ರೊಮಾಪೂರ 12:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ಕಮಿಮಾ ರ‍್ಹಯಲ ಕ್ಹುದಾನಾ ಮನಕ್ಹೊನೆ ಮದತ ಕರೊ. ಅತಿಥಿ ಸತ್ಕಾರ ಕರೈಲಿವಾಲಾವೊನೆ ಹುಡಕೊ, ತುಮಾರಾ ಘರೊನೆ ಬಲಾವೊ.

ರೊಮಾಪೂರ 12:13 ပူးပေါင်းရင်းမြစ်များ

ಮತ್ತಾಯ 25:35

ಮಿ ಭುಕ್ಕೊ ವ್ಹತೊ ಮನೆ ತುಮೆ ಅನ್ನ ದಿದ್ಯಾ; ಮಿ ತರಕ್ಹೊ ವ್ಹತೊ, ಮನೆ ಪಿವಾನೆ ಪಾನಿ ದಿದ್ಯಾ, ಮಿ ಪರದೆಶಿ ವ್ಹತೊ ಮನೆ ತುಮೆ ರ‍್ಹವಾನೆ ಜ಼ಗಾ ದಿದ್ಯಾ.

ಅಪೊಸ್ತಲೊ 10:4

ಕೊರ್ನೆಲಿಯ ಕ್ಹುದಾನಾ ದುತನೆ ದೆಕಿನ ಭೆಂಕ್ಹು "ಸ್ವಾಮಿ, ಆ ಸುವೈ? ಕೈನ ಪುಚ್ಯೊ. ತೆ ಕ್ಹುದಾನೊ ದುತ ತಿನೆ "ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ.

ಅಪೊಸ್ತಲೊ 4:35

ಆಯಲ ದೊಕ್ಡಾ ಅಪೊಸ್ತಲೊನಾ ಹತೊಮಾ ದೆತಾತಾ.. ಪಾಚಾ಼ತಾ ತೆ ಹರಯಕ್ಲಾನೆ ತಿನಾ ತಿನಾ ಜ಼ರುರತ ಲಿಂಗತ ವಾಟಿಲೆತಾತಾ.

ರೊಮಾಪೂರ 12:8

ಪ್ರೊತ್ಸಾಹ ಕರಾನಿ ವರಾ ಹೊಂದಿಲಿದಲವಾಲೊ ಬಿಜಾ಼ವೊನೆ ಪ್ರೊತ್ಸಾಹ ಕರಾದೆ. ವಾಟಿಲಿವಾನೊ ವರಾ ಹೊಂದಿಲಿದಲವಾಲೊ ವರಾ ಹೊಂದಿಲಿದಲವಾಲೊ ಮ್ಹೊಟಾ ಮನಸೆ ದಿವಾದೆ. ಅದಿಕಾರನಿ ವರಾ ಹೊಂದಿಲಿದಲವಾಲೊ ಅದಿಕಾರಮಾ ರ‍್ಹತಾಮಾ ಮ್ಹೈನತ ಕರಿನ ರಾಬು. ಮರಗಾನು ವರಾ ಹೊಂದಿಲಿದಲವಾಲೊ ಖುಶಿಕ್ಹು ತೆ ಕರಾದೆ

1 ಕೊರಿಂಥ 16:15

ಸ್ತೆಫನನಾ ಘರವಾಲಾ ಅಖಾಯಮಾನಾ ಪೈಲಾನೊ ವಿಸ್ವಾಸಿ ವ್ಹೈ ಕೈನ ವರಿ ತ್ಯುನೆ ಕ್ಹುದಾನಾ ಮನಕ್ಹೊನಿ ಸೆವಾನಾ ಹುತಿ ತ್ಯುನೊನೆ ಒಪ್ಸಿನ ದಿದಲವಾಲಾ ವ್ಹೈ ಕೈನ ತುಮೆ ಗ್ವತ್ತ ರ‍್ಹಯಲವಾಲಾ ಛೆ.

2 ಕೊರಿಂಥ 9:1

ಯುದ ಕ್ಹುದಾ ಮನಕ್ಹೊ ಹುತ ಹುತಿ ಮಿ ರ‍್ಹ ತುಮ ಬೆವಾ ಟೈಮ ರ‍್ಹ ಮಿ ನೈ ತುಮ ಮನಕ್ಹೊ ಘನ್ನ ಮನಕ್ಹೊ ಕ್ಹುಶಿ ಕರಾ.

2 ಕೊರಿಂಥ 9:12

ಕಿಮ ಕದ್ಯಾಮ ಎ ತುಮ ಘನ್ನ ಸೆವ ವಳಕ ಪವಿತ್ರ ರ‍್ಹಯಲ ಮನಕ್ಹೊ ಚಾ಼ಯೆ ಕ್ಹಾರ ಛೆ ಕೈನ ಯಕ್ ನೈಸೊ ಘನ್ನ ಮನಕ್ಹೊ ಕ್ಹುದಾನಿ ಸ್ತುತ ಐನ.

ಗಲಾತ್ಯ 6:10

ಕಿನೆಬಿ ಚೊ಼ಕು ಕರಾನೆ ಮೌಕೊ ರ‍್ಹತಾಮಾ ಅಪೆ ಕರುಜ಼. ತ್ಯವಾಮಾ ಯಕ್ಕಜ಼ ಘರವಾಲಾ ಲಿಂಗತ ರ‍್ಹಯಲ ವಿಶ್ವಾಸಿಯೊನಾ ಹುತಿ ಅಪೆ ಖಾಸ ಕರಿನ ಧ್ಯಾನ ದ್ಯು.

