ರೊಮಾಪೂರ 11:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ಭಾಯೊ, ಭೆನೊ ತುಮೊನೆ ತುಮಾರಿಕ್ಹು ತುಮೆಜ಼ ಶಾಣ್ಯಾ ವ್ಹೈ ಕೈನ ಕವೈಲಿದ್ಯಾವಾಚಿ ಹಜು಼ನ ಲಕ್ಕಾಬಿ ದಡಿ ರ‍್ಹಯಲ ಕ್ಹರಿ ತುಮೊನೆ ಕೌಸ. ತೆ ಸುವೈ ಕದ್ಯಾಮ ಇಸ್ರಾಯೆಲನಾ ದಕ್ಹಾ ಮನಕ್ಹೊ ಮಡ್ಡ ಥಯಾತಬಿ ತೆನೈಸೊ ಯಹುದ್ಯೊ ನೈ ರ‍್ಹಯಲ ಮನಕ್ಹೊ ಕ್ಹುದಾಕನ ಆತಾಮಾ ತ್ಯುನೊನೆ ಮಡ್ಡ ರ‍್ಹಯಲ ಗೈಪಡಸ.

ರೊಮಾಪೂರ 11:25 ပူးပေါင်းရင်းမြစ်များ

ಮತ್ತಾಯ 13:11

ತೆಳಾಮಾ ಯೆಸು, "ಪರಲೊಕ ರಾಜ್ಯ ದಡಿ ರ‍್ಹಯಲ ಕ್ಹರಿನೆ ಕ್ಹಾಲಿ ತುಮೆಜ ತಿಳ್ದಿಲೆಸಕೊಶಿ. ಎ ದಡಿ ರ‍್ಹಯಲ ಕ್ಹರಿ ಬಿಜಾ ಮನಕ್ಹೊನೆ ಕಳ್ತು ನೈ.

ಲುಕ ಬರ್ದಲ ಸುವಾರ್ತಾ 21:24

ಎ ಮನಕ್ಹೊಮಾ ದಕ್ಹಾ ಜ಼ನಾವೊನೆ ಸೈನಿಕೊ ಖಲಾಸ ಕರಿಪಾಡಸ ದಕ್ಹಾ ಜ಼ನಾವೊನೆ ಧರಿಲಿನಗೈನ ಬಿಜಾ಼ ದೆಶೆ ಲಿನಜಾ಼ವಸ. ವರಿ ಬಿಜಾ಼ ದೆಶವಾಲಾ ತಿವ್ನೊ ದಿನ್ನ ಥಾಯೆಲಕ್ಕಾ ಯೆರುಸೆಲೆಮಾ ರ‍್ಹವಸ.

ಯೊಹಾನ 10:16

ತೆ ಬಕ್ರಾ ಮಾರಿ ಸ್ವರ ಐಕಸ. ತೆಳಾಮಾ ಯಕ್ಕಜ಼ ಗುಂಪ ರ‍್ಹವಸ ವರಿ ಯಕ್ಲೊಜ ಕುರಬುರ‍್ಯೊ ರ‍್ಹವಸ.

ರೊಮಾಪೂರ 1:13

ಭಾಯೊ ಭೆನೊ, ಮಿ ತುಮೊಕನ ಆವಾನೆ ಘನ್ನಿ ಸಲಾ ಕೊಶಿಶ ಕರ‍್ಯೊಸ ಕವಾನು ತುಮೊನೆ ಗ್ವತ್ತ ರ‍್ಹವಾದೆ. ತೆನೈಸೊ ಮನೆ ತುಮೊಕನ ಆವಾನೆ ದಕ್ಹಿಯೊ ವಾತೊ ತಡ್ದಿಯೊ. ಮಿ ವಿಚಾರ ಕರುಸ ಕಿಮ ಯಹುದ್ಯೊ ನೈರ‍್ಹಯಲ ಮನಕ್ಹೊಕನ ಫಲ ಮಳ್ಯುಸ ತಿನಾ ಲಿಂಗತ ತುಮೊಕ್ಹೊ ಮನೆ ಫಲ ಮಳು ಕೈನ ಮಾರಿ ಆಸ ವ್ಹೈ.

