ಪ್ರಕಟನೆ 20:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ಸುಮುದ್ರಮಾ ಪಡಿನ ಮರಲ ಮನಕ್ಹೊನೆ ತೆ ಸಮುಂದರ ವಪ್ಸಿನ ದಿದ್ಯು. ಮೃತ್ಯು ಪಾತಾಳಮಾ ರ‍್ಹಯಲ ಮನಕ್ಹೊನೆ ವಪ್ಸಿನ ದಿದ್ಯು. ಹರಿ ಯಕ್ಕ ಮನಕ್ಹೊನೆ ತ್ಯುನಾ ಕಾಮೊನಾ ತಕ್ಕ ಫಸ್ಲೊ ಥಯೊ.

ಪ್ರಕಟನೆ 20:13 ပူးပေါင်းရင်းမြစ်များ

ಮತ್ತಾಯ 11:23

ಕಪೆನೌರ್ಮಿ, ತು ಪರಲೊಕೆ ಜಾಶಿ ಕೈನ ವಿಚಾರ ಕರಶಿ ಸು? ನೈ! ತು ನರಕೆ ಜಾಶಿ. ಮಿ ತುಮೊಮಾ ಘನ್ನಾ ಅದ್ಭುತ ಕಾಮೊ ಕರ‍್ಯೊ. ಸೊದೊಮಮಾ ತೆ ಅದ್ಭುತ ಕಾಮೊ ಕರ‍ಲ ರ‍್ಹವತ್ತೊ ತೆ ಮನಕ್ಹೊ ಪಾಪ ಕರಾನು ಛೊಡಿಪಡತಾತಾ ವರಿ ಹಜು಼ನ ಲಕ್ಕಾ ತೆ ಗಾಮ ಉಗ್ರಲ ರ‍್ಹತುತು.

ಮತ್ತಾಯ 16:27

ಮನಕ್ಹನೊ ದಿಕ್ರೊ ತಿನಾ ಬಾನಿ ಮಹಿಮಾನಾ ಕ್ಹಾತೆ ತಿನಾ ದುತೊನಾ ಕ್ಹಾತೆ ಆವಸ. ತೆಳಾಮಾ ತೆ ಯಕೆಕ್ಲಾವೊನೆ ತೆ ಕರಲ ಕಾಮ ನಿಂಗತ ಪ್ರತಿ ಫಲ ದಿವಸ.

1 ಕೊರಿಂಥ 15:26

ಕ್ಹಾರಾತಿ ಲಾಸ್ಟೆ ಖಲಾಸ ಥಾವಾನು ದುಶ್ಮನಜ಼ ಮರಣ ವ್ಹೈ.

ಪ್ರಕಟನೆ 1:18

ಮಿಜ಼ ಜಿವ್ತೊ ರ‍್ಹವಾಲೊ ವ್ಹೈ. ಮಿ ಮರ‍್ಯೊ. ತೆನೈಸೊ ಹಮ್ನಾ ದೆಕ ಮಿ ಯುಗ ಯುಗಾಂತರಮಾ ಜಿವ್ತೊ ರ‍್ಹವಾಲೊ ಥಯೊಸ. ಮರಣ ವರಿ ಪಾತಳನಿ ಅದಿಕಾರ ಮಕನ ಛೆ"

ಪ್ರಕಟನೆ 2:23

ಯಕ್ಲಾನೆ ತ್ಯುನಾ ತ್ಯುನಾ ಕಾಮೊನೆ ತಕ್ಕ ಪ್ರತಿಫಲ ದ್ಯುಸ.

ಪ್ರಕಟನೆ 20:12

ಮರಿಗೈಲವಾಲಾವೊಮಾ ನ್ಹಾನಾ ಮ್ಹೊಟಾ ಮನಕ್ಹೊ ತೆ ಸಿಂಹಾಸನ್ನಾ ಕ್ಹಾಮಾ ಹುಬ್ರಾಯಾತಾ. ತೆಳಾಮಾ ಜಿವಭಾದ್ಯ ಪುಸ್ತಕ ಖಲ್ಲಾ ಕರ‍್ಯಾ. ಬಿಜಾ಼ ಪುಸ್ತಕೊಬಿ ಖುಲ್ಲಾ ಕರಿನ ಮುಕ್ಕಯಾತಾ. ಮರಿಗಯಲ ಮನಕ್ಹೊ ವರಿ ತ್ಯುನೆ ಕರಲ ಕ್ಹಾರಾ ಕಾಮೊನೆ ದೆಕಿನ ತ್ಯುನೊ ಫೈಸಲೊ ಕರ‍್ಯಾ. ಎ ಕ್ಹಾರು ಪುಸ್ತಕೊಮಾ ಬರ್ದಲ ಛೆ.

ಪ್ರಕಟನೆ 20:14

ಪಾಚಾ಼ತಾ ಮೃತ್ಯುನೆ ವರಿ ಪಾತಳನೆ ಆಗನಿ ಇರಮಾ ನಾಕಾ ಲಗಾಡ್ಯಾ. ಎ ಆಗನಿ ಇರ ಬೆವಾ ಮರಣ ವ್ಹೈ.

ಪ್ರಕಟನೆ 21:4

ಕ್ಹುದಾ ತ್ಯುನಾ ಡೊಳಾಮಾನು ಪಾನಿ ನುಚ್ಚಿ ಪಾಡಸ. ತ್ಯಾ ಮರಣ ಕವಾನುಜ಼ ರ‍್ಹತು ನೈ, ದುಖ ರ‍್ಹತು ನೈ, ರವಾನು ರ‍್ಹತು ನೈ ವರಿ ಜುನ್ನಿಯೊ ವಾಟೊಜ಼ ಗೈಪಡಿಯೊ "ಕೈನ ಕದ್ಯು.

ಪ್ರಕಟನೆ 6:8

ಮಿ ದೆಕ್ತಾಮಾ ಮಾರಾ ಕ್ಹಾಮು ಯಕ್ಕ ಪಿಳಿಮಾತಿನೊ ಕಲರನು ಘೊಡೊ ರ‍್ಹಯಲ ಮನೆ ದಿಕ್ಹ್ಯೊ. ತೆ ಘೊಡಾಪರ ಬೈಟಲವಾಲೊ ಮೌತ ವ್ಹೈ. ತಿನಾ ಪಾಚೊ಼ ಪಾತಾಳ ಕವಾಲೊ ಆಯೊ. ತ್ಯುನೊನೆ ಜಿಮಿನ್ನಿ ಚಾರವಾ ಭಾಗಪರ ಅದಿಕಾರ ದಿದ್ಯಾ. ಚಾ಼ಕಾಕ್ಹು ಬರಗಾಲಕ್ಹು ರೊಗಕ್ಹು ವರಿ ದುನಿಯಾಮಾ ರ‍್ಹಯಲ ಪಶುವೊಕ್ಹು ಮನಕ್ಹೊನೆ ತಲ್ವಾರ ಕ್ಹು ಖಲಾಸ ಕರಾನು ಅದಿಕಾರ ತಿನೆ ದಿದ್ಯಾ.