆ ಕ್ಹುದಾನಾ ವಿರೊಧಿ ಥಯಾಸ. ಯಹುದಿ ನೈಸೊ ಮನಕ್ಹೊನೆ ಮದತ ಥೌಕೈನ ಎ ಥಯು. ತೆನೈಸೊ ಯಹುದ್ಯೊ ಹಜ಼ುನ ಕ್ಹುದಾತಿ ಇನಿಲಿದಲ ಮನಕ್ಹೊ ಥಯಾಸ. ತಿನಾಹುತಿ ತೆ ಪಿತೃವೊನಾ ಕ್ಹಾತೆ ಕರಲ ವಡಂಬಡಿಕೆನಾ ಮುಲಕ ತ್ಯುನೊನೆ ಮಯಾ ಕರಸ.

ರೊಮಾಪೂರ 5:11

ಯಕ್ಲುಜ಼ ನೈಸೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೆ ಕ್ಹುದಾಮಾ ಕ್ಹುಶಿ ಕ್ಹು ರ‍್ಹೈಯೆಸ. ಹಮ್ನಾ ಅಪೆ ಹಮ್ನಾ ತಿಕ್ಹುಜ಼ ಕ್ಹುದಾನಾ ದೊಸ್ತೊ ಥಯಾಸ.

ರೊಮಾಪೂರ 5:6

ಅಪೆ ಆಸ ನೈಸೊವಾಲಾ ರ‍್ಹತಾಮಾ, ಕ್ಹುದಾ ಇನಿಲಿದಲ ಟೈಮಮಾ ಕ್ರಿಸ್ತ ಅಪ್ನಾ ಕೆಟ್ಟ ರ‍್ಹಯಲವಾಲಾವೊನಾ ಹುತಿ ಮರ‍್ಯೊ.

ರೊಮಾಪೂರ 8:32

ಕ್ಹುದಾ ತಿನಾ ಸ್ವಂತ ದಿಕ್ರಾನೆ ವಚಾ಼ಡಿ ಲಿದ್ಯಾವಾಚಿ ಅಪೊನೆ ಕ್ಹಾರಾವೊನಾ ಹುತಿ ವಪ್ಸಿನ ದಿದ್ಯೊ. ತಿನಾಹುತಿ ಹಮ್ನಾ, ಕ್ಹುದಾ ಯೆಸುನಾ ಕ್ಹಾತೆ ಅಪೊನೆ ಕ್ಹಾರುಜ಼ ಕ್ಹರಿಬಿ ದಿದ್ಯಾವಾಚಿ ರ‍್ಹವಸ ಸು?

ರೊಮಾಪೂರ 8:34

ಕ್ಹುದಾನಾ ಮನಕ್ಹೊ ದೊಷಿ ವ್ಹೈ ಕೈನ ಕವಾಲಾ ಕುನ್ನ ವ್ಹೈ? ಕ್ರಿಸ್ತ ಯೆಸು ಅಪ್ನಾ ಹುತಿ ಜ಼ಲಮ ದಿದ್ಯೊ. ತೆಕ್ಲುಜ಼ ನ್ಹವ್ಹೈ, ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ಹಮ್ನಾ ತೆ ಕ್ಹುದಾನಾ ಸಿದಾ ಬಗಲ ಶೆ ವರಿ ಅಪ್ನಾ ಹುತಿ ಕ್ಹುದಾಕನ ಮಾಂಗಿಲಿವಾಡೊಸ.

ರೊಮಾಪೂರ 8:7

ಕಾಕದ್ಯಾಮ ಯಕ್ಲಾನಿ ವಿಚಾರ ತಿನಿ ಪಾಪನಿ ಚಾಳಿನಾ ಹತ್ಮಾ ರ‍್ಹಯಲ ರ‍್ಹಯುಮ, ತೆ ಕ್ಹುದಾನೆ ವಿರೊದ ಥಯೊಸ. ತೆ ಕ್ಹುದಾನಿ ನಿಯಮನೆ ವಿಧೆಯ ಥಾತೊ ನೈ, ವಿಧೆಯ ಥಾವಾನೆ ಸಾದ್ಯಾಜ಼ ನತ್ತಿ.

2 ಕೊರಿಂಥ 5:20

ತಿನಾಹುತಿ ಕ್ರಿಸ್ತನಾ ಬಗಲ್ತಾ ಬೊಲಾನಾಹುತಿ ಮೊಕ್ಲಲ ಛೆ. ಎ ಕ್ಹುದಾ ಎ ಕ್ಹಾರು ಅಪ್ನಾ ಬಗಲ್ತೊ ಮನಕ್ಹೊನೆ ಬಲಾವಾನು ವ್ಹೈ.ಕ್ಹುದಾನಾ ಕ್ಹಾತೆ ತುಮೆ ಸಮಾಧಾನಮಾ ರ‍್ಹವೊ ಕೈನ ತೊಮೊಕನ ಮಾಂಗಿಲೆತಾಮಾ ಕ್ರಿಸ್ತನಾ ಬಗಲ್ತಾ ಬೊಲಾಲಾ ಥಯಾಸ.

2 ಕೊರಿಂಥ 5:21

ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ‍್ಯೊ.