ರೊಮಾಪೂರ 11:12

ಯಹುದ್ಯೊನಾ ಅಪರಾದ ಜಗತ್ನೆ ಘನ್ನಾ ಆಶಿರ್ವಾದೊ ತ್ಯುನಾ ಸೊಲನೆ ಯಹುದಿಯೊ ನೈ ರ‍್ಹಯಲ ಮನಕ್ಹೊನೆ ಘನ್ನಾ ಆಶಿರ್ವಾದೊ ಆವಾನೆ ಕಾರಣ ಥಯು. ಕ್ಹುದಾನಿ ಚಿತ್ತನಾ ನಿಂಗತ ಯೆಹುದಿಯೊ ನೈಸೊವಾಲಾವೊನೆ ಬದಲಿ ಥಾತಾಮಾ ದುನಿಯಾ ವರಿ ಜಾಸ್ತಿ ಆಶಿರ್ವಾದೊ ವ್ಹಂದಾನು ಕ್ಹರಿ ವ್ಹೈ ನೈ?

ರೊಮಾಪೂರ 11:24

ರಾನ್ಮಾನಿಯೊ ಠೊಂಗಿಯೊನೆ ಚೊ಼ಕಾ ಝಾಡನೆ ಠೊಂಗಿಯೊ ಥಾವಾನೆ ಆಸಾನ ನ್ಹವೈ. ವರಿಬಿ ಯಹುದ್ಯೊ ನೈ ರ‍್ಹಯಲ ತುಮೆ ರಾನ್ಮಾ ರ‍್ಹಯಲ ಒಲಿವ ಝಾಡನಾ ಕತ್ರಲ ಠೊಂಗಿಯೊ ರ‍್ಹಯಲ ಚೊ಼ಕಿಯೊ ಆಲಿವ ಝಾಡನೆ ರಾಕ್ಹ ಭಾಂದಲ ಲಿಂಗತ ಛೆ. ಯಹುದ್ಯೊ ಚೊ಼ಕಾ ರ‍್ಹಯಲ ಆಲಿವ ಝಾಡನೆ ಬೆಳದಲ ಠೊಂಗಿಯೊ. ತಿನಾಹುತಿ ತ್ಯುನೆ ತ್ಯುನಾ ಸ್ವಂತ ಝಾಡನೆ ವರಿ ಮಳಾನು ಕ್ಹರಿಬಿ ಸಾದ್ಯ ಛೆ. ಕ್ಹುದಾನೆ ಕೆಕಲು ಆಸಾನ ವ್ಹೈ.

ರೊಮಾಪೂರ 12:16

ತುಮೆ ಯಕ್ಕನೆ ಯಕ್ಕ ಸಮಾಧಾನಕ್ಹು ಮಳಿನ ರ‍್ಹವೊ. ಸೊಕ್ಕಕ ಕರೊ ನಕೊ. ತೆನೈಸೊ ದಿನಕ್ಹು ತೆ ಕಾಮೊ ಕರೊ. ಸಮಾಜಮಾ ಕಿನೆ ನೈ ಚಾ಼ಯೆ ಥಯಲವಾಲಾ ಮನಕ್ಹೊನಾ ಕ್ಹಾತೆ ದೊಸ್ತಿ ಕರಿನ ರ‍್ಹವಾನೆ ಆಸ ಕರೊ. ತುಮೊನೆ ತುಮೆಜ಼, ಶಾಣ್ಯಾ ವ್ಹೈ ಕೈನ ತಿಳ್ದಿಲಿವೊ ನಕೊ.

ರೊಮಾಪೂರ 16:25

ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.

ರೊಮಾಪೂರ 9:18

ತಿನಾಹುತಿ ಕ್ಹುದಾ ತೆ ಕಿನೆ ಕರುಣಾ ದೆಕಾಡು ಕವಸ ತ್ಯುನೊನೆ ಕರುಣಾ ದೆಕಾಡಸ. ಕ್ಹುದಾ ಕಿನೆ ಮಂಡ ಕರು ಕೈನ ಕವಸ ತ್ಯುನೊನೆ ಮಂಡ ಕರಸ.

1 ಕೊರಿಂಥ 10:1

ಮಯಾನಾ ಭಾಯೊ ಭೆನೊ, ಅಪ್ನಾ ಪೈಲಾನಾ ಮನಕ್ಹೊನೆ ಥಯಲ ಕ್ಹಾರು ತುಮಾರು ಧ್ಯಾನಮಾ ಲಾವಾನೆ ಕೊಶಿಶ ಕರಾಡ್ಯೊಸ. ತ್ಯುನೆ ಕ್ಹಾರಾ ಮ್ಹಾಡನಾ ಛೌಲಿಮಾ ಚಾ಼ಲ್ಯಾ. ಕ್ಹಾರಾ ಜ಼ನಾ ಸಮುಂದರನೆ ಸು ಥಯಾವಾಚಿ ದಾಟ್ಯಾ.

