ರೊಮಾಪೂರ 3:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ತೆನೈಸೊ ಹಮ್ನಾ ಕ್ಹುದಾ ಧರಮಶಾಸ್ತ್ರ ನೈಸೊಜ಼ ಮನಕ್ಹೊನೆ ಕ್ಹುದಾ ನಿತಿವಂತವಾಲಾ ಥಾವಾ ಹುತಿ ವಾಟ ದೆಕಾಡಿನ ದಿದ್ಯೊಸ. ಎನೈಸೊ ಎ ವಾತನಿ ಸಾಕ್ಷಿ ಮೊಶೆನು ಧರಮಶಾಸ್ತ್ರ ವರಿ ಪ್ರವಾದಿಯೊ ದಿದ್ಯಾಸ.

ರೊಮಾಪೂರ 3:21 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 24:44

ಯೆಸು ತ್ಯುನೊನೆ ಮಿ ತುಮಾರಾ ಕ್ಹಾತೆ ರ‍್ಹಯಲ ಶೆಕರಿಲಿವೊ. ಮಾರಿ ವಿಷಯಮಾ ಮೊಶೆನು ಧರಮಶಾಸ್ತ್ರಮಾ ಪ್ರವಾದಿಯೊನಾ ಗ್ರಂಥಮಾ, ಕಿರತನೆಮಾ ಬರ್ದಲ ಹರಿ ಯಕ್ಕ ಸಂಗತಿಯೊ ಪುರಾ ಥೌ ಕೈನ ಮಿ "ಕದ್ಯೊ.

ಯೊಹಾನ 1:45

ಫಿಲಿಪ್ಪ ನತಾನಿಯೆಲನೆ ಮಳಿನ ತಿನೆ"ಕಿನಾಹುತಿ ಮೊಶೆ ಧರಮಶಾಸ್ತ್ರಮಾ ಬರ್ದ್ಯೊ ವರಿ ಪ್ರವಾದಿಯೊ ಬರ್ದ್ಯಾ, ತೆ ಹಮೊನೆ ಮಳ್ಯೊಸ. ತೆ ಯೊಸೆಫನೊ ದಿಕ್ರೊ ಯೆಸು ನಜರೆತವಾಲೊ ವ್ಹೈ ಕೈನ ಕದ್ಯೊ.

ಅಪೊಸ್ತಲೊ 10:43

ಯೆಸು ಪರ ಬರೊಕ್ಹೊ ಮ್ಹೆಲಾಲಾ ಹರಯಕ್ಕನಾ ಪಾಪೊ ತಿನಾ ನಾಮನಾ ಮುಲಕ ಮಾಫ ಕರಸ. ಎ ಕ್ಹರಿಜ಼ ವ್ಹೈ ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.

ಅಪೊಸ್ತಲೊ 15:11

ತಿನಾಹುತಿ ಹಮೆ ರ‍್ಹಂದೆ ತ್ಯುನಾಹುತಿ ರಕ್ಷಣೆ ಹೊಂದಾನಾ ಹುತಿ ಪ್ರಭು ಥಯಲ ಯೆಸುನಾ ಮರಗಾಕ್ಹು ಕೈನ ಹಮೆ ನಂಬ್ಯೆಸ! ಕದ್ಯೊ.

ಅಪೊಸ್ತಲೊ 26:22

ತೆಳಾಮಾ ಕ್ಹುದಾ ಮನೆ ಮದತ ಕರ‍್ಯೊ. ತೆ ಹಮನಾತೊ ಹಮನೊನೆ ಮದತ ಕರಾಡ್ಯೊಸ. ತಿನಾಹುತಿ ಹಮ್ನಾ ಯ್ಹಾ ಹುಬರಯೊತೊ ವರಿ ಮಿ ದೆಕೆಲ ಸಂಗತಿಯೊನಾ ಹುತಿ ಮನಕ್ಹೊನೆ ಸಾಕ್ಷಿ ಕವಾಡೊತೊ. ತಿನಾಹುತಿ ಮಿ ಕೈಜ಼ ನವು ಕದೆವಾಚಿ, ಮೊಶೆ ವರಿ ಪ್ರವಾದಿಯೊನಾ ಕ್ಹಾಮೊ ನೆರವೆರಸ ಕೈನ ಕದಲ ಸಂಗತಿಯೊ ಕತೊವ್ಹತ್ತೊ.

