ಪ್ರಕಟನೆ 21:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁸ ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.

ಪ್ರಕಟನೆ 21:8 ပူးပေါင်းရင်းမြစ်များ

ಮತ್ತಾಯ 10:28

ಮನಕ್ಹನೆ ಭುಚ಼ಕೊ ನಕೊ. ತ್ಯುನೆ ತುಮಾರು ಅಂಗ ಯಕ್ಕಜ಼ ಖಲಾಸ ಕರಸ. ತೆ ಮನಕ್ಹೊ ಆತ್ಮಾನೆ ಖಲಾಸ ನೈ ಕರ್ತಾ. ಅಂಗನೆ ವರಿ ಆತ್ಮಾನೆ ನರಕಮಾ ಘಾಲಾಲಾ ಕ್ಹುದಾನೆ ಯಕ್ಕಜ಼ ಭುಚ಼ಕೊ.

ಮತ್ತಾಯ 25:25

ಮಿ ಭಹಚ್ಕಿ಼ನ ತು ದಿದಲ ತಲಾಂತ ಜಿಮಿನ್ಮಾ ಝಾಕಿನ ಮ್ಹೆಲ್ಯೊತೊ; ಅಲೆ, ತಾರು ರ‍್ಹಯಲ ತುನೆಜ಼ ದ್ಯುಸ, ಕೈನ ಕದ್ಯೊ.

ಮತ್ತಾಯ 8:26

ಯೆಸು, ತುಮೆ ಭುಚ಼ಕಾನು ಶ್ಯಾನೆ? ತುಮೊಮಾ ನಕ್ಕರಬಿ ಬರೊಕ್ಹೊ ನತ್ತಿ” ಕೈನ ಉತ್ತರ ದಿನ ಉಟಿನ ಹುಬ್ರೈನ ತೆ ತುಫಾನನೆ ಅಗನ್ಯಾ ದಿದ್ಯೊ. ತೆಳಾಮಾಜ಼ ತೆ ತುಫಾನ ಹುಬ್ರೈ ಗಯು. ಸಮಂದರ ಶಾಂತ ಥಯು.

ಮಾರ್ಕ 9:44

ದಕ್ಹಾ ಗ್ರಿಕ ಪುಸ್ತಕೊಮಾ 44 ನಿ ವಚನಾ ಛೆ, ತೆ 48 ನಿ ವಚನ ನಿಂಗತಜ಼ ಛೆ.

ಯೊಹಾನ 8:44

ಸೈತಾನಜ ತುಮಾರೊ ಬಾ ವ್ಹೈ. ತುಮೆ ತಿನಾಜ ಸಂತಾನ ವ್ಹೈ. ವರಿ ತುಮಾರಾ ಬಾ ಲಿಂಗತ ಚಾಲಾನೆ ಮನಸ ಕರೊಶಿ. ತೆ ಪೈಲಾತೊಬಿ ಖಲಾಸ ಕರಾಲೊ ರ‍್ಹಯಲ ಹುತಿ ಕ್ಹರಿನೆ ವಿರೊಧಿ ವ್ಹೈ. ತಿಮಾ ಕ್ಹರಿ ಕವಾನು ನತ್ತಿಜ ತೆ ಸ್ವಭಾವ ಲಿಂಗತ ಸುಳ್ಳ ಬೊಲಸ. ತೆ ಸುಳ್ಳ ಕವಾಲು ವ್ಹೈ ತೆ ಸುಳ್ಳನೊ ಬಾ ವ್ಹೈ.

2 ಥೆಸಲೊನಿಕ 2:9

ತೆ ವಿರೊದಿ ಸೈತಾನನಿ ಮ್ಹೊಟಿ ತಾಕತಕ್ಹು ಮಳಲ ರ‍್ಹವಸ ತೆ ಘನ್ನಿಯೊ ಮೊಸನಾ ಪವಾಡೊ ಮ್ಹೊಟಾ ಕಾಮೊ ಅದ್ಭುತ ಕಾಮೊ ಕರಸ.

