ರೊಮಾಪೂರ 15:30 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁰ ಭಾಯೊ ಭೆನೊ, ತುಮೆ ಮಾರಾ ಹುತಿ ಪ್ರಾಥಾನಾ ಕರಾನಾ ಮುಲಕ ಮನೆ ಮಿ ಸೆವೆ ಕರೊ ಕೈನ ಮಿ ತುಮೊಕನ ಮಾಂಗಿಲ್ಯುಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ವರಿ ಪವಿತ್ರ ಆತ್ಮಾ ದಿವಾನಿ ಮಯಾ ಕ್ಹು ಪ್ರಾಥನಾ ಕರೊ. ಜುದೆಯಮಾ ರ‍್ಹಯಲ ಅವಿಶ್ವಾಸಿಯೊನಾ ಹತೆ ಮಿ ಚು಼ಕೈಲಯವಾನೆ ತುಮೆ ಪ್ರಾಥನಾ ಕರೊ. ವರಿ ಮಿ ಲಿನಂಜಾ಼ವಾನಾ ದೊಕ್ಡಾ ವರಿ ತೆ ದೊಕ್ಡಾ ಕ್ಹುದಾನಾ ಬಚ್ಚಾ಼ವೊನೆ ಮನಸೆ ಔ ಕೈನ ಪ್ರಾಥನಾ ಕರೊ.

ರೊಮಾಪೂರ 15:30 ပူးပေါင်းရင်းမြစ်များ

2 ಕೊರಿಂಥ 1:11

ತುಮೆ ಹಮಾರಾ ಹುತಿ ಪ್ರಾರ್ಥನಾ ಕರೊಶಿ ತಿನಾ ಹುತಿ ಬಿ ತೆ ಹಮೊನೆ ಆಗೊ ಬಿ ವಚಾ಼ಡಸ ಕೈನ ತಿಪರ ಆಸ ಮ್ಹೆಲ್ಯಾಸ. ಅಮ್ಮಜ಼ ಘನ್ನಾ ಜಾನಾವೊನಿ ಪ್ರಾರ್ಥನಾ ಕ್ಹು ಹಮೊನೆ ಥಾವಾನಾ ಉಪಕಾರನಾ ಹುತಿ ಘನ್ನಾ ಮನಕ್ಹೊಕ್ಹು ಕ್ಹುದಾನೆ ಕೃತಜ್ಞತಾ ಸ್ತುತಿ ಥಾವಸ.

2 ಕೊರಿಂಥ 12:10

ಮಿ ಕಮ ಗ್ಯಾನ ರ‍್ಹ ತುಮ ಮಾರ ಹುತ ಹುತಿ ತಡ್ದಿಲಿನ ರ‍್ಹೌ ಕೈನ ಮನಸ ಕರುಸ ತುಮ. ತೆನೈಸೊ ತುಮ ಯಕ್ ಮಾರ ಹುತ ಹುತಿ ತಡ್ದಿಲಿನ ರ‍್ಹ.

2 ಕೊರಿಂಥ 4:11

ಅಪೆ ಜಿವ್ತಾ ರ‍್ಹಯಾತುಬಿ ಯೆಸುನಾ ಹುತಿ ಹಮೆಶಾಬಿ ಮರಣನಿ ಅಪಯಮಾ ಛೆ. ಮರಿಜಾ಼ವಾನು ಅಪ್ನಾ ಅಂಗಮಾ ತಿನೊ ಜ಼ಲಮ ದಿಕ್ಹಾದೆ ಕೈನ ಎ ಅಪ್ನಾ ಕ್ಹಾತೆ ಥಯು.

2 ಕೊರಿಂಥ 4:5

ಅಪೆ ಅಪ್ನಾ ಹುತಿ ಭೊದನೆ ಕರ್ತಾ ನೈ. ತೆ ನೈಸೊ ಯೆಸು ಕ್ರಿಸ್ತಜ ವ್ಹೈ ಕೈನ ವರಿ ತಿನಾ ಸೆಕೊ ವ್ಹೈ ಕೈನ ಭೊದನೆ ಕರಿಯೆಸ.

ಗಲಾತ್ಯ 5:22

ತೆನೈಸೊ ಕ್ಹುದಾನಿ ಅತ್ಮಾಮಾತಿ ಹುಟ್ಟಾನಿ ಮಯಾ, ಸಮಾದಾನ, ಶಾಂತಿ, ಖುಶಿ, ತಡ್ದಿಲಿವಾನು, ಮರಗಾನು, ಉಪಕಾರ, ಬರೊಕ್ಹೊ,

ಎಫೆಸ 6:19

ತೆನೈಸೊ ಮಾರಾ ಹುತಿಬಿ ಪ್ರಾಥನಾ ಕರೊ. ಮಿ ಬೊಲ್ತಾಮಾ ಸುವಾರತೆನಿ ರಹಸ್ಯ ಕ್ಹರಿನೆ ಭೆಂವಾಚಿ ಕವಾನೆ ಚಾ಼ಯೆ ಥಯಲ ವಾತೊ ಕ್ಹುದಾ ಮನೆ ದಿವ್ ಕೈನ ಪ್ರಾಥನಾ ಕರೊ.

