ರೊಮಾಪೂರ 12:18 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁸ ಕ್ಹಾರಾ ಮನಕ್ಹೊನಾ ಕ್ಹಾತೆ ಶಾಂತಕ್ಹು ರ‍್ಹವಾನೆ ತುಮೊನೆ ಥಾಯೆ ತೆಕ್ಲು ಕೊಶಿಶ ಕರೊ.

ರೊಮಾಪೂರ 12:18 ပူးပေါင်းရင်းမြစ်များ

ಮತ್ತಾಯ 5:24

ತೆಳಾಮಾ ತುಮಾರಿ ಕಾಣಕಿನೆ ಬಲಿನಾ ಕಟ್ಟಾಕನ ಛೊಡಿನ ಜಾವೊ, ಪೈಲಾ ತಿನಾ ಕ್ಹಾತೆ ಸಮಾಧಾನ ಕರಿಲಿವೊ. ಪಾಚ್ಲತಾ ಐನ ತುಮಾರಿ ಕಾಣಕಿ ಛಡಾವೊ.

ಮತ್ತಾಯ 5:5

ಶಾಂತ ರ‍್ಹವಾಲಾ ಧನ್ಯ ವ್ಹೈ; ತ್ಯುನೆ ಆ ಲೊಕಮಾ ಘನ್ನಾ ದಿನ್ನ ರ‍್ಹವಸ.

ಮತ್ತಾಯ 5:9

ಸಮಾಧಾನ ಕರಾಲಾ ಧನ್ಯ ವ್ಹೈ. ತ್ಯುನೆ ಕ್ಹುದಾನಾ ಬಚ್ಚಾ ವ್ಹೈ ಕೈನ ಕವೈಲಿವಸ.

ಮಾರ್ಕ 9:50

ಮಿಟ್ಟು ಚೊ಼ಕು ವ್ಹೈ; ಮಿಟ್ಟಾನಿಜ಼ ಸವಾದ ಗೈ ಪಡ್ಯುಮ ತಿನೆ ಶಾಕ್ಹು ಮಿಟ್ಟು ಕರೊಶಿ? ತುಮೊಮಾ ಮಿಟ್ಟಾ ನಿOಗತ ದೊಸ್ತಿ ರ‍್ಹವಾದೆ. ಯಕ್ಕಲಾಪರ ಯಕ್ಲೊ ಸಮಾಧಾನೆ ರ‍್ಹವೊ.

ರೊಮಾಪೂರ 1:15

ತಿನಾಹುತಿ ರೊಮಮಾ ರ‍್ಹಯಲ ತುಮೊನೆ ಸುವಾರ್ತೆ ಕವಾನೆ ಮನೆ ಘನ್ನಿ ಆಸ ಛೆ.

ರೊಮಾಪೂರ 14:17

ತೆ ನೈಸು ಕ್ಹುದಾನಿ ರಾಜ್ಯಮಾ ಖಾವಾನು ರ‍್ಹೈನೆಕಾ ಪಿವಾನು ರ‍್ಹೈನೆಕಾ ಖಾಸ ನ್ಹವೈ. ನಿತಿ ಸಮಾಧಾನ ಪವಿತ್ರ ಆತ್ಮಾನು ಥಾವಾನಿ ಖುಶಿ ತ್ಯಾ ಖಾಸ ವ್ಹೈ.

ರೊಮಾಪೂರ 14:19

ತಿನಾಹುತಿ ಸಮಾದಾನ ಕರಾನಾ ಕಾಮೊ ಅಪ್ನಾ ಹತೆ ಥಾವಾನು ತೆಕ್ಲು ಕೊಶಿಶ ಕರಿಯೆ.

1 ಕೊರಿಂಥ 7:15

ಯಕ್ಕೆಳೆ, ಕ್ರಿಸ್ತ ವಿಶ್ವಾಸಿ ನೈ ರ‍್ಹಯಲ ಬೈಕೊ ರ‍್ಹವಾದೆ, ಮಾಟಿ ರ‍್ಹವಾದೆ ಜು಼ದಾ ಥೌಸ ಕದ್ಯಾಮ ತ್ಯುನೆ ಥಾವಾದೆ. ಹೆವಾ ಟೈಮಮಾ ಕ್ರಿಸ್ತಮಾ ರ‍್ಹಯಲ ಭೈ ರ‍್ಹವಾದೆ, ಭೆನ ರ‍್ಹವಾದೆ ಹಿವಾನಾ ಬಂಧನಮಾ ನತ್ತಿ. ಕಾ ಕದ್ಯಾಮ, ಕ್ಹುದಾ ತುಮೊನೆ ಶಾಂತಿ ಸಮಾಧಾನಕ್ಹು ರ‍್ಹವಾನೆ ಬಲಾಯೊಸ.

