ಪ್ರಕಟನೆ 5:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಎ ದೆವದುತೊ ಜೊ಼ರ ಆವಾಜ಼ಕ್ಹು ಅಮ್ಮ ಕದ್ಯಾ; "ಖಲಾಸ ಥಯಲ ಬಕ್ರಾನು ಬಚ್ಚು಼ ಅದಿಕಾರ, ಆಸ್ತಿ, ಗ್ಯಾನ, ತಾಕತ, ಮರ್ಯಾದಿ, ಪ್ರಭಾವ, ಸ್ತೊತ್ರಾ ಲಿವಾನೆ ಯೊಗ್ಯ ಛೆ!

ಪ್ರಕಟನೆ 5:12 ပူးပေါင်းရင်းမြစ်များ

ಮತ್ತಾಯ 28:18

ತಿನಾಹುತಿ ಯೆಸು ತ್ಯುನೊಕನ ಐನ, ಸ್ವರ್ಗ ವರಿ ಎ ದುನಿಯಾನಿ ಕ್ಹಾರಿ ಅದಿಕಾರ ಮನೆ ದಿದಲ ಛೆ.

ಯೊಹಾನ 1:29

ಮರ್ನಾ ದಿನ್ನೆ ಯೊಹಾನ, ತಿಕನ ಆವಾನಾ ಯೆಸುನೆ ದೆಕ್ಯೊ ದೆಕಿನ "ದೆಕೊ, ಕ್ಹುದಾನು ಬಕ್ರಾನು ಬಚ್ಚು಼. ತೆ ಎ ದುನಿಯಾನಾ ಪಾಪೊ ಕಾಡಸ.

ಯೊಹಾನ 17:2

ಕಾ ದ್ಯಾಮ ಕ್ಹಾರಾ ಮನಕ್ಹೊ ಪರ ತು ತಿನೆ ಅದಿಕಾರ ದಿದ್ಯೊಸ. ಅಮ್ಮ ತೆ ತು ತಿನೆ ದಿದಲ ಕ್ಹಾರಾವೊನೆ ಹಮೆಶಾನೊ ಜ಼ಲಮ ದಿವಾದೆ.

2 ಕೊರಿಂಥ 8:9

ಅಪ್ನ ರ‍್ಹಯಲ ಪ್ರಭು ಲಿಂಗತ ಯೆಸು ಕ್ರಿಸ್ತ ಮರ್ಗ ನೈ ತುಮ ನೈ ಗ್ವತ ಛೆ ದಿವ ನೈ. ಘನ್ನೊ ಸೌಕಾರ ಮನಕ್ಹ ರ‍್ಹ ತಿನಾ ಗರಿಬ ತುಮ ಸೌಕಾರ ಮನಕ್ಹ ರ‍್ಹೌ ಕೈನ ತಾರ ಹುತ ಹುತಿ ಗರಿಬ ಥಯೊ.

1 ತಿಮೊತಿ 1:17

ಹಮೆಶಾ ರಾಜ಼ ಕರಾಲಾ ರಾಜಾ಼ನೆ ಮಹಿಮಾ ವರಿ ಮರ್ಯಾದಿ ರ‍್ಹವಾದೆ. ತಿನಾ ಹತೆ ನೈ ಥಾವಾನು ಕಯುಜ಼ ನತ್ತಿ. ತೆ ದಿಕ್ಹೆ ನೈಸೊ ರ‍್ಹವಸ. ಯಕ್ಕಲೊಜ಼ ಕ್ಹುದಾ ಥಯಲ ತಿನೆ ಮರ್ಯಾದಿ ವರಿ ಮಹಿಮಾ ಹಮೆಶಾಬಿ ಥಾವಾದೆ. ಆಮೆನ್.

ಪ್ರಕಟನೆ 1:6

ಅಪೊನೆ ಯಕ್ಕ ರಾಜ್ಯ ಕರಿನ ಅಪೊನೆ ತಿನೊ ಬಾ ಥಯಲ ಕ್ಹುದಾನೆ ಸೆವೆ ಕರಾಲಾ ಯಾಜಕೊ ಕರ‍್ಯೊ. ಯೆಸುನೆ ಹಮೆಶಾಬಿ ಮಹಿಮಾ ವರಿ ಅದಿಕಾರ ರ‍್ಹವಾದೆ! ತಿಮ್ಮ ಥಾವಾದೆ.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.

