ರೊಮಾಪೂರ 2:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಯಹುದ್ಯೊ ನೈ ರ‍್ಹಯಲವಾಲಾ ಧರಮಶಾಸ್ತ್ರ ಹೊಂದ್ಯಾ ನತ್ತಿ. ತೆನೈಸೊ ತ್ಯುನೆ ಧರಮಶಾಸ್ತ್ರನಾ ಲಿಂಗತ ಚಾ಼ಲಿನ ಜಾ಼ವತ್ತೊ, ತ್ಯುನೊನೆ ಧರಮಶಾಸ್ತ್ರನಿ ಜ಼ರುರತ್ತಜ಼ ನ್ಹೊತಿ.

ರೊಮಾಪೂರ 2:14 ပူးပေါင်းရင်းမြစ်များ

ಅಪೊಸ್ತಲೊ 10:35

ತಿನೆ ಆರಾಧನೆ ಕರಾಲಾ ನಿತಿವಂತ ಕುನ್ನಬಿ ರ‍್ಹೈನಕಾ ತ್ಯುನೊನೆ ಕ್ಹುದಾ ಸ್ವಿಕಾರ ಕರಿ ಲಿವಸ. ತೆ ಕೈ ಜಾ಼ತನಾ ಮನಕ್ಹೊ ವ್ಹೈ ಕವಾನು ಖಾಸ ನ್ಹವ್ಹೈ.

ಅಪೊಸ್ತಲೊ 14:16

"ಪೈಲಾನಾ ಕಾಲಮಾ ಕ್ಹುದಾ ಕ್ಹಾರಾ ಜನಾಂಗೊನೆ ತ್ಯುನಿ ಇಶ್ಟಾ ಲಿಂಗತ ಚಾ಼ಲಾನೆ ಛೊಡಿನ ದಿದ್ಯೊ.

ಅಪೊಸ್ತಲೊ 17:30

ತೆ ಗ್ಯಾನ ನೈಸೊ ದಿನೊನೆ ಕ್ಹುದಾ ಲೆಕಾಮಾ ಲಿದ್ಯೊನೈ. ಕ್ಹುದಾ ಹಮ್ನಾ ಬಿ ಚಾರ ದಿಕೊಮಾ ಮನಕ್ಹೊನೆ ಪಚಾತಾಪ ಪಡಿನ ಮಕನ ಪ್ಹರೊ ಕೈನ ಕ್ಹುದಾ ಅಪ್ಪಣೆ ಕರ್ಯೊ.

ರೊಮಾಪೂರ 1:32

ಹೆವಾವೊನೆ ಮರವಾನಿ ಶಿಕ್ಷಾ ಮಳು ಕೈನ ಧರಮಶಾಸ್ತ್ರ ಕವಸ ಕವಾನು ತ್ಯುನೊನೆ ಗ್ವತ್ತ ಛೆ. ತಿಮ್ಮ ರ‍್ಹಯುತಬಿ ಹವಾ ಕಾಮೊ ಕರ‍್ತಾಜ಼ ರ‍್ಹವಸ. ವರಿ ಹವಾ ಕಾಮೊ ಕರಾನಾ ಮನಕ್ಹೊನೆ ಪ್ರೊತ್ಸಾಹಾ ಕರಸ.

ರೊಮಾಪೂರ 2:12

ಯೆಹುದಿ ನೈಸೊ ಮನಕ್ಹೊಕನ ಮೊಶೆನಾ ನಿಯಮೊ ನತ್ತಿ. ತೆ ಮನಕ್ಹೊ ಧರಮಶಾಸ್ತ್ರ ಗ್ವತ್ತ ನೈಸೊ ಪಾಪ ಕರಸ. ಯಹುದ್ಯೊಕನ ಧರಮಶಾಸ್ತ್ರ ಛೆ ತ್ಯುನೆಬಿ ಪಾಪ ಕರಸ ವರಿ ತ್ಯುನೊ ನ್ಯಾಯನೊ ಫೈಸಲೊ ಧರಮಶಾಸ್ತ್ರನಾ ನಿಯಮ ಪ್ರಕಾರ ಫೈಸಲೊ ಥಾವಸ.

ರೊಮಾಪೂರ 2:15

ತ್ಯುನಿ ಮನಸ್ಸನಾ ನಿಯಮೊ ಲಿಂಗತ ಕಯು ಕರೆಟ್ಟ ವ್ಹೈ, ಕಯು ತಪ್ಪ ವ್ಹೈ, ಕವಾನು ತ್ಯುನೆ ತ್ಯುನಾ ನಡತೆಕ್ಹು ದೆಕಾಡಿನ ದಿವಸ. ಎ ಕ್ಹರಿ ವ್ಹೈ ಕೈನ ತ್ಯುನಾ ಮನಸನಿ ಸಾಕ್ಷಿಕ್ಹು ದೆಕಾಡಿನ ದಿವಸ. ತ್ಯುನಿ ತೈಜ಼ ಗ್ಯಾನಕ್ಹು ತ್ಯುನೊನೆ ದೊಶಿ ವ್ಹೈ ಕೈನ ನೈತೊ ನಿರದೊಶಿ ವ್ಹೈ ಕೈನ ಫೈಸಲೊ ಕರಸ.

