ಪ್ರಕಟನೆ 2:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ "ತು, ಕಿಜ್ಗಾ ರ‍್ಹಸಿ ಕವಾನು ಮನೆ ಗ್ವತ್ತ ಛೆ. ಸೈತಾನನು ಸಿಂಹಾಸನ ಕಿಜ್ಗಾ ಛೆ ತು ತ್ಯಾ ಛೆ. ವರಿಬಿ ತು ಮನೆ ಬರೊಕ್ಹಾವಾಲೊ ರ‍್ಹಸಿ. ಅಂತಿಪಸ್ನಾ ಕಾಲ್ಮಾ ತು ಮಪರ ಮ್ಹೆಲಲ ಬರೊಕ್ಹೊ ಕವಾನೆ ತು ಪಾಚೊ಼ ಸರಕ್ಯೊ ನೈ. ತಾರಾ ಗಾಮ್ಮಾ ಖಲಾಸ ಥಯಲ ಅಂತಿಪನ ಮಾರಾ ಬರೊಕ್ಹೊನಾ ಸಾಕ್ಷಿ ಥಯೊ. ತು ರ‍್ಹಯಲ ಗಾಮ ಸೈತಾನನು ಗಾಮ ಥೈಯುಸ.

ಪ್ರಕಟನೆ 2:13 ပူးပေါင်းရင်းမြစ်များ

ಮತ್ತಾಯ 10:23

ಯಕ್ಕ ಗಾಮಮಾ ತುಮೊನೆ ತ್ರಾಸ ಕರ‍್ಯಾಮ ಬಿಜಾ಼ ಗಾಮೆ ಜಾವೊ. ಮನಕ್ಹನೊ ದಿಕ್ರೊ ಫರಿನ ಆವಾತಿ ಪೈಲಾ ತುಮೆ ಇಸ್ರಾಯೆಲನಾ ಕ್ಹಾರಾ ಗಾಮೊನೆ ಜಾ಼ವಾನು ಕ್ಹಾರಾಯೆಲಜ಼ ನೈ ರ‍್ಹತಾ ಕೈನ ಮಿ ತುಮೊನೆ ಕ್ಹರಿ ಕೌಸ.

ಮತ್ತಾಯ 24:9

ತೆಳಾಮಾ ತುಮೊನೆ ತ್ರಾಸ ಕರಿನ ಖಲಾಸ ಕರಸ; ಮಾರಾ ಹುತಿ ತುಮೊನೆ ಕ್ಹಾರಾ ಮನಕ್ಹೊ ದ್ವೆಶಕರಸ.

ಮತ್ತಾಯ 4:10

ಯೆಸು ತಿನೆ ಸೈತಾನ ತು ಗೈ ಪಡ, ತಾರೊ ಕ್ಹುದಾ ಥಯಲ ಕರ್ತಾನೆ ಯಕ್ಕಜ ಅಡ್ಡ ಪಡಿನ ತಿನೆ ಯಕ್ಕಲಾನೆಜ ಆರಾದನಾ ಕರು ಕೈನ ಬರ್ದಲ ಛೆ ತೊ” ಕದ್ಯೊ.

ಲುಕ ಬರ್ದಲ ಸುವಾರ್ತಾ 21:17

ವರಿ ತುಮೆ ಮಾರಾ (ಯೆಸುನಾ) ಪಾಚಾ಼ ಆವಾಕ್ಹು ಮನಕ್ಹೊ ತುಮಾರಾ ದುಶ್ಮನೊ ಥಾವಸ.

ಅಪೊಸ್ತಲೊ 22:20

ವರಿ ತುನೆ ಸಾಕ್ಷಿಥಯಲ ಸ್ತೆಫನು ರಗತ ನಾಕತಾ ಟೈಮ್ಮಾ, ಮಿ ಕ್ಹಾಮೊ ಹುಬರೈನ ತೆ ಸಮ್ಮತಿಸಿ,ತಿನೆ ಮಾರೆಲವಾಲಾನಾ ವಣಾ ಕಾಯಿದಾಡೊತೊ. ಕವಾನು ತ್ಯುನೆ ಗೊತ್ತಥಯಲವಾಲಾ ವ್ಹತ್ತಾ.

ಅಪೊಸ್ತಲೊ 9:14

ತೆ ಹಮ್ನಾ ದಮಸ್ಕ ಗಾಮೆ ಆಯೊಸ ವರಿ ತುಪರ ಬರೊಕ್ಹೊ ಮ್ಹೆಲಾವಾಲಾ ಮನಕ್ಹೊನೆ ಜೆಲಮಾ ಘಾಲಾನು ಅದಿಕಾರ ಮ್ಹೊಟಾ ಯಾಜಕೊ ತಿನೆ ದಿದ್ಯಾಸ ಕೈನ ಕದ್ಯೊ.