1 ಕೊರಿಂಥ 12:1

ಭಾಯೊ ಭೆನೊ, ಪವಿತ್ರ ಆತ್ಮಾನಾ ವರಾನಾ ಕ್ಹರಿನಾ ಹುತಿ ತುಮೆ ಚೊ಼ಕಿ ತರಾ ತಿಳ್ದಿಲಿವಾಲಾ ಥೌ.

1 ಕೊರಿಂಥ 2:7

ಮಿ ಕವಾನಿ ಗ್ಯಾನ ಕ್ಹುದಾನಿ ರಹಸ್ಯ ಗ್ಯಾನ ವ್ಹೈ. ಮನಕ್ಹೊನೆ ಜಾ಼ಕಿನ ಮ್ಹೆಲಲ ಗ್ಯಾನ ವ್ಹೈ. ಅಪೊನೆ ಮಹಿಮೆ ಕರಾನಾ ಹುತಿ ದುನಿಯಾ ತಯ್ಯಾರ ಕರಾತಿ ಪೈಲಾಜ಼ ಕ್ಹುದಾ ಮ್ಹೆಲ್ಯೊತೊ.

1 ಕೊರಿಂಥ 4:1

ಮನಕ್ಹೊ ಅಪೊನೆ ಕ್ರಿಸ್ತನಾ ಸೆವಕೊ ವ್ಹೈ ಕೈನ ತುಮೆ ತಿಳದಿಲಿದಲ ರ‍್ಹೌ. ಕ್ಹುದಾ ತಿನಾ ರಹಸ್ಯ ರ‍್ಹಯಲ ಕ್ಹರಿ ಅಪೊನೆ ಒಪ್ಸಿನ ದಿದ್ಯೊಸ ಕೈನ ಕೈಲ್ಯು.

ಎಫೆಸ 1:9

ಕ್ಹುದಾ ಎ ತಿನಿ ಉದ್ದೆಶಕ್ಹು ಕರ‍್ಯೊ. ಕ್ರಿಸ್ತನಾ ಮುಲಕ ಎ ಪುರಾ ಕರಾನೆ ತೆ ಪ್ಲಾನ ಕರ‍್ಯೊ.

ಎಫೆಸ 3:9

ದಡಿನ ರ‍್ಹಯಲ ತಿನಾ ವಿಚಾರೊ ಕ್ಹಾರಾ ಮನಕ್ಹೊನೆ ತಿಳಸೌ ಕವಾನು ಕಾಮ ಕ್ಹುದಾ ಮನೆ ದಿದ್ಯೊ. ಪೈಲಾನಾ ಕಾಲ್ತು ತೆ ಕ್ಹುದಾ ಕನ ದಡಿನ ವ್ಹತ್ತು. ಹರಯಕ್ಕ ಸೃಷ್ಟಿ ಕರಲವಾಲೊ ಕ್ಹುದಾಜ಼ ವ್ಹೈ.

ಎಫೆಸ 4:18

ತ್ಯುನೆ ಕಳಿ ಲೆತಾ ನೈ. ವರಿ ತ್ಯುನಾ ಮನಸೊ ಘಟ್ಟ ಕರ್ಲಿದಲ ರ‍್ಹವಸ. ತ್ಯುನೆ ನೈ ಐಕಲಕ್ಹು ತ್ಯುನೊನೆ ಸುಜ಼ ಗ್ವತ್ತ ನತ್ತಿ. ತಿನಾಹುತಿ ಕ್ಹುದಾ ದಿವಾನಿ ಜಿವಿತ ವ್ಹಂದಿಲಿವಾನೆ ತ್ಯುನೊನೆ ಸಾಧ್ಯ ನತ್ತಿ.

