ಪ್ರಕಟನೆ 4:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ಎ ಜಿವಿಯೊ, ಸಿಂಹಾಸನ ಪರ ಬೈಟಲ ವಾಲಾನೆ ಪ್ರಭಾವ ವರಿ ಮರ್ಯಾದಿ ವರಿ ಕೃತಜ್ಞತೆ ಕವಾಡಿಯೊತ್ಯೊ. ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತೆಜ಼ ವ್ಹೈ.

ಪ್ರಕಟನೆ 4:9 ပူးပေါင်းရင်းမြစ်များ

ಇಬ್ರಿಯ 7:25

ತಿನಾಹುತಿ ತಿನಾ ಮುಲಕ ಕ್ಹುದಾಕನ ಆವಾಲಾ ಮನಕ್ಹೊನೆ ಯೆಸು ಕೆಳಾಮಾಬಿ ರಕ್ಷಾಕರಸ. ಕಾಕದ್ಯಾಮ ತೆ ಹಮೆಶಾಬಿ ಜ್ಯುತು ರ‍್ಹವಾಲೊ ಥಯೊಸ ವರಿ ಮನಕ್ಹೊ ಕ್ಹುದಾನಿ ಸನ್ನಿಧಿನೆ ಆಯಾಮ ಮನಕ್ಹೊನೆ ಮದತ ಕರಾನೆ ಸಿದ್ದ ಥಯೊಸ.

ಇಬ್ರಿಯ 7:8

ಯಾಜಕೊ ದಕ್ಹವಾಮಾನು ಯಕ್ಕ ಭಾಗ ಲಿವಾಲಾ ಯಕ್ನಾ ಯಕ್ಕ ದಿನ್ನ ಮರಸ. ತೆನೈಸೊ ಅಬ್ರಹಾಮಕ್ಹು ದಕ್ಹಾವಾಮಾನು ಯಕ್ಕ ಭಾಗ ಪಡ್ದಿಲಿದಲ ಮೆಲ್ಕಿಜೆದಕ ಜಿವ್ತೊ ರ‍್ಹವಸ ಕೈನ ಪವಿತ್ರ ಗ್ರಂಥ ಕವಸ.

ಪ್ರಕಟನೆ 1:18

ಮಿಜ಼ ಜಿವ್ತೊ ರ‍್ಹವಾಲೊ ವ್ಹೈ. ಮಿ ಮರ‍್ಯೊ. ತೆನೈಸೊ ಹಮ್ನಾ ದೆಕ ಮಿ ಯುಗ ಯುಗಾಂತರಮಾ ಜಿವ್ತೊ ರ‍್ಹವಾಲೊ ಥಯೊಸ. ಮರಣ ವರಿ ಪಾತಳನಿ ಅದಿಕಾರ ಮಕನ ಛೆ"

ಪ್ರಕಟನೆ 10:6

ತೆ ದೆವದುತ ಯುಗ ಯುಗಮಾ ರ‍್ಹಯಲವಾಲಾನೆ ವರಿ ಹಬಾಳ ವರಿ ತಿಮಾ ರ‍್ಹಯಲ ಕ್ಹಾರುಜ಼, ಜಿಮಿನಪರ ರ‍್ಹಯಲ ಕ್ಹಾರುಜ಼, ಸಮುಂದರ ವರಿ ತಿಮಾ ರ‍್ಹಯಲ ಕ್ಹಾರುಜ಼ ತಯ್ಯಾರ ಕರಲ ವಾಲಾನಿ ತಾಕತಕ್ಹು ಅಮ್ಮ ಕದ್ಯೊ; "ಹಬ್ದಾ ಕೈದಾನಿ ಜ಼ರುರತ್ತ ನತ್ತಿ.

ಪ್ರಕಟನೆ 15:7

ಚಾರ ಜಿವಿಯೊನಾ ಯಕ್ಕ ಜಿವಿ ಎ ಕ್ಹಾತ ದೆವದುತೊನೆ ಕ್ಹಾತ ಕ್ಹೊನಾನಿಯೊ ಪರಾತೊ ದಿದಿ. ಎ ಪರಾತೊಮಾ ಹಮೆಶಾಬಿ ಜಿವ್ನಾ ಕರಾಲೊ ಕ್ಹುದಾನಿ ಶಿಟ್ಟ ಭರಿತಿ.