1 ಥೆಸಲೊನಿಕ 5:21

ಕ್ಹಾರುಜ಼ ಪರಿಕ್ಷಾ ಕರೊ, ಚೊ಼ಕು ರ‍್ಹಯಲ ಘಟ್ಟ ಧರಿಲಿವೊ.

1 ತಿಮೊತಿ 5:8

ಕಯೊಬಿ ತಿನಾ ಸ್ವಂತ ಮನಕ್ಹೊನೆ ವರಿ ತಿನಾ ಸ್ವಂತ ಘರವಾಲಾವೊನೆ ನೈ ರಾಕ್ಯೊಮ ತೆ ಕ್ಹರಿಕ್ಹು ಚಾ಼ಲಾಲೊ ನ್ಹವೈ. ತೆ ಬರೊಕ್ಹೊ ನೈ ರ‍್ಹಯಲ ಮನಕ್ಹತಿ ಕೆಟ್ಟ ವ್ಹೈ.

2 ತಿಮೊತಿ 1:13

ಮಕ್ಹು ಐಕಲ ಕ್ಹರಿನಿಯೊ ವಾತೊ ಐಕಿನ ಚಾ಼ಲ. ತು ಸು-ಸು ಉಪದೆಶ ಕರು ಕವಾನು ತೆ ವಾತೊಜ಼ ಸಾಕ್ಷಿ ಥಯುಸ. ಯೆಸು ಕ್ರಿಸ್ತಮಾ ರ‍್ಹಯಲ ಅಪ್ನಾ ಬರೊಕ್ಹಾಮಾ ವರಿ ಮಯಾಮಾ ರ‍್ಹೈನ ಯಕ್ಕ ಉದಾಹರಣೆ ಥೈನ

2 ತಿಮೊತಿ 2:12

ಅಪೆ ಕಷ್ಟನೆ ಸ್ವಿಕಾರ ಕರಲಿದ್ಯಾಮ, ತಿನಾಕ್ಹಾತೆ ರ‍್ಹೈಯೆಸ. ಅಪೆ ತಿನೆ ಸ್ವಿಕಾರ ನೈ ಕರಲಿದ್ಯಾಮ, ತೆ ಅಪೊನೆ ಸ್ವಿಕಾರ ನೈ ಕರಲೆತೊ.

ಇಬ್ರಿಯ 10:23

ಅಪೆ ಅಪನಿ ಆಸಕ್ಹು ಕರಿಲಿದಲ ಮಾಂಗಿಲಿದಲನಾ ಹುತಿ ಚಂಚಲ ಥಯಾವಾಚಿ ಘಟ್ಟ್ಟ ಮನಸಕ್ಹು ಭಾಂದಿನ ಧರಲಿಯೆ, ಕಾಕದ್ಯಾಮ ವಾಗ್ದಾನ ಕರಲವಾಲೊ ಬರೊಕ್ಹೊವಾಲೊ ವ್ಹೈ.

ಇಬ್ರಿಯ 3:6

ಕ್ರಿಸ್ತತಬಿ ದಿಕ್ರೊ ಥೈನ ಕ್ಹುದಾನಾ ಘರಮಾ ಅದಿಕಾರ ಚಲಾವಾಲೊ ವ್ಹೈ. ವಿಶ್ವಾಸಿಯೊ ಥಯಲ ಅಪೆ ಅಪೊನೆ ರ‍್ಹಯಲ ಬರೊಕ್ಹೊ ವರಿ ವಿಶ್ವಾಸ ತಿಪರ ಮ್ಹೆಲಿನ ಲಾಸ್ಟ ಲಕ್ಕಾ ಘಟ್ಟ್ಟ ಹುಬ್ರಯಾರೆ ಅಪೆ ತಿನು ಘರ ಥಯೆಸ.

ಯಾಕೊಬ 2:7

ತುಮೊನೆ ಬಲಾಯಲ ತೆ ಕ್ಹಾರವೊತಿ ಉಪ್ಪರ ರ‍್ಹಯಲ ನಾಮನೆ ಕ್ಹರಾಪಾಲಾ ನವೈ ಸು?

