ರೊಮಾಪೂರ 15:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ಅದ್ಭುತ ಕಾಮೊ ಕರಾನಿ ತಾಕತ ವರಿ ಮ್ಹೊಟಾ ಕಾಮೊ ದೆಕಲ ಹುತಿ ಕ್ಹುದಾನಿ ಆತ್ಮಾನಿ ತಾಕತಕ್ಹುಜ಼ ಮಾರು ಕಾಮ ಪುರಾ. ಮಿ ಜೆರುಸೆಲಿಮತೊ ಇಲ್ಲುರಿನೆ ಪ್ರಾಂತ್ಯ ಲಕ್ಕಾ ಕ್ರಿಸ್ತನಿ ಸುವಾರ್ತೆ ಕೈನ, ಮಿ ತೆ ಕರ್ತವ್ಯ ಪುರಾ ಕರ‍್ಯೊ.

ರೊಮಾಪೂರ 15:19 ပူးပေါင်းရင်းမြစ်များ

ಮತ್ತಾಯ 12:28

ತೆನೈಸೊ ಮಿ ಕ್ಹುದಾನಿ ತಾಕತಕ್ಹು ಭುತ್ಡಾವೊನೆ ಛೊಡೌಸ. ಕ್ಹುದಾನಿ ರಾಜ್ಯ ತುಮಾರಾ ನಜಿಕ ಐಸ ಕವಾನು ಎ ದೆಕಾಡಿನ ದಿವಸ.

ಯೊಹಾನ 4:48

ಯೆಸು ತಿನೆ"ಸುಚಕ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ದೆಕ್ಯಾವಾಚಿ ಮನೆ ನಂಬತಾಜ಼ ನೈ" ಕೈನ ಕದ್ಯೊ.

ಅಪೊಸ್ತಲೊ 1:8

ತೆನೈಸೊ ಪವಿತ್ರ ಆತ್ಮಾ ತುಮೊಪರ ಆಯಲ ಟೈಮಮಾ ತಾಕತ ವ್ಹಂದಿಲಿನ ಯೆರುಸಲೆಮಮಾ ಪುರಾ ಯುದೆಯಮಾಬಿ ಸಮರ್ಯಾಮಾಬಿ ವರಿ ಭುಲೊಕಮಾ ಹರ ಜ಼ಗಾ ಸಾಕ್ಷಿ ಥೈನ ರ‍್ಹವೊಶಿ" ಕದ್ಯೊ.

ಅಪೊಸ್ತಲೊ 13:14

ತ್ಯುನೆ ತ್ಯುನು ಪ್ರಯಾಣ ಪೆರ್ಗತಾ ಅಗಾ ಬಡೈನ, ಪಿಸಿದಿ ಗಾಮನಿ ರ‍್ಹಯಲ ಅಂತಿಯೊಕ್ಯನೆ ಗಯಾ. ತ್ಯುನೆ ಅಂತಿಯೊಕ್ಯನೆ ಸಬ್ಬತ ದಿನ್ನೆ ಯೆಹುದಿನಾ ಸಭಾ ಮಂದಿರಮಾ ಗೈನ ಬೆಟ್ಯಾ.

ಅಪೊಸ್ತಲೊ 13:51

ತಿನಾಹುತಿ ಪೌಲಾ ಬಾರ್ನಬ ತ್ಯುನಾ ವಿರುದ್ದ ಥೈನ ತ್ಯುನಾ ಪಗೊನು ಧುಳ್ಳ ಝಾಡ್ಸಿನ, ಇಕೊನಿಯಾ ಗಾಮೆ ಗಯಾ.

ಅಪೊಸ್ತಲೊ 14:10

ತಿನೆ"ಉಟ್ಟ, ತಾರಾ ಪಗೊಪರ ಹುಬ್ರೆ" ಕೈನ ಜೊ಼ರ ಕದ್ಯೊ. ತೆಳಾಮಾಜ಼ ತೆ ಮನಕ್ಹ ಜಿಗ್ದಿನ ಹುಬ್ರೈನ ಚಾ಼ಲಾನು ಶುರು ಕರ‍್ಯೊ.