1 ತಿಮೊತಿ 4:2

ತೆ ಭೊದನೆ ಸುಳ್ಳ ಬೊಲಾಲಾ ವರಿ ಮೊಸ ಕರಾಲಾ ಮನಕ್ಹೊ ಕಂತು ಆವಸ. ತ್ಯುನೆ ಕ್ಹರಿ ಸುವ್ಹೈ ವರಿ ಕೆಟ್ಟ ಸುವ್ಹೈ ವಳಕ್ಕತಾನೈ. ಉನ್ನು ಥಯಲ ಲ್ಹೊಡಾಕ್ಹು ಬಳಿನ ರಾಕ ಥಯಲ ಲಿಂಗತ ತ್ಯುನು ಗ್ಯಾನಬಿ ಹಾಳ ಥೈ ಜಾ಼ವಸ.

ತಿತನೆ 1:16

ಕ್ಹುದಾನಾ ಹುತಿ ತ್ಯುನೊನೆ ಕಳ್ಯುಸ ಕೈನ ಕದ್ಯಾ. ತ್ಯುನೆ ಕ್ಹುದಾನೆ ವಳಕ್ಯಾ ನತ್ತಿ ಕೈನ ತ್ಯುನಾ ಕೆಟ್ಟ ಕಾಮೊಕ್ಹು ದೆಕಾಡಿನ ದಿವಸ. ತ್ಯುನೆ ಘನ್ನಾ ಕೆಟ್ಟ ಮನಕ್ಹೊ ವ್ಹೈ. ವರಿ ತ್ಯುನೆ ಚೊ಼ಕಾ ಕಾಮೊ ಕರಾನೆ ಯೊಗ್ಯ ನ್ಹವೈ.

ಇಬ್ರಿಯ 12:24

ನವು ಒಡಬಂಡಿಕೆನೆ ವಚಮ್ಮಾ ಥಯಲ ಯೆಸು ಕನಬಿ, ಹೆಬಲನಾ ರಗತ ತುಬಿ ಚೊ಼ಕು ಬೊಲಾನಾ ಪ್ರೊಕ್ಷಣ ರಗತ ಕನಬಿ ಆಯಾಸ.

ಇಬ್ರಿಯ 13:4

ಕ್ಹಾರಾ ಜ಼ನಾ ಹಿವಾನೆ ಚೊ಼ಕು ವ್ಹೈ ಕೈನ ಮರ್ಯಾದಿದ್ಯು ವರಿ ಮಾಟಿ ಬೈಕೊನು ಸಂಬಂಧ ಕಯುಜ಼ ದಾಗ ನೈಸೊ ರ‍್ಹೌ. ಲೈಂಗಕ ಪಾಪ ಕರಾಲಾವೊನೆಬಿ ವರಿ ವ್ಯಬಿಚಾರ ಕರಾಲಾವೊನೆಬಿ ಕ್ಹುದಾ ಫೈಸಲೊ ಲಿವಾನೊ ದಿನ್ನ ಆವಸ ಕೈನ ತಿಳ್ದಿಲಿವೊ.

1 ಯೊಹಾನ 2:22

ತಿನಾಹುತಿ ಸುಳ್ಳ ಕವಾಲೊ ಕುನ ವ್ಹೈ? ಯೆಸು ಕ್ರಿಸ್ತ ನ್ಹವೈ ಕೈನ ಕವಾಲೊ ಸುಳ್ಳ ಬೊಲಾಲೊ ವ್ಹೈ. ತೆ ಕ್ರಿಸ್ತನೊ ದುಶ್ಮನ ವ್ಹೈ. ತೆ ಬಾನೆ ರ‍್ಹೈನೆಕಾ (ಕ್ಹುದಾನೆ) ತಿನಾ ದಿಕ್ರಾನೆ ರ‍್ಹೈನೆಕಾ (ಕ್ರಿಸ್ತನೆ) ನಂಬತೊ ನೈ.

