ಪ್ರಕಟನೆ 7:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ತಿನಾಹುತಿ ಎ ಮನಕ್ಹೊ ಹಮ್ನಾ ಕ್ಹುದಾನಾ ಸಿಂಹಾಸನ್ನಾ ಕ್ಹಾಮಾ ಹುಬ್ರಯಾಸ. ತ್ಯುನೆ ಕ್ಹುದಾನೆ ತಿನಿ ಆಲಯಮಾ ದಿನ್ನ ರಾತ ಆರಾಧನಾ ಕರಸ. ಸಿಂಹಾಸನ್ನಪರ ಬೈಟಲವಾಲೊ ತ್ಯುನೊನೆ ಜ಼ತ್ತನ ಕರಸ.

ಪ್ರಕಟನೆ 7:15 ပူးပေါင်းရင်းမြစ်များ

ಯೊಹಾನ 1:14

ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ‍್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ‍್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ ದಿಕ್ರೊ ರ‍್ಹಯಲ ತಿನೆ ಮಹಿಮಾ ವ್ಹತ್ತಿ.

1 ಕೊರಿಂಥ 3:16

ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.

2 ಕೊರಿಂಥ 6:16

ಕ್ಹುದಾನಿ ಸಭಾಮಂದಿರ ವರಿ ಮೊರತಿಯೊನೆ ಸು ಇಜಾಜ಼ತ ವ್ಹೈ? ಅಪೆ ಕ್ಹುದಾ ಕದ್ಯೊ ಎ ತಿಮ್ಮ ಜಿವ್ತೊ ರ‍್ಹಯಲ ಕ್ಹುದಾನಿ ಸಭಾಮಂದಿರ ಕುನ ವ್ಹತ್ತಾ. ಮಾರ ಮಿ ಘರಮಾ ಕರುಸ ತುಮ. ತ್ಯುನೊನೆ ತುಮೊಮಾ ಮಿ. ಮಿ ನೈ ತ್ಯುನೊನೆ ಕ್ಹುದಾ ತಯ್ಯಾರ. ತ್ಯುನೆ ಮಾರ ಮನಕ್ಹೊ ಥಯಾಸ. ಕೈನ ಕದ್ಯೊ.

ಇಬ್ರಿಯ 12:2

ಅಪೆ ಹಮೆಶಾಬಿ ಯೆಸುನೆಜ಼ ಮಾದರಿ ಕರಿನ ಮ್ಹೆಲ್ಲಿದಲ ರ‍್ಹೌ. ಅಪೊನೆ ಬರೊಕ್ಹೊ ದಿವಾಲೊ ಪುರಾ ಕರಾಲೊ ತೆಜ಼ ವ್ಹೈ. ತೆ ತಿನಾ ಕ್ಹಾಮಾ ಮ್ಹೆಲಲ ಖುಶಿಕ್ಹು ಮರ್ಯಾದಿ ಅಲಕ್ಶ ಕರಿನ ಶಿಲುಬೆನು ಮರಣ ತಡ್ದಿಲಿದ್ಯೊ. ಹಮ್ನಾ ತೆ ಕ್ಹುದಾನಾ ಸಿಂಹಾಸನನಾ ಶಿದಾ ಹತ ಬಗಲ ಬೈಟ್ಯೊಸ.

ಇಬ್ರಿಯ 8:1

ಹಮೆ ಹಮ್ನಾ ಕವಾನಿಯೊ ಸಂಗತಿಯೊನಿಯೊ ಸಾರಾಂಶ ಸು ವ್ಹೈ ಕದ್ಯಾಮ; ತುಮೊನೆ ಕದಲ ಲಿಂಗತ ಸ್ವರ್ಗಮಾ ಮಹಿಮಾ ರ‍್ಹಯಲವಾಲೊ ಸಿಂಹಾಸನನಾ ಶಿದಾ ಹತಬಗಲ ಬೈಟಲ ಮ್ಹೊಟೊ ಯಾಜಕ ಅಪ್ನಾಹುತಿ ಛೆ.

