ರೊಮಾಪೂರ 2:27 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁷ ಯಹುದ್ಯೊ ರ‍್ಹಯಲವಾಲಾ ತುಮೊನೆ ಬರ್ದಲ ಧರಮಶಾಸ್ತ್ರ ಛೆ ವರಿ ಸುನ್ನಿತಿ ಥೈಸ. ತೆನೈಸೊ ತುಮೆ ಧರಮಶಾಸ್ತ್ರನೆ ದಾಟಿನ ಚಾ಼ಲೊಶಿ. ಇಮ್ಮ ರ‍್ಹತಾಮಾ, ಅಂಗಮಾ ಸುನ್ನಿತಿ ನೈ ಥಯಲ ರ‍್ಹೈತಬಿ ಧರಮಶಾಸ್ತ್ರನೆ ವಿಧೆಯ ಥಾವಾಲಾ ಮನಕ್ಹೊ ತುಮೊನೆ ಅಪರಾದಿ ವ್ಹೈ ಕೈನ ದೆಕಾಡಿನ ದಿವಸ. ಎ

ರೊಮಾಪೂರ 2:27 ပူးပေါင်းရင်းမြစ်များ

ಮತ್ತಾಯ 3:15

ಯೆಸು "ಹಮ್ನಾ ತು ಇನಿ ಒಪ್ಪಿಲೆ ಅಪೆ ಕಾಮೊ ಕರಾನು ಶೆ" ಕದ್ಯೊ. ತೆಳಾಮಾ ಯೊಹಾನ ಯೆಸುನೆ ಬಾಪ್ತಿಸ್ಮಾ ದಿವಾನೆ ಒಪ್ಪಿಲಿದ್ಯೊ.

ಅಪೊಸ್ತಲೊ 13:22

ಕ್ಹುದಾ ಸೌಲಾನೆ ಕಾಡಲ ಪರ ದಾವಿದನೆ ತ್ಯುನೊ ರಾಜೊ಼ ಥೈನ ಕರ್ಯೊ. ‘ಇಶಯನನೊ ದಿಕ್ರೊ ಥಯಲ ದಾವಿದ ಮನೆ ಮೆಚ್ಚಿಗೆ ಥಯಲವಾಲೊ ವ್ಹೈ. ತೆ ಮಾರಿ ಆಸ ಲಿಂಗತ ಕಾಮೊ ಕರಸ’ ಕೈನ ಕ್ಹುದಾ ತೆ ದಾವಿದನಾ ಹುತಿ ಕದ್ಯೊಸ.

ರೊಮಾಪೂರ 13:10

ಮಯಾ ಬಿಜಾ಼ ಮನಕ್ಹೊನೆ ಕೆಟ್ಟ ಕರತು ನೈ. ತಿನಾಹುತಿ ಮಯಾ ಕರಾನೆಬಿ ಕ್ಹಾರಿ ಆಗನ್ಯಾವೊನೆ ವಿಧೆಯ ಥಾವಾನೆ ಸುಜ಼ ಫರಕ ನತ್ತಿ.

ರೊಮಾಪೂರ 2:15

ತ್ಯುನಿ ಮನಸ್ಸನಾ ನಿಯಮೊ ಲಿಂಗತ ಕಯು ಕರೆಟ್ಟ ವ್ಹೈ, ಕಯು ತಪ್ಪ ವ್ಹೈ, ಕವಾನು ತ್ಯುನೆ ತ್ಯುನಾ ನಡತೆಕ್ಹು ದೆಕಾಡಿನ ದಿವಸ. ಎ ಕ್ಹರಿ ವ್ಹೈ ಕೈನ ತ್ಯುನಾ ಮನಸನಿ ಸಾಕ್ಷಿಕ್ಹು ದೆಕಾಡಿನ ದಿವಸ. ತ್ಯುನಿ ತೈಜ಼ ಗ್ಯಾನಕ್ಹು ತ್ಯುನೊನೆ ದೊಶಿ ವ್ಹೈ ಕೈನ ನೈತೊ ನಿರದೊಶಿ ವ್ಹೈ ಕೈನ ಫೈಸಲೊ ಕರಸ.

