ರೊಮಾಪೂರ 12:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಎ ದುನಿಯಾ ರ‍್ಹಯಲಲಿಂಗತ ನೈ ರ‍್ಹಯಾವಾಚಿ ಮನಸ ಬದ್ಲಿ ಕರಲಿನ ನವು ಮನಸ ಕರಲಿನ ರ‍್ಹವೊ. ತೆಳಾಮಾ ತುಮೆ ಕ್ಹುದಾನಿ ಚಿತ್ತನಾ ಲಿಂಗತ ಕಯು ಚೊ಼ಕು ವ್ಹೈ, ಕಯು ಕೆಟ್ಟ ವ್ಹೈ ಕವಾನು ತಿಳ್ದಿಲಿವೊಸಿ.

ರೊಮಾಪೂರ 12:2 ပူးပေါင်းရင်းမြစ်များ

ಮತ್ತಾಯ 13:22

"ಕಾಟಾನಾ ಝಾಡೊಮಾ ಪಡಲ ಬಿಯ್ಯಾ ಕದ್ಯಾಮ ಸು ವ್ಹೈ? ಕ್ಹುದಾನಾ ವಾತೊ ಐಕಿನಬಿ ಲೊಕನಿ ಚಿಂತಾಕ್ಹು ವರಿ ದೊಕ್ಡಾನಾ ಉಪ್ಪರ ರ‍್ಹಯಲ ಮಯಾಕ್ಹು ಕ್ಹುದಾನಿ ವಾತೊನೆ ತಿನಾಮಾ ಬೆಳ್ದೆ ನೈಸೊ ಕರಾಲೊಜ಼ ಬಿಯ್ಯಾ ಪಡಲ ಕಾಟಾವೊನಾ ಝಾಡೊನಿ ಜಿಮಿನ ವ್ಹೈ. ತಿನಾಹುತಿ ಕ್ಹುದಾನಾ ವಾತೊ ತೆ ಮನಕ್ಹನಾ ಜಿವಿತಮಾ ಫಲ ನೈ ದೆತಾ.

ಮಾರ್ಕ 4:19

ವರಿ ತ್ಯುನೆ ಜಿವ್ನಾನಾ ಹುತಿ ಚಿಂತಾ ಕರಸ, ದೊಕಡಾವೊಪರ ಆಸ, ವರಿ ಆಸ್ತಿನಿ ಆಸಮಾ ತೆ ಕ್ಹುದಾನಿಯೊ ವಾತೊನೆ ದಾಬಿಪಾಡಸ ತೆ ಫಲ ದೆತಾ ನೈ.

ಯೊಹಾನ 14:30

"ಮಿ ತುಮಾರಾ ಕ್ಹಾತೆ ಹಜು಼ನ ಘನಿಯೆಳ ಬೊಲ್ತೊ ನೈ. ಎ ದುನಿಯಾನೊ ಅದಿಪತಿ ಆವಾಡ್ಯೊಸ. ತಿನೆ ಮಾರಾ ಉಪ್ಪರ ಕಯುಜ಼ ಅದಿಕಾರ ನತ್ತಿ.

ಯೊಹಾನ 15:19

ತುಮೆ ಎ ದುನಿಯಾನೆ ಮಳಲವಾಲಾ ರ‍್ಹಯುಮ, ಎ ದುನಿಯಾ ತಿನಾ ಸ್ವಂತ ಮನಕ್ಹೊನೆ ಮಯಾ ಕರಲ ಲಿಂಗತ ತುಮೊನೆ ಮಯಾ ಕರಸ. ತೆನೈಸೊ ಮಿ ತುಮೊನೆ ಎ ದುನಿಯಾತೊ ಇನಿಲಿದ್ಯೊಸ. ತಿನಾಹುತಿ ತುಮೆ ಎ ದುನಿಯಾನೆ ಮಳಲವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ತುಮೊನೆ ದ್ವೆಶ ಕರಸ.

ಯೊಹಾನ 17:14

ಮಿ ಇವ್ನೊನೆ ತಾರಿ ವಾಕ್ಯಾ ದಿದ್ಯೊಸ. ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ. ಮಿ ಎ ದುನಿಯಾನೆ ಕೈ ತರಾ ಮಿ ನತ್ತಿ ಮಳ್ಯೊ. ತಿನಾ ಲಿಂಗತಜ ಇವ್ನೆ ಎ ಲೊಕನೆ ಮಳಲ ವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ.