1 ಯೊಹಾನ 3:15

ತಿನಾ ಖುದ್ದನಾ ಭೈನೆ ದ್ವೆಶ ಕರಾಲೊ ಹರಿ ಯಕ್ಲೊ ಖಲಾಸ ಕರಾಲೊ ಥಯಾಸ. ಕಯಾಜ಼ ಖಲಾಸ ಕರಾಲಾಮಾ ಹಮೆಶಾನೊ ಜ಼ಲಮ ರ‍್ಹತೊ ನೈ. ಕೈನ ಮನೆ ಗ್ವತ್ತ ಥಯುಸ.

1 ಯೊಹಾನ 5:10

ಕ್ಹುದಾನಾ ದಿಕ್ರಾನೆ ಬರೊಕ್ಹೊ ಕರಲಾವೊನೆ ಕ್ಹುದಾಕ್ಹು ಸಾಕ್ಷಿದಿದಲ ಕ್ಹರಿ ವ್ಹಂದಲ ರ‍್ಹವಸ. ಕ್ಹುದಾನೆ ನೈನಂಬಲವಾಲೊ. ಕ್ಹುದಾನೆ ಸುಳ್ಳವಾಲೊ ಕರಸ. ಕಾಕದ್ಯಾಮ ಕ್ಹುದಾ ತಿನಾ ದಿಕ್ರಾನೆ ಹುತಿ ಕದಲ ತೆ ಬರೊಕ್ಹೊ ನೈ ಕರ್ತೊ.

ಪ್ರಕಟನೆ 14:10

ತೆ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿವಸ. ಕ್ಹುದಾನಿ ಶಿಟ್ಟ ಕವಾನಾ ಕುಂಡಾಮಾ ಎ ದ್ರಾಕ್ಷಿಯೊನು ರಕ್ಹ ತಿನಿ ಪುರಾ ತಾಕತಕ್ಹು ತಯ್ಯಾರ ಕರ‍್ಯಾಸ. ತಿನೆ ಪರಿಶುದ್ಧ ರ‍್ಹಯಲ ಕ್ಹುದಾನಾ ದುತೊನಾ ವರಿ ಬಕ್ರಾನು ಬಚ್ಚು಼ ರ‍್ಹಯಲವಾಲಾನಾ ಕ್ಹಾಮಾ ಆಗನಾ ಲಾಲ ಕೆಂಡಾವೊಕ್ಹು ತ್ರಾಸ ದಿವಸ.

ಪ್ರಕಟನೆ 19:20

ತೆನೈಸೊ ತೆ ಜಾನ್ವರನೆ ಸುಳ್ಳ ಪ್ರವಾದಿಯೊನೆ ಧರ‍್ಯಾ. ಎಜ಼ ಸುಳ್ಳ ಪ್ರವಾದಿ ಜಾನ್ವರನಾ ಹುತಿ ಅದ್ಭುತ ಕರಲವಾಲೊ. ಎ ಸುಳ್ಳ ಪ್ರವಾದಿ ಜಾನ್ವರನಿ ವಳಕ ಘಲೈಲಿದಲವಾಲೊ ವರಿ ತಿನಾ ಮೊರತಿಯೊನೆ ಆರಾಧನಾ ಕರಲ ಮನಕ್ಹೊನೆ ಮಳ್ಳ ಕರಾನಾಹುತಿ ಎ ಅದ್ಭುತ ಕರ‍್ಯೊ. ಎ ಸುಳ್ಳ ಪ್ರವಾದಿನೆ ಜಾನ್ವರನೆ, ಆಗನಿ ಇರಮಾ ಜಿವ್ತಾವೊನೆ ನಾಕಿಪಾಡ್ಯಾ.

ಪ್ರಕಟನೆ 2:11

"ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲಾ, ಧ್ಯಾನ ದಿನ್ನ ಐಕ. ಝಿತ್ತಾಲಾನೆ ಬೆವಾ ಮರಣಕ್ಹು ಸುಜ಼ ಹಾಳ ನೈ ಥಾತು.

