ರೊಮಾಪೂರ 12:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಅಪೆ ಕ್ಹಾರಾ ಬಿಜಾ಼-ಬಿಜಾ಼ ವರಾ ಹೊಂದಿಲಿದ್ಯಾಸ. ಕ್ಹುದಾ ಅಪೊನೆ ದಿದಲ ಕೃಪಾಕ್ಹು ಹರಯಕ್ಕ ವರಾ ಆಯುಸ. ಪ್ರವಾದನೆ ಕರಾನು ವರಾ ವ್ಹಂದಲವಾಲೊ ತಿನೆ ರ‍್ಹವಾನಾ ಬರೊಕ್ಹಾನಾ ಕ್ಹಾತೆ ತೆ ವರಾನೆ ಉಪಯೊಗ ಕರು.

ರೊಮಾಪೂರ 12:6 ပူးပေါင်းရင်းမြစ်များ

ಮತ್ತಾಯ 23:34

ತಿನಾಹುತಿ ದೆಕೊ, ಮಿ ತುಮೊಕನ ಪ್ರವಾದಿಯೊನೆ, ಗ್ಯಾನಿಯೊನೆ ಶಾಸ್ತ್ರಿಯೊನೆ ಮೊಕ್ಲುಸ; ತುಮೆ ತಿಮಾನಾ ದಕ್ಹಾಜ಼ನಾವೊನೆ ಖಲಾಸ ಕರೊಸಿ, ಶಿಲುಬಿಪರ ಗಾಲೊಶಿ; ದಕ್ಹಾಜ಼ನಾವೊನೆ ತುಮಾರಿ ಸಭಾಮಂದಿರೊಮಾ ಬಾರಕೊಲೊಕ್ಹು ಮಾರಿನ ಗಮ್ತಾ ಭಾರಾ ಘಾಲೊಸಿ.

ಮತ್ತಾಯ 25:22

ತೆಳಾಮಾ ಬೆ ತಲಾಂತೊ ವ್ಹಂದಲ ಆಳ ಐನ, ಮಾಲಕ, ತು ಮನೆ ಬೆ ತಲಾಂತೊ ದಿದ್ಯೊತೊತ; ದೆಕ, ತಿಮಾ ವರಿ ಬೆ ತಲಾಂತೊ ಕಮಾಯೊಸ, ಕದ್ಯೊ.

ಲುಕ ಬರ್ದಲ ಸುವಾರ್ತಾ 11:49

ತಿನಾ ಹುತಿ ಕ್ಹುದಾನು ಗ್ಯಾನ ಸು ಕವಸ ಕದ್ಯಾಮ,ಮಿ ಮಾರಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಮೊಕ್ಕಲುಸ. ಮಾರಾ ದಕ್ಹಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಕೆಟ್ಟ ಮನಕ್ಹೊನಾ ಹತ್ಮಾ ಮರಿ ಜಾ಼ವಸ ವರಿ ದಕ್ಹಾಜ಼಼ನಾ ಕಷ್ಟಮಾ ಪಡಸ.

ಅಪೊಸ್ತಲೊ 13:1

ಅಂತಿಯೊಕ್ಯನಾ ಸಭೆಮಾ ದಕ್ಹಾ ಪ್ರವಾದಿಯೊ ವರಿ ಉಪದೆಶ ಕರಾಲಾ ವ್ಹತ್ತಾ. ತ್ಯುನೆ ಕುನ್ ವ್ಹೈ ಕದ್ಯಾಮ; ಬಾರ್ನಬ, ಸಿಮೆಯೊನ್ ಇನೆ ನಿಗರ ಕೈನಬಿ ಬಲಾತಾತಾ. ಲುಸಿಯಸ ಸಿರೆನ ಗಾಮ ವಾಲೊ ವ್ಹೈ. ಮೆನಹೆನ ಹೆರೊದ ರಾಜಾ಼ನಾ ಕ್ಹಾತೆ ಬೆಳದಲವಾಲೊ ವರಿ ಸೌಲಾ ವ್ಹೈ.