ಯೊಹಾನ 7:7

ಎ ದುನಿಯಾ ತುಮೊನೆ ದುಶ್ಮನಿ ನೈ ಕರ‍್ತು. ತೆನೈಸೊ ಎ ದುನಿಯಾ ಮನೆ ದೊಶ ಕರಸ. ಕಾಕದ್ಯಾಮ ಮಿ ಎ ದುನಿಯಾನಾ ಮನಕ್ಹೊನೆ, ತ್ಯುನೆ ಕರಾನಾ ಕೆಟ್ಟ ಕಾಮೊ ವ್ಹೈ ಕೈನ ಕೌಸ್ತೊ.

ರೊಮಾಪೂರ 12:1

ತಿನಾಹುತಿ ಭಾಯೊ, ಭೆನೊ, ಕ್ಹುದಾ ಘನ್ನೊ ಮರಗಾಲೊ ವ್ಹೈ ತುಮೊನೆ ಶೆ ಕರಲಿನ ತುಮೊಕನ ಸು ಮಾಂಗಿಲ್ಯುಸ ಕದ್ಯಾಮ, ತುಮೊನೆಜ಼ ಕ್ಹುದಾನೆ ಒಪ್ಸಿನ, ಮೆಚ್ಚಿಗೆ ರ‍್ಹಯಲ ಖುದ್ದನೆ ಒಪ್ಸಿನ ದಿವೊ. ಎಜ಼ ತುಮೆ ಕರಾನಿ ಕ್ಹರಿನಿ ಆರಾಧನಾ ವ್ಹೈ.

ರೊಮಾಪೂರ 13:14

ತೆನೈಸೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಆಯುದ್ಧ ಲಿಂಗತ ಭಾಂದಿಲ್ಯು, ತುಮಾರು ಪಾಪನು ಸ್ವಭಾವೊ ಕಿಮ ತೃಪ್ತ ಕರಿಲಿಯೆ ಕೈನ ಕೆಟ್ಟ ಕಾಮೊ ಕರಿಯೆ ಕವಾನು ಆಸ ಕಿಮ ಪುರಾ ಕರಿಯೆ ಕೈನ ವಿಚಾರ ಕರಾನು ಬಂದ ಕರೊ.

ರೊಮಾಪೂರ 7:12

ಇಮ್ಮ ರ‍್ಹತಾಮಾ ಧರಮಶಾಸ್ತ್ರ ಪವಿತ್ರ ವ್ಹೈ. ಆಗನ್ಯಾ ಪವಿತ್ರ ಫೈಸಲೊ ಚೊ಼ಕು ವ್ಹೈ.

ರೊಮಾಪೂರ 7:14

ಧರಮಶಾಸ್ತ್ರ ಆತ್ಮಿಕ ರ‍್ಹಯಲ ವ್ಹೈ ಕೈನ ಅಪೊನೆ ಗ್ವತ್ತ ಛೆ. ತೆನೈಸೊ ಮಿ ಶಾರಿರಿಕ ಮನಕ್ಹ ವ್ಹೈ. ಮಿ ಪಾಪನೆ ಇಕ್ಕಲ ಗುಲಾಮ ವೈಸು ಕೈನ ಪಾಪ ಮಪರ ರಾಜ಼ ಕರಾಡ್ಯುಸ.

ರೊಮಾಪೂರ 7:22

ಮಾರಾ ಅಂತರಂಗಮಾ ಕ್ಹುದಾನಿ ನಿಯಮನಾ ವಿಷಯಮಾ ಮಿ ಖುಶಿ ಥೌಸ.

1 ಕೊರಿಂಥ 3:19

ಕಾಕದ್ಯಾಮ, ಎ ದುನಿಯಾನಿ ಗ್ಯಾನ ಕ್ಹುದಾನಿ ನಜ಼ರಮಾ ಪಿಸಾಳು ಪನ್ನ ಥಯುಸ" ಕ್ಹುದಾ ಗ್ಯಾನಿಯೊನೆ ತ್ಯುನಾ ಚಾಲಕತನಾಮಾ ತ್ಯುನೊನೆಜ಼ ಧರಸ" ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. (ಯೊಬ 5:13)

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

2 ಕೊರಿಂಥ 5:17

ಕುನಬಿ ಕ್ರಿಸ್ತಮಾ ರ‍್ಹಯೊಮ ತೆ ನವೊ ಸೃಷ್ಠಿ ಥಯಾಸ. ಜುನ್ನಿಯೊ ಸಂಗತಿಯೊ ಗೈಪಡಿಯೊ. ಕ್ಹಾರುಜ ನವು ಥಯು.