ಪ್ರಕಟನೆ 2:2

"ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ.

ಪ್ರಕಟನೆ 21:27

ಪರಿಶುದ್ಧ ನೈ ರ‍್ಹಯಲ ಗಾಮೊ ತೆ ಗಾಮ್ಮಾ ಆತುಜ಼಼ ನೈ. ಮರ್ಯಾದಿ ಕಾಡಾನಾ ಕಾಮೊ ಕರಾಲೊ ರ‍್ಹೈನೆಕಾ ಸುಳ್ಳ ಬೊಲಾಲೊ ರ‍್ಹೈನೆಕಾ ತೆ ಗಾಮ್ಮಾ ಕೆಳಾಮಾಜ಼ ಆತೊಜ಼ ನೈ. ಬಕ್ರಾನು ಬಚ್ಚು಼ ಥಯಲವಾಲೊ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದ್ಯೊಸ ತ್ಯುನೆ ಯಕ್ಕಜ಼ ತೆ ಗಾಮ್ಮಾ ಆ ಸಕಸ.

ಪ್ರಕಟನೆ 22:15

ಗಾಮ್ನಾ ಭಾರಾ ಮನಕ್ಹೊನೆ ಭಟ್ಕಾವಾಲಾ ಛೆ. ಮಾಟಾ ಕರಾಲಾ ಛೆ, ಲೈಂಗಿಕ ಪಾಪೊ ಕರಾಲಾ ಮನಕ್ಹೊ ಛೆ, ಮನಕ್ಹೊನೆ ಖಲಾಸ ಕರಾಲಾ ಛೆ, ಮೊರತಿಯೊನೆ ಆರಾಧನಾ ಕರಾಲಾ ಮನಕ್ಹೊಬಿ ಛೆ ವರಿ ಸುಳ್ಳನೆ ಮಯಾ ಕರಾಲಾ ವರಿ ಕವಾಲಾ ಮನಕ್ಹೊ ಛೆ.

ಪ್ರಕಟನೆ 9:17

ಮಿದರಶನಮಾ ಘೊಡಾ ಘೊಡಾವೊಪರ ರ‍್ಹಯಲವಾಲಾವೊನೆ ದೆಕ್ಯೊ. ತ್ಯುನೆ ಅಮ್ಮ ದಿಕ್ಹಾಡ್ಯಾತಾ ತ್ಯುನೆ ಆಗ ಲಿಂಗತ ಲಾಲ ಕಾಳು ನಿಲಿ ವರಿ ಗಂಧಕ ಲಿಂಗತ ಹಳ್ದಿ ಕವಚ ಹೊಂದಯಾತಾ. ಘೊಡಾವೊನಾ ಮಾತಾ ಶಿಯ್ಯಾವೊನಾ ಮಾತಾ ಲಿಂಗತ ದಿಕ್ಹಾಡ್ಯಾತಾ ಘೊಡಾವೊನಾ ಮ್ಹೊಡಾಮಾತು ಆಗ ಧವಾಂಡೊ ವರಿ ಗಂಧಕ ಆವಾಡ್ಯುತು ಸಿಂಯ್ಯಾನಾ ಲಿಂಗತ ಮಾತಾ ವ್ಹಾತಾ.

ಪ್ರಕಟನೆ 9:21

ಎ ಮನಕ್ಹೊ ತಿವ್ನಾ ಮನಸೊ ವರಿ ಜಿವ್ನಾ ಬದಲಿ ಕರಲಿದ್ಯಾ ನೈ ವರಿ ಬಿಜಾ಼ವೊನೆ ಖಲಾಸ ಕರಾನು ಛೊಡ್ಯಾ ನೈ. ತ್ಯುನೆ ಕರಾನು ಮಾಟಾ ಮಂತ್ರಾ ಲೈಂಗಿಕ ಪಾಪೊ ವರಿ ಚೊ಼ರಿ ಕರಾನು ಛೊಡ್ಯಾ ನೈ.