ಪ್ರಕಟನೆ 11:19

ಪಾಚಾ಼ತು ಸ್ವರ್ಗಮಾ ರ‍್ಹಯಲ ಕ್ಹುದಾನಿ ಆಲಯ ಕ್ಹುಲ್ಯು. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಡಂಬಡಿಕೆ ಮ್ಹೆಲಲ ಪೆಟ್ಟಗಿ ತಿನಾ ಆಲಯಮಾ ದಿಕ್ಹಿ. ತೆಳಾಮಾ ಬಿಜ್ಲಿಯೊ ಮಾರ‍್ಯೊ, ಆವಾಜೊ಼ ಥಯಾ, ಭುಕಂಪೊ ಥಯಾ ವರಿ ಘಾರಗಿಯೊನು ಪಾನಿ ಐಯು.

ಪ್ರಕಟನೆ 13:6

ತೆ ಜಾನ್ವರ ಕ್ಹುದಾನಿ ಮರ್ಯಾದಿ ಕಾಡಾನೆ ತಿನು ಮ್ಹೊಡು ಖುಲ್ಲಾ ಕರ‍್ಯು. ತೆನೈಸೊ ಕ್ಹುದಾನಾ ನಾಮನಾ ವಿರುದ್ದ ವರಿ ಕ್ಹುದಾ ರ‍್ಹಯಲ ಜ಼ಗಾನಾ ವಿರುದ್ದ ಸ್ವರ್ಗಮಾ ರ‍್ಹಯಲ ಮನಕ್ಹೊನಾ ವಿರುದ್ದ ದುಶಣೆ ಕರ‍್ಯು.

ಪ್ರಕಟನೆ 20:10

ಸೈತಾನನೆ ಬಳತಿ ರ‍್ಹಯಲ ಆಗನಿ ಇರಮಾ ನಕೈ ಗಯೊ. ತ್ಯಾ ಜಾನ್ವರಬಿ ವ್ಹತ್ತಿ, ಸುಳ್ಳ ಪ್ರವಾದಿಯೊಬಿ ವ್ಹತ್ತಾ. ತ್ಯಾ ತ್ಯುನೆ ಹಮೆಶಾಬಿ ದಿನ್ನ ರಾತ ತ್ರಾಸ ಖಾವಸ.

ಪ್ರಕಟನೆ 21:22

ಮಿ ಗಾಮ್ಮಾ ಯಕ್ಕ ಆಲಯಬಿ ದೆಕ್ಯೊ ನೈ. ಕ್ಕಹಾರಾವೊಕ್ಹು ತಾಕತ ವರ ರ‍್ಹಯಲ ಕ್ಹುದಾ ಪ್ರಭು ವರಿ ವರಿ ಬಕ್ರಾನು ಬಚ್ಚು಼ ಥಯಲ ತೆ ಗಾಮ್ನು ಆಲಯ ಥಯಾಸ.

ಪ್ರಕಟನೆ 22:3

ಕ್ಹುದಾಕ್ಹು ಕ್ಹರಾಪ ಲಿದಲ ಕಯುಜ಼ ಗಾಮ ತೆ ಗಾಮ್ಮಾ ರ‍್ಹತು ನೈ. ಕ್ಹುದಾನು ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಸಿಂಹಾಸನ್ನ ತೆ ಗಾಮ್ಮಾ ರ‍್ಹವಸ. ಕ್ಹುದಾನಾ ಸೆವಕೊ ತ್ಯುನೊನೆ ಆರಾಧನಾ ಕರಸ.

ಪ್ರಕಟನೆ 22:5

ತ್ಯಾ ರಾತ ಕವಾನುಜ಼ ರ‍್ಹತು ನೈ. ಮನಕ್ಹೊನೆ ಲೈಟನು ಉಜಾಲು ರ‍್ಹೈನೆಕಾ ಸುರಯಾನು ಉಜಾಲು ಚಾ಼ಯೆ ಥಾತು ನೈ. ಪ್ರಭು ಥಯಲ ಕ್ಹುದಾಜ಼ ತ್ಯುನೊನೆ ಉಜಾಲು ದಿವಸ. ತ್ಯುನೆ ಹಮೆಶಾಬಿ ರಾಜಾ಼ವೊಲಿಂಗತ ರಾಜ಼ ಕರಸ.

