ಪ್ರಕಟನೆ 21:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ತೆ ಗಾಮ್ನೆ ಬಾರಾ ಬಾಕ್ಲೊ ರ‍್ಹಯಲ ಯಕ್ಕ ಮ್ಹೊಟಿ ಗೊಡಿ ವ್ಹತ್ತಿ. ತೆ ಬಾಕ್ಕಲೊನಾ ಕ್ಹಾಮೊ ಬಾರಾ ದೆವದುತೊ ವ್ಹತ್ತಾ. ಹರಿ ಯಕ್ಕ ಬಾಕಲಪರ ಎಸ್ರೆಲನಾ ಬಾರಾ ಜಾ಼ತವಾಲಾವೊನಾಮಾ ಯಕ್ಕಜ಼ ಜಾ಼ತನು ನಾಮ ಬರ್ದಲ ವ್ಹತ್ತು.

ಪ್ರಕಟನೆ 21:12 ပူးပေါင်းရင်းမြစ်များ

ಮತ್ತಾಯ 18:10

ಆ ನ್ಹಾನಾವೊಮಾ ಯಕ್ಲೊಬಿ ರ‍ಹೈತಬಿ ತಪ್ಪ ಕರೆವಾಚಿ ದೆಕಿಲಿವೊ. ಕಾ ಕದ್ಯಮ ಪರೊಲೊಕಮಾ ರ‍್ಹವಾನಾ ದುತೊ ಮಾರಾ ಸ್ವರ್ಗನೊ ಬಾನೂ ಮ್ಹೊಡಾನೆ ದೆಕ್ತಾ ರ‍್ಹವಸತೊ ಕೈನ ತುಮೊನೆ ಕೌಸ.

ಲುಕ ಬರ್ದಲ ಸುವಾರ್ತಾ 15:10

ತಿನಾ ಲಿಂಗತಜ಼ ಯಕ್ಕ ಪಾಪಿ ತಿನಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಯೊಮ ಸ್ವರ್ಗಮಾ ರ‍್ಹಯಲ ದೆವದುತೊ ಘನ್ನಾ ಖುಶಿ ಥಾವಸ.

ಲುಕ ಬರ್ದಲ ಸುವಾರ್ತಾ 16:22

"ದಕ್ಹಾ ದಿನ್ನ ಥಯಲಪರ ಲಾಜ಼ರ ಮರಯೊ. ಸ್ವರಗನಾ ದುತೊ ಐನ ತೆ ಲಾಜ಼ರನೆ ಅಬ್ರಹಾಮಕನ ಲಿನಗಯಾ, ಯಕ್ಕ ದಿನ್ನ ತೆ ಸೌಕಾರಬಿ ಮರಯೊ. ತಿನೆ ಮಜಾ಼ರಮಾ ಬುಜ್ಜಾ಼.

ಅಪೊಸ್ತಲೊ 26:7

ಅಪ್ನಾ ಬಾರಾ ಖಾಂಧಾವಾಲಾ ದಿನ್ನ ರಾತ ಆಸಕ್ತಿಕ್ಹು ಕ್ಹುದಾನೆ ಆರಾದಾನಾ ಕರ್ತಾ ತೆ ವಾತನಿ ಫಲ ಮಳಾನಾ ಹುತಿ ಆಸ ಕರ್ತಾ ಛೆ. ರಾಜಾ಼, ತೆಜ಼ ಆಸನಾ ಹುತಿ ಯೆಹುದಿಯೊ, ಮಾರಾ ವಿರುದ್ದ ದೊಶಾರೊಪಣೆ ಕರಾಡಾಸ.

ಇಬ್ರಿಯ 1:14

ತೆ ದೆವದುತೊ ಕ್ಹಾರಾ ಕ್ಹುದಾನಿ ಸೆವಾ ಕರಾಲಾ ಆತ್ಮಾ ವ್ಹೈ ವರಿ ರಕ್ಷಣೆ ಹೊಂದಾಲಾ ಮನಕ್ಹೊನಿ ಮದತ ಕರಾನೆ ವಳಾಯಲವಾಲಾ ವ್ಹೈ.

ಪ್ರಕಟನೆ 21:13

ಪುರವದಿಕ್ಕಕಮಾ ತನ್ನ ಬಾಕ್ಲೊ, ದಕ್ಕಷಿಣ ದಿಕ್ಕಕಮಾ ತನ್ನ ಬಾಕ್ಲೊ, ವರಿ ಪಶ್ಚಿಮ ದಿಕ್ಕಕಮಾ ತನ್ನ ಬಾಕ್ಲೊ ವ್ಹತ್ತಾ.

ಪ್ರಕಟನೆ 21:15

ಮಾರಾ ಕ್ಹಾತೆ ಬೊಲಲ ದೆವದುತಕನ ಕ್ಹೊನಾನಿ ಅಳತಿ ಕರಾನಿ ಪಟ್ಟಿ ರ‍್ಹೈ. ತೆ ಗಾಮನೆ ವರಿ ತಿನಾ ಬಾಕ್ಕಲೊನೆ ವರಿ ಗೊಡಿಯೊನೆ ತೆ ಕ್ಹೊನಾನಿ ಪಟ್ಟಿಕ್ಹು ಅಳತಿ ಕರಾಡೊತೊ.

ಪ್ರಕಟನೆ 21:25

ತೆ ಗಾಮನು ಬಾಕಲ ಕೆಳಾಮಾಜ಼ ಝಾಕಲ ರ‍್ಹತುನೈ. ಕಾಕದ್ಯಾಮ ತ್ಯಾ ರಾತ ಕವಾನುಜ಼ ನತ್ತಿ.

ಪ್ರಕಟನೆ 22:14

ತ್ಯುನು ಮ್ಹೊಟು ಅಂಗ್ಡು ರ‍್ಹಯಲವಾಲಾ ಧ್ವಲಿದವಾಲಾ ಧನ್ಯ ವ್ಹೈ. ತ್ಯುನೆ ಜ಼ಲಮ ದಿವಾನು ಝಾಡನು ಫಲ ಖಾವಾನೆ ತ್ಯುನೊನೆ ಹಕ್ಕಕ ರ‍್ಹವಸ. ತ್ಯುನೆ ಬಾಕಲನಾ ಮುಕಾಂತರ ತೆ ಗಾಮ್ಮಾ ಜಾ಼ವಾಸ.