ರೊಮಾಪೂರ 16:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ವರಿ ಮಾರಾ ಕ್ಹಾತೆ ಕಾಮ ಕರಾಲೊ ಥಯಲ ತಿಮೊಥೆಯನೆ ವರಿ ಮಾರಾ ಸಂಬಂದಿಕ ಥಯಲ ಲುಕ್ಕಯ, ಯಾಸೊನ ವರಿ ಸೊಸಿಪತ್ರ ತುಮೊನೆ ನಮಸ್ಕಾರ ಕದ್ಯಾಸ.

ರೊಮಾಪೂರ 16:21 ပူးပေါင်းရင်းမြစ်များ

ಅಪೊಸ್ತಲೊ 13:1

ಅಂತಿಯೊಕ್ಯನಾ ಸಭೆಮಾ ದಕ್ಹಾ ಪ್ರವಾದಿಯೊ ವರಿ ಉಪದೆಶ ಕರಾಲಾ ವ್ಹತ್ತಾ. ತ್ಯುನೆ ಕುನ್ ವ್ಹೈ ಕದ್ಯಾಮ; ಬಾರ್ನಬ, ಸಿಮೆಯೊನ್ ಇನೆ ನಿಗರ ಕೈನಬಿ ಬಲಾತಾತಾ. ಲುಸಿಯಸ ಸಿರೆನ ಗಾಮ ವಾಲೊ ವ್ಹೈ. ಮೆನಹೆನ ಹೆರೊದ ರಾಜಾ಼ನಾ ಕ್ಹಾತೆ ಬೆಳದಲವಾಲೊ ವರಿ ಸೌಲಾ ವ್ಹೈ.

ಅಪೊಸ್ತಲೊ 17:14

ತೆಳಾಮಾ ಭಾಯೊ ಪೌಲಾನೆ ಸಮುಂದರ ಕನ ಜಾ಼ವಾನೆ ತಿನೆ ವೈಳೈನ ದಿದ್ಯಾ. ತೆಳಾಮಾ ಸಿಲಾ ವರಿ ತಿಮೊಥಿ ತ್ಯಾಜ಼ ಹುಬ್ರಯಾ.

ಅಪೊಸ್ತಲೊ 17:5

ನಂಬೆಲವಾಲ ಯಹುದ್ಯೊ ಸಂಗಟ ಪಡಿನ ಬಾಜಾ಼ರಮಾ ಫರಾವಾಲಾ ದಕ್ಹಾಜ಼಼ನಾ ಪಾಲತು ಮನಕ್ಹೊನೆ ಬಲೈನ ಗುಂಪ ಕರಿನ ಗಾಮ್ಮಾ ಗದ್ದಲ ಕರಿನ ಪೌಲ ವರಿ ಸಿಲನೆ ಗಾಮಾನಾ ಸಬೆನಾ ಕ್ಹಾಮಾ ಲೌ ಕೈನೈ ತ್ಯುನೊನೆ ಹುಡಕತ್ತಾ ಯಾಸೊನಾ ಘರಕನ ಐನ ಮುಟ್ಯಾ.

ಅಪೊಸ್ತಲೊ 18:5

ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ.

ಅಪೊಸ್ತಲೊ 19:22

ತೆನೈಸೊ ತೆ ತಿನಾಮಾ ಸೆವೆ ಕರಾವಾಲಾ ಬೆ ಜ಼ನಾ ತಿಮೊಥಿ ವರಿ ಎರಸ್ತನ ಮಕೆದೊನ್ಯನೆ ವಳೈನ ತೆ ಆಸ್ಯಸಿಮೆಮಾ ದಕ್ಹಾ ದಿನ್ನ ವ್ಹತ್ತಾ.

