Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ರೊಮಾಪೂರ 16:26 - ಕ್ಹುದಾನಿ ಕ್ಹರಿನಿ ವಾಕ್ಯಾ

26 ತೆನೈಸೊ ರಹಸ್ಯ ರ‍್ಹಯಲ ತೆ ಸತ್ಯನೆ ಹಮ್ನಾ ತುಮೊನೆ ದೆಕಾಡ್ಯಾಸ. ವರಿ ತೆ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಆಜ್ಞಾ ಕರಲ ಎಜ಼ ವ್ಹೈ. ಕ್ಹಾರಾ ಮನಕ್ಹೊ ಬರೊಕ್ಹೊ ಕರಿನ ಕ್ಹುದಾನೆ ವಿಧೆಯ ಥೌ ಕೈನ ರಹಸ್ಯ ರ‍್ಹಯಲ ಎ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಹರ ಹಮೆಶಾ ಜಿವ್ತೊ ರ‍್ಹವಸ.

အခန်းကိုကြည့်ပါ။ ကော်ပီ




ರೊಮಾಪೂರ 16:26
34 ပူးပေါင်းရင်းမြစ်များ  

ಪಾಚಲ್ತೊ ತೆ ತ್ಯುನೊನೆ ತುಮೆ ಗೈನ ದುನಿಯಾಮಾ ಕ್ಹಾರಿ ಜ಼ಗಾ ಕ್ಹಾರಿ ಜಾ಼ತನಾ ಮನಕ್ಹೊನೆ ಸುವಾರ್ತೆ ಸಾರೊ.


ಯೆಸು ಪರ ಬರೊಕ್ಹೊ ಮ್ಹೆಲಾಲಾ ಹರಯಕ್ಕನಾ ಪಾಪೊ ತಿನಾ ನಾಮನಾ ಮುಲಕ ಮಾಫ ಕರಸ. ಎ ಕ್ಹರಿಜ಼ ವ್ಹೈ ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.


ವರಿ ಕ್ಹುದಾನಿ ವಾಕ್ಯಾ ಘನ್ನಾ ಮನಕ್ಹೊಕನ ಫೈಲತಿ ಗೈ, ಯೆರುಸೆಲೆಮಾ ರ‍್ಹಯಲ ಶಿಷ್ಯಾವೊನು ಗುಂಪ ಮ್ಹೊಟು ಥಾತು ಚಾ಼ಲ್ಯು. ಘನ್ನಾ ಯೆಹುದಿಯೊನಾ ಯಾಜಕೊ ಯೆಸು ಕ್ರಿಸ್ತಪರ ಬರೊಕ್ಹೊ ಮುಕ್ಯಾ.


ಕ್ಹುದಾ ತಿನಾ ಮನಕ್ಹೊಕನ ಎ ಸುವಾರ್ತೆ ದಿವಾನಾ ಹುತಿ ಘನ್ನಾ ದಿನ್ನ ಪಾಚೊ಼ಜ಼ ವಾತ ದಿದಲ ತಿಮ್ಮ ತಿನಾ ಪ್ರವಾದಿಯೊನಾ ಮುಲಕ ಪವಿತ್ರ ಗ್ರಂಥಮಾ ಬರ್ದಲ ಛೆ.


ಮನಕ್ಹೊನಿಯೊ ಕ್ಹುದಾನಿ ಹಮೆಶಾನಿ ತಾಕತನೆ ತಿನಿ ಮಹಿಮಾ ರ‍್ಹೈನೆಕಾ ದೆಕತಾ ನೈ. ತೆನೈಸೊ ಜಗತ್ನಿ ಶುರುತಾಬಿ ತೆ ಸಂಗತಿಯೊ ಮನಕ್ಹೊನೆ ಆಸಾನ ತರಿಕಾ ಕ್ಹು ಗ್ವತ್ತ ಥಾವಸ. ಕ್ಹುದಾ ಕರಲ ಸೃಷ್ಟಿಮಾ ತೆ ಸಂಗತಿಯೊ ದಿಕ್ಹಿನ ಆವಸ. ತಿನಾಹುತಿ ಮನಕ್ಹೊ ಕರಾನಾ ಕೆಟ್ಟ ಕಾಮೊನೆ ನೆವಾ ಕವಾನೆ ಸಾದ್ಯ ನತ್ತಿ.


