ರೊಮಾಪೂರ 10:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ತ್ಯುನೊನೆ ಘನ್ನಿ ಕ್ಹುದಾಪರ ಭಕ್ತಿ ಛೆ ಮಿ ತಿನಾ ಹುತಿ ಮಿ ಸಾಕ್ಷಿ ದ್ಯುಸ. ಕ್ಹರಿಜ಼ ಕೌಸ. ತಿನಾಹುತಿ ತ್ಯುನೆ ಭಕ್ತಿ ಕ್ಹರಿನಿ ಗ್ಯಾನಪರ ಆದಾರ ಥಯಾ ನತ್ತಿ.

ರೊಮಾಪೂರ 10:2 ပူးပေါင်းရင်းမြစ်များ

ಯೊಹಾನ 16:2

ತ್ಯುನೆ ತುಮೊನೆ ಸಭಾಮಂದಿರೊಮಾತಾ ಭಾರಾ ಘಾಲಸ. ವರಿ ಯಕ್ಕ ಟೈಮ ಆವಾಡೊಸ ತ್ಯುನೆ ತುಮೊನೆ ಮಾರಸ ವರಿ ತ್ಯುನೆ ಅಮ್ಮ ವಿಚಾರ ಕರಸ ತ್ಯುನೆ ಕ್ಹುದಾನಿ ಸೆವಾ ಕರ‍್ಯಾಸ ಕೈನ.

ಅಪೊಸ್ತಲೊ 21:20

ತ್ಯುನೆ ಕ್ಹಾರಾ ತೆ ಐಕಿನ ಕ್ಹುದಾನಿ ಸ್ತುತಿ ಕರ‍್ಯಾ. ತೆಳಾಮಾ ತ್ಯುನೆ ತಿನೆ ; ಹಜಾರೊ ಯೆಹುದಿಯೊ ಮನಕ್ಹೊ ವಿಸ್ವಾಸಿ ಥಯಾಸ ಕೈನ ತಮೆ ದೆಕಾಡಾತ್ತಾ. ತ್ಯುನೆ ಕ್ಹಾರಾ ಧರಮಶಾಸ್ತ್ರಮಾನಾ ಮನಕ್ಹೊ ಥಯಾಥಾ.

ಅಪೊಸ್ತಲೊ 21:28

ಇಸ್ರಾಯೆಲನಾ ಮನಕ್ಹೊ, ಮನೆ ಮದತ ಕರೊ, ಅಪಾನಾ ಮನಕ್ಹೊನೆ, ಧರಮಶಾಸ್ತ್ರನೆ, ಯೆ ಆಲಯನಾ ವಿರುದ್ದ ಕ್ಹಾರಿ ಜ಼ಗಾ ಕ್ಹರವೊನೆ ಭೊದನೆ ಕವಾನು ಮನಕ್ಹ ಎಜ಼ ವ್ಹೈ. ಎನೈಸೊ ಗ್ರಿಕವಾಲಾವೊನೆ ದೆವಾಲಯಮಾ ಬಲಲೈನ ಯೆ ಪರಿಶುದ್ಧ ಜ಼ಗಾನೆ ಹೊಲಸ ಕರ‍್ಯೊಸ ಕೈನ ವದ್ರ್ಯಾ.

ಅಪೊಸ್ತಲೊ 22:22

ತ್ಯಾ ಲಕ್ಕಾ ಪೌಲಾನಿಯೊ ವಾತೊ ಕತಾಮಾ ವಾತೊನೆ ಕಾನ ದಿನ್ನ ಐಕ್ಯಾ ಐಕಿನ ಚಾಲಾಡಾ ತಾ. ತೆಳಾಮಾ ತಿನೆ ಜಿಮಿನಮಾತಾ ಭಾರಾಕಾಡಿಪಡು. ತೆ ಜಿತೊ ರ‍್ಹವಾನೆ ಯೊಗ್ಯ ನತಿ ಕೈನ ವದರಿವ ಕದ್ಯಾ.

ಅಪೊಸ್ತಲೊ 22:3

ಮಿ ಯಹುದಿ ವ್ಹೈ. ಕಿಲಿಕ್ಯನಿ ತಾರ್ಸಮಾ ಹುಟ್ಟಲ ವ್ಹೈ,ತೆನೈಸೊ ಎ ಗಾಮ್ಮಾ ಬೆಳದಲವಾಲೊ. ಗಮಲಿಮಾ ಪಾದ ಸನ್ನಿದಿಮಾ, ಅಪ್ನಾ ಪಿತೃವೊನಾ ಧರಮಶಾಸ್ತ್ರಮಾ ಪುರಾ ಶಿಕ್ಷಣ ಲಿದ್ಯೊ; ತುಮೆ ಕ್ಹಾರಾ ಹಮ್ನಾ ಕ್ಹುದಾನಾ ಹುತಿ ಅಭಿಮಾನ ರ‍್ಹಯಲವಾಲಾವೊಲಿಂಗತ, ಮಿಬಿ ಅಭಿಮಾನಿ ಥಯೊಸ.