ಅಪೊಸ್ತಲೊ 20:4

ಪುರ್ರನೊ ದಿಕ್ರೊ ಥಯಲ ಬೆರೊಯೊ ಗಾಮವಾಲೊ ಸೊಪತ್ರನು, ಥೆಸಲೊನಿಕ ಅರಿಸ್ತಾರ್ಕ, ಸೆಕುಂದನದೆರ್ಬೆ ಥೆಸಲೊನಿಕ ಗಾಮವಾಲೊ ಗಾಯೊಸನೊ,ತಿಮೊಥಿಯೊನ, ಆಸ್ಯಸಿಮೆಮಾ ರ‍್ಹಯಲವಾಲಾ ಮನಕ್ಹೊ ತುಖಿಕನ, ತ್ರೊಫಿಮನೊ, ಆಸ್ಯಸಿಮೆ ಲಕ್ಕಾ ತಿನಾ ಕ್ಹಾತೆ ಗಯಾ.

ರೊಮಾಪೂರ 16:11

ಮಾರಾ ಸಂಬದಿಕೊ ಥಯಲ ಹೆರೊಡಿಯೊನನೆ ಪ್ರಭುನೆ ಮಳ್ಯಲವಾಲೊ ನಾರಕಿಸ್ಸನಾ ಕುಟುಂಬವಾಲಾ ಕ್ಹಾರಾವೊನೆ ಮಾರು ನಮಸ್ಕಾರ ಕವೊ.

ರೊಮಾಪೂರ 16:7

ಅಂದ್ರೊನಿಕನೆ ವರಿ ಯುನ್ಯನೆ ಮಾರಿ ವಂದನಾ ಕವೊ. ತ್ಯುನೆ ಮಾರಾ ಕಳಬಳ ವ್ಹೈ. ತೆನೈಸೊ ತ್ಯುನೆ ಮಾರಾ ಕ್ಹಾತೆ ಜೆಲಮಾ ವ್ಹತ್ತಾ. ಅಪೊಸ್ತಲೊನೆ ತ್ಯುನೆ ವಳಕ ವ್ಹತ್ತಾ. ಅಪೊಸ್ತಲೊನೆ ತ್ಯುನೆ ವಳಕ ವ್ಹತ್ತಾ. ತ್ಯುನೆ ಪೈಲಾಜ಼ ಕ್ರಿಸ್ತನಾ ವಿಸ್ವಾಸಿಯೊ ವ್ಹೈ.

ರೊಮಾಪೂರ 9:3

ಮಾರಾ ಮನಕ್ಹೊನೆ, ಮಾರು ಮಾಕ್ಹ ವರಿ ರಗತ! ತ್ಯುನಾಕ್ಹು ಮಿ ಕ್ಹುದಾನಾ ಶ್ರಾಪನೆ ಮ್ಹೈ ಥಯೊಸ ವರಿ ಕ್ರಿಸ್ತಕ್ಹು ಜು಼ದೊ ಥಯೊ ಕೈನ ಮಿ ಆಸ ಕರುಸ. ತ್ಯುನೆ ಮಾರಾ ಭಾಯೊ ಭೆನೊ ಥಯಾಸ; ಇಹಲೊಕನಾ ಕುಟುಂಬ ಥಯಾಸ. ತ್ಯುನೊನೆ ಮದತ ಕರಾನೆ ಕ್ರಿಸ್ತನೆ ಛೊಡಿನ ಶ್ರಾಪ ಲಿವಾನೆ ತಯ್ಯಾರ ಛೆ.

2 ಕೊರಿಂಥ 1:1

ಕ್ಹುದಾನಿ ಮರ್ಜಿನಾ ಲಿಂಗತ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಕೊರಿಂಥಮಾ ರ‍್ಹಯಲ ಕ್ಹುದಾನಿ ಸಬೆವಾಲಾವೊನೆ ಅಖಾಯಾಮಾ ಸಿಮೆಮಾ ರ‍್ಹಯಲ ಕ್ಹಾರಾ ಕ್ಹುದಾನಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ.