ಕ್ಹುದಾ ತಿನಾ ಮುಲಕ ಮನೆ ಕ್ರಿಸ್ತನಾ ಹುತಿ ಅಪೊಸ್ತಲ ಥಾವಾನೆ ನಸಿಬ ದಿದ್ಯೊ. ಕ್ಹಾರಾ ದೆಶನಾ ಮನಕ್ಹೊನೆ ತಿನಾ ಬರೊಕ್ಹಾಮಾ ಲೌ ಕೈನ ಕ್ಹುದಾ ಮನೆ ಎ ಭಾಗ್ಯ ದಿದ್ಯೊ.


ಮಿ ಮಾರಾ ಸ್ವಂತ ಕಾಮೊನಾ ಹುತಿ ಬೊಲ್ತೊ ನೈ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ತಿನೆ ವಧೆಯ ಕರಿಲಿವಾನಾ ಹುತಿ ಕ್ರಿಸ್ತ ಮಾರಾ ಮುಕಾಂತರ ವಾತೊಕ್ಹು ಕರಲ ಕಾಮೊ ಕೈಲ್ಯುಸ.


ಪಾಚಾಲ್ಯಾ ದಿನೊಮಾ ಬರ್ದಲ ಹರಿ ಯಕ್ಕ ಅಪ್ನಾ ಹುತಿಜ಼ ಬರ್ದಲ ಛೆ. ಅಪೆ ಕೈದಾಲಾ ರ‍್ಹೌ ಕೈನ ಎ ಸಂಗತಿಯೊ ಬರ್ದಲ ಛೆ. ಪವಿತ್ರ ಗ್ರಂಥ ಅಪೊನೆ ದಿವಾನೆ ತಡ್ದಿಲಿವಾನು ವರಿ ಕೈದಾನು ಎ ಉತ್ಸಾಹ ಆವಸ.


ತೆನೈಸೊ ಹಮ್ನಾ ಕ್ಹುದಾ ಧರಮಶಾಸ್ತ್ರ ನೈಸೊಜ಼ ಮನಕ್ಹೊನೆ ಕ್ಹುದಾ ನಿತಿವಂತವಾಲಾ ಥಾವಾ ಹುತಿ ವಾಟ ದೆಕಾಡಿನ ದಿದ್ಯೊಸ. ಎನೈಸೊ ಎ ವಾತನಿ ಸಾಕ್ಷಿ ಮೊಶೆನು ಧರಮಶಾಸ್ತ್ರ ವರಿ ಪ್ರವಾದಿಯೊ ದಿದ್ಯಾಸ.


ಕ್ಹುದಾ ಯಹುದ್ಯೊ ನೈ ರ‍್ಹಯಲವಾಲಾ ತ್ಯುನೊ ಬರೊಕ್ಹಾನಾ ಹುತಿ ನಿತಿವಂತವಾಲಾ ವ್ಹೈ ಕೈನ ಕರಸ" ಅಬ್ರಹಾಮ, ತಾರಾಕ್ಹು ಕ್ಹುದಾ ಜಿಮಿನಪರ ರ‍್ಹಯಲ ಕ್ಹಾರಾ ಮನಕ್ಹೊನೆ ಆಶಿರ್ವಾದ ದಿವಸ" ಕವಾನಿ ಸುವಾರ್ತೆ ತಿನೆ ಪೈಲಾಜ಼ ಕದ್ಯಾತಾ ಕೈನ ಪವಿತ್ರ ಗ್ರಂಥ ಕವಸ. (ಆದಿಕಾಂಡ 12-3)


ಕ್ಹುದಾ ಎ ತಿನಿ ಉದ್ದೆಶಕ್ಹು ಕರ‍್ಯೊ. ಕ್ರಿಸ್ತನಾ ಮುಲಕ ಎ ಪುರಾ ಕರಾನೆ ತೆ ಪ್ಲಾನ ಕರ‍್ಯೊ.


ವಿಶ್ವಾಸಿಯೊ ಥಯಲ ತುಮೆ ಕ್ಹುದಾನು ಸ್ವಂತ ಘರ ಥಯಾಸ. ಅಪೊಸ್ತಲೊ ಪ್ರವಾದಿಯೊ ಕವಾನಿ ಫಾಯಾನಾ ಉಪ್ಪರ ತೆ ಘರ ಭಾಂದಲ ಛೆ. ಕ್ರಿಸ್ತಜ಼ ತೆ ಘರನೊ ಮುಲಾಮಾನೊ ದಗ್ಡೊ ಥಯೊಸ.