ಅಪೊಸ್ತಲೊ 15:32

ಯುದಾ, ಸಿಲಾ ತ್ಯುನೆಜ ಪ್ರವಾದಿಯೊ ಥಯಲಕ್ಹು ಭಾಯೊನೆ ಘನ್ನಾ ವಾತೊಕ್ಹು ಕೈನ ಘಟ್ಟ ಕರಿನ ಕದ್ಯಾ.

ಅಪೊಸ್ತಲೊ 2:17

ಕ್ಹುದಾ ಅಮ್ಮ ಕವಸ; ಲಾಸ್ಟನಾ ದಿನೊಮಾ ಮಾರಿ ಆತ್ಮಾ ಖಾರಾವೊಪರ ಆವಸ ತೆನೈಸೊ ತುಮಾರಾ ಕ್ಹಾತೆ ರ‍್ಹಯಲ ದಾಣ್ಗಾ ವರಿ ಬಾಕ್ಡಿಯೊ ಪ್ರವಾದನೆ ಕರಸ ವರಿ ಜಾಂಜಿಮಾನೊನೆ ದರ್ಶನ ಥಾವಸ ತುಮಾರಾ ಮ್ಹೊಟಾ ಮನಕ್ಹೊನೆ ಕ್ಹಪನೊ ಪಡಸ

ಅಪೊಸ್ತಲೊ 21:9

ತಿನೆ ಜಾಂಜಿಮಾನ ಥಯಲ ಚಾ಼ರ ಪಟ್ಟಾ ವ್ಹತ್ತಾ. ತ್ಯುನೆ ಕ್ಹುದಾನು ಪ್ರವಾದನೆ ಕರಾವಾಲಾ ವ್ಹತ್ತಾ.

ರೊಮಾಪೂರ 1:11

ಮಿ ತುಮೊನೆ ದೆಕಾನೆ, ತುಮೊನೆ ಆತ್ಮಿಕನಾ ಆಶಿರ್ವಾದೊ ವಾಟಿ ಲಿವಾನೆ ವರಿ ತುಮೊನೆ ಘಟ್ಟ ಕರಾನೆ ಮಾರು ಘನ್ನು ಮನಸ ಛೆ.

ರೊಮಾಪೂರ 12:3

ಕ್ಹುದಾ ಮನೆ ಖಾಸ ಯಕ್ಕ ವರಾ ದಿದ್ಯೊಸ. ತಿನಾಹುತಿಜ಼, ತುಮೊಮಾ ರ‍್ಹಯಲ ಹರ ಯಕ್ಕಲಾವೊನೆ ಎ ಸಂಗತಿಯೊ ತಿಳ್ಸಾವಾಡ್ಯೊಸ. ತುಮೆ ತುಮಾರಾ ಔಕಾತತಿಬಿ ಘನ್ನು ತುಮಾರಾ ವಿಷಯಮಾ ತಿಳ್ದಿಲಿವೊ ನಕೊ. ತುಮೆ ತುಮಾರಿ ವಿಷಯಮಾ ಸು ತಿಳ್ದಿಲಿದ್ಯಾತಬಿ ತೆ ವಿಚಾರ ತುಮಾರಿ ಔಕಾತನೆ ಕರೆಟ್ಟ ರ‍್ಹೌ. ಕ್ಹುದಾ ತುಮೊನೆ ಕೆಕ್ಲೊ ಬರೊಕ್ಹೊ ದಿದ್ಯೊಸ ತೆ ಬರೊಕ್ಹಾ ಲಿಂಗತಜ಼ ತುಮಾರಿ ವಿಷಯಮಾ ತಿಳ್ದಿಲಿವೊ.

1 ಕೊರಿಂಥ 12:18

ಚೊ಼ಕು ಛೆ, ಕ್ಹುದಾ ತಿನಿ ಚಿತ್ತ ಲಿಂಗತ, ಹರಯಕ್ಕ ಅಂಗನಾ ಭಾಗನೆ ಕರೆಟ್ಟ ಜೊಡಸಾಯೊಸ.

