ಪ್ರಕಟನೆ 2:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² "ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ.

ಪ್ರಕಟನೆ 2:2 ပူးပေါင်းရင်းမြစ်များ

ಮತ್ತಾಯ 7:23

ತೆನೈಸೊ ಮಿ ತ್ಯುನೊನೆ, ಅಧರ್ಮಿಯೊ, ಮಕಂತಾ ಜಾ಼ವೊ. ತುಮೆ ಕುನ್ನ ವ್ಹೈ ಮನೆ ಗ್ವತ್ತ ನತ್ತಿ ಕೈನ ಚೊ಼ಕಿತರಾ ಕೈಪಡುಸ.

ಯೊಹಾನ 6:6

ಫಿಲಿಪ್ಪನೆ ಪರಿಕ್ಷಾ ಕರಾಹುತಿ ತೆ ಅಮ್ಮ ಪುಚ್ಯೊ. ತೆನೈಸೊ ಕ್ಹರಿಮಾಜ಼ ತೆ ಸು ಕಾಮ ಕರು ಕವಾನು ತಿನೆ ಪೈಲಾಜ ಗ್ವತ್ತ ವ್ಹತ್ತು

ಗಲಾತ್ಯ 1:7

ಕ್ಹರಿಮಾಜ಼ ಕೌ ಕದ್ಯಾಮ, ಬಿಜು಼ ಕಯುಜ಼ ಕ್ಹರಿನಿ ಸುವಾರ್ತೆ ಕೈಜ಼ ನತ್ತಿ. ತೆನೈಸೊ ದಕ್ಹಾ ಮನಕ್ಹೊ ತುಮೊನೆ ಗಲಿಬಿಲಿ ಕರಾಡಾಸ. ತ್ಯುನೆ ಕ್ರಿಸ್ತನಿ ಸುವಾರ್ತೆ ಬದಲಿಕರು ಕೈನ ದೆಕಾಡ್ಯಾಸ್.

ಎಫೆಸ 4:14

ತಿನಾಹುತಿ ಅಪೆ ಹಮ್ನಾತಾ ಬಚ್ಚಾ಼ ಥೈನ ರ‍್ಹೌ ನೈ. ಸಮುಂದರನಿ ಧಡ್ಕಿಯೊ ಹೈತಿ ಜಾ಼ವಾನಾ ಹಡ್ಗೊ ಲಿಂಗತ ಗಲಿ ಬಿಲಿ ಥೌ ನೈ. ಅಪೊನೆ ಮೊಸ ಕರಾನೆ ಮನಕ್ಹೊ ಕವಾನಾ ಕಯಾಜ಼ ನವಾ ಉಪದೆಶೊಕ್ಹು ಅಪೆ ಕಳವಳ ಥೌ ನೈ. ಮನಕ್ಹೊನೆ ಮೊಸ ಕರಿನ ಕೆಟ್ಟ ವಾಟಮಾ ಚ಼ಲೌ ಕವಾನಿ ಉದ್ದೆಶಕ್ಹು ತೆ ಕೆಟ್ಟ ಬೊದಕೊ ಬಿಜಾ಼-ಬಿಜಾ಼ ತರಾನಾ ವಿಚಾರೊ ಕರಸ.

1 ಥೆಸಲೊನಿಕ 1:3

ಅಪ್ನೊ ಬಾ ರ‍್ಹಯಲ ಕ್ಹುದಾಕನ ಪ್ರಾಥನಾ ಕರ್ತಾಮಾ ತುಮಾರೊ ಬರೊಕ್ಹಾ ಕ್ಹು ವರಿ ಮಯಾಕ್ಹು ಕರಲ ಕಾಮೊಕ್ಹು ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತಮಾ ಅಪೊನೆ ರ‍್ಹಯಲ ಆಸಕ್ಹು ತುಮೆ ಘಟ್ಟ ಥೈನ ಹುಬ್ರಯಲಕ್ಹು ಹಮೆ ತಿನೆ ಹಮೆಶಾಬಿ ಸ್ತುತಿ ಕರಿಯೆಸ.

1 ಥೆಸಲೊನಿಕ 5:21

ಕ್ಹಾರುಜ಼ ಪರಿಕ್ಷಾ ಕರೊ, ಚೊ಼ಕು ರ‍್ಹಯಲ ಘಟ್ಟ ಧರಿಲಿವೊ.

2 ತಿಮೊತಿ 2:19

ತೆನೈಸೊ ಕ್ಹುದಾನಿ ಮ್ಹೊಟಿ ಬುನಾದಿ ಹಲ್ತಿಜ಼ ನೈ" ಪ್ರಭುನೆ ತಿನಾ ಕುನ್ ವ್ಹೈ ಕೈನ ಗ್ವತ್ತ ಛೆ "ವರಿ "ಪ್ರಭುಮಾ ಬರೊಕ್ಹೊ ಮ್ಹೆಲ್ಯಲವಾಲಾ ಕೆಟ್ಟ ವಾಟ ಛೊಡಿಪಾಡು "ಕೈನ ತೆ ಬುನಾದಿನಾ ಉಪ್ಪರ ಬರ್ದ್ಯಾಸ.

ಇಬ್ರಿಯ 6:10

ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.