ಅಪೊಸ್ತಲೊ 14:20

ತೆನೈಸೊ, ಯೆಸುನಾ ಶಿಷ್ಯಾ ತಿನಾ ಸುತ್ತೆ ಆತಾಮಾ ತೆ ಉಟಿನ ಗಾಮಮಾ ಗಯೊ. ಮರ್ನಾ ದಿನ್ನೆ ತೆ ವರಿ ಬಾರ್ನಬ ದರ್ಬೆ ಗಾಮನೆ ಗಯಾ.

ಅಪೊಸ್ತಲೊ 14:25

ತ್ಯುನೆ ಕ್ಹುದಾನಿ ಸಂದೆಶನೆ ಪೆರ್ಗ ಗಾಮಮಾ ಬೊದನೆ ಕರಿನ, ತ್ಯಾಂತಾ ಅತ್ತಾಲಿಯ ಗಾಮೆ ಆಯಾ.

ಅಪೊಸ್ತಲೊ 14:6

ಎ ಗ್ವತ್ತ ಥಯಲ ಪೌಲಾ ಬಾರ್ನಬ ತೆ ಗಾಮ ಛೊಡಿನ ಲುಕವೊನಿಯಾನಾ ಗಾಮೊ ರ‍್ಹಯಲ ಲುಸ್ತ್ರ ವರಿ ದರ್ಬೆನೆ ವರಿ ತೆ ಗಾಮೊನಾ ಸುತ್ತಮುತ್ತ ರ‍್ಹಯಲ ಜ಼ಗಾವೊನೆ ಗಯಾ.

ಅಪೊಸ್ತಲೊ 15:12

ತೆಳಾಮಾ ಕ್ಹಾರಿ ಸಭಾ ಗಪ ವ್ಹತ್ತಿ. ತ್ಯುನೆ ಪೌಲಾ ವರಿ ಬಾರ್ನಬನೆ ಕಾನ ದಿನ್ನ ಐಕ್ಯಾ. ಯೆಹುದಿ ನೈಸೊ ಮನಕ್ಹೊನಾ ವಚಾಮಾ ಕ್ಹುದಾ ತಿನಾ ಮುಕಾಂತರ ಕರಲ ಕ್ಹಾರಾ ಅದ್ಭುತ ಕಾಮೊ ವರಿ ಸುಚಕ ಕಾಮೊನಾ ಹುತಿ ಪೌಲಾ ಬಾರ್ನಬ ಕದ್ಯಾ.

ಅಪೊಸ್ತಲೊ 16:18

ತೆ ಘನ್ನಾ ತಿನತಿಬಿ ಇಮ್ಮಜ಼ ಕರತಿ ರ‍್ಹಯಲ ಹುತಿ ಪೌಲಾ ಘನ್ನೊ ಬೆಜ್ಜಾರ ಥಯೊ. ತಿನಾ ಪಾಚೊ಼ ಫರಿನ ತಿಮಾ ರ‍್ಹಯಲ ಕೆಟ್ಟ ಆತ್ಮಾನೆ; ತಿನೆ ಛೊಡಿನ ಜಾ಼ ಕೈನ ಯೆಸು ಕ್ರಿಸ್ತನಾ ನಾಮಪರ ತುನೆ ಆಗನ್ಯಾ ದ್ಯುಸ. ಕದ್ಯೊ. ತೆಳಾಮಾಜ಼ ತೆ ಕೆಟ್ಟ ಆತ್ಮಾ ತಿಮಾತಿ ಚೊ಼ಡಿನ ಗೈಪಡಿ.

