ರೊಮಾಪೂರ 1:18 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁸ ಕ್ಹುದಾನಿ ಶಿಟ್ಟ ಸ್ವರಗತಿ ದಿಕ್ಹಿನ ಆವಸ. ಮನಕ್ಹೊ ಕ್ಹುದಾನಾ ವಿರುದ್ದ ಕರಾನಾ ಕೆಟ್ಟ ಕಾಮೊ ವರಿ ದುಶಕೃತ್ಯನಾ ಹುತಿ ಕ್ಹುದಾ ಶಿಟ್ಟ ಥಯೊಸ. ತ್ಯುನೊನೆ ಕ್ಹರಿ ಸುವೈ ಕವಾನು ಗ್ವತ್ತ ಥಯುಸ, ತೆನೈಸೊ ತ್ಯುನಾ ಕೆಟ್ಟ ಕಾಮೊಜ಼ ಕ್ಹರಿ ಕವಾನು ಝಾಕಿ ಪಾಡಸ.

ರೊಮಾಪೂರ 1:18 ပူးပေါင်းရင်းမြစ်များ

ರೊಮಾಪೂರ 1:19

ಕ್ಹುದಾ ತ್ಯುನೊನೆ ಶಿಕ್ಷಾ ದಿವಸ. ಕಾಕದ್ಯಾಮ ಕ್ಹುದಾನಾ ಹುತಿ ತಿಳದಿಲಿವಾನು ಹರಿಯಕ್ಕ ತ್ಯುನೊನೆ ಆಸಾನ ಛೆ. ಕ್ಹುದಾಜ಼ ತೆ ಆಸಾನ ಕರ‍್ಯೊಸ.

ರೊಮಾಪೂರ 1:28

ಕ್ಹುದಾನು ಕ್ಹರಿನು ಗ್ಯಾನ ಹೊಂದಿಲಿವಾನೆ ವಪ್ಪಿಲಿದ್ಯಾ ನೈ ತ್ಯುನೊನೆ ಕ್ಹುದಾ ತ್ಯುನೊನೆ ತ್ಯುನಾ ಅಯೊಗ್ಯ ಮನಸನೆ ವಪ್ಸಿನ ದಿದ್ಯೊ. ತಿನಾಹುತಿ ತ್ಯುನೆ ನೈಸೊ ಕರಾನಾ ಕಾಮೊ ಕರಸ.

ರೊಮಾಪೂರ 1:32

ಹೆವಾವೊನೆ ಮರವಾನಿ ಶಿಕ್ಷಾ ಮಳು ಕೈನ ಧರಮಶಾಸ್ತ್ರ ಕವಸ ಕವಾನು ತ್ಯುನೊನೆ ಗ್ವತ್ತ ಛೆ. ತಿಮ್ಮ ರ‍್ಹಯುತಬಿ ಹವಾ ಕಾಮೊ ಕರ‍್ತಾಜ಼ ರ‍್ಹವಸ. ವರಿ ಹವಾ ಕಾಮೊ ಕರಾನಾ ಮನಕ್ಹೊನೆ ಪ್ರೊತ್ಸಾಹಾ ಕರಸ.

ರೊಮಾಪೂರ 2:3

ತೆ ಅಪರಾದೊ ಕರಾಲಾ ಮನಕ್ಹೊನೆ ತುಮೆಬಿ ಫೈಸಲೊ ಕರೊಶಿ. ತೆನೈಸೊ ತುಮೆಜ಼ ತೆ ಅಪರಾದೊ ಕರೊಶಿ. ಇಮ್ಮ ರ‍್ಹತಾಮಾ ಕ್ಹುದಾನಿ ನ್ಯಾಯ ಕ್ಹು ಚು಼ಕೈಲಿವಾನೆ ಸಾದ್ಯ ನತ್ತಿ ಕೈನ ತುಮೊನೆ ಕ್ಹರಿಬಿ ಗ್ವತ್ತ ಛೆ.

ರೊಮಾಪೂರ 3:9

ಇಮ್ಮ ರ‍್ಹತಾಮಾ,ಹಮೆ ಲಾಸ್ಟಮಾ ಸು ಕೈಯೆ? ಯಹುದ್ಯೊ ಥಯಲ ಅಪೆ ಬಿಜಾ಼ವೊತಿ ಚೊ಼ಕಾ ವ್ಹೈ ಸು? ನ್ಹವೈ! ಯಹುದಿಯೊನೆ ಯಹುದ್ಯೊ ನೈಸೊವಾಲಾ ಪಾಪಮಾ ಛೆ ಕೈನ ತೆಳಾಮಾಜ಼ ದೆಕಾಡಿನ ದಿದ್ಯೊಸ.