ರೊಮಾಪೂರ 2:27

ಯಹುದ್ಯೊ ರ‍್ಹಯಲವಾಲಾ ತುಮೊನೆ ಬರ್ದಲ ಧರಮಶಾಸ್ತ್ರ ಛೆ ವರಿ ಸುನ್ನಿತಿ ಥೈಸ. ತೆನೈಸೊ ತುಮೆ ಧರಮಶಾಸ್ತ್ರನೆ ದಾಟಿನ ಚಾ಼ಲೊಶಿ. ಇಮ್ಮ ರ‍್ಹತಾಮಾ, ಅಂಗಮಾ ಸುನ್ನಿತಿ ನೈ ಥಯಲ ರ‍್ಹೈತಬಿ ಧರಮಶಾಸ್ತ್ರನೆ ವಿಧೆಯ ಥಾವಾಲಾ ಮನಕ್ಹೊ ತುಮೊನೆ ಅಪರಾದಿ ವ್ಹೈ ಕೈನ ದೆಕಾಡಿನ ದಿವಸ. ಎ

1 ಕೊರಿಂಥ 11:14

ಲಾಂಬಾ ಬಾಲೊ ದಾಣಗಾನೆ ಸರಮ ವ್ಹೈ ಲಾಂಬಾ ಬಾಲೊ ಬಾಕ್ಡಿನೆ ಸುಂದರತಾ ನ್ಹವೈ ಸು?

1 ಕೊರಿಂಥ 9:21

ಧರಮಶಾಸ್ತ್ರತಾ ಭಾರಾ ರ‍್ಹಯಲವಾಲಾವೊನೆ ರಕ್ಷಣೆ ಮಾರಗಮಾ ಲಾವಾನೆ ಮಿ ಧರಮಶಾಸ್ತ್ರನಾ ಭಾರೊ ರ‍್ಹಯಲ ಲಿಂಗತ ಥಯೊ. ಯೆಸು ಕ್ರಿಸ್ತನಾ ನಿಯಮನೆ ವಿದೆಯ ಥಯಲ ಹುತಿ ಕ್ಹುದಾನಾ ನಿಯಮನೆ ಮಿ ಭಾರೊ ರ‍್ಹಯಲವಾಲೊ ನ್ಹವ್ಹೈ.

ಎಫೆಸ 2:12

ಪೈಲಾನಾ ಕಾಲ್ಮಾ ತುಮೆ ಕ್ರಿಸ್ತ ನೈಸೊವಾಲಾ ಥಯಾತಾ ಕವಾನು ಶೆ ಕರಿಲಿವೊ. ತುಮೆ ಇಸ್ರೆಲನಾ ಮನಕ್ಹೊ ನ್ಹೊತಾ. ಕ್ಹುದಾ ತಿನಾ ಮನಕ್ಹೊನಾ ಕ್ಹಾತೆ ಕರಲ ವಾಗ್ದಾನೊನೆ ಸಂಬಂಧ ರ‍್ಹಯಲ ವಡಂಬಡಿಕೆನೆ ತುಮೆ ವ್ಹಂದಿಲಿದಲ ನ್ಹೊತಾ. ತುಮೊನೆ ಆಸ ನ್ಹೊತಿ ವರಿ ತುಮೆ ಕ್ಹುದಾನೆ ತಿಳ್ದಿಲಿದಲ ನ್ಹೊತಾ.

ಎಫೆಸ 2:3

ಪೈಲಾ ಅಪೆ ಕ್ಹಾರಾ ತೆ ಮನಕ್ಹೊ ಲಿಂಗತ ಜಿವ್ಸಾಡಾತಾ. ಅಂಗನಾ ಅಪ್ನಾ ಆಸೊ ಪುರಾ ಕರಾನೆ ಅಪೆ ಕೊಶಿಶ ಕರಾಡಾತಾ. ಅಪ್ನು ಅಂಗ, ಮನಸ್ಸ ಆಸ ಕರಲ ಕ್ಹಾರು ಅಪೆ ಕರ‍್ಯಾ. ಅಪೆ ದುಷ್ಟ ಮನಕ್ಹೊ ಥಯಾತಾ. ಅಪ್ನಿ ತೆ ಜಿವಿತಕ್ಹು ಅಪೆ ತೆಳಾಮಾಜ಼ ಕ್ಹುದಾನಿ ಶಿಟ್ಟನೆ ಗುರಿ ಥಾವಾನು ವ್ಹತ್ತು. ಅಪೊನೆ ವರಿ ಬಿಜಾ಼ ಮನಕ್ಹೊನೆ ಕಯುಜ಼ ಫರಕಜ಼ ನ್ಹೊತು.

ಫಿಲಿಪ್ಪಿ 4:8

ಮಿ ತುಮೊನೆ ಲಾಸ್ಟಮಾ ಸು ಕೌಸ ಕದ್ಯಾಮ ಭಾಯೊ ಭೆನೊ ಕಯು ಕ್ಹರಿ ವ್ಹೈ ಕಯು ಚೊ಼ಕು ವ್ಹೈ ನ್ಯಾಯ ವ್ಹೈ,ಶುದ್ಧ ವ್ಹೈ ಮಯಾನಾ ಕಾಬಿಲ ವ್ಹೈ ಕಯು ಚೊ಼ಕು ದಿಕ್ಹಸ ಕಯಾ ಚೊ಼ಕಿಯೊ ಚಾಳಿಯೊ ವ್ಹೈ ವರಿ ಕಯು ಮರ್ಯಾದಿನೆ ಕಾಬಿಲ ವ್ಹೈ, ತೆ ಕ್ಹಾರಾವೊಪರ ತುಮಾರೊ ಧ್ಯಾನ ರ‍್ಹೈನಕಾ.