ರೊಮಾಪೂರ 15:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಕ್ರಿಸ್ತ ತುಮೊನೆ ಮಳೈ ಲಿದ್ಯೊ. ತಿನಾಹುತಿ ತುಮೆ ಯಕ್ನಾ ಯಕ್ಕ ಮಳೈಲ್ಯು ಎ ಕ್ಹುದಾನೆ ಮಹಿಮಾ ಕರಾಲ ಲಿಂಗತ ಥಾವಸ.

ರೊಮಾಪೂರ 15:7 ပူးပေါင်းရင်းမြစ်များ

ಮತ್ತಾಯ 10:40

ತುಮೊನೆ ಮಳೈ ಲಿವಾಲೊ ಮನೆಬಿ ಮಳೈ ಲಿವಸ. ಮನೆ ಮಳೈ ಲಿವಾಲೊ ಮನೆ ವಳಾಯಲವಾಲಾನೆ (ಕ್ಹುದಾನೆ) ಬಿ ಮಳೈ ಲಿವಸ.

ಮಾರ್ಕ 9:37

ಕುನ್ನಬಿ ಮಾರಾ ನಾಮಪರ ಹವಾ ಬಚ್ಚಾವೊಮಾನಾ ಯಕ್ಲಾನೆಬಿ ಮಳೈ ಲಿದ್ಯಾಮ ತ್ಯುನೆ ಮನೆ ಮಳೈ ಲಿದಲ ಲಿಂಗತ ವ್ಹೈ ; ವರಿ ಕುನ್ನಬಿ ಮನೆ ಮಳೈ ಲಿದ್ಯಾಮ ಮನೆ ನ್ಹವೈ. ಮನೆ ಮೊಕ್ಕಲಲ ವಾಲಾನೆ ಮಳೈ ಲಿದಲ ಲಿಂಗತ ವ್ಹೈ ಕದ್ಯೊ.

ಲುಕ ಬರ್ದಲ ಸುವಾರ್ತಾ 15:2

ತೆಳಾಮಾ ಫರಿಸಾಯರೊ ವರಿ ಶಾಸ್ತ್ರಿಯೊ"ದೆಕೊ! ಎ ಮನಕ್ಹ (ಯೆಸು) ಪಾಪಿಯೊನೆ ಬಲೈನ ತ್ಯುನಾ ಕ್ಹಾತೆ ಮಳಿನ ಅನ್ನ ಖಾವಾಡ್ಯೊಸ"ಕತಾ ಯೆಸುಪರ ಗುಣ ಗುಟ್ಟಾಡ್ಯಾತಾ.

ಲುಕ ಬರ್ದಲ ಸುವಾರ್ತಾ 9:48

ಪಾಚಲ್ತೊ ಯೆಸು ತಿನಾ ಶಿಷ್ಯಾವೊನೆ "ಯಕ್ಲೊ ಮಾರಾ ನಾಮಪರ ಯಕ್ಕ ನ್ಹಾನಾ ಬಚ್ಚಾ಼ನೆ ಮಳೈ ಲಿದ್ಯೊಮ ತೆ ಮನೆ ಮಳೈಲಿದಲ ಲಿಂಗತ ವ್ಹೈ, ವರಿ ಯಕ್ಲೊ ಮನೆ ಮಳೈ ಲಿದ್ಯೊಮ ತೆ ಮನೆ ಮೊಕ್ಲಲವಾಲಾನೆ (ಕ್ಹುದಾನೆ) ಮಳೈಲಿದಲ ಲಿಂಗತ ವ್ಹೈ ಕದ್ಯೊ. ವರಿ ತುಮೊಮಾ ಕುನ್ನ ನ್ಹಾನೊ ವ್ಹೈ ತೆಜ಼ ಮ್ಹೊಟೊ ವ್ಹೈ "ಕೈನ ಕದ್ಯೊ.

ಯೊಹಾನ 13:34

ಮಿ ತುಮೊನೆ ಯಕ್ಕ ನಯಿ ಆಗನ್ಯಾ ದ್ಯುಸ" ತುಮೆ ಯಕ್ಕನೆ ಯಕ್ಕ ಮಯಾ ಕರೊ. ಮಿ ತುಮೊನೆ ಕಿಮ್ಮ ಮಯಾ ಕರು ತುಮೆಬಿ ತಿನಾ ಲಿಂಗತ ಮಯಾ ಕರುಜ.