ಅಪೊಸ್ತಲೊ 17:10

ತೆಳಾಮಾ ತೆ ಭಾಯೊ ರಾತಮಾ ಪೌಲಾ ವರಿ ಸಿಲಾನೆ ಬೆರೆಯೊನನೆ ಮೊಕ್ಲಾಯಾ. ತ್ಯುನೆ ತ್ಯಾ ಗೈನ ಯಹುದ್ಯೊನಾ ಸಬಾಮಂದಿರಮಾ ಗಯಾ.

ಅಪೊಸ್ತಲೊ 17:15

ಪೌಲಾನೆ ವಳೈಲವಾಲಾ ತಿನೆ ಅಥೆನೆತಕ ಬಲೈಲಿನ ಗಯಾ ಸಿಲಾ ವರಿ ತಿಮೊಥಿನೆ ಭೆಟಿ ಥಯಲ ಪರ ಭರನೆಜ ತಿಕನ ಆವಾನೆ ಅಪ್ಪಣೆ ಲಿನ ಪೌಲಾ ಕಂತೊ ಗಯೊ.

ಅಪೊಸ್ತಲೊ 18:1

ಎ ಥಯಲ್ಪರ ಪೌಲಾ ಅಥೆನೆ ಛೊಡಿನ ಕೊರಿಂಥನೆ ಗಯೊ.

ಅಪೊಸ್ತಲೊ 18:19

ಎಫೆಸೆಯೆ ಆತಾಮಾ ತ್ಯುನೊನೆ ತ್ಯಾಜ಼ ಛೊಡಿನ ತೆ ಸಭಾಮಂದಿರ್ಮಾ ಮ್ಹೈ ಗೈನ ಯಹುದಿಯೊನಾ ಕ್ಹಾತೆ ವಾದ ವಿವಾದ ಕರ‍್ಯೊ.

ಅಪೊಸ್ತಲೊ 19:1

ಅಪೊಲೊಸ ಕೊರಿಂಥಮಾ ರ್‍ಹತಾಮಾ ಪೌಲ ಬ್ಹಾರಲ್ಯಾ ಗಾಮ್ಮಾ ಫರಿನ ಎಪೆಸಮಾ ಐನ ದಕ್ಹಾಜ಼಼ನಾ ಶಿಷ್ಯಾವೊನೆ ದೆಕಿನ.

ಅಪೊಸ್ತಲೊ 20:20

ಮಿ ತುಮಾರಿ ಮನಕ್ಹೊನಾ ಕ್ಹಾಮೊ ತಮನೊನೆ ಚೊ಼ಕಾನಿಕ್ಹು ಕವಾಕ್ಹು, ಘರ ಘರಮಾ,ಐನ ತಮನೊನೆ ಸಹಾಯ ಕರಾನು ಉಪದೆಶ ಕವಾನಿಕ್ಹು ಪಾಚೊ಼ ಸರಕ್ಯಾವಾಚಿ

ಅಪೊಸ್ತಲೊ 20:6

ನೈ ಫುಗ್ಗಲ ರೊಕ್ಲಾನಾ ಸನ್ನನಾ ದಿನೊಮಾ ಪುರಾ ಥಯಲ್ಪರ ಹಮೆ ಪಿಲಿಪ್ಪಮಾತಾ ಹಡಗಾಮಾ ಪಾಂಚ಼ ದಿನೊಮಾ ತ್ರೊವಾಮಾ ಐನ ತ್ಯುನಾ ಕ್ಹಾತೆ ಮಳ್ಯಾ. ತ್ಯಾ ಕ್ಹಾತ ದಿನ್ನ ವ್ಹತ್ತಾ.

