ರೊಮಾಪೂರ 3:23 - ಕ್ಹುದಾನಿ ಕ್ಹರಿನಿ ವಾಕ್ಯಾ

²³ ವರಿಬಿ ಕ್ಹಾರಾ ಮನಕ್ಹೊ ಪಾಪ ಕರಿನ ಕ್ಹುದಾನಿ ಮಹಿಮಾ ದೆಕ್ಯಾವಾಚಿ ಛೆ.

ರೊಮಾಪೂರ 3:23 ပူးပေါင်းရင်းမြစ်များ

ರೊಮಾಪೂರ 1:28

ಕ್ಹುದಾನು ಕ್ಹರಿನು ಗ್ಯಾನ ಹೊಂದಿಲಿವಾನೆ ವಪ್ಪಿಲಿದ್ಯಾ ನೈ ತ್ಯುನೊನೆ ಕ್ಹುದಾ ತ್ಯುನೊನೆ ತ್ಯುನಾ ಅಯೊಗ್ಯ ಮನಸನೆ ವಪ್ಸಿನ ದಿದ್ಯೊ. ತಿನಾಹುತಿ ತ್ಯುನೆ ನೈಸೊ ಕರಾನಾ ಕಾಮೊ ಕರಸ.

ರೊಮಾಪೂರ 11:32

ಕಾಕದ್ಯಾಮ ಕ್ಹಾರಾ ಜ಼ನಾ ಕ್ಹುದಾನೆ ವಿಧೆಯ ಥಯಾ ನೈ. ಕ್ಹುದಾ ಕ್ಹಾರಾವೊನೆ ಮರಗಾ ದೆಕಾಡು ಕೈನ ಕ್ಹಾರಾವೊನೆ ಮಳೈನ ಅವಿಧೆಯ ಕ್ಹು ಭಾಂದ್ಯೊಸ.

ರೊಮಾಪೂರ 3:19

ಹಮೊನೆ ಹಮ್ನಾ ಗ್ವತ್ತ ಛೆ ನಿಯೊಮೊಮಾ ಸು ಕದ್ಯಾಸ. ಎ ನಿಯಮೊನಾ ಅದಿನಮಾ ಕುನ ಛೆ ತಿನೆ ತ್ಯುನೊನೆ ಧರಮಶಾಸ್ತ್ರನೆ ಅದಿನ ಥೈನ ರ‍್ಹವಾಲಾ ತ್ಯುನಾ ವಿಷಯಮಾ ಧರಮಶಾಸ್ತ್ರ ಎ ಸಂಗತಿಯೊ ಕವಾಡ್ಯುಸ. ಇನಾಹುತಿ ಹರಯಕ್ಕ ಮ್ಹೊಡು ಭಂದೈನ ವರಿ ಕ್ಹಾರಿ ಜಗತ್ತ ಕ್ಹುದಾನಿ ನ್ಯಾಯನಾ ಫೈಸ್ಲಾನೆ ಯೊಗ್ಯ ವ್ಹೈ ಕೈನ ದಿಕ್ಹಸ.

ರೊಮಾಪೂರ 3:9

ಇಮ್ಮ ರ‍್ಹತಾಮಾ,ಹಮೆ ಲಾಸ್ಟಮಾ ಸು ಕೈಯೆ? ಯಹುದ್ಯೊ ಥಯಲ ಅಪೆ ಬಿಜಾ಼ವೊತಿ ಚೊ಼ಕಾ ವ್ಹೈ ಸು? ನ್ಹವೈ! ಯಹುದಿಯೊನೆ ಯಹುದ್ಯೊ ನೈಸೊವಾಲಾ ಪಾಪಮಾ ಛೆ ಕೈನ ತೆಳಾಮಾಜ಼ ದೆಕಾಡಿನ ದಿದ್ಯೊಸ.

ರೊಮಾಪೂರ 5:2

ಹಮ್ನಾ ಅಪೆ ಕ್ಹುಶಿ ಕರತಾ ರ‍್ಹಯಲ ಕ್ಹುದಾನಿ ಮರಗಾ ಕ್ಹು ಕ್ರಿಸ್ತಜ಼ ಅಪೊನೆ ಅಪ್ನೊ ಬರೊಕ್ಹಾನಾ ಮುಲಕ ಲಾಯೊಸ. ಕ್ಹುದಾನಿ ಮಹಿಮಾ ಹೊಂದಿಲಿಯೆಸ ಕವಾನು ಆಸ ಅಪೊನೆ ರ‍್ಹಯಲ ಹುತಿ ಅಪೆ ಬರೊಕ್ಹಾನಿ ಘಮಂಡಿ ಕ್ಹು ಛೆ.

ಗಲಾತ್ಯ 3:22

ತೆನೈಸೊ ಎ ಕ್ಹರಿ ನ್ಹವೈ. ಕಾಕದ್ಯಾಮ ಕ್ಹಾರುಜ಼ ಪಾಪಮಾ ಪಡ್ಯುಸ. ಕೈನ ಪವಿತ್ರ ಗ್ರಂಥ ದೆಕಾಡಿನ ದಿವಸ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಲಾವೊನೆ ತ್ಯುನೊ ಬರೊಕ್ಹಾ ಆದಾರ ಥಯ್ಯುಸ. ವಾಗ್ದನಿ ಫಲಾ ಮಳು ಕೈನ ಪವಿತ್ರ ಗ್ರಂಥ ದೆಕಾಡಿನ ದಿದ್ಯುಸ.