ಫಿಲಿಪ್ಪಿ 2:1

ಕ್ರಿಸ್ತಕ್ಹು ಪ್ರೊತ್ಸಾಹ, ಮಯಾ,ಸಮಾಧಾನ,ಪವಿತ್ರತ್ಮಾನಿ ಅನ್ಯುನತೆ, ಮರಗಾ ಹುಟಸ.

ಕೊಲೆಸ್ಸೆ 1:8

ಪವಿತ್ರ ಆತ್ಮಾನೆ ಪ್ರೆರಿತ ಥಯಲ ತುಮಾರಿ ಮಯಾನಾ ಹುತಿ ರ‍್ಹಯಲ ವಿಷಯ ಮನೆ ಕೈನ ದಿದಲ ತೆಜ಼ ವ್ಹೈ.

ಕೊಲೆಸ್ಸೆ 2:1

ಮಿ ತುಮೊನೆಘನ್ನೊ ಕೊಶಿಶ ಕರಾಡ್ಯೊಸ ಕವಾನು ತುಮೊನೆ ಗ್ವತ್ತ ರ‍್ಹೌ ಕವಾನು ಎನೈಸೊ ವಲೊ ದೆಕಿಮಾ ರ‍್ಹಯವಾಲಾವೊನೆ ವರಿ ಮನೆ ನೈಸೊ ದೆಕಲವಾಲಾವೊನೆ ಮದತ ಕರಾನೆ ಕೊಶಿಶ ಕರಾಡ್ಯೊಸ.

ಕೊಲೆಸ್ಸೆ 4:12

ಕ್ರಿಸ್ತ ಯೆಸುನೊ ಆಳ ಥಯಲ ಊರಿನನೊ ಎಪಫ್ರನ ತುಮೊನೆ ನಮಸ್ಕಾರ ಕವಸ, ತುಮೆ ಪ್ರವಿಣ ವರಿ ಕ್ಹುದಾನಿ ಹರಯಕ್ಕ ಚಿತ್ತನೆ ಒಪ್ಪಿಲಿನ ಜೌ ಕೈನ ತುಮಾರಾ ಹುತಿ ಪ್ರಾರ್ಥನಾಮಾ ಲಡೆಸ.

1 ಥೆಸಲೊನಿಕ 5:25

ಭಾಯೊ ಭೆನೊ, ಹಮಾರಾ ಹುತಿ ಪ್ರಾಥನಾ ಕರೊ.

2 ಥೆಸಲೊನಿಕ 3:1

ಲಾಸ್ಟಮಾ ಹಮಾರಾ ಭಾಯೊ ಭೆನೊ, ಹಮಾರಾ ಹುತಿ ಪ್ರಾಥನಾ ಕರೊ. ಪ್ರಭುನಿ ಉಪದೆಶ ಘನಿ ಫೈಲಿಜೌ಼ ಕೈನ ಪ್ರಾಥನಾ ಕರೊ. ತುಮಾರಾ ಲಿಂಗತ ಬಿಜಾ಼ ಮನಕ್ಹೊ ಎ ಉಪದೆಶ ಮರ್ಯಾದಿ ದ್ಯು ಕೈನ.

2 ತಿಮೊತಿ 4:1

ಜಿವ್ತಾ ರ‍್ಹಯಲ ಮನಕ್ಹೊನೆ ಮರಿಗಯಲ ಮನಕ್ಹೊನೆ ಫೈಸಲೊ ಕರಾಲೊ ಕ್ರಿಸ್ತ ಯೆಸು ವ್ಹೈ. ತೆ ತಿನಿ ರಾಜ್ಯನೆ ವ್ಹಂದಿಲಿದ್ಯೊಸ. ತೆ ರಾಜೊ಼ ಥೈನ ಅದಿಕಾರ ಕರಾನೆ ವರಿ ಆವಾಡೊಸ. ತಿನಾಹುತಿ ಯೆಸು ಕ್ರಿಸ್ತನಾ ವರಿ ಕ್ಹುದಾನಿ ಸನ್ನಿಧಿಮಾ ಮಿ ತುನೆ ಕವಾನು ಸು ವ್ಹೈ ಕದ್ಯಾಮ,