ರೊಮಾಪೂರ 14:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ತಿನಾಹುತಿ ಸಮಾದಾನ ಕರಾನಾ ಕಾಮೊ ಅಪ್ನಾ ಹತೆ ಥಾವಾನು ತೆಕ್ಲು ಕೊಶಿಶ ಕರಿಯೆ.

ರೊಮಾಪೂರ 14:19 ပူးပေါင်းရင်းမြစ်များ

ಎಫೆಸ 4:29

ತುಮಾರಾ ಮ್ಹೊಡಾಕ್ಹು ಕೆಟ್ಟ ವಾತೊ ಔ ನೈ. ಭಕ್ತಿನೆ ಘಟ್ಟ ಕರಾನಾ ಕಾಲನೆ ಕರೆಟ್ಟ ರ‍್ಹಯಲ ವಾತೊ ರ‍್ಹಯಾರೆ ಐಕಾಲಾವೊನಾ ಚೊ಼ಕಾನಾ ಹುತಿ ತೆ ಕವೊ.

ರೊಮಾಪೂರ 12:18

ಕ್ಹಾರಾ ಮನಕ್ಹೊನಾ ಕ್ಹಾತೆ ಶಾಂತಕ್ಹು ರ‍್ಹವಾನೆ ತುಮೊನೆ ಥಾಯೆ ತೆಕ್ಲು ಕೊಶಿಶ ಕರೊ.

ರೊಮಾಪೂರ 15:2

ಅಪ್ನೊಮಾ ಹರಿ ಯಕ್ಲೊ ತಿನಾ ಆಜು಼ ಬಾಜು಼ ವಾಲವೊನಾ ಹುತಿ ಚೊ಼ಕಾನಾ ಹುತಿ ಬಯಸ್ತಾ ರ‍್ಹೌ. ಬರೊಕ್ಹಾಮಾ ಕಮಿ ರ‍್ಹಯಲ ವಾಲಾವೊನೆ ಹೆಚ್ಕಿ಼ ಬರೊಕ್ಹಾಮಾ ಘಟ್ಟ ರ‍್ಹವಾನೆ ಮದದ ಕರು.

ಇಬ್ರಿಯ 12:14

ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನಾಕ್ಹು ವರಿ ಪರಿಶುದ್ಧ ಥೈನ ಜಿವನಾ ಕರಾನೆ ಕೊಶಿಶ ಕರೊ. ಕಯಾನು ಜಿವ್ನಾ ಪರಿಶುದ್ಧ ರ‍್ಹತು ನೈ. ಪ್ರಭು ತಿನೆ ಕೆಳಾಮಾಜ಼ ದೆಕ್ತೊ ನೈ.

2 ಕೊರಿಂಥ 13:11

ಲಾಸ್ಟಮಾ ಭಾಯೊ ಖುಶಿ ಕರೊ ಶಿದಾ ಕರ್ಲಿವೊ ಧೈರ‍್ಯಕ್ಹು ರ‍್ಹವೊ ಯಕ್ಕಜ಼ ಮನಸಕ್ಹು ರ‍್ಹವೊ ಸಮಾದಾನ ಕ್ಹು ರ‍್ಹವೊ ತೆಳಾಮಾ ಮಯಾಕ್ಹು ರ‍್ಹಯಲ ಶಾಂತಿದಾಯಕ ರ‍್ಹಯಲ ಕ್ಹುದಾ ತುಮಾ ಕ್ಹಾತೆ ರ‍್ಹವಸ.

ಮಾರ್ಕ 9:50

ಮಿಟ್ಟು ಚೊ಼ಕು ವ್ಹೈ; ಮಿಟ್ಟಾನಿಜ಼ ಸವಾದ ಗೈ ಪಡ್ಯುಮ ತಿನೆ ಶಾಕ್ಹು ಮಿಟ್ಟು ಕರೊಶಿ? ತುಮೊಮಾ ಮಿಟ್ಟಾ ನಿOಗತ ದೊಸ್ತಿ ರ‍್ಹವಾದೆ. ಯಕ್ಕಲಾಪರ ಯಕ್ಲೊ ಸಮಾಧಾನೆ ರ‍್ಹವೊ.

ಮತ್ತಾಯ 5:9

ಸಮಾಧಾನ ಕರಾಲಾ ಧನ್ಯ ವ್ಹೈ. ತ್ಯುನೆ ಕ್ಹುದಾನಾ ಬಚ್ಚಾ ವ್ಹೈ ಕೈನ ಕವೈಲಿವಸ.

1 ಪೆತ್ರಾ 3:11

ತೆ ಕೆಟ್ಟ ಕರ‍್ಯಾವಾಚಿ ಚೊ಼ಕುಜ಼ ಕರೆನಕಾ. ತೆ ಸಮಾದಾನ ಮಳಾನು ದೆಕ್ತೊ ತಿನಾಹುತಿ ತೆ ಮಳಾದೆ ಕೈನ ಕೊಶಿಶ ಕರಾದೆ.