ಗಲಾತ್ಯ 1:4

ಎ ಕೆಟ್ಟ ಜಗತ್ಮಾತಾ ಅಪೊನೆ ಛೊಡೌ ಕೈನ ಯೆಸು ಅಪ್ನಾ ಪಾಪೊನಾ ಹುತಿ ತಿನಾಕ್ಹು ತಿನೆಜ಼ ದಿಪಾಡ್ಯೊ. ಎ ಬಾ ಥಯಲ ಕ್ಹುದಾನಿ ಚಿತ್ತ ವ್ಹತ್ತಿ.

ಎಫೆಸ 1:18

ತುಮೆ ತುಮಾರಾ ಮನಸ್ಮಾ ಹಜು಼ನ ಹೆಚ್ಕಿ಼ ಗ್ಯಾನ ಆವಾದೆ ಕೈನ ಪ್ರಾಥಾನ ಕರುಸ ಅಪೆ ಕೆಯ್ಯೊ ಆಸ ಹೊಂದಿಲ್ಯು ಕೈನ ಕ್ಹುದಾ ಅಪೊನೆ ಇನಿಲಿದ್ಯೊಸ ಕವಾನು ತೆಳಾಮಾ ತಿಳದಿಲಿವೊಸಿ; ತೆ ತಿನಾ ಪರಿಶುದ್ಧ ಮನಕ್ಹೊನೆ ವಾಗ್ದಾನ ಕರಲ ಆಶಿರ್ವಾದ ಕೆಕ್ಲು ಮ್ಹೊಟು ವ್ಹೈ ಕವಾನು ತಿಳ್ದಿಲಿವೊ.

ಎಫೆಸ 2:2

ಹೊ, ಪೈಲಾ ತುಮೆ ತೆ ಪಾಪೊಜ಼ ಕರೊಶಿ. ಎ ದುನಿಯಾನಾ ವಾಟೊ ಲಿಂಗತ ತುಮೆ ಜಿವ್ನಾ ಕರ‍್ಯಾಸ. ವಾಯು ಮಂಡಲಮಾ ರ‍್ಹವಾನಾ ದುಷ್ಟ ಶಕ್ತಿಯೊನಾ ಅಧಿಪತಿನೆ ತುಮೆ ವಿಧೆಯ ಥಯಾಸ. ಕ್ಹುದಾನೆ ಅವಿಧೆಯ ಥಯಲ ಮನಕ್ಹೊಮಾ ಹಮ್ನಾ ಕಾಮ ಕರಾಲಾಜ಼ ತೆ ಆತ್ಮಾ ವ್ಹೈ.

ಎಫೆಸ 5:17

ತುಮೆ ಪಿಸಾಳಾ ಥಯಾವಾಚಿ ಕ್ಹುದಾನಿ ಚಿತ್ತ ಸು ವ್ಹೈ ಕವಾನು ತಿಳ್ದಿಲಿವೊ.

ಕೊಲೆಸ್ಸೆ 1:9

ಇಮ್ಮ ರ‍್ಹಯಲ ಹುತಿ ಎ ತುಮಾರಿ ಮಯಾನಾ ಹುತಿ ಹಮೆ ಐಕಲ ದಿಂತಾ ತುಮಾರಾ ಹುತಿ ಇಕ್ಹರ‍್ಯಾವಾಚಿ ತುಮೆ ಕ್ಹಾರಿ ತರಾನಿ ಆತ್ಮಿಕನಿ ವಿಷಯನಾ ಹುತಿ ಗ್ಯಾನಕ್ಹು ಕ್ಹುದಾನಿ ಚಿತ್ತ ತಿಳದಿಲಿವಾನಾಹುತಿ

ಕೊಲೆಸ್ಸೆ 3:10

ಆ ನೈ ಚಾಳಿ ಅಪೊನೆ ಸೃಷ್ಟಿ ಕರೆಲನಾ ಗ್ಯಾನನಾ ಪ್ರಕಾರ ದಿನ್ನೆ ದಿನ್ನೆ ನೈ ಥಾತಿ ಆವಸ.