2 ಪೆತ್ರಾ 3:8

ತೆನೈಸೊ ಮಯಾನಾ ಭಾಯೊ, ಆ ಯಕ್ಕ ತುಮೆ ಇಕ್ಹರೊ ನಕೊ. ಪ್ರಭುನೆ ಯಕದಿನ್ಬಿ ಹಜಾ಼ರ ಕ್ಹವರಹ ರ‍್ಹಯಲಲಿಂಗತ ವ್ಹೈ ವರಿ ಹಜಾ಼ ವರಕ್ಹು ಯಕ್ಕದಿನ ರ‍್ಹಯಲ ಲಿಂಗತ ವ್ಹೈ.

ಪ್ರಕಟನೆ 1:20

ಮಾರಾ ಸಿದಾ ಹತ್ಮಾ ತು ದೆಕಲ ಕ್ಹಾತ ಚಿಕ್ಕಿಯೊ ವರಿ ತು ದೆಕಲ ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದಡಿರ‍್ಹಯಲ ಅಮ್ಮ ಛೆ ಕ್ಹಾತ ಚಿಕ್ಕಿಯೊ ಕದ್ಯಾಮ ಕ್ಹಾತ ಸಭೆನಾ ದುತೊ ಕ್ಹಾತ ದಿವ್ವಾನಾ ಖಾಮೊ ಕದ್ಯಾಮ ಕ್ಹಾತ ಸಭೆ ವ್ಹೈ ಕೈನ ಕದ್ಯೊ.

ಪ್ರಕಟನೆ 10:7

ಕ್ಹಾತ್ವಾ ದೆವದುತ ತಿನೆ ತುತ್ತುರಿ ವಾಜಾ಼ಡಾನಾ ಟೈಮ್ಮಾ ಕ್ಹುದಾನಾ ದಡಿರ‍್ಹಯಲ ವಿಚಾರೊ ಪುರಾ ಥಾವಸ. ಕ್ಹುದಾ ತಿನಾ ಸೆವಕೊ ಥಯಲ ಪ್ರವಾದಿಯೊನೆ ಕದಲ ಸುವಾರ್ತೆಜ಼ ಎ ವಿಚಾರೊ ವ್ಹೈ"

ಪ್ರಕಟನೆ 11:15

ಕ್ಹಾತ್ವಾ ಕ್ಹುದಾನು ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸ್ವರ್ಗಮಾ ಮ್ಹೊಟಾ ಆವಾಜೊ಼ ಥಯಾ. ತೆ ಆವಾಜೊ಼ ಅಮ್ಮ್ ಕದ್ಯಾ; "ಎ ಲೊಕನು ರಾಜ್ಯ ಹಮ್ನಾ ಅಪ್ನಾ ಪ್ರಭುನಾ ವರಿ ತಿನೊಜ಼ ರ‍್ಹಯಲ ಕ್ರಿಸ್ತನಿ ರಾಜ್ಯ ಥೈಸ. ತೆ ಯುಗೊ ಯುಗೊಮಾಬಿ ಅದಿಕಾರ ಚ಼ಲಾವಾ ವಾಲೊ ವ್ಹೈ"

ಪ್ರಕಟನೆ 7:9

ಪಾಚಲ್ತೊ ಮಿ ದೆಕ್ತಾಮಾ, ಮನಕ್ಹೊನು ಮ್ಹೊಟು ಗುಂಪ ದೆಕ್ಯೊ. ತ್ಯುನೆ ಮೊಜಾ಼ನೆ ಥಾಯೆ ನೈಸೊ ಯಕ್ಲಾ ಮನಕ್ಹೊ ವ್ಹತ್ತಾ. ತ್ಯುನೊಮಾ ಕ್ಹಾರಿ ಜಾ಼ತವಾಲಾ, ದುನಿಯಾಮಾ ಕ್ಹಾರಿಯೊ ವಾತೊ ಬೊಲಾಲಾ ವ್ಹತ್ತಾ. ಎ ಮನಕ್ಹೊ ಸಿಂಹಾಸನಾ ಕ್ಹಾಮಾ ವರಿ ಬಕ್ರಾನಾ ಬಚ್ಚಾ಼ನಾ ಕ್ಹಾಮಾ ಹುಬ್ರಯಾತಾ. ತ್ಯುನೆ ಕ್ಹಾರಾ ಧೊಳಾ ವಣ್ಣಾ ಘಾಲ್ಲಿನ ಹುಬ್ರಯಾತಾ ವರಿ ತ್ಯುನೆ ಖಜುರನಾ ಝಾಡೊನಿಯೊ ಠೊಂಗಿಯೊ ಧರ್ಲಿನ ಹುಬ್ರಯಾತಾ.