ಅಪೊಸ್ತಲೊ 28:23

ತ್ಯುನೆ ತಿನೆ ಯಕ್ಕದಿನ್ನ ಪೌಲಾ ಗ್ವತ್ತ ಕರಾಯಲಕ್ಹು, ಘನ್ನಾ ಜ಼ನಾ ತಿನಾ ಝುಪ್ಡಾಮಾ ತಿಕನ ಆಯಾ. ತೆ ಪಾಟತೊ ಧರಿನ ಕ್ಹಾಂಜ ಮಟಾ ಕ್ಹುದಾನಾ ರಾಜ್ಯನಾ ಹುತಿ ಕ್ಹರಿಮ್ಮಾಜ಼ ಸಾಕ್ಷಿ ಕೈನ ಮೊಶೆನಾ ಧರಮಶಾಸ್ತ್ರನೆ ಪ್ರವಾದಿಯೊನಾ ಗ್ರಂಥತೊನೆ ಆದಾರ ಕರಲಿನ ಯೆಸುನಾ ವಿಷಯಮಾ ತ್ಯುನೊನೆ ಕತೊ ವ್ಹತ್ತೊ.

ರೊಮಾಪೂರ 1:17

ಕಾಕದ್ಯಾಮ ಸುವಾರ್ತೆ ಎ ದೆಕಾಡಿನ ದಿವಸ ಕ್ಹುದಾ ಮನಕ್ಹನೆ ತಿನಾ ಕ್ಹಾತೆ ನಿತಿವಂತ ಥೈನ ಇಮ್ಮ ಕರಸ ಎ ಪೈಲಾತು ಲಾಸ್ಟ ಲಕ್ಕಾ ಬರೊಕ್ಹಾಕ್ಹು ಥಾವಸ. ಇನಾ ಲಿಂಗತ ಪವಿತ್ರ ಗ್ರಂಥ ಕವಸ; "ಕಯೊ ಮನಕ್ಹ ಕ್ಹುದಾನಾ ಕ್ಹಾಮೊ ತಿನಾಕ್ಹು ತಿನೆಜ ನಿತಿವಂತ ಕರಿಲಿವಸ ತೆ ಬರೊಕ್ಹಾಕ್ಹು ಜಿವ್ನಾ ಕರಸ"

ರೊಮಾಪೂರ 1:2

ಕ್ಹುದಾ ತಿನಾ ಮನಕ್ಹೊಕನ ಎ ಸುವಾರ್ತೆ ದಿವಾನಾ ಹುತಿ ಘನ್ನಾ ದಿನ್ನ ಪಾಚೊ಼ಜ಼ ವಾತ ದಿದಲ ತಿಮ್ಮ ತಿನಾ ಪ್ರವಾದಿಯೊನಾ ಮುಲಕ ಪವಿತ್ರ ಗ್ರಂಥಮಾ ಬರ್ದಲ ಛೆ.

ರೊಮಾಪೂರ 16:26

ತೆನೈಸೊ ರಹಸ್ಯ ರ‍್ಹಯಲ ತೆ ಸತ್ಯನೆ ಹಮ್ನಾ ತುಮೊನೆ ದೆಕಾಡ್ಯಾಸ. ವರಿ ತೆ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಆಜ್ಞಾ ಕರಲ ಎಜ಼ ವ್ಹೈ. ಕ್ಹಾರಾ ಮನಕ್ಹೊ ಬರೊಕ್ಹೊ ಕರಿನ ಕ್ಹುದಾನೆ ವಿಧೆಯ ಥೌ ಕೈನ ರಹಸ್ಯ ರ‍್ಹಯಲ ಎ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಹರ ಹಮೆಶಾ ಜಿವ್ತೊ ರ‍್ಹವಸ.