1 ತಿಮೊತಿ 3:2

ತೆ ಸಭೆನಾ ಮ್ಹೊಟಾ ಮನಕ್ಹೊನಾ ಕೆಟ್ಟ ವಾತೊಮಾ ಪಡೆನೈಸೊ ಚೊ಼ಕೊ ಥೈನ ರ‍್ಹೌ. ತುನೆ ಯಕ್ಕಲಿಜ಼ ಬೈಕೊ ರ‍್ಹೌ. ತೆ ಘನ್ನೊ ಗ್ಯಾನಿ ರ‍್ಹೌ; ಮನಕ್ಹೊ ಮರ್ಯಾದಿ ದಿವಾನೆ ಯೊಗೈ ರ‍್ಹೌ

1 ತಿಮೊತಿ 5:10

ತೆ ಚೊ಼ಕಾ ಕಾಮೊ ಕರಸ ಕೈನ ಕವೈಲಿದಲ ರ‍್ಹೌ. ಕದ್ಯಾಮ ತೆ ತಿನಾ ಬಚ್ಚಾ಼ವೊನೆ ರಾಕಿನ, ಆಯಲ ಮನಕ್ಹೊನೆ ಮರ್ಯಾದಿ ದಿದಲ ವಾಲಿ, ಕ್ಹುದಾನಾ ಮನಕ್ಹೊನಾ ಪಗೊ ಧ್ವಯಲವಾಲಿ, ತ್ರಾಸಮಾ ರ‍್ಹಯಲ ಮನಕ್ಹೊನೆ ಆಸ್ರೊ ಕರಲವಾಲಿ ವರಿ ತಿನಾ ಹತೆ ಥಯಲ ತೆಕ್ಲು ಚೊ಼ಕಾ ಕಾಮೊ ಕರಲವಾಲಿ ರ‍್ಹೌ.

ತಿತನೆ 1:8

ಸಭಾ ಪಾಲಕ ಮನಕ್ಹೊನೆ ತಿನಾ ಘರೆ ಬಲೈನ ಮರ್ಯಾದಿ ದ್ಯು. ತೆ ಚೊ಼ಕಾನೆ ಮಯಾ ಕರು; ಗ್ಯಾನ ವಾಲೊ ರ‍್ಹೌ;ನಿತಿಂತ ರ‍್ಹೌವರಿ ಪರಿಶುದ್ಧ ರ‍್ಹೌ; ತೆ ತಿನಾ ಹತೊಟಿಮಾ ರ‍್ಹೌ;

ತಿತನೆ 3:14

ಅಪ್ನಾ ಮನಕ್ಹೊ ತ್ಯುನೆ ತ್ಯುನು ಯಕ್ಕಜ಼ ದೆಕಿಲಿದ್ಯಾವಾಚಿ ಬಿಜಾ಼ವೊನೆ ಮದದ ಕರಾನು ಶಿಕ್ಕಿನ ತ್ರಾಸಮಾ ರ‍್ಹಯಲ ಮನಕ್ಹೊನೆ ಉಪಕಾರ ಕರು.

ಫಿಲೊಮನ 1:7

ಮಾರಾ ಭೈ, ಕ್ಹುದಾನಾ ಮನಕ್ಹೊ ತು ಮಯಾ ದೆಕಾಡಿನ ತ್ಯುನಾ ಮನ್ಸೊನೆ ಸಮಾಧಾನ ಕರಲ ದೆಕಿನ ಮನೆ ಘನ್ನಿ ಖುಶಿ ಥೈಸ.

ಇಬ್ರಿಯ 13:16

ಎನೈಸೊ ಉಪಕಾರ ಕರಾನು, ಬಿಜಾ಼ವೊನೆ ಮದತ ಕರಾನು ಇಕ್ಹರೊ ನಕೊ. ಎಜ಼ ಕ್ಹುದಾನೆ ಪಸಂದ ರ‍್ಹಯಲ ಬಲಿಯೊ ವ್ಹೈ.

ಇಬ್ರಿಯ 13:2

ಅತಿಥಿ ಸತ್ಕಾರ ಕರಾನು ಇನ್ಕಾರ ಕರೊ ನಕೊ. ಕಾಕದ್ಯಾಮ ತೆ ಕರಾಮಾ ದಕ್ಹಾ ಜ಼ನಾ ಕಳ್ಯಾವಾಚಿ ದೆವದುತೊನೆ ಸತ್ಕಾರ ಕರ‍್ಯಾಸ.

ಇಬ್ರಿಯ 6:10

ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.

1 ಪೆತ್ರಾ 4:9

ಗುಣ ಗುಟ್ಯಾವಾಚಿನ ಮಕ್ಹೊನೆ ಅತಿಥಿಸತ್ಕಾರ ಕರೊ.

1 ಯೊಹಾನ 3:17

ಎ ದುನಿಯಾಮಾ ಸೌಕಾರ ರ‍್ಹಯಲ ಕುನಬಿ ಕೊರೆತೆಮಾ ರ‍್ಹಯಲ ತಿನಾ ಭೈನೆ ದೆಕಿನಬಿ ಮದತ ನೈ ಕರ‍್ಯಮ ತಿಮಾ ಕ್ಹುದಾನಿ ಮಯಾ ರ‍್ಹವಾನೆ ಸಾದ್ಯ ಛೆ ಸು?

3 ಯೊಹಾನ 1:5

ಮಯಾನಾ, ವಳಕ ನೈಸೊ ವಾಲಾ ಭಾಯೊನೆ ತು ಮರ್ಯಾದಿ ದಿವಾನೆ ಬರೊಕ್ಹೊ ಕರಾಲಾನೆ ಯೊಗ್ಯ ಥೈನ ರ‍್ಹಶಿ.