2 ಕೊರಿಂಥ 1:19

ಮಿ ವರಿ ಸಿಲ್ವಾನ, ತಿಮೊಥಿ ವರಿ ತುಮೊನೆ ಕ್ಹಾರವೊನೆ ಗ್ವತ್ತ ರ‍್ಹಯಲ ಕ್ಹುದಾನೊ ದಿಕ್ರೊ ಯೆಸು ಕ್ರಿಸ್ತ ಹಮ್ನಾ ಹು ಕೈನ ಪಾಚಾ಼ತಾ ಫರಾಲೊ ನ್ಹವೈ. ಕೆಳಾಮಾಬಿ ಕ್ಹರಿನೆ ಕ್ಹರಿಜ ವ್ಹೈ ಕೈನ ಕವಾಲೊ ವ್ಹೈ ತೆ ಕೆಳಾಬಿ ಯಕ್ಕ ಸೆಮ ರ‍್ಹವಾಲೊ ವ್ಹೈ.

ಫಿಲಿಪ್ಪಿ 1:1

ಯೆಸು ಕ್ರಿಸ್ತನೊ ಆಳ ಥಯಲ ಪೌಲಾ ತಿಮೊಥಿ ಫಿಲಿಪ್ಪಿವಾಲಾವೊನೆ ಬರ್ದಾನು ಪತ್ರ. ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪರಿಶುದ್ಧ ರ‍್ಹಯಲ ಮನಕ್ಹೊನೆ ಕ್ಹಾರಾ ಮ್ಹೊಟಾ ಮನಕ್ಹೊನೆ ಸಭೆಮಾ ಸೆವೆ ಕರಾಲಾವೊನೆ ಹಮೆ ಎ ಪತ್ರ ಬರ್ದಾಡ್ಯಾಸ.

ಕೊಲೆಸ್ಸೆ 1:1

ಕ್ಹುದಾ ತಿನಾ ಚಿತ್ತಾನಾ ಅನುಸಾರ ಯೆಸುಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿತಾ ಬರ್ದಲ ಪತ್ರ.

1 ಥೆಸಲೊನಿಕ 1:1

ಅಪ್ನೊ ಬಾ ಥಯಲ ಕ್ಹುದಾಮಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕ ಸಬೆವಾಲಾವೊನೆ ಪೌಲ, ಸಿಲ್ವಾನ ವರಿ ತಿಮೊಥೆ ಬರ್ದಾನು ಪತ್ರ. ಕ್ಹುದಾನಿ ಕೃಪಾ ಶಾಂತಿ ತುಮೊನೆ ರ‍್ಹವಾದೆ.

1 ಥೆಸಲೊನಿಕ 3:2

ಅಪೆ ಅಪ್ನಾ ಕ್ರಿಸ್ತನಾ ಬರೊಕ್ಹೊಮ್ಮಾ ವರಿ ಕ್ಹುದಾನಾ ಹುತಿ ಹಮಾರೊ ಭೈ ವ್ಹೈ. ತೆ ಕ್ಹುದಾನಾ ಹುತಿ ಹಮಾರಾ ಕ್ಹಾತೆ ಕಾಮ ಕರಾಡ್ಯೊಸ. ಕ್ರಿಸ್ತನಾ ವಿಷಯನಿ ಸುವಾರ್ತೆ ಮನಕ್ಹೊನೆ ತಿಳ್ಸಾವಾನೆ ಹಮೊನೆ ಮದತ ಕರಾಡ್ಯೊಸ. ತುಮಾರೊ ಬರೊಕ್ಹೊನಾ ಘಟ್ಟ ಕರಾನೆ ವರಿ ತುಮೊನೆ ಖುಶಿ ಕರಾನೆ ತಿಮೊಥೆನೆ ವಳಾಯಾಸ.

1 ಥೆಸಲೊನಿಕ 3:6

ತೆನೈಸೊ ತಿಮೊಥೆ ತುಮೊಕಂತೊ ಹಮೊಕನ ಫರಿನ ಆಯಲಪರ, ತುಮಾರೊ ಬರೊಕ್ಹೊ ವರಿ ಮಯಾನಾ ಹುತಿ ಚೊ಼ಕಿಯೊ ವಾತೊ ಹಮೊನೆ ಕದ್ಯೊ. ತುಮೆ ಕೆಳಾಮಾಬಿ ಹಮೊನೆ ಶೆ ಕರೊಶಿ ಕೈನ ವರಿ ದೆಕಾನಿ ಆಸಕ್ಹು ಛೆ ಕೈನ ತೆ ಹಮೊನೆ ಕದ್ಯೊ. ತಿನಾಲಿಂಗತಜ಼ ಹಮೆ ತುಮೊನೆ ದೆಕಾನೆ ಘನ್ನಿ ಆಸಕ್ಹು ಛೆ.