ರೊಮಾಪೂರ 15:13

ಆಸ ದಿವಾಲೊ ಕ್ಹುದಾ ಬರೊಕ್ಹಾಕ್ಹು ಥಾವಾನಿ ಖುಶಿ ಸಮಾಧಾನ ಪುರಾ ದಿವಾದೆ ಕೈನ ತೆಳಾಮಾ ಪವಿತ್ರ ಆತ್ಮಾನಿ ತಾಕತಕ್ಹು ತುಮೊಮಾ ಭರಾದೆ

ರೊಮಾಪೂರ 15:16

ಯಹುದಿ ನೈ ರ‍್ಹಯಲ ಪವಿತ್ರ ಆತ್ಮಾನಾ ಮುಲಕ ಪವಿತ್ರ ಥಯಾ. ಮನಕ್ಹೊನೆ ಮದದ ಕರಾನಾ ಹುತಿ ಕ್ಹುದಾ ಮನೆ ಯಾಜಕನಿ ಸೆವಾ ವ್ಹೈ ಕೈ ಕರಲ್ದಯ. ಕ್ಹುದಾನೆ ಸುವಾರ್ತೆ ಕೈನ ಉಪದೆಶ ಕರಿನ ಮಿ ತಿನೆ ಸೆವಕ ಥಾವಾ ವರಕ್ಹು ಕರ‍್ಯೊ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಕ್ಹುದಾಕನ ಔ ಕೈನ ಮಿ ಸೆವೆ ಕರಾ ವರಕ್ಹು ಥಯೊ. ತೆ ಮನಕ್ಹೊ ಕ್ಹುದಾನಾ ಹುತಿ

ರೊಮಾಪೂರ 15:24

ತಿನಾ ಹುತಿ ಮಿ ಸ್ಪೆನ ದೆಶೆ ಜಾ಼ತಾಮಾ ತುಮೊನೆ ಮಳುಸ, ದಕ್ಹಿಯೆಳ ತುಮಾರಾ ಕ್ಹಾತೆ ಖುಶಿಕ್ಹು ರ‍್ಹೌಸ ಕವಾನು ಆಸ ಮನೆ ಛೆ. ಪಾಚಾ಼ತಾ ತುಮೆ ಮಾರಾ ಪ್ರಯಾಣನೆ ಆಸ್ರೊ ಕರೊಶಿ ಕೈನ ಆಸ ಕರುಸ.

1 ಕೊರಿಂಥ 2:4

ಮಾರಿ ಬೊಧನೆಮಾಬಿ ಪ್ರಸಂಗಮಾಬಿ ಮನಸ್ಸೆ ಆವಾನು ಮನಕ್ಹೊನಿ ಗ್ಯಾನನಾ ವಾಕ್ಯಾ ಮಿ ಉಪಯೊಗ ಕರ‍್ಯಾವಾಚಿ ಆತ್ಮಾನಿ ತಾಕತ ದೆಕಾಡಾನಿ ವಾಕ್ಯಾಜ಼ ಮಿ ಉಪಯೊಗ ಕರ‍್ಯೊ.

2 ಕೊರಿಂಥ 12:12

ಮಿ ಕಾಲನಾ ಲೌಕಿಕಮಾನಾ ನೈ ಲೌಕಿಕಮಾನಾ ಮನಕ್ಹೊ ರ‍್ಹಯಲ ಲಿಂಗತ ರ‍್ಹೌ ಕೈನ ದಕ್ಹ ಮನಕ್ಹೊ ವಿಚಾರ ಕರಸ. ಮಿ

ಗಲಾತ್ಯ 3:5

ತಿನಾಹುತಿ ಕ್ಹುದಾ ಪವಿತ್ರ ಆತ್ಮಾನೆ ದಿವಾನು ತುಮೆ ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಾಕ್ಹು ವ್ಹೈ ಸು? ಕ್ಹುದಾ ಮ್ಹೊಟಾ ಕಾಮೊ ಕರಾನು ತುಮೆ ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಾಕ್ಹು ವ್ಹೈಸು? ನ್ಹವೈ. ಸುವಾರ್ತೆ ಐಕಿನ ತಿಪರ ಬರೊಕ್ಹೊ ಮ್ಹೆಲಲ ಹುತಿ ಕ್ಹುದಾ ತುಮೊನೆ ಪವಿತ್ರ ಆತ್ಮಾ ದಿವಸ. ವರಿ ಮ್ಹೊಟಾ ಕಾಮೊ ಕರಸ.

