ಪ್ರಕಟನೆ 9:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಪಾಚಾ಼ತಾ ತೆ ಚಿಕ್ಕಿ ಪಾತಾಳನೆ ಗೈನ ತ್ಯಾನಿ ಚಾವಿ ಖುಲ್ಲಾ ಕರಿ. ಮ್ಹೊಟಿ ಖಾಡಿಮಾತಿ ಭಟ್ಟಿಮಾನೊ ಧವಾಂಡೊ ಆವಾನಾ ಲಿಂಗತ ತೆ ಖಾಡಿಮಾತು ಧವಾಂಡೊ ಉಪ್ಪರ ಆಯೊ. ತೆ ಖಾಡಿಮಾತೊ ಆಯಲ ಧವಾಂಡಾಕ್ಹು ಸುರ‍್ಯೊಲಕ್ಕಾ ಕಾಳೊ ಥೈ ಗಯೊ.

ಪ್ರಕಟನೆ 9:2 ပူးပေါင်းရင်းမြစ်များ

ಅಪೊಸ್ತಲೊ 2:19

ಮಿ ಹಬಾಳ ಪರ ಅದ್ಭುತ ಕಾಮೊ ಕರಿನ ದೆಕಾಡುಸ, ಜಿಮಿನಪರ ಮ್ಹೊಟಾ ಕಾಮೊ ದೆಕೊಶಿ, ರಗತ ಆಗನು ವಾಪಲಿಂಗತ ಧವಾಂಡೊ ದೆಕೊಸಿ

ಪ್ರಕಟನೆ 14:11

ತ್ಯುನಿ ತ್ರಾಸನೊ ಧವಾಂಡೊ ಕೆಳಾಮಾಬಿ ಆತೊಜ಼ ರ‍್ಹವಸ. ಕೆಟ್ಟ ಜಾನ್ವರನೆ ವರಿ ತಿನಿ ಮುರತಿನೆ ಆರಾಧನಾ ಕರಾಲಾ ವರಿ ತ್ಯುನು ನಾಮ ಗೊಂದನ ಘಾಲಿವಾಲಾ ಮನಕ್ಹೊನೆ ಪಾಟೆಬಿ ರಾತೆಬಿ ಅರಾಮ ಕವಾನು ನತ್ತಿಜ಼ ನತ್ತಿ"

ಪ್ರಕಟನೆ 16:10

ಪಾಂಚ಼ವಾ ಕ್ಹುದಾನೊ ದುತ ತಿನಾ ಸಾಮನಮಾ ರ‍್ಹಯಲ ತೆ ಕೆಟ್ಟ ಜಾನ್ವರನಾ ಸಿಂಹಾಸನನಾ ಉಪ್ಪರ ರಿಚಾ಼ಯೊ. ತೆ ಕೆಟ್ಟ ಜಾನ್ವರನಾ ರಾಜ್ಯಮಾ ಅಂದಾರು ಭರಿ ಗಯು. ಮನಕ್ಹೊ ದುಖಕ್ಹು ತ್ಯುನಾ ಜಿಬ್ಬೊ ಕಡ್ಡಿ ಲಿದ್ಯಾ.

ಪ್ರಕಟನೆ 8:12

ಚಾರವಾ ದೆವದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸುರ್ಯಾನು ತನ್ವಾ ಭಾಗ ಚ಼ಂದಪ್ಪಾನೊ ತನ್ವಾ ಭಾಗ ವರಿ ಚಿಕ್ಕಕಿಯೊನು ತನ್ವಾ ಭಾಗ ತ್ಯುನೊಮಾನು ಯಕ್ಕ ಅಂದಾರು ಥೈಗೈಯು. ದಿನ್ಮಾಬಿ ವರಿ ರಾತ್ಮಾಬಿ ತನ್ವಾಮಾನೊ ಯಕ್ಕ ಭಾಗನೆ ಉಜಾಲು ನೈಸು ಥೈಗಯು.

ಪ್ರಕಟನೆ 9:1

ಪಾಂಚ಼್ವಾ ದೆವ ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಯಕ್ಕ ಚಿಕ್ಕಿ ಹಬಾಳಮಾತಿ ಜಿಮಿನಪರ ಪಡಾನು ಮಿ ದೆಕ್ಯೊ. ತೆ ಚಿಕ್ಕಿನೆ ಪಾತಾಳನೆ ಜಾ಼ವಾನಿ ಚಾವಿ ತಿಕನ ದಿದ್ಯಾತಾ.

ಪ್ರಕಟನೆ 9:11

ಪ್ಹಿರಕಾವೊಪರ ಯಕ್ಕ ರಾಜೊ಼ ವ್ಹತ್ತೊ. ಪಾತಾಳಮಾ ರ‍್ಹವಾಲೊ ದುತ ತ್ಯುನೊ ರಾಜೊ಼ ಥಯೊತೊ. ತಿನೆ ಹಿಬ್ರುಮಾ "ಅಬದ್ದೊನ; ಕೈನ ನಾಮ ವ್ಹತ್ತೊ. ಗ್ರಿಕ್ಕಮಾ "ಅಪೊಲ್ಲ್ಯೊನ "ಕೈನ ನಾಮ ವ್ಹತ್ತು.

ಪ್ರಕಟನೆ 9:17

ಮಿದರಶನಮಾ ಘೊಡಾ ಘೊಡಾವೊಪರ ರ‍್ಹಯಲವಾಲಾವೊನೆ ದೆಕ್ಯೊ. ತ್ಯುನೆ ಅಮ್ಮ ದಿಕ್ಹಾಡ್ಯಾತಾ ತ್ಯುನೆ ಆಗ ಲಿಂಗತ ಲಾಲ ಕಾಳು ನಿಲಿ ವರಿ ಗಂಧಕ ಲಿಂಗತ ಹಳ್ದಿ ಕವಚ ಹೊಂದಯಾತಾ. ಘೊಡಾವೊನಾ ಮಾತಾ ಶಿಯ್ಯಾವೊನಾ ಮಾತಾ ಲಿಂಗತ ದಿಕ್ಹಾಡ್ಯಾತಾ ಘೊಡಾವೊನಾ ಮ್ಹೊಡಾಮಾತು ಆಗ ಧವಾಂಡೊ ವರಿ ಗಂಧಕ ಆವಾಡ್ಯುತು ಸಿಂಯ್ಯಾನಾ ಲಿಂಗತ ಮಾತಾ ವ್ಹಾತಾ.