ಪ್ರಕಟನೆ 21:5

ಸಿಂಹಾಸನ್ಪರ ಬೈಟಲವಾಲೊ"ದೆಕ ಮಿ ನೌ ತರಾನು ಕ್ಹಾರುಜ ತಯ್ಯಾರ ಕರುಸ" ಕೈನ ಕದ್ಯೊ. ತೆ ಥಯಲ್ಪರ ಎ "ಕ್ಹಾರಿಯೊ ವಾಕ್ಯಾ ಕ್ಹರಿನಿಯೊ ವ್ಹೈ ಕೈನ ನಂಬಾನಾ ಹುತಿ ಎ ಕ್ಹಾರುಜ಼ ಬರದ" ಕೈನ ಕದ್ಯೊ.

ಪ್ರಕಟನೆ 4:2

ತೆಳಾಮಾಜ಼ ಮಿ ಪವಿತ್ರ ಆತ್ಮಾನಾ ವಶ್ಮಾ ಥಯೊ. ಸ್ವರ್ಗಮಾ ಮಾರಾ ಕ್ಹಾಮುಜ಼ ಯಕ್ಕ ಸಿಂಹಾಸನ ವ್ಹತ್ತು. ಕುನ ಯಕ್ಕ ತೆ ಸಿಂಹಾಸನ ಪರ ಬೈಟಲ ದೆಕ್ಯೊ.

ಪ್ರಕಟನೆ 4:8

ಹರಿ ಯಕ್ಕ ಜಿವಿನೆ ಛೆ ರೆಕ್ಕಯಾ ವ್ಹತ್ತಾ. ತೆ ಜಿವಿನಾ ಭಾರಲ್ಯಾ ಭಾಗ ವರಿ ಮ್ಹೈನಾ ಭಾಗನೆ ಡೊಳಾ ವ್ಹತ್ತಾ. ಎ ಚಾರೆ ಜಿವಿಯೊ ದಿನ್ನ ರಾತ ಛೊಡೆ ನೈಸೊ ಅಮ್ಮ ಕತ್ಯೊತ್ಯೊ"ಕ್ಹುದಾ ಥಯಲ ಪ್ರಭು, ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ. ತೆ ಮ್ಹೊಟಿ ತಾಕತ ವಾಲೊ ವ್ಹೈ. ತೆ ಭುತಕಾಲಮಾ ರ‍್ಹಯಲವಾಲೊ ವರತಮಾನ ಕಾಲಮಾ ರ‍್ಹಯಲವಾಲೊ ವ್ಹೈ. ವರಿ ಆವಾಲೊ ವ್ಹೈ.

ಪ್ರಕಟನೆ 5:1

ಸಿಂಹಾಸನ ಪರ ಬೈಟಲವಾಲಾನಾ ಸಿದಾ ಹತ್ಮಾ ಯಕ್ಕ ಸುರುಳಿ ದೆಕ್ಯೊ. ತಿನಾ ಭಂಬಿ ಬಗಲ ಬರ್ದಲ ವ್ಹತ್ತು. ತೆ ಕ್ಹಾತ ಮುದ್ರೆಕ್ಹು ಕರ‍ಲ ವ್ಹತ್ತು.

ಪ್ರಕಟನೆ 6:16

ತೆ ಮನಕ್ಹೊ ದಗಡಾವೊನೆ ವರಿ ಡೊಂಗ್ರೊನೆ"ಹಮೊಪರ ಪಡೊ. ಸಿಂಹಾಸನ್ಪರ ಬೈಟಲವಾನಾ ನಜ಼ರಕ್ಹು ಹಮೊನೆ ಝಾಕಿಲಿವೊ. ಬಕ್ರಾನಾ ಬಚ್ಚಾ಼ನಿ ಸಿಟಕ್ಹು ಹಮೊನೆ ಝಾಕೊ,

ಪ್ರಕಟನೆ 7:15

ತಿನಾಹುತಿ ಎ ಮನಕ್ಹೊ ಹಮ್ನಾ ಕ್ಹುದಾನಾ ಸಿಂಹಾಸನ್ನಾ ಕ್ಹಾಮಾ ಹುಬ್ರಯಾಸ. ತ್ಯುನೆ ಕ್ಹುದಾನೆ ತಿನಿ ಆಲಯಮಾ ದಿನ್ನ ರಾತ ಆರಾಧನಾ ಕರಸ. ಸಿಂಹಾಸನ್ನಪರ ಬೈಟಲವಾಲೊ ತ್ಯುನೊನೆ ಜ಼ತ್ತನ ಕರಸ.