1 ಕೊರಿಂಥ 14:26

ತಿನಾಹುತಿ ಭಾಯೊ ಭೆನೊ, ತುಮೆ ಕರಾನು ಸು ವ್ಹೈ? ತುಮೆ ಸಭೆ ಮಳಿನ ಆಯಲಪರ, ಯಕ್ಲೊ ಗಿದ್ದ ಕವಸ; ಯಕ್ಲೊ ಉಪದೆಶ ಕರಸ; ಯಕ್ಲೊ ಕ್ಹುದಾಕ್ಹು ನವು ಕ್ಹರಿ ತಿಳ್ಸಾವಸ; ಯಕ್ಲೊ ಬಿಜಿ಼ ಭಾಶಾಮಾ ಬೊಲಸ; ಯಕ್ಲೊ ತೆ ಬಿಜಿ಼ ಭಾಷಾ ಅನುವಾದ ಕರಸ. ಸಭೆ ಘಟ್ಟ ಥೈನ ಬೆಳದು ಕೈನ ಎ ಕ್ಹಾರಾವೊನು ಉದ್ದೆಶ ರ‍್ಹೌ.

1 ಕೊರಿಂಥ 10:33

ಮಿ ತಬಿ ಮಾರಾ ಸ್ವಂತ ಚೊ಼ಕಾನಾ ಹುತಿ ವಿಚಾರ ಕರ‍್ಯಾವಾಚಿ ಕ್ಹಾರಾ ಜ಼ನಾವೊನಾ ಉದ್ಧಾರನಾ ಹುತಿ ತ್ಯುನು ಚೊ಼ಕು ಆಸ ಕರಿನ, ಕ್ಹಾರಾವೊನೆ ಕ್ಹಾರಾಮಾ ಮೆಚ್ಚಿಸಾನೆ ಕೊಶಿಶ ಕರುಸ.

2 ತಿಮೊತಿ 2:22

ಜಾಂಜಿಮಾನೊ ಆಸ ಕರಾನಾ ಕೆಟ್ಟ ಕಾಮೊಕ್ಹು ತು ದುರ ರ‍್ಹೆ. ಮಯಾ, ಬರೊಕ್ಹೊ ವರಿ ಶಾಂತಿ ವ್ಹಂದಲವಾಲೊ ಥೈನ ನಿತಿಕ್ಹು ಜಿ಼ವ್ಸಾನೆ ಕೊಶಿಶ ಕರ. ಪ್ರಭುಮಾ ಬರೊಕ್ಹೊ ಮ್ಹೆಲಲ ವರಿ ಪರಿಶುದ್ಧ ಮನಸ್ಸ ರ‍್ಹಯಲ ಮನಕ್ಹೊನಾ ಕ್ಹಾತೆ ಮಳಿನ ಎ ಕಾಮೊ ಕರಿನ ಪ್ರಭುನೆ ಸಹಾಯನೆ ಬಲಾವೊ.

1 ತಿಮೊತಿ 1:4

ವಿಚಾರ ಕರಲ ಕಾನಿಯೊನೆಬಿ ವರಿ ತುಮಾರಾ ಪಿತೃವೊನು ಖಾಂದಾನನೆ ಧ್ಯಾನದ್ಯುನೈ ಕೈನ ತ್ಯುನೊನೆ ಆಗನ್ಯಾ ದೆ. ತೆ ಸಂಗತಿಯೊ ವಾದ-ವಿವಾದ ಲಾವಸ. ತ್ಯವಾಕ್ಹು ಕ್ಹುದಾನಾ ಕಾಮನೆ ಸುಜ಼ ಉಪಯೊಗ ನತ್ತಿ. ಕ್ಹುದಾನು ಕಾಮ ಬರೊಕ್ಹಾ ಕ್ಹು ಕರು.

2 ಕೊರಿಂಥ 12:19

ಹಮೆ ಅಕ್ಲಿಯೆಲ ಲಕ್ಕಾ ತುಮರಾ ಕ್ಹಾತೆ ವಾದ ವಿವಾದ ಕರಾಡಾಸ ಕೈನ ತಿಳದಿಲಿದ್ಯಾಸ ಸು? ತುಮಾರಾ ಕ್ಹಾಮಾ ನೈ, ಕ್ಹುದಾನಿ ಸನ್ನಿಧಿಮಾಜ ಹಮೆ ಕ್ರಿಸ್ತಮಾ ರ‍್ಹೈನ ಬೊಲೆಸ. ಮಯಾನಾ ಭಾಯೊ ಹಮೆ ಆ ಕ್ಹಾರು ಕರಾನು ತುಮಾರಿ ಭಕ್ತಿ ವೃದ್ದಿನಾ ಹುತಿ ವ್ಹೈ.