ರೊಮಾಪೂರ 4:15

ಧರಮಶಾಸ್ತ್ರನೆ ವಿಧೆಯ ಥಯಾವಾಚಿ ರ‍್ಹತಾಮಾ, ಧರಮಶಾಸ್ತ್ರ ಕ್ಹುದಾನೆ ಶಿಟ್ಟಲಾವಾ ವರಕ್ಹು ಥಾತುತು. ವರಿಬಿ ಧರಮಶಾಸ್ತ್ರ ನಾ ರ‍್ಹವತ್ತೊ ಅವಿಧೆಯ ಥಾವಾನೆ ಸುಜ಼ ರ‍್ಹತು ನೈ.

ರೊಮಾಪೂರ 5:6

ಅಪೆ ಆಸ ನೈಸೊವಾಲಾ ರ‍್ಹತಾಮಾ, ಕ್ಹುದಾ ಇನಿಲಿದಲ ಟೈಮಮಾ ಕ್ರಿಸ್ತ ಅಪ್ನಾ ಕೆಟ್ಟ ರ‍್ಹಯಲವಾಲಾವೊನಾ ಹುತಿ ಮರ‍್ಯೊ.

ರೊಮಾಪೂರ 5:9

ಅಪೆ ಕ್ರಿಸ್ತನಾ ರಗತನಾ ಮುಲಕ ಕ್ಹುದಾನಿ ನಜ಼ರಮಾ ನಿತಿವಂತವಾಲಾ ಥಯಾಸ. ತಿನಾಹುತಿ ತಿನಾ ಮುಲಕ ಕ್ಹುದಾನಿ ಶಿಟ್ಟ ಕ್ಹು ವಾಚಿಯೆಸ.

ರೊಮಾಪೂರ 6:13

ತುಮಾರು ಅಂಗನು ಭಾಗನೆ ಪಾಪನಿ ಸೆವೆ ಕರಾನೆ ವಪ್ಸಿನ ದಿವೊನಕೊ. ತುಮಾರು ಅಂಗ ಪಾಪನೆ ವಪ್ಸಿನ ಕೆಟ್ಟ ಕಾಮನೆ ಚ಼ಲಾವಾನು ಚಿ಼ಜ ಕರಿಲಿವೊ ನಕೊ. ತಿನಾ ಬದ್ಲಿ ಮರಿನ ಹಮ್ನಾ ಜಿವ್ತೊ ಥೈನ ಉಟಿನ ಆಯಲ ಲಿಂಗತ ತುಮೊನೆ ಕ್ಹುದಾನೆ ವಪ್ಸಿನ ದಿಪಾಡೊ. ಚೊ಼ಕಾ ಕಾಮೊ ಕರಾನೆ ತುಮಾರು ಅಂಗ ಸಾಮನ ಥೈನ ಕ್ಹುದಾನೆ ವಪ್ಸಿನ ದಿವೊ.

ಎಫೆಸ 5:6

ಕ್ಹರಿ ನೈ ರ‍್ಹಯಲ ಸಂಗತಿಯೊ ಕೈನ ತುಮೊನೆ ಮೊಸ ಕರಾನೆ ಕಿನೆಜ಼ ಮೌಕೊ ದಿವೊ ನಕೊ. ತೆ ಸಂಗತಿಯೊನಾ ಮುಲಕ ಕ್ಹುದಾನಿ ಶಿಟ್ಟ ತಿನೆ ವಿಧೆಯ ನೈ ಥಾವಾಲಾ ಮನಕ್ಹೊನಾ ಉಪ್ಪರ ಆವಸ.

ಕೊಲೆಸ್ಸೆ 3:6

ಆ ಪುರಾ ಪಾಪೊನಾ ಹುತಿ ಕ್ಹುದಾನಿ ವಾತ ನೈ ಐಕಾಲಾ ಕ್ಹುದಾನಿ ಶಿಟ್ಟ ಇವ್ನೊಪರ ಆವಸ.

2 ಥೆಸಲೊನಿಕ 2:10

ಕ್ಹರಿನೆ ಮಯಾ ಕರ‍್ಯಾವಾಚಿ ಚು಼ಕಿಗಯಲ ಮನಕ್ಹೊನೆ ಮೊಸ ಕರಾನೆ ತೆ ಕ್ಹಾರಾ ತರಾನಾ ತಂತ್ರ ಕರಸ. ತ್ಯುನೆ ಕ್ಹರಿ ಸು ವ್ಹೈ ಮಯಾ ತಿಳ್ದಿಲಿನಬಿ ರಕ್ಷಣೆ ಹೊಂದಿಲಿದ್ಯಾ ನೈ.

2 ಥೆಸಲೊನಿಕ 2:6

ಹಮ್ನಾ ವಿರೊದ ರ‍್ಹಯಲವಾಲೊ ತರಬಲ ಸು ವ್ಹೈ ಕವಾನು ತುಮೊನೆ ಗ್ವತ್ತ ಛೆ. ತೆ ಕರೆಟ್ಟ ಟೈಮ್ಮಾ ಆವಸ ಕೈನ ತಿನೆ ಹಮ್ನಾ ತರಬಲ ಛೆ.