ರೊಮಾಪೂರ 3:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ಇಮ್ಮ ರ‍್ಹತಾಮಾ,ಹಮೆ ಲಾಸ್ಟಮಾ ಸು ಕೈಯೆ? ಯಹುದ್ಯೊ ಥಯಲ ಅಪೆ ಬಿಜಾ಼ವೊತಿ ಚೊ಼ಕಾ ವ್ಹೈ ಸು? ನ್ಹವೈ! ಯಹುದಿಯೊನೆ ಯಹುದ್ಯೊ ನೈಸೊವಾಲಾ ಪಾಪಮಾ ಛೆ ಕೈನ ತೆಳಾಮಾಜ಼ ದೆಕಾಡಿನ ದಿದ್ಯೊಸ.

ರೊಮಾಪೂರ 3:9 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 7:39

ಯೆಸುನೆ ತಿನಾ ಘರೆ ಖಾವಾನೆ ಬಲಾಯಲ ಫರಿಸಾಯರ ಎ ಕ್ಹಾರು ದೆಕಿನ ತಿನಾ ಮನಸ್ಮಾ"ಯೆಸು ಪ್ರವಾದಿ ರ‍್ಹಯಲ ರ‍್ಹಯೊಮ, ತಿನೆ ಮುಟ್ಟಾಲಿ ತೆ ಹೆಣ ಮನಕ್ಹನೆ ಪಾಪಿ ವ್ಹೈ ಕೈನ ತಿಳದಿಲೆತೊತೊ "ಕೈನ ಕೈಲಿದ್ಯೊ.

ರೊಮಾಪೂರ 1:18

ಕ್ಹುದಾನಿ ಶಿಟ್ಟ ಸ್ವರಗತಿ ದಿಕ್ಹಿನ ಆವಸ. ಮನಕ್ಹೊ ಕ್ಹುದಾನಾ ವಿರುದ್ದ ಕರಾನಾ ಕೆಟ್ಟ ಕಾಮೊ ವರಿ ದುಶಕೃತ್ಯನಾ ಹುತಿ ಕ್ಹುದಾ ಶಿಟ್ಟ ಥಯೊಸ. ತ್ಯುನೊನೆ ಕ್ಹರಿ ಸುವೈ ಕವಾನು ಗ್ವತ್ತ ಥಯುಸ, ತೆನೈಸೊ ತ್ಯುನಾ ಕೆಟ್ಟ ಕಾಮೊಜ಼ ಕ್ಹರಿ ಕವಾನು ಝಾಕಿ ಪಾಡಸ.

ರೊಮಾಪೂರ 11:32

ಕಾಕದ್ಯಾಮ ಕ್ಹಾರಾ ಜ಼ನಾ ಕ್ಹುದಾನೆ ವಿಧೆಯ ಥಯಾ ನೈ. ಕ್ಹುದಾ ಕ್ಹಾರಾವೊನೆ ಮರಗಾ ದೆಕಾಡು ಕೈನ ಕ್ಹಾರಾವೊನೆ ಮಳೈನ ಅವಿಧೆಯ ಕ್ಹು ಭಾಂದ್ಯೊಸ.

ರೊಮಾಪೂರ 11:7

ಇನಾಕ್ಹು ತಿಳದಿಲಿವಾನು ಸುವೈ? ಇಸ್ರೆಲೊ ಹುಡ್ಕಲ ತ್ಯುನೊನೆ ಮಳ್ಯು ನೈ, ತ್ಯುನೊಮಾ ಇನಿಲಿದಲವಾಲಾವೊನೆ ಮಳ್ಯು. ಬಿಜಾ಼-ಜ಼ನಾ ಪಿಸಾಳಾ ಥಯಾ.

ರೊಮಾಪೂರ 2:1

"ಬಿಜಾ಼ ಮನಕ್ಹೊನೆ ಫೈಸಲೊ ಕರಿಯೆಸ "ಕೈನ ತುಮಾರಿ ವಿಷಯಮಾ ವಿಚಾರ ಕರೊ ನಕೊ. ಕಾಕದ್ಯಾಮ ತುಮೆಬಿ ಪಾಪ ಕರಿನ ಅಪರಾದಿಯೊ ಥಯಾಸ. ತುಮೆ ತೆ ಮನಕ್ಹೊನೆ ಫೈಸಲೊ ಕರೊಶಿ. ತೆನೈಸೊ ತೆಜ಼ ಕಾಮೊ ತುಮೆ ಕರೊಶಿ. ತಿನಾಹುತಿ ತುಮೆ ತ್ಯುನೊನೆ ಫೈಸಲೊ ಕರತಾಮಾ, ಕ್ಹರಿಮಾಜ಼ ತುಮೊನೆಜ಼ ಫೈಸಲೊ ಕರಿಲಿವಾಲಾ ಥಾವೊಸಿ.