1 ಕೊರಿಂಥ 7:15

ಯಕ್ಕೆಳೆ, ಕ್ರಿಸ್ತ ವಿಶ್ವಾಸಿ ನೈ ರ‍್ಹಯಲ ಬೈಕೊ ರ‍್ಹವಾದೆ, ಮಾಟಿ ರ‍್ಹವಾದೆ ಜು಼ದಾ ಥೌಸ ಕದ್ಯಾಮ ತ್ಯುನೆ ಥಾವಾದೆ. ಹೆವಾ ಟೈಮಮಾ ಕ್ರಿಸ್ತಮಾ ರ‍್ಹಯಲ ಭೈ ರ‍್ಹವಾದೆ, ಭೆನ ರ‍್ಹವಾದೆ ಹಿವಾನಾ ಬಂಧನಮಾ ನತ್ತಿ. ಕಾ ಕದ್ಯಾಮ, ಕ್ಹುದಾ ತುಮೊನೆ ಶಾಂತಿ ಸಮಾಧಾನಕ್ಹು ರ‍್ಹವಾನೆ ಬಲಾಯೊಸ.

1 ಕೊರಿಂಥ 8:1

ಮುರತಿಯೊನೆ ಚ಼ಡಾಯಲ ಅನ್ನನಾ ಹುತಿ ಮಿ ಸು ಕೌಸ ಕದ್ಯಾಮ; "ತುಮೊನೆ ಕ್ಹಾರಾವೊನೆ ಗ್ಯಾನ ಆಯುಸ" ಕೈನ ಕೈಲಿವೊಶಿ. ಗ್ಯಾನ ತುಮೊನೆ ಅಹಂಕಾರಿ ಕರಸ. ಮಯಾ ತುಬಿ ಭಕ್ತಿನೆ ಘಟ್ಟ ಕರಸ.

1 ಕೊರಿಂಥ 10:23

"ಸುಬಿ ಕರಾನೆ ಆಜಾ಼ದಿ ಛೆ" ಕೈನ ಕೆ ಸಕೆಸ ಸು. ತೆನೈಸೊ ಕ್ಹಾರು ಉಪಯೊಗ ನ್ಹವೈ. ಸುಬಿ ಕರಾನೆ ಆಜಾ಼ದಿ ಛೆ. ತೆನೈಸೊ ಕ್ಹಾರುಜ಼ ಅಭಿವೃದ್ಧಿ ಕರ‍್ತು ನೈ.

1 ಕೊರಿಂಥ 14:3

ತೆನೈಸೊ ಪ್ರವಾದನೆ ಕರಾಲೊ ಮನಕ್ಹೊನಾ ಕ್ಹಾತೆ ಬೊಲಸ. ತೆ ಮನಕ್ಹೊನೆ ತಾಕತ, ಪ್ರೊತ್ಸಾಹ ವರಿ ಆದರಣೆ ದಿವಸ.

1 ಕೊರಿಂಥ 14:4

ಬಿಜಿ಼ ಭಾಶಾಮಾ ಬೊಲಾಲೊ ಮನಕ್ಹ ಖುದ್ದನೆ ಯಕ್ಕಜ಼ ಮದತ ಕರಿಲಿವಸ. ತೆನೈಸೊ ಪ್ರವಾದನೆ ಕರಾಲೊ ಕ್ಹಾರಿ ಸಭೆನೆ ಮದತ ಕರಸ.

1 ಕೊರಿಂಥ 14:5

ಬಿಜಿ಼ ಬಿಜಿ಼ ಭಾಶಾಮಾ ಬೊಲಾನಿ ವರಾ ತುಮೆ ಕ್ಹಾರಾ ವ್ಹಂದಿಲ್ಯು ಕೈನ ಮಾರು ಆಸ ವ್ಹೈ. ತೆನೈಸೊ ತುಮೆ ಪ್ರವಾದನೆ ಕರು ಕೈನ ಮಿ ಹಜು಼ನ ಘನ್ನೊ ಆಸ ಕರುಸ. ಕ್ಹಾಲಿ ಬಿಜಿ಼ ಬಿಜಿ಼ ಭಾಶಾಮಾ ಬೊಲಾಲಾತಿ ಪ್ರವಾದನೆ ಕರಾಲೊ ಘನ್ನೊ ಖಾಸ ಥಯೊಸ. ತೆನೈಸೊ ಬಿಜಿ಼ ಬಿಜಿ಼ ಭಾಶಾಮಾ ಬೊಲಾಲೊ ತೆ ಭಾಷಾ ತಿಳಸಾಲೊ ಥಯಲ ರ‍್ಹಯಮ, ತೆ ಪ್ರವಾದನೆ ಕರಾಲಾ ಲಿಂಗತ ಖಾಸ ಥಾವಸ. ತೆಳಾಮಾ ತೆ ಕವಾನಾ ಸಂಗತಿಯೊನಾ ಮೂಲಕ ಸಭೆನೆ ಮದತ ಥಾವಸ.

ಎಫೆಸ 4:12

ಕ್ರಿಸ್ತನಿ ಸೆವಾನಾ ಹುತಿ ಕ್ಹುದಾ ಪರಿಶುದ್ಧ ಮನಕ್ಹೊನೆ ತಯ್ಯಾರ ಕರಾನೆ ತೆ ತ್ಯುನೊನೆ ನೆಮಿಸ್ಯೊ.