ರೊಮಾಪೂರ 2:20

ಮಡ್ಡ ರ‍್ಹಯಲವಾಲಾವೊನಾ ವಾಟ ದೆಕಾಡಾಲೊ ಲಿಂಗತ ವಳಕ ನೈ ರ‍್ಹಯಲ ಮನಕ್ಹೊನೆ ಮಾಸ್ತರ ಲಿಂಗತ ವ್ಹೈ ಕೈನ ತಾರಾಮಾ ಧರಮಶಾಸ್ತ್ರನು ಪುರಾ ಗ್ಯಾನ ವರಿ ಕ್ಹರಿ ಗ್ವತ್ತ ಛೆ ಕೈನ ತು ಕೈಲಿದ್ಯೊಸ.

ರೊಮಾಪೂರ 2:25

ತು ಧರಮಶಾಸ್ತ್ರ ಲಿಂಗತ ಚಾ಼ಲ್ಯೊ ಕದ್ಯಾಮ ತು ಕರಿಲಿದಲ ಸುನ್ನತಿನೆ ಮತ್ಲಬ ಛೆ. ತೆನೈಸೊ ತು ಧರಮಶಾಸ್ತ್ರನೆ ದಾಟಿನ ಗಯೊಮ ತುನೆ ಸುನ್ನತಿ ನತ್ತಿ ಥೈ ಕೈನ ವ್ಹೈ.

ರೊಮಾಪೂರ 2:26

ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಸುನ್ನತಿ ಥೈ ನತ್ತಿ, ತೆನೈಸೊ ಧರಮಶಾಸ್ತ್ರ ಕವಾನು ತ್ಯುನೆ ಕರತಾ ರ‍್ಹಯಾಮ, ತ್ಯುನೆ ಕ್ಹುದಾನಿ ನಜ಼ರಮಾ ಸುನ್ನತಿ ಕರೈಲಿದಲ ಲಿಂಗತ ನ್ಹವೈ ಸು?

ರೊಮಾಪೂರ 2:29

ಮನಸ್ಮಾ ಯೆಹುದಿ ರ‍್ಹಯಲವಾಲೊಜ಼ ಕ್ಹರಿನೊ ಯೆಹುದಿ ವ್ಹೈ. ಮನಸ್ಮಾ ಥಯಲ ಸುನ್ನತಿ ಕ್ಹರಿನಿ ಸುನ್ನತಿ ವ್ಹೈ. ಎ ಸುನ್ನತಿ ಥಯಲ ಕ್ಹುದಾನಿ ಆತ್ಮಾಕ್ಹುಜ಼ ಥಯಲ ವ್ಹೈ ತೆನೈಸೊ ಬರ್ದಲ ಧರಮಶಾಸ್ತ್ರ ಕ್ಹು ನ್ಹವೈ. ಕ್ಹುದಾನಿ ಆತ್ಮಾಕ್ಹು ಮನಸ್ಮಾ ಸುನ್ನತಿ ಥಯಲ ಮನಕ್ಹ ವ್ಹೈ ಕೈನ ಕವೈಲಿವಾನು ಕ್ಹುದಾಕ್ಹು ವ್ಹೈ ತೆನೈಸೊ ಮನಕ್ಹೊ ಕ್ಹು ನ್ಹವೈ.

ರೊಮಾಪೂರ 3:30

ತೆ ಖತ್ನಾ ಕರಿಲಿದಲವಾಲಾವೊನೆ ನಿತಿವಂತವಾಲಾ ವ್ಹೈ ಕೈನ ಫೈಸಲೊ ಕರಾನು ತ್ಯುನೊ ಬರಕ್ಹೊಜ಼ ಆಧಾರ ವ್ಹೈ.

ರೊಮಾಪೂರ 8:4

ಹಮ್ನಾ ಅಪ್ನಾ ಚಾಳಿಯೊ ಲಿಂಗತ ಜಿವ್ನಾ ಕರ‍್ಯಾವಾಚಿ ಪವಿತ್ರ ಆತ್ಮಾ ಕದಲ ಲಿಂಗತ ಜಿವ್ನಾ ಕರಾಲಾ ಅಪೊಮಾ ಧರಮಶಾಸ್ತ್ರನಾ ನಿಯಮೊ ಥೌ ಕೈನ ಕ್ಹುದಾ ಇಮ್ಮ ಕರ‍್ಯೊ.

