ರೊಮಾಪೂರ 1:23 - ಕ್ಹುದಾನಿ ಕ್ಹರಿನಿ ವಾಕ್ಯಾ

²³ ಹಮೆಶಾಬಿ ರ‍್ಹವಾನಿ ಕ್ಹುದಾನಿ ಆರಾಧನಾ ಕಾರಾನು ತ್ಯುನೆ ಛೊಡಿನ ದಿನ್ನ ಹಾಳ ಥಾವಾನಾ ಮನಕ್ಹೊನಾ ಲಿಂಗತ ರ‍್ಹಯಲ, ಪಕ್ಷಿಯೊ ಲಿಂಗತ ರ‍್ಹಯಲ, ಜಾನವರೊ ಲಿಂಗತ ವರಿ ಕ್ಹಾಪೊ ಲಿಂಗತ ರ‍್ಹಯಲ ಮೊರತಿಯೊ ಕರಲಿನ ತ್ಯುನೊನೆ ಆರಾಧನಾ ಕರಸ.

ರೊಮಾಪೂರ 1:23 ပူးပေါင်းရင်းမြစ်များ

ಅಪೊಸ್ತಲೊ 10:12

ತಿಮಾ ಕ್ಹಾರಾ ತರಾನಾ ಜಾನವರೊ ವ್ಹತ್ತಾ. ಕದ್ಯಾಮ ಚಾ಼ಲಾನಾ ಜಾನವರೊ ಫರಾನಾ ಕಿಡಾ ವರಿ ಉಡಾನಾ ಪಕ್ಷಿಯೊ ವ್ಹತ್ತಾ.

ಅಪೊಸ್ತಲೊ 17:29

ಹಮೆ ಕ್ಹುದಾ ಸಂತಾನಾ ಥಯಲ ಪರ ಕ್ಹುದಾ ಮನಕ್ಹುನು ಗ್ಯಾನಕ್ಹು ವರಿ ವಿಚಾರಕ್ಹು ಕೆತೆಲ ರುಪು ಕ್ಹೊನು ವರಿ ದಹಡಾವೊನೆ ಸಮಾನ ವ್ಹೈ ಕೈನ ಅಪೆ ಭಾವಿಸಾನೆ ಜವುನೈ.

ರೊಮಾಪೂರ 1:25

ತ್ಯುನೆ ಕ್ಹುದಾನಿ ಕ್ಹರಿನೆ ಸುಳ್ಳಮಾ ಬದಲಿ ಕರ‍್ಯಾ. ತ್ಯುನೆ ತಯ್ಯಾರ ಕರಲ ಸಾಮನ್ನೆ ಪುಜಾ ಕರ‍್ಯಾ.. ತೆನೈಸೊ ಎ ಕ್ಹಾರು ತಯ್ಯಾರ ಕರಲ ಕ್ಹುದಾನೆ ತ್ಯುನೆ ಆರಾಧನಾ ಕರಾನು ಛೊಡಿ ಪಾಡ್ಯಾ; ತೆ ಕ್ಹುದಾನೆ ಹಮೆಶಾಬಿ ಸ್ತುತಿ ಥಾವಾದೆ. ಆಮೆನ.

1 ಕೊರಿಂಥ 12:2

ತುಮೆ ಬರೊಕ್ಹಾಮಾ ನೈ ರ‍್ಹತಾಮಾ, ತುಮೊನೆ ಮನಸ್ಸೆ ಆಯಲ ತಿಮ್ಮ ಮುಕಿಯೊ ಮುರತಿಯೊ ಕನ ಗೈನ ಆತಾತಾ; ಎ ತುಮೊನೆಜ಼ ಗ್ವತ್ತ ಛೆ.

1 ಪೆತ್ರಾ 4:3

ಪೈಲಾ ಬರೊಕ್ಹೊ ನೈಸೊ ಮನಕ್ಹೊ ಕರಾನಾ ಕಾಮೊ ಕರತಾ ಘನ್ನು ಟೈಮ ಹಾಳ ಕರ‍್ಯಾ. ತುಮೆ ಲೈಂಗಿಕ ಪಾಪೊ ಕರಾಡಾಸ. ತುಮೊನೆ ಚೊ಼ಕುಲಾಗಲ ಕಾಮೊ ಕರಾಡಾಸ; ಪಿದೊಡಾ ಥಯಾಸ, ಕ್ರುರಿಯೊ ಥಯಾಸ, ಹಸೈ ರ‍್ಹಯಲ ನೈಸೊಕರಾನಾ ವರಿ ಮತ್ಲಬನಾ ಕಾಮೊ ವರಿ ಪಿವಾ ಖಾವಾನು ಚ಼ಲಾವಡ್ಯಾಸ. ಮೊರ್ತಿಯೊನೆ ಆರಾಧನಾ ಕರಾಡ್ಯಾ.

ಪ್ರಕಟನೆ 9:20

ಎ ತ್ರಾಸೊ ಕ್ಹು ಮರ‍್ಯಾವಾಚಿ ವಾಚ಼ಲ ಮನಕ್ಹೊ ತಿವ್ನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಪ್ಹರ‍್ಯಾ ನೈ. ತಿವ್ನಾ ಸ್ವಂತ ಹತೊಕ್ಹು ತಯ್ಯಾರ ಕರಲ ಮೊರತಿಯೊನೆ ಛೊಡಿಪಾಡ್ಯಾ ನೈ. ತ್ಯುನೆ ಭುತ್ಡಾವೊನೆ ಪುಜಾ ಕರಾನು ಛೊಡ್ಯಾ ನೈ. ಕ್ಹೊನು, ರುಪ್ಪು, ತಾಂಬು, ಡಗ್ಡಾಕ್ಹು ವರಿ ಝಾಡೊಕ್ಹು ಕರಲ ನೈ. ಚಾ಼ಲಾನು ನೈದೆಕಾನುವರಿ ನೈ ಐಕಾನು ಮೊರತಿಯೊನೆ ಪುಜಾ ಕರಾನು ತ್ಯುನೆ ಛೊಡ್ಯಾ ನೈ.