ಪ್ರಕಟನೆ 4:4

ತೆ ಸಿಂಹಾಸನ್ನಾ ಸುತ್ತೆ ಇಕ್ಹಪರ ಚಾರ ಶಾನಾ ಮನಕ್ಹೊ ಬೈಟ್ಯಾತಾ. ತ್ಯುನೆ ಧೊಳಾ ವಣ್ಣಾ ಘಾಲ್ಲಿದ್ಯಾತಾ. ತ್ಯುನಾ ಮಾತಾಪರ ಕ್ಹೊನಾನಾ ಕಿರಿಟೊ ವ್ಹತ್ತಾ. ಎ

ಪ್ರಕಟನೆ 4:8

ಹರಿ ಯಕ್ಕ ಜಿವಿನೆ ಛೆ ರೆಕ್ಕಯಾ ವ್ಹತ್ತಾ. ತೆ ಜಿವಿನಾ ಭಾರಲ್ಯಾ ಭಾಗ ವರಿ ಮ್ಹೈನಾ ಭಾಗನೆ ಡೊಳಾ ವ್ಹತ್ತಾ. ಎ ಚಾರೆ ಜಿವಿಯೊ ದಿನ್ನ ರಾತ ಛೊಡೆ ನೈಸೊ ಅಮ್ಮ ಕತ್ಯೊತ್ಯೊ"ಕ್ಹುದಾ ಥಯಲ ಪ್ರಭು, ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ. ತೆ ಮ್ಹೊಟಿ ತಾಕತ ವಾಲೊ ವ್ಹೈ. ತೆ ಭುತಕಾಲಮಾ ರ‍್ಹಯಲವಾಲೊ ವರತಮಾನ ಕಾಲಮಾ ರ‍್ಹಯಲವಾಲೊ ವ್ಹೈ. ವರಿ ಆವಾಲೊ ವ್ಹೈ.

ಪ್ರಕಟನೆ 4:9

ಎ ಜಿವಿಯೊ, ಸಿಂಹಾಸನ ಪರ ಬೈಟಲ ವಾಲಾನೆ ಪ್ರಭಾವ ವರಿ ಮರ್ಯಾದಿ ವರಿ ಕೃತಜ್ಞತೆ ಕವಾಡಿಯೊತ್ಯೊ. ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತೆಜ಼ ವ್ಹೈ.

ಪ್ರಕಟನೆ 7:9

ಪಾಚಲ್ತೊ ಮಿ ದೆಕ್ತಾಮಾ, ಮನಕ್ಹೊನು ಮ್ಹೊಟು ಗುಂಪ ದೆಕ್ಯೊ. ತ್ಯುನೆ ಮೊಜಾ಼ನೆ ಥಾಯೆ ನೈಸೊ ಯಕ್ಲಾ ಮನಕ್ಹೊ ವ್ಹತ್ತಾ. ತ್ಯುನೊಮಾ ಕ್ಹಾರಿ ಜಾ಼ತವಾಲಾ, ದುನಿಯಾಮಾ ಕ್ಹಾರಿಯೊ ವಾತೊ ಬೊಲಾಲಾ ವ್ಹತ್ತಾ. ಎ ಮನಕ್ಹೊ ಸಿಂಹಾಸನಾ ಕ್ಹಾಮಾ ವರಿ ಬಕ್ರಾನಾ ಬಚ್ಚಾ಼ನಾ ಕ್ಹಾಮಾ ಹುಬ್ರಯಾತಾ. ತ್ಯುನೆ ಕ್ಹಾರಾ ಧೊಳಾ ವಣ್ಣಾ ಘಾಲ್ಲಿನ ಹುಬ್ರಯಾತಾ ವರಿ ತ್ಯುನೆ ಖಜುರನಾ ಝಾಡೊನಿಯೊ ಠೊಂಗಿಯೊ ಧರ್ಲಿನ ಹುಬ್ರಯಾತಾ.