ರೊಮಾಪೂರ 11:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ತಿನಾಲಿಂಗತ ಹಮ್ನಾನಾ ಕಾಲಮಾಬಿ ಕ್ಹುದಾನಿ ಕೃಪಾಕ್ಹು ಇನಿಲಿದಲವಾಲಾ ದಕ್ಹಾ ಜ಼ನಾ ಛೆ.

ರೊಮಾಪೂರ 11:5 ပူးပေါင်းရင်းမြစ်များ

ರೊಮಾಪೂರ 11:28

ಯಹುದ್ಯೊ ಸುವಾರ್ತೆ ಒಪ್ಪಿಲಿದ್ಯಾ ನೈ. ತಿನಾಹುತಿ ತ್ಯುನೆ ಕ್ಹುದಾನಾ ವಿರೊಧಿ ಥಯಾಸ. ಯಹುದಿ ನೈಸೊ ಮನಕ್ಹೊನೆ ಮದತ ಥೌಕೈನ ಎ ಥಯು. ತೆನೈಸೊ ಯಹುದ್ಯೊ ಹಜ಼ುನ ಕ್ಹುದಾತಿ ಇನಿಲಿದಲ ಮನಕ್ಹೊ ಥಯಾಸ. ತಿನಾಹುತಿ ತೆ ಪಿತೃವೊನಾ ಕ್ಹಾತೆ ಕರಲ ವಡಂಬಡಿಕೆನಾ ಮುಲಕ ತ್ಯುನೊನೆ ಮಯಾ ಕರಸ.

ರೊಮಾಪೂರ 9:11

ತೆನೈಸೊ ತೆ ಭಂಬಿ ಪಟ್ಟಾ ಹುಟ್ಟಾತಿ ಪೈಲಾಜ಼, ಕ್ಹುದಾ ರೆಬೆಕ್ಕಕಳನೆ"ಮ್ಹೊಟೊ ರ‍್ಹಯಲವಾಲೊ ನ್ಹಾನಾ ರ‍್ಹಯಲವಾನೆ ಸೆವೆ ಕರಸ "ಕದ್ಯೊ. ತೆ ಪಟ್ಟಾ ಕಯುಜ಼ ಕೆಟ್ಟ ರ‍್ಹವಾದೆ ಚೊ಼ಕು ರ‍್ಹವಾದೆ ಕರಾತಿ ಪೈಲಾಜ಼ ಎ ಕ್ಹಾರು ಥಯು. ಕ್ಹುದಾ ತೆ ಪಟ್ಟಾನೆ ತಿನಾ ಸ್ವಂತ ವಿಚಾರಕ್ಹು ಇನಿಲಿದಲ ಹುತಿ ತೆ ಪಟ್ಟಾ ಹುಟ್ಟಾತಿ ಪೈಲಾಜ಼ ಇಮ್ಮ ಕದ್ಯೊ.

ರೊಮಾಪೂರ 9:27

ಎನೈಸೊ ಯೆಶಾಯ ಇಸ್ರೆಲನಾ ಹುತಿ ಅಡ್ಡಿನ ಕದ್ಯೊಸ; "ಸಮುಂದರನಿ ದಂಡಿನಾ ಉಸುಕ ಲಿಂಗತ ಇಸ್ರೆಲವಾಲಾ ಮೊಜಾ಼ನೆ ನೈ ಆಯೆ ಲಿಂಗತ ಥಾವಸ. ತೆನೈಸೊ ತೆ ಮನಕ್ಹೊಮಾ ಖಾಲಿ ದಕ್ಹಾಜ಼಼ನಾ ರಕ್ಷಣೆ ಹೊಂದಿಲಿದವಾಲಾ ವ್ಹೈ.