1 ಕೊರಿಂಥ 13:2

ಪ್ರವಾದನೆ ಕರಾನಿ ವರಾ ಮನೆ ವಸೆ; ಕ್ಹುದಾನಿ ರಹಸ್ಯ ಸಂಗತಿಯೊ ಕ್ಹಾರಾ ವರಿ ಗ್ಯಾನ ಕ್ಹಾರು ಮಿ ತಿಳ್ದಿಲಿದ್ಯೊ ವಸೆ ವರಿ ಡೊಂಗರೊನೆ ಚ಼ಲಾವಾನಿ ಮ್ಹೊಟೊ ಬರೊಕ್ಹೊ ಮನೆ ವಸೆ. ಎ ಕ್ಹಾರು ಮಾರಾಮಾ ರ‍್ಹೈತಬಿ ಮಯಾಜ಼ ನೈ ರ‍್ಹೈಮ, ಮಿ ಶಾನಾ ಕಾಮನೊ ಮನಕ್ಹ ನ್ಹವೈ.

1 ಕೊರಿಂಥ 14:1

ಮಯಾಜ಼ ಇನಿಲಿವೊ. ತೆನೈಸೊ ಪವಿತ್ರ ಆತ್ಮಾನಿ ವರಾ ಹೊಂದಿ ಲಿವಾನೆ ಖಾಸ ಕರಿನ ಪ್ರವಾದನೆ ಕರಾನಿ ವರಾನಾ ಹುತಿ ಘನ್ನಾ ಅಪೆಕ್ಷಾ ಕರು.

1 ಕೊರಿಂಥ 14:24

ಯಕ್ಕ ಟೈಮ ತುಮೆ ಕ್ಹಾರಾ ಪ್ರವಾದನೆ ಕರ‍್ತಾಮಾ, ಗ್ಯಾನ ನೈ ರ‍್ಹಯಲ ನೈಸೊ ಮನಕ್ಹ ಮ್ಹೈ ಆಯಾಮ, ತುಮಾರಿ ಪ್ರವಾದನೆ ತೆ ಮನಕ್ಹನೆ ತಿನಾ ಪಾಪೊ ದೆಕಾಡಿನ ದಿವಸ ವರಿ ತುಮೆ ಕವಾನಾ ವಿಷಯನಾ ಆಧಾರನಾ ಉಪ್ಪರ ತಿನೆ ಪೈಸ್ಲೊ ಥಾವಸ.

1 ಕೊರಿಂಥ 14:29

ಬೆ ಜ಼ನಾ ನೈತೊ ತನ ಜ಼ನಾ ಪ್ರವಾದಿಯೊ ಬೊಲು. ತ್ಯುನೆ ಕವಾನು ಬಿಜಾ಼ ವಿಚಾರ ಕರು.

1 ಕೊರಿಂಥ 3:5

ತೆನೈಸೊ ಅಪೊಲೊಸ ಕುನ್ನ ವ್ಹೈ? ಪೌಲಾ ಕುನ್ನ ವ್ಹೈ? ತುಮೊನೆ ವಿಸ್ವಾಸಮಾ ಬಲೈ ಲಾಯಲ ಸೆವಕೊ ಹಮೆ ನ್ಹವೈ ಸು? ಹಮೊಮಾ ಹರಯಕ್ಲೊ ಪ್ರಭು ದಿದಲ ಕಾಮೊಜ಼ ಕರೆಸ.

1 ಕೊರಿಂಥ 7:7

ಕ್ಹಾರಾಬಿ ಮಿ ರ‍್ಹಯಲ ಲಿಂಗತ ರ‍್ಹೌ ಕೈನ ಮಾರು ಆಸ ವ್ಹೈ. ತೆನೈಸೊ ಕ್ಹುದಾ ಹರ ಯಕ್ಲಾನೆ ಖಾಸ ವರಾ ದಿದ್ಯೊಸ. ಯಕ್ಲಾನೆ ಯಕ್ಕ ವರಾ ರ‍್ಹಯಾಮ, ಬಿಜೆ಼ಕ್ಲಾನೆ ಬಿಜೆ಼ಕ ವರಾ ಛೆ.