ರೊಮಾಪೂರ 3:28

ಲಾಸ್ಟಮಾ ಮಿ ಅಮ್ಮ ಕೌಸ ಕಯೊಬಿ ಧರಮಶಾಸ್ತ್ರನಾ ಕಾಮೊಕ್ಹು ನೈ ತೆನೈಸೊ ಬರೊಕ್ಹಾಕ್ಹುಜ಼ ತೆ ನಿತಿವಂತ ವ್ಹೈ ಕೈನ ಕವೈಲಿವಸ.

ರೊಮಾಪೂರ 5:19

ಯಕ್ಲೊ ಕ್ಹುದಾನೆ ವಾತ ದಾಟಿನ ಗಯಲ ಹುತಿ ಕ್ಹಾರಾ ಮನಕ್ಹೊ ಪಾಪಿ ಥಯಾ. ತೆನೈಸೊ ಯಕ್ಲೊ ಕ್ಹುದಾನಿ ವಾತ ಪುರಾ ಕರಲ ಹುತಿ ಕ್ಹಾರಾ ಮನಕ್ಹೊ ನಿತಿವಂತವಾಲಾ ಥಾವಸ.

ರೊಮಾಪೂರ 5:21

ಯಕ್ಕ ಕಾಲ್ಮಾ ಪಾಪ ಮರಣನಾ ಮುಲಕ ಅಪ್ನೊ ಪರ ರಾಜ಼ ಕರ‍್ಯು. ತೆನೈಸೊ ಕ್ಹುದಾ ಮನಕ್ಹೊನೆ ನಿತಿವಂತವಾಲಾ ಕರು ಕೈನ ತಿನಿ ಘನ್ನಿ ಮರಗಾ ದೆಕಾಡ್ಯೊ. ಎ ಮರಗಾ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಹಮೆಶಾನೊ ಜ಼ಲಮ ಲಾವಸ.

ರೊಮಾಪೂರ 9:30

ಇನು ಮತ್ಲಬ ಸುವೈ ಕದ್ಯಾಮ, ಯಹುದ್ಯೊ ನೈ ರ‍್ಹಯಲವಾಲಾ ನಿತಿವಂತವಾಲಾ ಥಾವಾನೆ ಕೊಶಿಶ ಕರತಾ ನ್ಹೊತಾ. ತೆನೈಸೊ ತ್ಯುನೊನೆ ನಿತಿವಂತವಾಲಾ ಥೈನ ಕರ‍್ಯೊ. ತ್ಯುನೆ ಬರೊಕ್ಹಾಕ್ಹು ನಿತಿವಂತವಾಲಾ ಥಯಾ.

1 ಕೊರಿಂಥ 1:30

ತುಮೊನೆ ಕ್ರಿಸ್ತ ಯೆಸುನಿ ಅನ್ಯುನೆತೆಮಾ ಕರಲವಾಲೊಜ಼ ಕ್ಹುದಾ ವ್ಹೈ. ಕ್ರಿಸ್ತ ತುಮಾರಾ ಹುತಿ ಕ್ಹುದಾಕ್ಹು ಆಯಲ ಗ್ಯಾನ ಥಯೊಸ. ಅಪೆ ನಿತಿವಂತ ಥಾವಾನೆ ಹುತಿ, ಪಾಪಕ್ಹು ಬಿಡುಗಡೆ ಥಾವಾನಾ ಹುತಿ ವರಿ ಪವಿತ್ರ ಥಾವಾನಾ ಹುತಿ ಕ್ರಿಸ್ತಜ಼ ಕಾರಣ ಥಯೊಸ.

2 ಕೊರಿಂಥ 3:9

ತಪ್ಪ ಕರಾಲಾನೆ ಫೈಸಲೊ ಕರಾನೆ ರ‍್ಹಯಲ ಸೆವಾಜ಼ ಮಹಿಮಾಕ್ಹು ಭರಲ ರ‍್ಹಯಾರೆ ಆ ನಿತಿನಿ ಸೆವಾ ಹಜು಼ನ ಕೆಕ್ಲಿಕಿ ಮಹಿಮಾಕ್ಹು ಭರಲ ರ‍್ಹೌ?

2 ಕೊರಿಂಥ 5:21

ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ‍್ಯೊ.