2 ಕೊರಿಂಥ 13:11

ಲಾಸ್ಟಮಾ ಭಾಯೊ ಖುಶಿ ಕರೊ ಶಿದಾ ಕರ್ಲಿವೊ ಧೈರ‍್ಯಕ್ಹು ರ‍್ಹವೊ ಯಕ್ಕಜ಼ ಮನಸಕ್ಹು ರ‍್ಹವೊ ಸಮಾದಾನ ಕ್ಹು ರ‍್ಹವೊ ತೆಳಾಮಾ ಮಯಾಕ್ಹು ರ‍್ಹಯಲ ಶಾಂತಿದಾಯಕ ರ‍್ಹಯಲ ಕ್ಹುದಾ ತುಮಾ ಕ್ಹಾತೆ ರ‍್ಹವಸ.

ಗಲಾತ್ಯ 5:22

ತೆನೈಸೊ ಕ್ಹುದಾನಿ ಅತ್ಮಾಮಾತಿ ಹುಟ್ಟಾನಿ ಮಯಾ, ಸಮಾದಾನ, ಶಾಂತಿ, ಖುಶಿ, ತಡ್ದಿಲಿವಾನು, ಮರಗಾನು, ಉಪಕಾರ, ಬರೊಕ್ಹೊ,

ಎಫೆಸ 4:3

ತುಮೆ ತಿನಾ ಮುಲಕ ಸಮಾದಾನ ಕವಾನಾ ಬಂಧನೊ ಕ್ಹು ಯಕ್ಕ ಥಯಾಸ. ಇನಾ ಲಿಂಗತ ರ‍್ಹವಾನೆ ತುಮಾರಾ ಹತೆ ಥಯಲ ತೆಕ್ಲು ಕೊಶಿಶ ಕರೊ. ಸಮಾಧಾನ ತುಮೊನೆ ಕ್ಹಾರಾವೊನೆ ಯಕ್ಕ ಕರಾದೆ.

1 ಥೆಸಲೊನಿಕ 5:13

ತ್ಯುನೆ ತುಮೊಮಾ ಕರಾನಿ ಸೆವೆನಾ ಹುತಿ ತ್ಯುನೊನೆ ಖಾಸ ಮಯಾಕ್ಹು ಮರ್ಯಾದಿ ದಿವೊ. ತುಮೆ ಕ್ಹಾರಾ ಸಮಾದಾನಕ್ಹು ಜಿವ್ನಾ ಕರೊ.

2 ತಿಮೊತಿ 2:22

ಜಾಂಜಿಮಾನೊ ಆಸ ಕರಾನಾ ಕೆಟ್ಟ ಕಾಮೊಕ್ಹು ತು ದುರ ರ‍್ಹೆ. ಮಯಾ, ಬರೊಕ್ಹೊ ವರಿ ಶಾಂತಿ ವ್ಹಂದಲವಾಲೊ ಥೈನ ನಿತಿಕ್ಹು ಜಿ಼ವ್ಸಾನೆ ಕೊಶಿಶ ಕರ. ಪ್ರಭುಮಾ ಬರೊಕ್ಹೊ ಮ್ಹೆಲಲ ವರಿ ಪರಿಶುದ್ಧ ಮನಸ್ಸ ರ‍್ಹಯಲ ಮನಕ್ಹೊನಾ ಕ್ಹಾತೆ ಮಳಿನ ಎ ಕಾಮೊ ಕರಿನ ಪ್ರಭುನೆ ಸಹಾಯನೆ ಬಲಾವೊ.

ಇಬ್ರಿಯ 12:14

ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನಾಕ್ಹು ವರಿ ಪರಿಶುದ್ಧ ಥೈನ ಜಿವನಾ ಕರಾನೆ ಕೊಶಿಶ ಕರೊ. ಕಯಾನು ಜಿವ್ನಾ ಪರಿಶುದ್ಧ ರ‍್ಹತು ನೈ. ಪ್ರಭು ತಿನೆ ಕೆಳಾಮಾಜ಼ ದೆಕ್ತೊ ನೈ.

1 ಪೆತ್ರಾ 3:11

ತೆ ಕೆಟ್ಟ ಕರ‍್ಯಾವಾಚಿ ಚೊ಼ಕುಜ಼ ಕರೆನಕಾ. ತೆ ಸಮಾದಾನ ಮಳಾನು ದೆಕ್ತೊ ತಿನಾಹುತಿ ತೆ ಮಳಾದೆ ಕೈನ ಕೊಶಿಶ ಕರಾದೆ.