2 ಕೊರಿಂಥ 8:12

ಯಕ್ಲೊ ಮನಕ್ಹ ದಿವಾನು ಮನಸ ರ‍್ಹ ತಿನಾ ಯೊಗ್ಯ ವಚ್ಮಾ ದಿವ ತೆ ಸಮರ್ಪಕ ದಿದ ಲಿಂಗತ ರ‍್ಹ. ನೈ ತಿನೆ ಕ್ಹುದಾನಿ ಆಸ ಛೆ ಹೊಂದ.

ಎಫೆಸ 3:5

ಪಾಚ಼ಲ್ಯಾ ಕಾಲಮಾ ರ‍್ಹಯಲ ಮನಕ್ಹೊನೆ ತೆ ದಡಿನೆ ರ‍್ಹಯಲ ಕ್ಹರಿನೆ ತೆ ತಿಳಸಾಯೊ ನೈ. ಹಮ್ನಾ ತುಬಿ ಕ್ಹುದಾ ತಿನಿ ಆತ್ಮಾನಾ ಮುಲಕ ತೆ ದಡಿನ ರ‍್ಹಯಲ ಕ್ಹರಿನೆ ತಿನಿ ಪರಿಶುದ್ಧ ಅಪೊಸ್ತಲೊನೆಬಿ ಪ್ರವಾದಿಯೊನೆಬಿ ದೆಕಾಡ್ಯೊಸ.

ಎಫೆಸ 4:11

ತೆ ದಕ್ಹಾ ಜ಼ನಾವೊನೆ ಅಪೊಸ್ತಲೊ ಕರಿನ ದಕ್ಹಾ ಜ಼ನಾವೊನೆ ಪ್ರವಾದಿ ಕರಿನ ದಕ್ಹಾ ಜ಼ನಾವೊನೆ ಸುವಾರ್ತೆ ಕವಾಲಾ ಕರಿನ ದಕ್ಹಾ ಜ಼ನಾವೊನೆ ಸಭಾಪಾಲಕ ಕರಿನ ವರಿ ಉಪದೆಶಕ ಕರಿನ ನೆಮಶ್ಯೊ.

ಫಿಲಿಪ್ಪಿ 3:15

ಅಪ್ನಾಮ್ಮಾ ಶಾಣ್ಯಾಥಯಲವಾಲಾ ಕ್ಹಾರಾ ಯೆ ವಿಷಯಮ್ಮಾ ಯೆಜ ವಿಚಾರವಾಲಾ ಥೈನ ರ‍್ಹೈ ವರಿ ಯಕ್ಕ ಕೈಬಿ ವಿಷಯಮ್ಮಾ ತುಮೆ ಬಿಜಿ ವಿಚಾರವಾಲಾ ಥಯಲ ರ‍್ಹೈಯಾಮ್ಮಾ ತೆ ಕ್ಹುದಾ ತುಮೊನೆ ದೆಕಾಡಿನ ದಿವಸ.

1 ಥೆಸಲೊನಿಕ 5:20

ಪ್ರವಾದನೆನೆ ಹಿನಾವೊ ನಕೊ.

2 ಪೆತ್ರಾ 1:20

ತುಮೆ ಪೈಲಾ ತಿಳ್ದಿಲ್ಯು ಕದ್ಯಾಮ ತೆ ಸು ವ್ಹೈ ಕದ್ಯಾಮ, ಪವಿತ್ರ ಗ್ರಂಥಮಾ ರ‍್ಹಯಲ ಕೈ ಮ್ಹೊಟಿ ವಾಕ್ಯಾ ಯಕ್ಕಜ಼ ಮನಕ್ಹನಾ ಹುತಿ ನತ್ತಿ ಐ.