ಎಫೆಸ 2:16

ಎ ಭಂಬಿ ಜನಾಂಗೊನಾ ವಚ್ಮಾ ರ‍್ಹಯಲ ದ್ವೆಶ ಕ್ರಿಸ್ತ ಶಿಲುಬಿನಾ ಮುಲಕ ಪುರಾ ಕರ‍್ಯೊ. ಎ ಜನಾಂಗೊ ಯಕ್ಕಜ಼ ಅಂಗ ಥಯಲ್ಪರ ತ್ಯುನೊನೆ ಕ್ಹುದಾ ಕನ ಚ಼ಲೌ ಕವಾನುಜ಼ ಕ್ರಿಸ್ತನು ಆಸ ವ್ಹತ್ತು. ಶಿಲುಬಿ ಪರ ಜ಼ಲಮ ದಿವಾನಾ ಮುಲಕ ಕ್ರಿಸ್ತ ತಿನಿ ಎ ಆಸ ಪುರಾ ಕರ‍್ಯೊ.

ಎಫೆಸ 2:3

ಪೈಲಾ ಅಪೆ ಕ್ಹಾರಾ ತೆ ಮನಕ್ಹೊ ಲಿಂಗತ ಜಿವ್ಸಾಡಾತಾ. ಅಂಗನಾ ಅಪ್ನಾ ಆಸೊ ಪುರಾ ಕರಾನೆ ಅಪೆ ಕೊಶಿಶ ಕರಾಡಾತಾ. ಅಪ್ನು ಅಂಗ, ಮನಸ್ಸ ಆಸ ಕರಲ ಕ್ಹಾರು ಅಪೆ ಕರ‍್ಯಾ. ಅಪೆ ದುಷ್ಟ ಮನಕ್ಹೊ ಥಯಾತಾ. ಅಪ್ನಿ ತೆ ಜಿವಿತಕ್ಹು ಅಪೆ ತೆಳಾಮಾಜ಼ ಕ್ಹುದಾನಿ ಶಿಟ್ಟನೆ ಗುರಿ ಥಾವಾನು ವ್ಹತ್ತು. ಅಪೊನೆ ವರಿ ಬಿಜಾ಼ ಮನಕ್ಹೊನೆ ಕಯುಜ಼ ಫರಕಜ಼ ನ್ಹೊತು.

ಇಬ್ರಿಯ 2:17

ತಿನಾಹುತಿಜ ತೆ ಹರಯಕ್ಕ ವಿಷಮಾ ತಿನಾ ಭಾಯೊ ಭೆನೊನಾ ಲಿಂಗತ ರ‍್ಹವಾನು ಜರುರತ ವ್ಹತ್ತು. ಅನಾ ಲಿಂಗತ ತೆ ಮನಕ್ಹೊನೆ ಪಾಪೊಕ್ಹು ಛೊಡಾವಾನಾ ಹುತಿ ಕ್ಹುದಾನಾ ಕಾಮೊಮಾ ಮರಗಾ ದೆಕಾಡಾಲೊ ಬರೊಕ್ಹಾವಾಲೊ ಮ್ಹೊಟೊ ಯಾಜಕ ಥಯೊ.

ಇಬ್ರಿಯ 7:25

ತಿನಾಹುತಿ ತಿನಾ ಮುಲಕ ಕ್ಹುದಾಕನ ಆವಾಲಾ ಮನಕ್ಹೊನೆ ಯೆಸು ಕೆಳಾಮಾಬಿ ರಕ್ಷಾಕರಸ. ಕಾಕದ್ಯಾಮ ತೆ ಹಮೆಶಾಬಿ ಜ್ಯುತು ರ‍್ಹವಾಲೊ ಥಯೊಸ ವರಿ ಮನಕ್ಹೊ ಕ್ಹುದಾನಿ ಸನ್ನಿಧಿನೆ ಆಯಾಮ ಮನಕ್ಹೊನೆ ಮದತ ಕರಾನೆ ಸಿದ್ದ ಥಯೊಸ.

1 ಯೊಹಾನ 2:1

ಮಾರಾ ಮಯಾನಾ ಬಚ್ಚಾ಼ವೊ, ತುಮೆ ಪಾಪ ಕರು ನೈ ಕೈನ ಮಿ ತುಮೊನೆ ಪತ್ರ ಬರ್ದಾಡ್ಯೊಸ. ತೆನೈಸೊ ಕುನಬಿ ಪಾಪ ಕರ‍್ಯಾಮ ಅಪೊನೆ ಮದತ ಕರಾನೆ ಯೆಸು ಕ್ರಿಸ್ತ ಛೆ. ನಿತಿವಂತವಾಲೊ ಥಯಲ ತೆ ಬಾ ಅಪ್ನೊ ಬಾ ಥಯಲ ಕ್ಹುದಾನಾ ಕ್ಹಾತೆ ಛೆ.

1 ಯೊಹಾನ 4:10

ಅಪೊಪರ ರ‍್ಹಯಲ ಕ್ಹುದಾನಿ ಮಯಾ ಕ್ಹರಿನಿಜ಼ ವ್ಹೈ. ಅಪೊನೆ ಕ್ಹುದಾಪರ ರ‍್ಹಯಲ ಕ್ಹರಿನಿ ಮಯಾ ನ್ಹವೈ. ಅಪ್ನಾ ಪಾಪ ನಿವಾರಣನಾ ಹುತಿ ಕ್ಹುದಾ ತಿನಾ ದಿಕ್ರಾನೆ ಮೊಕಲ್ಯೊ.

ಪ್ರಕಟನೆ 1:18

ಮಿಜ಼ ಜಿವ್ತೊ ರ‍್ಹವಾಲೊ ವ್ಹೈ. ಮಿ ಮರ‍್ಯೊ. ತೆನೈಸೊ ಹಮ್ನಾ ದೆಕ ಮಿ ಯುಗ ಯುಗಾಂತರಮಾ ಜಿವ್ತೊ ರ‍್ಹವಾಲೊ ಥಯೊಸ. ಮರಣ ವರಿ ಪಾತಳನಿ ಅದಿಕಾರ ಮಕನ ಛೆ"