1 ಥೆಸಲೊನಿಕ 2:12

ಹಮೆ ತುಮೊನೆ ಪ್ರೊತ್ಸಾಹಿತ ಕರ‍್ಯಾ ವರಿ ತುಮೊನೆ ಮಯಾ ಕರ‍್ಯಾ. ವರಿ ಹಮೆ ತಮನೊನೆ ವಿಂತಿ ಕರ‍್ಯಾ ತುಮೊನೆ ತಿನಿ ರಾಜ್ಯನೆ ವರಿ ಮಹಿಮಾನೆ ಬಲಾಯಲ ಕ್ಹುದಾನಾ ಹುತಿ ಯೊಗ್ಯ ರ‍್ಹಯಲ ಜಿವ್ನಾ ಕರೊ ಕೈನ ತುಮೊನೆ ಕದ್ಯಾ. ತೆ ತುಮೊನೆ ತಿನಿ ರಾಜ್ಯಮ್ಮಾ ವರಿ ಮಹಿಮಾ ಪಾಲ ಲಿವಾನೆ ಬಲಾಯಾಸ.

2 ಥೆಸಲೊನಿಕ 2:14

ತುಮೆ ರಕ್ಷಣೆನೆ ಹೊಂದಿಲಿದಲ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಮಹಿಮಾನಿ ಪಾಲ ಲಿವಾಲಾ ಥಾವೊ ಕೈನ, ಹಮೆ ಕದಲ ಸುವಾರ್ತೆನಾ ಮುಲಕ ಕ್ಹುದಾ ತುಮೊನೆ ಬಲಾಯೊಸ.

ಇಬ್ರಿಯ 4:1

ಇಮ್ಮ ರ‍್ಹತಾಮಾ, ಕ್ಹುದಾ ತೆ ಮನಕ್ಹೊನೆ ದಿದಲ ವಾಗ್ದಾನ ಅಪೊಮಾ ಹಜು಼ನಬಿ ಛೆ. ಅಪೆ ಕ್ಹುದಾನಾ ಸಮಾಧಾನಮಾ ಜೌ಼ ಕವಾನುಜ಼ ತೆ ವಾಗ್ದಾನ ವ್ಹೈ. ತಿನಾಹುತಿ ಅಪ್ನೊಮಾ ಕುನ್ನಜ಼ ತೆ ವಾಗ್ದಾನನು ಫಲ ಲಿವಾಮಾ ನಾಕಾಮಿಯಾಬ ಥಯೆನೈಸೊ ಘನ್ನಾ ಹುಶಾರಕ್ಹು ರ‍್ಹಯೆ.

1 ಪೆತ್ರಾ 4:13

ತೆನೈಸೊ ತುಮೆ ಕ್ರಿಸ್ತನೊ ತ್ರಾಸ ವಾಟಿಲಿವಾಡ್ಯಾಸ ಕೈನ ತುಮೆ ಖುಶಿಕ್ಹು ರ‍್ಹವೊ. ಕ್ರಿಸ್ತ ತಿನಿ ಮಹಿಮಾ ದೆಕಾಡಾನಾ ಹುತಿ ತುಮೆ ಖುಶಿ ಕರೊಶಿ.

1 ಪೆತ್ರಾ 5:1

ತುಮಾರಿ ಸಬೆಮಾ ಮ್ಹೊಟಾ ರ‍್ಹಯಲವಾಲಾವೊನಾ ಮಿ ದಕ್ಹಿಯೊ ವಾತೊ ಕೌ ಕೈನ ಛೆ. ಮಿ ಯಕ್ಲೊ ಮ್ಹೊಟೊ ಥಯೊಸ. ಮಿ ಕ್ರಿಸ್ತನೆ ತ್ರಾಸ ದಿವಾನು ಡೊಳೆ ದೆಕ್ಯೊಸ. ಹಮೊನೆ ದಿಕ್ಹಾನಾ ಟೈಮ್ಮಾ ಮಿ ತಿಮಾ ಭಾಗಿದಾರ ಥಯೊಸ.

1 ಪೆತ್ರಾ 5:10

ಹೊ, ತುಮೆ ದಕ್ಹಾಜ಼಼ ದಿನ್ನ ತ್ರಾಸ ಖಾವೊಸಿ, ತೆ ಥಯಲಪರ ಕ್ಹುದಾ ಕ್ಹಾರು ಕರೆಟ್ಟ ಕರಸ. ತೆ ತುಮೊನೆ ತಾಕತ ದಿವಸ. ತುಮೆ ಹೆಟಾ ಪಡೆನೈಸೊ ತೆ ತುಮೊನೆ ಅಸ್ರೊ ಥೈನ ರ‍್ಹವಸ. ಕ್ಹಾರಾವೊನೆ ಮರಗಾ ದೆಕಾಡಾಲೊ ಕ್ಹುದಾ ತೆಜ಼ ವ್ಹೈ. ತಿನಾ ತಾಕತಮಾ ಪಾಲ ಲಿವಾಲಾ ಕ್ರಿಸ್ತಜ಼ ತುಮೊನೆ ಬಲಾಯೊ. ತೆ ತಾಕತ ಹಮೆಶಾ ರ‍್ಹಯಲ ವ್ಹೈ.