ಪ್ರಕಟನೆ 15:3

ತ್ಯುನೆ ಕ್ಹುದಾನೊ ಸೆವಕ ಥಯಲ ಮೊಶೆನು ಗಿದ್ದ ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಗಿದ್ದ ಕದ್ಯಾ. ‘ಪ್ರಭು, ವರಿ ಕ್ಹಾರಾವೊತಿ ತಾಕತವರ ಥಯಲವಾಲಾ ಕ್ಹುದಾ,ತು ಮ್ಹೊಟಾಲಾ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ಕರಶಿ,ಕ್ಹಾರಿ ಜಾ಼ತಾವಾಲಾವೊನಾ ರಾಜಾ಼, ತಾರಿ ಯಕ್ಕ ವಾಟೊ ವರಿ ಫೈಸಲೊ ಕ್ಹರಿನೊ ವ್ಹೈ.

ಪ್ರಕಟನೆ 19:1

ಎ ಥಯಲ್ಪರ, ಸ್ವರ್ಗಮಾ ಘನ್ನಾ ಮನಕ್ಹೊನು ಘನ್ನು ಝೊರ ವದ್ರಾನು ಅವಾಜ಼ ರ‍್ಹಯಲ ಲಿಂಗತ ಅವಾಜ಼ ಐಕ್ಯೊ. ತೆ ಮನಕ್ಹೊ ಅಮ್ಮ ಕವಾಡ್ಯಾತಾ" ಹಲ್ಲೆಲುಯಾ, ಪ್ರಭಾವ ಅದಿಕಾರ ಹಮಾರಾ ಕ್ಹುದಾನೆಜ಼ ವ್ಹೈ.

ಪ್ರಕಟನೆ 4:11

"ಹಮಾರಾ ಪ್ರಭು, ಹಮಾರಾ ಕ್ಹುದಾ! ತು ಪ್ರಭಾವ, ಮರ್ಯಾದಿ, ಹರಿ ಯಕ್ಕನೆ ಯೊರಗ್ಯ ವ್ಹೈ. ಕ್ಹಾರು ತಯ್ಯಾರ ಕರಲವಾಲೊ ತುಜ಼಼ ವ್ಹೈ. ತಾರಿ ಮರ್ಜಿ ಲಿಂಗತ ಎ ಕ್ಹಾರು ವ್ಹತ್ತು; ವರಿ ಕ್ಹಾರು ತಯ್ಯಾರ ಥಯು"

ಪ್ರಕಟನೆ 5:13

ಎನೈಸೊ ಹಬಾಳ ಪರಬಿ ಜಿ಼ಮಿನ ಪರಬಿ ಜಿ಼ಮಿನನಾ ಹೆಟಾಬಿ ಸಮಂದರಮಾಬಿ ರ‍್ಹವಾನು ಹರ ಯಕ್ಕ ಜಿವ ಇಮ್ಮ ಕವಾನು ಐಕ್ಯೊ; "ಸಿಂಹಾಸನನಾ ಉಪ್ಪರ ಬೈಟಲವಾಲಾನೆಬಿ ಬಕ್ರಾನು ಬಚ್ಚು಼ ಥಯಲವಾಲಾನೆಬಿ ಮಹಿಮಾ ಸ್ತೊತ್ರ, ಮರ್ಯಾದಿ, ಪ್ರಭಾವ, ಅದಿಕಾರ ಹಮೆಶಾಬಿ ರ‍್ಹವಾದೆ!