ರೊಮಾಪೂರ 3:1

ಇಮ್ಮ ರ‍್ಹಯುಮ ಯೆಹುದಿ ಥೈನ ರ‍್ಹವಾನು ಫೈದೊ ಸುವೈ? ಸುನ್ನತಿ ಕರೈಲಿದಲ ವಾಲಾವೊಮಾ ಸುಬಿ ಫೈದೊ ಛೆಸು?

ರೊಮಾಪೂರ 3:19

ಹಮೊನೆ ಹಮ್ನಾ ಗ್ವತ್ತ ಛೆ ನಿಯೊಮೊಮಾ ಸು ಕದ್ಯಾಸ. ಎ ನಿಯಮೊನಾ ಅದಿನಮಾ ಕುನ ಛೆ ತಿನೆ ತ್ಯುನೊನೆ ಧರಮಶಾಸ್ತ್ರನೆ ಅದಿನ ಥೈನ ರ‍್ಹವಾಲಾ ತ್ಯುನಾ ವಿಷಯಮಾ ಧರಮಶಾಸ್ತ್ರ ಎ ಸಂಗತಿಯೊ ಕವಾಡ್ಯುಸ. ಇನಾಹುತಿ ಹರಯಕ್ಕ ಮ್ಹೊಡು ಭಂದೈನ ವರಿ ಕ್ಹಾರಿ ಜಗತ್ತ ಕ್ಹುದಾನಿ ನ್ಯಾಯನಾ ಫೈಸ್ಲಾನೆ ಯೊಗ್ಯ ವ್ಹೈ ಕೈನ ದಿಕ್ಹಸ.

ರೊಮಾಪೂರ 3:5

ಕ್ಹುದಾ ಕ್ಹರಿಕ್ಹು ರ‍್ಹವಾಲೊ ವ್ಹೈ ಕೈನ ಅಪೆ ಹಗ್ಲೆಲ್ಲಾ ಕರಾನಾ ತಪ್ಪೊ ದೆಕಾಡಿನ ದಿವಸ. ಇಮ್ಮ ರ‍್ಹಯೊತಬಿ ಕ್ಹುದಾ ಅಪೊನೆ ಶಿಕ್ಷಾ ದೆತಾಮಾ, ತೆ ಅನ್ಯಾಯ ಕರಾಡ್ಯೊಸ ಕೈನ ಅಪೆ ಕವಾನೆ ಥಾವಸ್ಸು? ಕ್ಹುದಾ ತಿನಿ ಶಿಟ್ಟ ಅಪ್ನೊಪರ ಲೈನ ಅನ್ಯಾಯ ಕರಸು?

ರೊಮಾಪೂರ 6:15

ಇಮ್ಮ ರ‍್ಹತಾಮಾ ಹಮೆ ಸು ಕರಿಯೆ? ಅಪೆ ಧರಮಶಾಸ್ತ್ರನೆ ಅದಿನಮಾ ರ‍್ಹಯಾವಾಚಿ಼ ಕ್ಹುದಾನಿ ಮರಗಾನಿ ಅದಿನಮಾ ರ‍್ಹಯಲ ಹುತಿ ಪಾಪ ಕರುಸು? ಕ್ಹರಿಜ಼ ನೈ!

ರೊಮಾಪೂರ 7:14

ಧರಮಶಾಸ್ತ್ರ ಆತ್ಮಿಕ ರ‍್ಹಯಲ ವ್ಹೈ ಕೈನ ಅಪೊನೆ ಗ್ವತ್ತ ಛೆ. ತೆನೈಸೊ ಮಿ ಶಾರಿರಿಕ ಮನಕ್ಹ ವ್ಹೈ. ಮಿ ಪಾಪನೆ ಇಕ್ಕಲ ಗುಲಾಮ ವೈಸು ಕೈನ ಪಾಪ ಮಪರ ರಾಜ಼ ಕರಾಡ್ಯುಸ.