ಗಲಾತ್ಯ 3:8

ಕ್ಹುದಾ ಯಹುದ್ಯೊ ನೈ ರ‍್ಹಯಲವಾಲಾ ತ್ಯುನೊ ಬರೊಕ್ಹಾನಾ ಹುತಿ ನಿತಿವಂತವಾಲಾ ವ್ಹೈ ಕೈನ ಕರಸ" ಅಬ್ರಹಾಮ, ತಾರಾಕ್ಹು ಕ್ಹುದಾ ಜಿಮಿನಪರ ರ‍್ಹಯಲ ಕ್ಹಾರಾ ಮನಕ್ಹೊನೆ ಆಶಿರ್ವಾದ ದಿವಸ" ಕವಾನಿ ಸುವಾರ್ತೆ ತಿನೆ ಪೈಲಾಜ಼ ಕದ್ಯಾತಾ ಕೈನ ಪವಿತ್ರ ಗ್ರಂಥ ಕವಸ. (ಆದಿಕಾಂಡ 12-3)

ಗಲಾತ್ಯ 5:5

ತೆನೈಸೊ ಅಪೆ ಬರೊಕ್ಹಾನಾ ಮುಲಕ ನಿತಿವಂತವಾಲಾ ಥೈಯೆಸ ಕವಾನು ಆಸ ಅಪೊನೆ ಛೆ. ಕ್ಹುದಾನಿ ಆತ್ಮಾನಿ ಮದತಕ್ಹು ಎ ಆಸ ಥಾವಸ ಕೈನ ದೆಕಾಡಾಸ.

ಫಿಲಿಪ್ಪಿ 3:9

ಇಮಾ ವಿಚಾರ ಸುವೈ ಕದ್ಯಾಮ್ಮಾ, ಮಿ ಕ್ರಿಸ್ತನೆ ಕಮೈಲಿನ ಧರಮಶಾಸ್ತ್ರನೆ ಫಲ ಥೈನ ರ‍್ಹಯಲ ಕ್ಹುದನಿ ನಿತಿ ನ್ಹವೈ,ಕ್ರಿಸ್ತ ಪರ ಭರೊಕ್ಹೊ ಕರ‍್ಯಾಮ್ಮ ಕದ್ಯಾಮ್ಮಾ ಕ್ರಿಸ್ತಪರ ಫೆಲಾನಾ ಭರೊಕ್ಹೊ ಫೆಲಾನಾ ಹುತಿ ಕ್ಹುದಾ ದಿವಾನಿ ನಿತಿ ಹೊಂದಿಲಿನ ಕ್ರಿಸ್ತಮ್ಮಾ ರ‍್ಹವಾಲೊ ವ್ಹೈಜ಼.

1 ಪೆತ್ರಾ 1:10

ಪ್ರವಾದಿ ಎ ರಕ್ಷಣೆನಾ ಹುತಿ ಚೊ಼ಕಿ ತರಾ ಹುಡ್ಕಿನ ಪರಿಕ್ಷಾ ಕರಾನೆ ಕೊಶಿಶ ಕರ‍್ಯಾ. ತುಮೊನೆ ಅಗಿ ಮಳಾನಿ ಮರಗಾನೆ ಹುತಿ ತ್ಯುನೆ ಬೊಲ್ಯಾ.

2 ಪೆತ್ರಾ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಸಿಮೆಯೊನ ಪೆತ್ರಾ ಅಪ್ನಾ ಕ್ಹಾತೆ ಘನ್ನಾ ಮ್ಹೊಟಾ ಬರೊಕ್ಹಾಮಾ ರ‍್ಹಯಲ ಮನಕ್ಹೊನೆ ಬರ್ದಾನು ಪತ್ರ. ಅಪ್ನೊ ಕ್ಹುದಾ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತ ಕ್ಹರಿನೊ ರ‍್ಹಯಲ ಹುತಿ ತೆ ಬರೊಕ್ಹೊ ತುಮೊನೆ ಮಳ್ಯೊಸ. ತೆ ಯೊಗ್ಯ ರ‍್ಹಯಲಜ಼ ಕರಸ.