1 ಕೊರಿಂಥ 7:19

ಸುನ್ನತಿ ಕರೈ ಲಿವಾನು ವರಿ ನೈ ಕರೈ ಲಿವಾನು ಖಾಸ ನತ್ತಿ. ಕ್ಹುದಾನಾ ಆಗ್ಯ್ನಾನೆ ವಿಧೆಯ ಥೈನ ರ‍್ಹವಾನು ಖಾಸ ವ್ಹೈ.

2 ಕೊರಿಂಥ 3:6

ತೆ ನೌ ವಡಂಬಡಿಕೆನಾ ಸೆವಕೊ ಥಾವಾನೆ ತಾಕತ ಹಮೊನೆ ದಿದ್ಯೊಸ. ಆ ನೌ ವಡಂಬಡಿಕೆ ಲಿಖಿತ ರುಪನಾ ಲಿಂಗತ ನತ್ತಿ ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲವಾಲೊ ವ್ಹೈ. ಲಿಖಿತ ರುಪಮಾ ರ‍್ಹಯಲ ವಡಂಬಡಿಕೆ ಮೌತ ಲಾವಸ. ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲ ವಡಂಬಡಿಕೆ ಜುವ ದಿವಸ.

ಗಲಾತ್ಯ 5:14

"ತುಮೆ ತುಮೊನೆ ಮಯಾ ಕರಲಲಿಂಗತ ಬಿಜಾ಼ವೊನೆ ಮಯಾ ಕರೊ "ಕವಾನು ಯಕ್ಕಜ಼ ಯಕ್ಕ ಆಗನ್ಯಾಮಾ ಕ್ಹಾರು ಧರಮಶಾಸ್ತ್ರಜ಼ ದಡಿನ ಛೆ.

ಎಫೆಸ 2:11

ತಿನಾಹುತಿ ತುಮೆ ಹುಟ್ಟಲ ತೆಳತಾ ಬಿಜಾ಼ ಮನಕ್ಹೊ ಥಯಾತಾ. ತುಮೊನೆ "ಸುನ್ನತಿ ನೈ ರ‍್ಹಯಲವಾಲಾ" ಕೈನ ಯಹುದ್ಯೊ ಬಲಾವಸ. ತುಮೊನೆ "ಸುನ್ನತಿ ನೈ ರ‍್ಹಯಲವಾಲಾ" ಕೈನ ಬಲಾವಾಲಾ ಯಹುದ್ಯೊ ತ್ಯುನಾ ಹುತಿ "ಸುನ್ನತಿವಾಲಾ" ಕೈನ ಕೈಲಿವಸ. ತ್ಯುನಿ ಸುನ್ನತಿ ಅಂಗಮಾ ಹತೊಕ್ಹು ಕರಲ ರ‍್ಹವಸ.

2 ತಿಮೊತಿ 3:15

ತು ಶೆ ಕರಿಲೆ ನ್ಹಾನ ಪಂತೊಜ಼ ತುನೆ ಪವಿತ್ರ ಗ್ರಂಥನಾ ಹುತಿ ಗ್ವತ್ತ ಛೆ. ತುನೆ ಗ್ಯಾನಿ ಕರಾನೆ ಎ ಪವಿತ್ರ ಗ್ರಂಥಜ಼ ಕಾರಣ ವ್ಹೈ. ಕ್ರಿಸ್ತ ಯೆಸುಮಾ ರ‍್ಹವಾನೊ ಬರಕ್ಹಾಕ್ಹು ಎ ಗ್ಯಾನ ರಕ್ಷಣೆಮಾ ಚ಼ಲಾವಸ.

ಇಬ್ರಿಯ 11:3

ಕ್ಹುದಾ ಕ್ಹಾಲಿ ತಿನಿಯೊ ವಾತಕ್ಹು ದುನಿಯಾ ತಯ್ಯಾರ ಕರ‍್ಯೊಸ ಕೈನ ತಿಳದಿಲಿವಾನೆ ಬರೊಕ್ಹೊಜ಼ ಅಪ್ನೊನೆ ಆಸರೊ ಕರಸ. ಕಿಮ್ಮ ಕದ್ಯಾಮ ಅಪ್ನಾ ಡೊಳೆ ದಿಕ್ಹಾನಾ ಸಾಮನಕ್ಹು ದುನಿಯಾ ತಯ್ಯಾರ ಥೈ ನೈ.