ಪ್ರಕಟನೆ 5:6

ಪಾಚಲ್ತೊ ಸಿಂಹಾಸನನಾ ವರಿ ಚಾರ ಜಿವಿಮೊ ವಚ್ಮಾ ಯಕ್ಕ ಬಕ್ರಾನಾ ಬಚ್ಚಾ಼ನೆ ಮಿ ದೆಕ್ಯೊ. ಮ್ಹೊಟಾಬಿ ತೆ ಬಕ್ರಾನಾ ಬಚ್ಚಾ಼ನಾ ಆಗಪಾಚಾ಼ ವ್ಹತ್ತಾ. ತೆ ಬಕ್ರಾನು ಬಚ್ಚು಼ ಖಲಾಸ ಕರಲ ಲಿಂಗತ ವ್ಹತ್ತು. ತಿನೆ ಕ್ಹಾತ ಶಿಂಗಡಾ ಕ್ಹಾತ ಡೊಳಾ ವ್ಹತ್ತಾ. ತೆ ಎ ದುನಿಯಾನೆ ವಳಾಯಲ ಕ್ಹುದಾನಾ ಕ್ಹಾತ ಆತ್ಮಾ ವ್ಹತ್ತಾ.

ಪ್ರಕಟನೆ 5:8

ತೆಳಾಮಾ ಚಾರ ಜಿವಿಯೊ ವರಿ ಇಖ್ಪರ ಚಾರ ಮ್ಹೊಟಾ ಮನಕ್ಹೊ ತೆ ಬಕ್ರಾನಾ ಬಚ್ಚಾ಼ನಾ ಕ್ಹಾಮಾ ಉಂದಾ ಗುಡ್ಗಾ ಘಾಲಿನ ಪಗೆ ಪಡ್ಯಾ. ಹರಯಕ್ಕಲಾನಾ ಹತ್ಮಾ ಯಕ್ಕ ಯಕ್ಕ ತಂಬುರಿ ವ್ಹತ್ತಿ. ಧವಾಂಡೊ ಭರಲ ಕ್ಹೊನಾನಾ ಸಾಮನೊ ತ್ಯುನೆ ಧರಿಲಿದ್ಯಾತಾ. ಸಾಮನೊ ಕ್ಹುದಾನಿ ಪರಿಶುದ್ಧ ಮನಕ್ಹೊನಾ ಪ್ರಾಥನಾ ಥಯಾತಾ.

ಪ್ರಕಟನೆ 5:9

ತ್ಯುನೆ ಕ್ಹಾರಾ ಬಕ್ರಾನಾ ಬಚ್ಚಾ಼ನಾ ಹುತಿ ಯಕ್ಕ ನೌ ಗಿದ್ದ ಕದ್ಯಾ; ತು ಖಲಾಸ ಬಲಿ ಥಯಲ ಹುತಿ, ಸುರುಳಿ ಲಿನ, ತಿನಾ ಮುದ್ರೆನೆ ತೊಡಾನೆ ಯೊಗ್ಯ ಛೆ. ತು ತಾರಾ ರಗತಕ್ಹು ಘನ್ನಾ ಕುಲ, ಭಾಷಾ, ದೆಶೊ ಬಿಜಯೊ ಬಿಜಿಯೊ ಜಾ಼ತೊನಾ ಮನಕ್ಹೊನೆ ಕ್ಹುದಾನಾ ಹುತಿ ಕಿಮ್ಮತ ದಿನ ಲಿದ್ಯೊಸ.

ಪ್ರಕಟನೆ 6:1

ಪಾಚಲ್ತೊ ಬಕ್ರಾನು ಬಚ್ಚು಼ ಕ್ಹಾತ ಮುದ್ರೆಮಾ ಯಕ್ಕ ಮುದ್ರೆ ಪ್ಹೊಡತಾಮಾ ಮಿ ಧ್ಯಾನ ದಿದ್ಯೊ. ತೆ ಚಾರ ಜಿವಿಯೊಮಾ ಯಕ್ಕ ಜಿವಿ ಬಿಜ಼ಲಿ ಲಿಂಗತ ಬೊಲಾನು ಮಿ ಐಕ್ಯೊ. ತೆ "ಆ! ಕೈನ ಕದ್ಯು.

ಪ್ರಕಟನೆ 7:12

ತ್ಯುನೆ, ಅಮ್ಮ ಕದ್ಯಾ"ಅಪ್ನಾ ಕ್ಹುದಾನೆ ಸ್ತೊತ್ರಾ ಪ್ರಭಾವ ಗ್ಯಾನ ಕೃತದನ್ಯಾ ಸ್ತುತಿ ಮರ್ಯಾದಿ ವರಿ ತಾಕತ ಹಮೆಶಾ ರ‍್ಹವಾದೆ. ಆಮೆನ್"ಕದ್ಯಾ.