1 ಯೊಹಾನ 4:1

ಮಾರಾ ಮಯಾನಾ ದೊಸ್ತೊ, ಎ ದುನಿಯಾಮಾ ಘನ್ನಾ ಸುಳ್ಳ ಪ್ರವಾದಿಯೊ ಛೆ. ತಿನಾ ಹುತಿ ಹರಿ ಯಕ್ಕ ಆತ್ಮಾಪರ ಬರೊಕ್ಹೊ ಮ್ಹೆಲೊ ನಕೊ. ತೆನೈಸೊ ತೆ ಆತ್ಮಾವೊ ಕ್ಹುದಾತಿ ಐಯೊಸ ಕೈನ ಪರಿಕ್ಷಾ ಕರಿನ ವಳಕಿಲಿವೊ.

ಪ್ರಕಟನೆ 2:5

ತಿನಾಹುತಿ ತು ಮುಕಂತೊ ದುರ ಥೈಗಯೊಸ ಕವಾನು ಶೆ ಕರಿಲೆ ಮನಸ ಬದ್ಲಿ ಕರಲೆ ತು ಪೈಲಾ ಕರಲ ಕಾಮೊಜ಼ ಕರ ತು ಬದಲಿ ನೈ ಥಯೊಮ ಮಿ ತು ರ‍್ಹಯಲ ಜ಼ಗಾ ಐನ ತಾರು ದಿವ್ವಾನೊ ಖಾಮ ತಿನಿ ಜ಼ಗಾಂತೊ ಕಾಡಿ ಪಾಡುಸ.

ಪ್ರಕಟನೆ 2:6

ತೆನೈಸೊ ತು ಚೊ಼ಕು ರ‍್ಹಯಲ ಯಕತಬಿ ಕರಾಡ್ಯೊಸ ತೆ ಸು ವ್ಹೈ ಕದ್ಯಾಮ ನಿಕೊಲಾಯತ ಕವಾಲೊ ಯಕ್ಲೊ ಕರಾನಾ ಕಾಮೊನೆ ಶೆರತೊ ನೈ. ಮಿಬಿ ತ್ಯುನಾ ಕಾಮೊನೆ ಶೆರತೊ ನೈ.

ಪ್ರಕಟನೆ 2:9

ತಾರೊ ಕಷ್ಟ ಮನೆ ಗ್ವತ್ತ ಛೆ. ತು ಗರಿಬ ವ್ಹೈ ಕವಾನು ಮನೆ ಗ್ವತ್ತ ಛೆ. ವರಿಬಿ ತು ಘನ್ನೊ ಸೌಕಾರ ವ್ಹೈ. ತಾರಾ ಹುತಿ ಮನಕ್ಹೊ ಕವಾನಿಯೊ ಕೆಟ್ಟ ಸಂಗತಿಯೊ ಮನೆ ಗ್ವತ್ತ ಛೆ. ತೆ ಮನಕ್ಹೊ ತ್ಯುನಾಕ್ಹು ತ್ಯುನೊನೆ ಯೆಹುದಿಯೊ ವ್ಹೈ ಕೈನ ಕೈಲಿವಸ. ವರಿಬಿ ತ್ಯುನೆ ಕ್ಹರಿನಾ ಯೆಹುದಿಯೊ ನ್ಹೈ. ತ್ಯುನೆ ಸೈತಾನನಾ ಗುಂಪವಾಲಾ ವ್ಹೈ.

ಪ್ರಕಟನೆ 3:1

ಸಾರದಿಸಮಾ ರ‍್ಹಯಲ ಸಬೆನಾ ದುತನೆ ಆ ಬರದ; ಕ್ಹುದಾ ಕ್ಹಾತ ಆತ್ಮಾ ವರಿ ಕ್ಹಾತ ಚಿಕ್ಕಿಯೊ ಹೊಂದಿಲಿದಲವಾಲೊ ಕವಾನು ಸು ವ್ಹೈ ಕದ್ಯಾಮ;ತು ಕರಾನು ಮನೆ ಗ್ವತ್ತ ಛೆ. ತು ಜಿವ್ತೊ ರ‍್ಹಯಲವಾಲೊ ವ್ಹೈ ಕೈನ ಮನಕ್ಹೊ ಕವಸ. ತೆನೈಸೊ ತು ಕ್ಹರಿಮಾಜ಼ ಮರಿ ಗಯೊಸ.

ಪ್ರಕಟನೆ 3:15

"ತು ಕರಾನು ಕ್ಹಾರು ಮನೆ ಗ್ವತ್ತ ಛೆ. ತು ಉನ್ನೊಬಿ ನತ್ತಿ ವರಿ, ಥಂಡೊಬಿ ನತ್ತಿ! ತು ಉನ್ನೊತಬಿ ರ‍್ಹವಾನು ವ್ಹತ್ತು ನೈತೊ ಥಂಡೊತಬಿ ರ‍್ಹವಾನ ವ್ಹತ್ತು!

ಪ್ರಕಟನೆ 3:8

ತು ಕರಾನಾ ಕಾಮೊ ಮನೆ ಗ್ವತ್ತ ಛೆ. ತಾರಾ ಕ್ಹಾಮೊ ಬಾಕಲ ಖುಲ್ಲಾಜ಼ ಕರಿನ ಮುಕ್ಕಯೊಸ. ತೆ ಕುನ್ನಜ಼ ಝಾಕ್ಕತುಜ಼಼ ನೈ. ತು ಕಮ್ಜೊ಼ರ ಮನಕ್ಹ ವ್ಹೈ ಕೈನ ಮನೆ ಗ್ವತ್ತ ಛೆ. ವರಿಬಿ ತು ಮಿ ಕದಲ ಭೊದನೆ ಲಿಂಗತ ಚಾ಼ಲ್ಯೊ. ತು ಮಾರು ನಾಮ ಲಿವಾನೆ ಭುಚ಼ಕ್ಕಯೊ ನೈ.