ರೊಮಾಪೂರ 10:1

ಭಾಯೊ ಭೆನೊ, ಮಾರಾ ಸ್ವಂತ ಮನಕ್ಹೊ ರಕ್ಷಣೆ ಹೊಂದಿಲ್ಯು ಕೈನ ಮಾರಿ ಘನ್ನಿ ಮ್ಹೊಟಿ ಆಸ ಛೆ. ಮಿ ಕ್ಹುದಾಕನ ತಿನಾಹುತಿ ಪ್ರಾಥನಾ ಕರಾಡ್ಯೊಸ.

ರೊಮಾಪೂರ 10:3

ನಿತಿವಂತ ಕರಾನು ಕ್ಹುದಾನಿ ವಾಟ ತ್ಯುನೆ ನೈ ತಿಳದಿಲಿದಲ ಹುತಿ ತ್ಯುನಿ ಸ್ವಂತ ವಾಟನಾ ಮುಲಕ ತ್ಯುನೊನೆಜ಼ ನಿತಿವಂತೊ ಥೈನ ಕರಲಿವಾನೆ ಕೊಶಿಶ ಕರ‍್ಯಾ.

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

2 ಕೊರಿಂಥ 4:6

ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.

2 ಕೊರಿಂಥ 8:3

ತ್ಯುನೊಕನ ತ್ಯುನೊನೆ ಲಿಂಗತ ಕರಿ ದಿವ ಕೈನ ಮಿ ತ್ಯುನೊಕನ ತುಮ ಕವಸ. ತ್ಯುನೆ ತ್ಯುನಾ ತಾಕತ ಮಿರಿನ ದಿವ.

ಗಲಾತ್ಯ 1:14

ತೆನೈಸೊ ಯೆಹುದಿ ಧರಮಪರ ಮ್ಹೊಟೊ ಥಾವಾನೆ ಮಾರೊ ಟೈಮ ವರಿ ಮಾರಾ ವೈಸ್ಮಾನಾ ಮನಕ್ಹೊತಿ ಮಿ ಹುರುಪ ಕ್ಹು ಘನ್ನಾ ಕಾಮೊ ಕರ‍್ಯೊ. ಹಮಾರಾ ಬುಡಾ ಬುಡಿ ಪದ್ದತೊ ಬಿಜಾ಼ವೊತಿಬಿ ಘನ್ನೊ ಮಿ ಕರ‍್ಯೊ.

ಗಲಾತ್ಯ 4:15

ತೆಳಾಮಾ ತುಮೆ ಘನ್ನಾ ಖುಶಿ ವ್ಹತ್ತಾ. ತೆ ಖುಶಿ ಹಮ್ನಾ ಕಿಜ್ಗಾ಼ ಛೆ? ಮನೆ ಸಹಾಯಾ ಕರಾನೆ ತುಮೆ ಸುಬಿ ಕರಾನೆ ತಯ್ಯಾರ ವ್ಹತ್ತಾ ಕವಾನು ಮನೆ ಶೆ ಛೆ. ತುಮಾರಾ ಹತೆ ಥಯುಮ ತುಮಾರಾ ಡೊಳಾಜ಼ ಕಿತ್ತಿನ ಮನೆ ದಿಪಾಡ್ತಾತಾ.

ಫಿಲಿಪ್ಪಿ 1:9

ವರಿ ತಮಾರಿ ಮಯಾ ಹಜ಼ು ಘನಿ ಥಾತಿ ಕ್ಹಾರು ಗ್ಯಾನ ವಿವೆಕ ತಮೊನೆ ಮಳಾದೆ ಕೈನ ತಮಾರಾಹುತಿ ಪ್ರಾರ್ಥನಾ ಕರುಸ.

ಫಿಲಿಪ್ಪಿ 3:6

ಆಸಕ್ತಿ ದೆಕ್ಯಾಮ್ಮಾ ಮಿ ಕ್ರಿಸ್ತನಾ ಸಭೆನೆ ತರಾಸ ಕರಲವಾಲೊ ವ್ಹೈ, ಧರಮಶಾಸ್ತ್ರನಾ ನಿಯಮನಾ ಪ್ರಕಾರ ದೆಕ್ಯಾಮ್ಮಾ ಮಿ ತಪ್ಪ ನೈಸೊ ವ್ಹೈ.

ಕೊಲೆಸ್ಸೆ 4:13

ಆ ತುಮಾರಾ ಹುತಿಬಿ,ಲವೊದಿಕಮಾ ರ‍್ಹಯಲ ವಾಲಾವೊನ ಹುತಿಬಿ ವರಿ ಹಿರಿಯಾಪೊಲಿಯಮಾ ರ‍್ಹಯಲ ವಾಲಾವೊನಾ ಹುತಿಬಿ ಘನ್ನೊ ಕೊಶಿಶ ಕರಾಡ್ಯೊಸ ಕೈನ ಮಿ ತುಮೊನೆ ಸಾಕ್ಷಿ ಕೌಸ.