ಯೊಹಾನ 6:37

ಮಾರೊ ಬಾ ದಿವಾನಾ ತೆ ಕ್ಹಾರಾ ಮನಕ್ಹೊ ಮಕನ ಆವಸ. ವರಿ ಕುನ್ನ ಮಕನ ಆವಸ ತ್ಯುನೊನೆ ಮಿ ಕೆಳಾಮಾಜ ಢಕ್ಲಿಪಾಡ್ತೊ ನೈ.

ರೊಮಾಪೂರ 15:9

ಕ್ಹುದಾ ತ್ಯುನೊನೆ ದೆಕಾಡಾನಿ ಮರಗಾನಾ ಹುತಿ ಕ್ಹಾರಾ ಯೆಹುದಿಯೊತಿನೆ ಮಹಿಮಾ ಕರಾದೆ ಕೈನ ಕ್ರಿಸ್ತ ಯಹುದ್ಯೊನೊ ಸೆವಕ ಥಯೊ. ಪವಿತ್ರ ಗ್ರಂಥಮಾ ಇಮ್ಮ ಬರ್ದ್ಯಾಸ; "ತಿನಾಹುತಿ ಯಹುದ್ಯೊ ನೈಸೊವಾಲಾವೊನಾ ವಚ್ಮಾ಼ ಮಿ ತುನೆ ಸ್ತುತಿ ಕರುಸ. ಮಿ ತಾರು ನಾಮ ಉಚ್ಚು಼ ಕರುಸ" ಕಿರ್ತನೆ 18:49

ರೊಮಾಪೂರ 5:2

ಹಮ್ನಾ ಅಪೆ ಕ್ಹುಶಿ ಕರತಾ ರ‍್ಹಯಲ ಕ್ಹುದಾನಿ ಮರಗಾ ಕ್ಹು ಕ್ರಿಸ್ತಜ಼ ಅಪೊನೆ ಅಪ್ನೊ ಬರೊಕ್ಹಾನಾ ಮುಲಕ ಲಾಯೊಸ. ಕ್ಹುದಾನಿ ಮಹಿಮಾ ಹೊಂದಿಲಿಯೆಸ ಕವಾನು ಆಸ ಅಪೊನೆ ರ‍್ಹಯಲ ಹುತಿ ಅಪೆ ಬರೊಕ್ಹಾನಿ ಘಮಂಡಿ ಕ್ಹು ಛೆ.

ಎಫೆಸ 1:12

ಇಮ್ಮ ರ‍್ಹತಾಮಾ ತಿನಿ ವಿಚಾರ ವರಿ ಆಸಲಿಂಗತ ಹರಿಯಕ್ಕ ಕರಾಲೊ ಕ್ಹುದಾಜ಼ ವ್ಹೈ.

ಎಫೆಸ 1:18

ತುಮೆ ತುಮಾರಾ ಮನಸ್ಮಾ ಹಜು಼ನ ಹೆಚ್ಕಿ಼ ಗ್ಯಾನ ಆವಾದೆ ಕೈನ ಪ್ರಾಥಾನ ಕರುಸ ಅಪೆ ಕೆಯ್ಯೊ ಆಸ ಹೊಂದಿಲ್ಯು ಕೈನ ಕ್ಹುದಾ ಅಪೊನೆ ಇನಿಲಿದ್ಯೊಸ ಕವಾನು ತೆಳಾಮಾ ತಿಳದಿಲಿವೊಸಿ; ತೆ ತಿನಾ ಪರಿಶುದ್ಧ ಮನಕ್ಹೊನೆ ವಾಗ್ದಾನ ಕರಲ ಆಶಿರ್ವಾದ ಕೆಕ್ಲು ಮ್ಹೊಟು ವ್ಹೈ ಕವಾನು ತಿಳ್ದಿಲಿವೊ.

ಕೊಲೆಸ್ಸೆ 3:13

ಯಕ್ಲಾನೆ ಯಕ್ಲೊ ಖಮಾಳಿನ ಗೈನ, ಬಿಜಾ಼ಯಕ್ಲಾಪರ ತಪ್ಪ ಘಾಲಾನಾಹುತಿ ಕಾರಣ್ ತುಮೊನೆ ಮಳ್ಯುತಬಿ, ತ್ಯುನೊಪರ ತಪ್ಪಘಾಲ್ಯಾವಾಚಿ ಮಾಫ ಕರೊ,ಕರ್ತಾ ತುಮೊನೆ ಮಾಫ ಕರೆಲಲಿಂಗತ ತುಮೆಬಿ ಮಾಫ ಕರೊ.