ಕೊಲೆಸ್ಸೆ 1:25

ಕ್ಹುದಾನಾ ಮನಸ ಲಿಂಗತ ತುಮಾರಾ ಚೊ಼ಕಾನಾ ಹುತಿ ಮಿ ತುಮಾರಿ ಸಭೆನೆ ಸೆವಕ ಥಹಯೊ.

1 ಥೆಸಲೊನಿಕ 1:5

ಹಮೆ ತುಮೊಕನ ಸುವಾರ್ತೆ ಲಾಯಾ ತೆ ಕ್ಹಾಲಿ ವಾತೊ ನ್ಹವೈ. ತಾಕತಕ್ಹು ವರಿ ವರಿ ಪವಿತ್ರ ಆತ್ಮಾನಾ ಕ್ಹಾತೆ ಲಾಯಾಸ. ಇಮಾ ಕ್ಹಾರು ಕ್ಹರಿ ಛೆ. ಎನೈಸೊ ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ತುಮಾರಾ ಹುತಿ ಕಿಮ ಜಿವ್ನಾ ಕರ‍್ಯಾ ತುಮೆ ತಿಳ್ದಿಲಿದ್ಯಾಸ. ಎ ಕ್ಹಾರು ತುಮಾರಾ ಚೊ಼ಕಾನಾ ಹುತಿ ಥಯುಸ.

2 ತಿಮೊತಿ 4:17

ವರಿ ಕ್ಹುದಾ ಮಾರಾ ಕ್ಹಾತೆ ವ್ಹತ್ತೊ. ಮಿ ಸುವಾರ್ತೆ ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನೆ ಕ್ಹುದಾ ಮನೆ ತಾಕತ ದಿದ್ಯೊ. ತೆ ಮನೆ ಮರಣಮಾತೊ ವಚಾ಼ಡ್ಯೊ.

ಇಬ್ರಿಯ 2:4

ಎನೈಸೊ ಕ್ಹುದಾ ತಿನಾ ಅದ್ಭುತ ಕಾಮುಕ್ಹು, ಸುಚಕ ಕಾರ‍್ಯೊಕ್ಹು, ಘನ್ನಾ ತರಾನಾ ಮ್ಹೊಟಾ ಕಾಮೊಕ್ಹು ವರಿ ಪವಿತ್ರ ಆತ್ಮಾನಾ ವರಾಕ್ಹು ತಿನಾ ಮನಸೆ ಆಯಲ ತಿಮ್ಮ ದಿವಾನಾ ಮುಲಕ ತೆ ದೆಕಾಡಿನ ದಿದ್ಯೊ.

1 ಪೆತ್ರಾ 1:12

ತೆ ಪ್ರವಾದಿಯೊ ಕರಲ ಸೆವಾ ತುಮಾರಾ ಹೊರತಾಗಿ ತಿವ್ನಾ ಹುತಿ ನ್ಹವೈ. ತ್ಯುನೊನೆ ಗ್ವತ್ತ ಥಯು. ಹಮ್ನಾ ತುಮೆ ಐಕಲ ಸಂಗತಿಯೊ ತ್ಯುನೆ ಕತಾಮಾ ತ್ಯುನೆ ತುಮಾರಿ ಸೆವೆ ಕರಾಡಾತಾ. ಸ್ವರಗಾತಾ ಮೊಕ್ಲಲ ಪವಿತ್ರ ಆತ್ಮಾ ಆಸ್ರಾಕ್ಹು ಸುವಾರ್ತೆ ಕದಲ ವಾಲಾಜ಼ ಎ ಸಂಗತಿಯೊ ಕದ್ಯಾ. ತ್ಯುನೊನೆ ತೀಳಸಲ ಸಂಗತಿಯೊನಾ ಹುತಿ ತಿಳದಿಲಿವಾಹುತಿ ದೆವ ದುತೊ ಕೈದಾಡ್ಯಾಸ.