ರೊಮಾಪೂರ 4:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ಧರಮಶಾಸ್ತ್ರನೆ ವಿಧೆಯ ಥಯಾವಾಚಿ ರ‍್ಹತಾಮಾ, ಧರಮಶಾಸ್ತ್ರ ಕ್ಹುದಾನೆ ಶಿಟ್ಟಲಾವಾ ವರಕ್ಹು ಥಾತುತು. ವರಿಬಿ ಧರಮಶಾಸ್ತ್ರ ನಾ ರ‍್ಹವತ್ತೊ ಅವಿಧೆಯ ಥಾವಾನೆ ಸುಜ಼ ರ‍್ಹತು ನೈ.

ರೊಮಾಪೂರ 4:15 ပူးပေါင်းရင်းမြစ်များ

ಯೊಹಾನ 15:22

ಮಿ ಐನ ಎ ದುನಿಯಾನಾ ಮನಕ್ಹೊನೆ ನೈ ಬೊಲ್ಯಲ ರ‍್ಹವತ್ತೊ, ತ್ಯುನೊನೆ ತ್ಯುನೆ ಕಯಾಜ಼ ಪಾಪ ಕರಲವಾಲಾ ವ್ಹೈ ಕೈನ ಕವಾನೆ ಥಾತು ನ್ಹೊತು. ತೆನೈಸೊ ಮಿ ತ್ಯುನಾ ಕ್ಹಾತೆ ಬೊಲ್ಯೊಸ. ತಿನಾಹುತಿ ಹಮ್ನಾ ತ್ಯುನಾ ಪಾಪೊನೆ ತ್ಯುನೊನೆ ಕಯು ಅರು ನತ್ತಿ.

ಯೊಹಾನ 3:36

ಕುನ್ನ ದಿಕ್ರಾ ಪರ ಬರೊಕ್ಹೊ ಮ್ಹೆಲಸ ತಿನೆ ಹಮೆಶಾನೊ ಜ಼ಲಮ ಮಳಸ. ತೆನೈಸೊ ದಿಕ್ರಾನೆ ವಿಧೆಯ ನೈ ಥಾತೊ ತಿನೆ ತೆ ಜ಼ಲಮ ಕೆಳಾಮಾಜ ಮಳ್ತೊ ನೈ. ಕ್ಹುದಾನಿ ಶಿಟ್ಟ ತಿನಾ ಉಪ್ಪರ ರ‍್ಹವಸ" ಕೈನ ಉತ್ತರ ದಿದ್ಯೊ.

ರೊಮಾಪೂರ 1:17

ಕಾಕದ್ಯಾಮ ಸುವಾರ್ತೆ ಎ ದೆಕಾಡಿನ ದಿವಸ ಕ್ಹುದಾ ಮನಕ್ಹನೆ ತಿನಾ ಕ್ಹಾತೆ ನಿತಿವಂತ ಥೈನ ಇಮ್ಮ ಕರಸ ಎ ಪೈಲಾತು ಲಾಸ್ಟ ಲಕ್ಕಾ ಬರೊಕ್ಹಾಕ್ಹು ಥಾವಸ. ಇನಾ ಲಿಂಗತ ಪವಿತ್ರ ಗ್ರಂಥ ಕವಸ; "ಕಯೊ ಮನಕ್ಹ ಕ್ಹುದಾನಾ ಕ್ಹಾಮೊ ತಿನಾಕ್ಹು ತಿನೆಜ ನಿತಿವಂತ ಕರಿಲಿವಸ ತೆ ಬರೊಕ್ಹಾಕ್ಹು ಜಿವ್ನಾ ಕರಸ"

ರೊಮಾಪೂರ 5:13

ಮೊಶೆನಾ ಧರಮಶಾಸ್ತ್ರತಿ ಅಗ್ದುರಜ಼ ಜಗತ್ಮಾ ಪಾಪ ವ್ಹತ್ತು. ತೆನೈಸೊ ಧರಮಶಾಸ್ತ್ರ ನೈ ರ‍್ಹವತ್ತೊ, ಕಿನುಜ಼ ಪಾಪ ಮೊಜಾ಼ನೆ ಥಾತು ನ್ಹೊತು.

1 ಕೊರಿಂಥ 15:56

ಮೌತನಿ ಕೊಂಡಿ ಪಾಪಜ಼ ವ್ಹೈ; ಪಾಪನಿ ತಾಕತನಿ ಆದಾರ ಧರ್ಮ ಶಾಸ್ತ್ರನಾ ವಿಧಿಯೊಜ಼ ವ್ಹೈ.