2 ಥೆಸಲೊನಿಕ 1:1

ಮಾರೊ ಬಾ ಥಯಲ ಕ್ಹುದಾಕನ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕವಾಲಾವೊನಿ ಸಬೆನೆ ಪೌಲಾ, ಸಿಲ್ವಾನ ವರಿ ತಿಮೊತಿ ಬರ್ದಾನು ಪತ್ರ.

1 ತಿಮೊತಿ 1:2

ತು ಬರೊಕ್ಹೊ ರ‍್ಹಯಲವಾಲೊ ಥಯಲಕ್ಹು ಮನೆ ಕ್ಹರಿನೊ ದಿಕ್ರಾ ಲಿಂಗತ ಛೆ. ಬಾ ಥಯಲ ಕ್ಹುದಾಕ್ಹು ವರಿ ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಕ್ಹು ಕೃಪಾ ಮರಗಾ ಶಾಂತಿ ತುನೆ ಮಳಾದೆ.

1 ತಿಮೊತಿ 6:11

ತೆನೈಸೊ ತು ಕ್ಹುದಾನೊ ಮನಕ್ಹ ವ್ಹೈ. ತಿನಾಹುತಿ ಎ ಕ್ಹಾರಾ ಸಂಗತಿಯೊಕ್ಹು ದುರ ರ‍್ಹೆ. ತೆನೈಸೊ ನಿತಿವಂತ, ಭಕ್ತಿನಿ ಸೆವಾ ಬರೊಕ್ಹೊ ಸಮಾಧಾನ ಧೈರ್ಯ ಮಯಾ, ತಾಳ್ಮೆ, ಉದಾರ ಮನಸನೊ ಥೈನ ರ‍್ಹೆ.

1 ತಿಮೊತಿ 6:20

ತಿಮೊತಿ, ತಾರಾ ಹತ್ತಮಾ ವಪ್ಸಿನ ದಿದಲ ಚೊ಼ಕಿ ಬೊಧನೆ ಚೊ಼ಕಿತರಾ ವಚಾ಼ಡ. ದುನಿಯಾನಿ ವಿಚಾರನಾ ಕೆಟ್ಟ ಸಂಗತಿಯೊ ಕವಾನಾ ಮನಕ್ಹೊ ಕ್ಹರಿನಾ ವಿರುದ್ದ ವಾದ ಕರಾಲಾ ಮನಕ್ಹೊಕ್ಹು ದುರ ರ‍್ಹೆ. ತ್ಯುನೆ ತಿನೆ ಗ್ಯಾನ ವ್ಹೈ ಕೈನ ಕದ್ಯಾತುಬಿ ತೆ ಕ್ಹರಿನು ಗ್ಯಾನ ನ್ಹವೈ.

2 ತಿಮೊತಿ 1:2

ತಿಮೊತಿ, ತು ಮಾರೊ ಮಯಾನೊ ದಿಕ್ರೊ ರ‍್ಹಯಲಲಿಂಗತ ವ್ಹೈ. ಬಾ ಥಯಲ ಕ್ಹುದಾಕಂತು ವರಿ ಪ್ರಭು ಥಯಲ ಯೆಸು ಕ್ರಿಸ್ತನಿ ತುನೆ ಆಶಿರ್ವಾದ ಮರಗಾ ಶಾಂತಿ ಮಳಾದೆ.

ಇಬ್ರಿಯ 13:23

ಮಾರೊ ಭೈ ಥಯಲ ತಿಮೊಥಿನೆ ಬಿಡುಗಡೆ ಥೈಸ ಕೈನ ತುಮೊನೆ ಗೊತ್ತ ರ‍್ಹವಾದೆ. ತೆ ಜಲ್ದಿ ಆಯೊಮ ಮಿ ತಿನಾ ಕ್ಹಾತೆ ಐನ ತುಮೊನೆ ದಿಕ್ಹುಸ.