ಕೊಲೆಸ್ಸೆ 4:12

ಕ್ರಿಸ್ತ ಯೆಸುನೊ ಆಳ ಥಯಲ ಊರಿನನೊ ಎಪಫ್ರನ ತುಮೊನೆ ನಮಸ್ಕಾರ ಕವಸ, ತುಮೆ ಪ್ರವಿಣ ವರಿ ಕ್ಹುದಾನಿ ಹರಯಕ್ಕ ಚಿತ್ತನೆ ಒಪ್ಪಿಲಿನ ಜೌ ಕೈನ ತುಮಾರಾ ಹುತಿ ಪ್ರಾರ್ಥನಾಮಾ ಲಡೆಸ.

1 ಥೆಸಲೊನಿಕ 4:3

ಕ್ಹುದಾನಿ ಚಿತ್ತ ಸು ವ್ಹೈ ಕದ್ಯಾಮ ತುಮೆ ಪರಿಶುದ್ಧ ಥೈನ ರ‍್ಹೌ ಕೈನ ಅನೈತಿಕ ಶಾರಿರಿಕ ಸಂಭಂದಕ್ಹು ದುರ ರ‍್ಹವೊ.

ತಿತನೆ 3:5

ತೆ ಅಪೊನೆ ವಚಾ಼ಡಲ ತಿನಿ ಮರಗಾಕ್ಹುಜ಼ ವ್ಹೈ ಚೊ಼ಕಾಥಾವಾನೆ ಅಪೆ ಕರ‍ಲ ಕಾಮೊಕ್ಹು ನ್ಹವೈ. ತೆ ಅಪೊನೆ ಅಂಗ ಧವಾಹುತಿ ಪವಿತ್ರ ಆತ್ಮಾಕ್ಹು ನವಾ ಕರಿನ ವಚಾ಼ಡ್ಯೊ.

ಯಾಕೊಬ 1:27

ಕಸ್ಟಮಾ ರ‍್ಹಯಲ ಕುನ್ನಜ ನೈಸೊವಾಲಾವೊನೆ, ರಾಂಡಿ ಬಾಕ್ಡಿಯೊನೆ ಧೈರ್ಯ ದಿನ ತಿನೆ ಆ ದುನಿಯಾಮಾ ಕಯುಜ಼ ದಾಗ ಲಾಗ್ಯಾ ಬಗರ ದೆಕಿಲಿವಾನುಜ಼ ಅಪ್ನೊ ಬಾ ಥಯಲ ಕ್ಹುದಾನಾ ಸನ್ನಿದಿಮಾ ಶುದ್ಧ, ಚೊ಼ಕಿ ರ‍್ಹಯಲ ಭಕ್ತಿ ವ್ಹೈ.

ಯಾಕೊಬ 4:4

ವ್ಯಭಿಚಾರಿಯೊ, ಎ ದುನಿಯಾನಿ ದೊಸ್ತಿ ಕ್ಹುದಾನೆ ದುಶ್ಮನ ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತಿನಾಹುತಿ ದುನಿಯಾನೆ ದೊಸ್ತ ಥೈನ ರ‍್ಹೌಸ ಕವಾಲೊ ತಿನೆ ಕ್ಹುದಾನೊ ವಿರೊದಿ ಥೈನ ಕರಿಲಿವಸ.

1 ಪೆತ್ರಾ 1:14

ತುಮೆ ಪೈಲಾ ಎ ಸಂಗತಿಯೊನಾ ಹುತಿ ನೈ ತಿಳದಿಲಿದಲ ಹುತಿ, ತುಮೆ ತುಮಾರಾ ಮನಸೆ ಆಯಲ ತಿಮ್ಮಜ಼ ಕೆಟ್ಟ ಕಾಮೊ ಕರ‍್ಯಾ. ಹಮ್ನಾ ತುಮೆ ವಿಧೆಯ ಥಯಲ ಕ್ಹುದಾನಾ ಬಚ್ಚಾ಼ ವ್ಹೈ. ತಿನಾಹುತಿ ತುಮೆ ಪೈಲಾ ಜಿವ್ನಾ ಕರಲ ತಿಮ್ಮಜ಼ ಹಮ್ನಾ ಕರೊ ನಕೊ.

1 ಪೆತ್ರಾ 1:18

ಪೈಲಾ ತುಮೆ ತುಮಾರಾ ಮನಸೆ ಆಯಲ ತಿಮ್ಮ ಜಿವ್ನಾ ಕರ‍್ಯಾತಾ ಕರತಾ ವ್ಹತ್ತಾ ತುಮೊನೆ ಗ್ವತ್ತ ಛೆ. ತುಮೊತೆ ಪೈಲಾ ಜಿವ್ನಾ ಕರಲವಾಲಾ ತ್ಯುನೊಕ್ಹು ತುಮೆ ಸಿಕ್ಯಾ. ತಿನಾಹುತಿ ತುಮೊನೆ ಬಿಡುಗಡೆ ಥಾವಾನು ಹಾಳಥಾವಾನು ಕ್ಹೊನಾ ರುಪ್ಪಕ್ಹು ನ್ಹವೈ.