ಎ ದಡಿ ರ‍್ಹಯಲ ಕ್ಹರಿನಿ ವಾಕ್ಯಾ ಪಾಚ಼ಲ್ಯಾ ಯುಗತು ಮಾತಾ ಮಾತಾತು ದಡಿನ ವ್ಹತ್ತು. ತೆ ವಾಕ್ಯಾ ಕ್ಹುದಾ ಹಮ್ನಾ ತುಮಾರಾ ಕ್ಹಾಮಾ ಲಾಯೊಸ.


ಹಮೆಶಾ ರಾಜ಼ ಕರಾಲಾ ರಾಜಾ಼ನೆ ಮಹಿಮಾ ವರಿ ಮರ್ಯಾದಿ ರ‍್ಹವಾದೆ. ತಿನಾ ಹತೆ ನೈ ಥಾವಾನು ಕಯುಜ಼ ನತ್ತಿ. ತೆ ದಿಕ್ಹೆ ನೈಸೊ ರ‍್ಹವಸ. ಯಕ್ಕಲೊಜ಼ ಕ್ಹುದಾ ಥಯಲ ತಿನೆ ಮರ್ಯಾದಿ ವರಿ ಮಹಿಮಾ ಹಮೆಶಾಬಿ ಥಾವಾದೆ. ಆಮೆನ್.


ಕ್ಹುದಾನಿ ಭಕ್ತಿನೆ ಆದಾರ ಥಯಲ ಕ್ಹರಿ ವರಿ ಸಂಶೊವಾಚಿ ಅಪ್ನಿ ಅರಾಧನಾನಿ ಜಿವಿತ ದಡಿರ‍್ಹಯಲ ಮ್ಹೊಟಿ ವ್ಹೈ ಕ್ರಿಸ್ತ ಮನಕ್ಹನಾ ರುಪಮಾ ಅಪೊನೆ ದಿಕ್ಯೊ. ತೆಜ಼ ಕ್ರಿಸ್ತ ವ್ಹೈಕೈನ ಪವಿತ್ರ ಆತ್ಮಾ ದೆಕಾಡಿನ ದಿದಿ. ಕ್ಹುದಾನಾ ದುತೊನೆ ತೆ ದಿಕ್ಹ್ಯೊ. ತಿನಾ ಹುತಿ ಸುವಾರ್ತೆ ಕ್ಹಾರಾ ಮನಕ್ಹೊನೆ ಪ್ರಚಾರ ಕರ‍್ಯೊ. ಜಗತ್ಮಾ ರ‍್ಹಯಲ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ. ತೆ ಮಹಿಮಾನಾ ಕ್ಹಾತೆ ಸ್ವರಗಾಮಾ ಗಯೊ.


ತೆ ಮರಗಾ ನ್ಹ್ಯಾಲಕ್ಕಕಾ ಅಪೊನೆ ದೆಕಾಡಿನ ದಿದ್ಯೊ ನತ್ತಿ. ಅಪೊನೆ ರಕ್ಷಕ ಥಯಲ ಯೆಸು ಕ್ರಿಸ್ತ ಆಯಲ ಪರ ತೆ ಅಪೊನೆ ದೆಕಾಡಿನ ದಿದ್ಯೊ. ಯೆಸು ಮರಣ ನಾಶ ಕರಿನ, ಅಪೊನೆ ಜಿವ್ತಾ ರ‍್ಹವಾನಿ ವಾಟ ಸುವಾರ್ತೆನಾ ಮುಲಕ ದೆಕಾಡಿನ ದಿದ್ಯೊ.


ಯೆಸು ಕ್ರಿಸ್ತ ಕಾಲ ರ‍್ಹಯಲ ತಿಮ್ಮ, ಆಜ಼ಬಿ, ಹಮೆಶಾಬಿ ರ‍್ಹವಸ.


ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ.


ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.


ಮಿ ತಿನೆ ದೆಕ್ತಾಮಾ, ತಿನಾ ಪಗೊಕನ ಮರಲವಾಲಾ ಲಿಂಗತ ಪಡಿಗಯೊ. ತೆ ತಿನೊ ಸಿದಾ ಹತ ಮಪರ ಮ್ಹೆಲಿನ"ಭುಚ಼ಕು ನಕೊ ಮಿಜ಼ ಆದಿ ವರಿ ಅಂತ್ಯ ವ್ಹೈ.


ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