ಗಲಾತ್ಯ 3:10

ತೆನೈಸೊ ನಿಂತಿವಂತವಾಲಾ ಥಾವಾನೆ ಧರಮಶಾಸ್ತ್ರಪರ ಬರೊಕ್ಹೊ ಮ್ಹೆಲಲವಾಲಾವೊನೆ ಕ್ಹರಾಪ ಹೊಂದಿಲಿದಲವಾಲಾ ಥಯಾಸ. ಕಾಕದ್ಯಾಮ ಪವಿತ್ರ ಗ್ರಂಥ ಕದಲ ತಿಮ್ಮ"ಧರಮ ಶಾಸ್ತ್ರಮಾ ಬರ್ದಲ ಕ್ಹಾರಾ ನಿಯಮೊ ಕೈದಿಲಿನ ಚಾ಼ಲು. ತ್ಯುನೊನೆ ಕೆಳಾಮಾಜ಼ ಅವಿಧೆಯ ಥಾವಾಲಾನೆ ಕ್ಹರಾಪ ಹೊಂದಿಲಿದಲವಾಲಾ ಥಾವಸ.

ಗಲಾತ್ಯ 3:19

ತಿಮ್ಮ ರ‍್ಹಯುಮ ಧರಮಶಾಸ್ತ್ರ ರ‍್ಹಯಲ ಶಾನಾಹುತಿ ವ್ಹೈ? ಮನಕ್ಹೊನು ತಪ್ಪ ದೆಕಾಡಾನಾಹುತಿ ಧರಮಶಾಸ್ತ್ರ ದಿದ್ಯಾ. ಅಬ್ರಹಾನಮೊ ಖಾಸ ದಿಕ್ರೊ ಆಯೆಲಕ್ಕಾ ಧರಮಶಾಸ್ತ್ರ ವ್ಹತ್ತು. ಎ ಸಂತಾನಾ (ಯೆಸು) ಹುತಿ ಕ್ಹುದಾ ವಗ್ದಾನ ( ವಾತ ದಿವಾನು) ಕರ‍್ಯೊತೊ. ಧರಮಶಾಸ್ತ್ರ ದೆವ ದುತೊನಾ ಮುಲಕ ದಿದ್ಯಾ. ಮನಕ್ಹೊನೆ ಧರಮಶಾಸ್ತ್ರ ದಿವಾನಾ ಹುತಿ ದೆವದುತೊ ಮೊಶೆನೆ ಉಪಯೊಗ ಕರ‍್ಯಾ.

ಎಫೆಸ 5:6

ಕ್ಹರಿ ನೈ ರ‍್ಹಯಲ ಸಂಗತಿಯೊ ಕೈನ ತುಮೊನೆ ಮೊಸ ಕರಾನೆ ಕಿನೆಜ಼ ಮೌಕೊ ದಿವೊ ನಕೊ. ತೆ ಸಂಗತಿಯೊನಾ ಮುಲಕ ಕ್ಹುದಾನಿ ಶಿಟ್ಟ ತಿನೆ ವಿಧೆಯ ನೈ ಥಾವಾಲಾ ಮನಕ್ಹೊನಾ ಉಪ್ಪರ ಆವಸ.

ಕೊಲೆಸ್ಸೆ 3:6

ಆ ಪುರಾ ಪಾಪೊನಾ ಹುತಿ ಕ್ಹುದಾನಿ ವಾತ ನೈ ಐಕಾಲಾ ಕ್ಹುದಾನಿ ಶಿಟ್ಟ ಇವ್ನೊಪರ ಆವಸ.

1 ಯೊಹಾನ 3:4

ಪಾಪ ಕರಾಲೊ ಕ್ಹುದಾನಿಯೊ ಆಗನ್ಯಾ ದಾಟಿನ ಜಾ಼ವಲೊ ಥಾವಸ. ಹೊ ಪಾಪ ಕರಾನು ವರಿ ಕ್ಹುದಾನಿಯೊ ಆಗನ್ಯಾನೆ ವಿರುದ್ದ ಕರಾಲೊಬಿ ತ್ಯುನೊನೆ ಸುಜ಼ ಫರಕ ನ್ಹವೈ.

ಪ್ರಕಟನೆ 19:15

ಘೊಡಾಪರ ಬೈಟಲವಾಲಾನಾ ಮ್ಹೊಡಾಮಾ ಧಾರ ರ‍್ಹಯಲ ಯಕ್ಕ ತಲ್ವಾರ ಭಾರಿ ಆವಾಡಿತಿ. ತೆ ಲ್ಹೊಡಾನಿ ಬಾರ ಕ್ಹು ಜನಾಂಗೊನೆ ಆಳಸ. ತೆ ಕ್ಹಾರಾವೊತಿ ತಾಕತವರ ಥಯಲ ಕ್ಹುದಾನಿ ಶಿಟ್ಟ ದ್ರಾಕ್ಕಷಿಯೊನೆ ಚಿಕ್ಕಲಲ ಲಿಂಗತ ಚಿಕ್ಕಲಿ ಪಾಡಸ.