ಪ್ರಕಟನೆ 6:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ತೆಳಾಮಾ ಬಿಜೆಕ ಘೊಡೊ ಭಾರೊ ಆಯೊ. ಎ ಲಾಲ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನೆ ದುನಿಯಾಮಾ ರ‍್ಹಯಲ ಸಮಾಧಾನ ಕಾಡಿಪಾಡನೆ ವರಿ ಮನಕ್ಹೊ ಯಕ್ನಾ ಯಕ್ಕ ಖಲಾಸ ಕರಿಲಿವಾನೆ ತಿನೆ ಅದಿಕಾರ ದಿದಲ ವ್ಹತ್ತು. ಎ ಘೊಡಾಪರ ಬೈಟಲವಾಲಾನೆ ಯಕ್ಕ ಮ್ಹೊಟಿ ತಲ್ವಾರ ದಿದ್ಯಾತಾ.

ಪ್ರಕಟನೆ 6:4 ပူးပေါင်းရင်းမြစ်များ

ಮತ್ತಾಯ 10:34

"ಎ ದುನಿಯಾಮಾ ಮಿ ಶಾಂತ ಕರಾನೆ ಆಯೊಸ ಕೈನ ವಿಚಾರ ಕರೊ ನಕೊ. ಮಿ ಶಾಂತ ಕರಾನೆ ಆಯೊ ನತ್ತಿ, ತಲ್ವಾರ ಘಾಲಾನೆ ಆಯೊಸ.

ಮತ್ತಾಯ 24:6

ಯಕ್ಲೊಜ಼ ನೈಸೊ ಯುದ್ದೊ ಥಾವಾನಿಯೊ ವಳಕ ಸುದ್ದಿಯೊ ತುಮೆ ಐಕೊಶಿ. ಕಳವಳಥಯಾವಾಚಿ ದೆಕಿಲಿವೊ, ಇಮ್ಮ ಥಾವಾನು ಜ಼ರುರತ್ತ ಛೆ. ವರಿಬಿ ತೆ ಅಂತ್ಯಕಾಲ ನ್ಹವೈ.

ಯೊಹಾನ 19:11

ಯೆಸು ತಿನೆ "ಮಪರ ತುನೆ ರ‍್ಹಯಲ ಅದಿಕಾರ ಛೆ. ತೆ ಕ್ಹುದಾಜ ತುನೆ ದಿದಲ ಅದಿಕಾರ ವ್ಹೈ. ತಿನಾಹುತಿ ಮನೆ ತಾರಾ ಹತ್ಮಾ ದಿದಲವಾಲಾವೊನೆ ಘನ್ನು ಪಾಪ ದೊಶ ರ‍್ಹವಸ ಕೈನ ಕದ್ಯೊ.

ಪ್ರಕಟನೆ 12:3

ತೆಳಾಮಾಜ಼ ಹಬಾಳಮಾ ಬಿಜೆ಼ಕ ಅದ್ಭುತ ದಿಕ್ಹ್ಯು. ಲಾಲ ರ‍್ಹಯಲ ಯಕ್ಕ ಮ್ಹೊಟೊ ಕ್ಹಾಪ ವ್ಹತ್ತೊ. ತೆ ಕ್ಹಾಪ್ನೆ ಕ್ಹಾತ ಮಾತಾ ವ್ಹತ್ತಾ. ಹರಿ ಯಕ್ಕ ಮಾತಾಪರ ಯಕೆಕೆ ಕಿರಿಟ ವ್ಹತ್ತು. ತೆ ಕ್ಹಾಪ್ನೆ ಕ್ಹಾತ ಸಿಂಗ್ಡಾ ವ್ಹತ್ತಾ.

ಪ್ರಕಟನೆ 13:10

ಜೆಲ್ಮಾ ನಿಂಜಾ಼ವಾಲೊ ತಿನೆಜ಼ ಜೆಲ್ಮಾ ನಿಂಜಾ಼ವಸ ತಲ್ವಾರಕ್ಹು ಖಲಾಸ ಖಲಾಸ ಕರಾಲೊ ತಲ್ವಾರ ಕ್ಹು ಖಲಾಸ ಥಾವಸ. ತಿನಾಹುತಿ ಕ್ಹುದಾನಾ ಮನಕ್ಹೊ ತಡ್ದಿಲಿನ ಬರೊಕ್ಹಾಮಾ ರ‍್ಹೌ.

ಪ್ರಕಟನೆ 17:3

ತೆ ಥಯಲ್ಪರ ದೆವದುತ ಪವಿತ್ರ ಆತ್ಮಾಮಾ ರ‍್ಹಯಲವಾಲಾನೆ ಮನೆ ಉಚೈನ ಉಸುಕ ರ‍್ಹಯಲ ಜಿಮಿನಪರ ಲಿಂಗಯೊ. ತ್ಯಾ ಯಕ್ಕ ಬಾಕ್ಡಿ ಲಾಲ ರ‍್ಹಯಲ ಯಕ್ಕ ಜಾ಼ನವರಪರ ಬೈಟಲ ಮಿ ದೆಕ್ಯೊ. ತೆ ಜಾನ್ವರನಾ ಅಂಗಪರ ದೆವದುಶಣೆನಾ ನಾಮೊ ಬರ್ದಲ ವ್ಹತ್ತು. ತಿನೆ ಕ್ಹಾತ ಮಾತಾ ದಕ್ಹ ಶಿಂಗ್ಡಾ ವ್ಹತ್ತಾ.

ಪ್ರಕಟನೆ 17:6

ತೆ ಬಾಕ್ಡಿ ಪಿನ ನಿಶಾಮಾ ರ‍್ಹಯಲ ಮಿ ದೆಕ್ಯೊ. ತೆ ಕ್ಹುದಾನಾ ಪರಶುದ್ಧ ರ‍್ಹಯಲ ಮನಕ್ಹೊನು ರಗತ ಪಿನ ನಿಶಾಮಾ ವ್ಹತ್ತಿ. ಯೆಸುಮಾ ತ್ಯುನೊನೆ ರ‍್ಹಯಲ ಬರೊಕ್ಹೊನಾ ಹುತಿ ಕದಲ ಮನಕ್ಹೊನು ರಗತ ತೆ ಪಿನ ನಿಶಾಮಾ ವ್ಹತ್ತಿ. ತೆ ಬಾಕ್ಡಿನೆ ಮಿ ದೆಕ್ತಾಮಾ ಮಿ ಘನ್ನೊ ಘಾಬ್ರೊ ಥಯೊ.