1 ಕೊರಿಂಥ 10:19

ಇಮ್ಮ ಮಿ ಕತಾಮಾ ಮುರತಿಯೊನೆ ಚ಼ಡಾವಾನೆ ಕರಲ ಅನ್ನ ಖಾಸ ವ್ಹೈ ನೈತೊ ಮುರತಿಜ಼ ಖಾಸ ವ್ಹೈ ಕೈನ ಮಿ ಕವಾನು ಮತ್ಲಬ ವ್ಹೈಸು? ಕಯುಜ಼ ನ್ಹವೈ,

1 ಕೊರಿಂಥ 14:15

ತಿನಾಹುತಿ ಮಿ ಸು ಕರು? ಮಾರಿ ಆತ್ಮಕ್ಹು ಮನಸ್ಸಕ್ಹು ಪ್ರಾಥನಾ ಕರುಸ. ಮಾರಿ ಜ಼ಲಮನಿ ಆತ್ಮಾನಾ ಕ್ಹಾತೆ ಮನಸ್ಸನಾ ಕ್ಹಾತೆ ಗಿದ್ದ ಕೌಸ.

1 ಕೊರಿಂಥ 4:7

ತುಮೊನೆ ಬಿಜಾ಼ ಮನಕ್ಹೊ ತಿಬಿ ಚೊ಼ಕಾ ಕೈನ ಕುನ್ ಕವಸ? ತುಮೊಕನ ರ‍್ಹವಾನು ಹರಯಕ್ಕ ಕ್ಹುದಾಜ಼ ತುಮೊನೆ ದಿದ್ಯೊಸ. ಇಮ್ಮ ರ‍್ಹತಾಮಾ, ತುಮಾರಾ ಸ್ವಂತ ತಾಕತಕ್ಹು ತೆ ಕ್ಹಾರು ಪಡ್ದಿಲಿದ್ಯಾಸ ಕೈನ ಕಾ ಜಂಬಾ ಕೊಚ್ಚಿಲಿವೊಶಿ? ತುಮೊಕನ ರ‍್ಹಯಲ ಕ್ಹಾರುಜ಼ ತೆ ದಿದಲ ದಾನ ನ್ಹವೈ ಸು?

ಗಲಾತ್ಯ 3:10

ತೆನೈಸೊ ನಿಂತಿವಂತವಾಲಾ ಥಾವಾನೆ ಧರಮಶಾಸ್ತ್ರಪರ ಬರೊಕ್ಹೊ ಮ್ಹೆಲಲವಾಲಾವೊನೆ ಕ್ಹರಾಪ ಹೊಂದಿಲಿದಲವಾಲಾ ಥಯಾಸ. ಕಾಕದ್ಯಾಮ ಪವಿತ್ರ ಗ್ರಂಥ ಕದಲ ತಿಮ್ಮ"ಧರಮ ಶಾಸ್ತ್ರಮಾ ಬರ್ದಲ ಕ್ಹಾರಾ ನಿಯಮೊ ಕೈದಿಲಿನ ಚಾ಼ಲು. ತ್ಯುನೊನೆ ಕೆಳಾಮಾಜ಼ ಅವಿಧೆಯ ಥಾವಾಲಾನೆ ಕ್ಹರಾಪ ಹೊಂದಿಲಿದಲವಾಲಾ ಥಾವಸ.

ಗಲಾತ್ಯ 3:22

ತೆನೈಸೊ ಎ ಕ್ಹರಿ ನ್ಹವೈ. ಕಾಕದ್ಯಾಮ ಕ್ಹಾರುಜ಼ ಪಾಪಮಾ ಪಡ್ಯುಸ. ಕೈನ ಪವಿತ್ರ ಗ್ರಂಥ ದೆಕಾಡಿನ ದಿವಸ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಲಾವೊನೆ ತ್ಯುನೊ ಬರೊಕ್ಹಾ ಆದಾರ ಥಯ್ಯುಸ. ವಾಗ್ದನಿ ಫಲಾ ಮಳು ಕೈನ ಪವಿತ್ರ ಗ್ರಂಥ ದೆಕಾಡಿನ ದಿದ್ಯುಸ.

ಫಿಲಿಪ್ಪಿ 1:18

ಕಿಮ್ಮೆಬಿ ಥಯುತಬಿ ಸು? ಕಿಮ್ಮೆಬಿ ರ‍್ಹೈನಕಾ ಕಯಾ ತರಿಕಾ ಕ್ಹುಬಿ ರ‍್ಹೈನಕಾ ಮಶಕರಿಮಾ ರ‍್ಹೈನಕಾ ಕ್ಹರಿಕ್ಹು ರ‍್ಹೈನಕಾ ಕಿಮ್ಮೆಬಿ ಕ್ರಿಸ್ತನಾ ವಿಷಯ ಕ್ಹಾರಿ ಜ಼ಗಾ ಗೊತ್ತ ಥಯಾರೆ ಅನಾಹುತಿ ಮಿ ಖುಶಿ ಥೌಸ ಆಗೊಬಿ ಖುಶಿ ಥೌಸ.