1 ಪೆತ್ರಾ 2:3

ತುಮೆ ಹಮ್ನಾಜ಼ ಕ್ಹುದಾನಿ ಚೊ಼ಕಿತನಾನೆ ಸವಾದ ದೆಕ್ಯಾಸ.

1 ಪೆತ್ರಾ 4:2

ತಿನಾಹುತಿ ಎ ಜಗತ್ಮಾ ಮನಕ್ಹೊನಿ ಮರ್ಜಿ ಲಿಂಗತ ಕೆಟ್ಟ ಕಾಮೊ ಕರ‍್ಯಾವಾಚಿ, ಕ್ಹುದಾನಿ ಮರ್ಜಿ ಲಿಂಗತ ಕಾಮೊ ಕರತಾ ಜಿವ್ನಾ ಕರತಾ ತುಮಾರಾ ಕ್ಹು ತುಮೆ ತಾಕತ ಭರಲಿವೊ.

2 ಪೆತ್ರಾ 1:4

ಯೆಸು ತೆ ಕರಲ ವಾಗ್ದಾನಕ್ಹು, ತಿನಾ ಪ್ರಭಾವಕ್ಹು ವರಿ ಗುಣಾವೊಕ್ಹು ಅಪೊನೆ ಮ್ಹೊಟು ರ‍್ಹಯಲ ವರಿ ಚೊ಼ಕು ರ‍್ಹಯಲ ವರಾ ದಿದ್ಯೊಸ. ತೆ ವರಾಕ್ಹು ತುಮೆ ಕ್ಹುದಾನಿ ಗುಣಾವೊಮಾ ಹಿಸ್ಸೊ ಲಿವಾಲಾಥಾವಾನೆ ಸಾದ್ಯ ಛೆ. ಇಮ್ಮ ರ‍್ಹತಾಮಾ ತುಮೆ ಎ ಲೊಕಮಾ ಕೆಟ್ಟ ಆಸಕ್ಹು ಆವಾನು ಕೆಟ್ಟಕ್ಹು ಚು಼ಕೈಲಿದಲವಾಲ ಥಯಾಸ.

2 ಪೆತ್ರಾ 2:20

ಎ ಜಗತ್ಮಾನಾ ಕೆಟ್ಟ ಕಾಮೊಕ್ಹು ತೆ ಮನಕ್ಹೊನೆ ವಚಾ಼ಡ್ಯಾ. ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನೆ ತಿಳದಿಲಿವಾನಾಹುತಿ ತ್ಯುನೊನೆ ಬಿಡುಗಡೆ ಥೈ. ತೆನೈಸೊ ತೆ ಮನಕ್ಹೊ ತ್ಯುನಾ ಪಾಚ಼ಲ್ಯಾ ಸಂಗತಿಯೊನೆ ಪಾಚಾ಼ ಫರಿನ ಗಯಾಮಾ ವರಿ ತೆ ತ್ಯುನೊನೆ ಹತೊಟಿಮಾ ಮ್ಹೆಲ್ಲಿದಲ ರ‍್ಹಯಾಮ ತ್ಯುನೆ ಪೈಲಾತಿಬಿ ಘನ್ನಾ ಕೆಟ್ಟ ಥೈ ಜಾ಼ವಸ.

1 ಯೊಹಾನ 3:13

ಭಾಯೊ ಭೆನೊ, ಎ ದುನಿಯಾಮಾನಾ ಮನಕ್ಹೊ ತುಮೊನೆ ದುಶ್ಮನಿ ಕರ್ತಾಮಾ ಘಾಬ್ರಾಥಾವೊನಕೊ.

1 ಯೊಹಾನ 5:19

ಕ್ಹಾರಿ ದುನಿಯಾಮ್ಮಾ ಕೆಟನಾ ವಿಷಮಾ ರ‍್ಹೈತಬಿ ಅಪೆ ಕ್ಹುದಾನೆ ಸಂಬಂಧಪಟ್ಟೆಲ ವಾಲಾ ಛೆ ಕೈನ ಅಪನೊನೆ ಗೊತ್ತ ಛೆ.

ಪ್ರಕಟನೆ 12:9

ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.