ಪ್ರಕಟನೆ 1:5

ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ. ಯೆಸು ಬರೊಕ್ಹಾನಿ ಸಾಕ್ಷಿ ಥಯೊಸ. ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯಲವಾಲಾವೊಮಾ ಎಜ಼ ಪೈಲಾ ವ್ಹೈ. ತೆ ಜಗತ್ನಾ ರಾಜಾ಼ ರ‍್ಹಯಲವಾಲಾವೊನೆ ಅಧಿಪತಿ ಥಯೊಸ. ಯೆಸು ಅಪೊನೆ ಮಯಾ ಕರಸ. ತೆ ತಿನಾ ರಗತ ಕ್ಹು ಅಪ್ನಾ ಪಾಪೊ ಧ್ವಯಿನ ಬಿಡುಗಡೆ ಕರ‍್ಯೊ;

ಪ್ರಕಟನೆ 11:3

ಕೊತ್ಳಾ ಘಾಲ್ಲಿದಲ ಮಾರಿ ಬೆ ಸಾಕ್ಕಷಿಯೊನೆ ಅದಿಕಾರ ದ್ಯುಸ. ತ್ಯುನೆ ಬಾರಾಕ್ಹೊನ ಕ್ಹಾಟ ದಿನ್ನ ಪ್ರವಾದನೆ ಕರಸ"

ಪ್ರಕಟನೆ 12:11

ತ್ಯುನೆ ಜ಼ಲಂಪರಲಿ ಮಯಾ ಛೊಡಿನ ಬಕ್ರಾನು ಬಚ್ಚು಼ ಥಯಲವಾಲಾನಾ ರಗತಕ್ಹು ತ್ಯುನು ಕ್ಹರಿನು ಭೊದನೆ ಕ್ಹು ವರಿ ಸಾಕ್ಕಷಿಕ್ಹು ಝಿತ್ತ್ಯಾ.

ಪ್ರಕಟನೆ 13:2

ತೆ ಜಾನ್ವರ ದೆಕಾನೆ ಚಿರತೆ ಲಿಂಗತ ವ್ಹತ್ತಿ. ತಿನಾ ಪಗೊ ರಸುಲನಾ ಪಗೊ ಲಿಂಗತ ವ್ಹತ್ತಾ. ತಿನು ಮ್ಹೊಡು ಸಿಂಯ್ಯಾ ಲಿಂಗತ‍ ವ್ಹತ್ತು. ತೆ ಜಾನ್ವರನೆ ಮ್ಹೊಟೊ ಕ್ಹಾಪ ತಿನಿ ತಾಕತ ವರಿ ತಿನಿ ಸಿಂಹಾಸನ ವರಿ ತಿನೊ ಅದಿಕಾರ ದಿದ್ಯು.

ಪ್ರಕಟನೆ 14:12

ಎ ಪರಸ್ಥಿಮಾ, ಕ್ಹುದಾನಾ ಪರಿಶುದ್ಧ ಮನಕ್ಹೊ ತಾಳ್ಮೆಕ್ಹು ರ‍್ಹೌ. ತ್ಯುನೆ ಕ್ಹುದಾನಿ ಆಗನ್ಯಾವೊನೆ ವಿಧೆಯ ಥೈನ ರ‍್ಹೌ ವರಿ ಯೆಸು ಪರ ಬರೊಕ್ಹೊ ಮ್ಹೆಲಲ ರ‍್ಹೌ.

ಪ್ರಕಟನೆ 17:14

ತ್ಯುನೆ ಕ್ಹಾರಾ ಬಕ್ರಾನು ಬಚ್ಚು಼ ಥಯಲ ಕ್ಹಾದ್ದ ಕರಸ. ತೆನೈಸೊ ಬಕ್ರಾನು ಥಯಲ ವಾಲೊ ಪ್ರಭುವೊನೊ ಪ್ರಭು ರ‍್ಹಯಲ ಹುತಿ ರಾಜಾ಼ವೊನಪರ ರಾಜೊ಼ ರ‍್ಹಯಲ ಹುತಿ ತ್ಯುನೊನೆ ಸೊಲ್ಸಾವಸ. ತಿನಾ ಕ್ಹಾತೆ ತೆ ಬಲಾಯಲ ಮನಕ್ಹೊ ವರಿ ತಿನೆ ಬರೊಕ್ಹೊ ಕರಿನ ತಿನಾ ಪಾಚಾ಼ ಆಯಲ ಮನಕ್ಹೊ ವರಿ ತೆ ಇನಿಲಿದಲ ಮನಕ್ಹೊ ಬಿ ವ್ಹತ್ತಾ "ಕೈನ ಕದ್ಯೊ"

ಪ್ರಕಟನೆ 17:6

ತೆ ಬಾಕ್ಡಿ ಪಿನ ನಿಶಾಮಾ ರ‍್ಹಯಲ ಮಿ ದೆಕ್ಯೊ. ತೆ ಕ್ಹುದಾನಾ ಪರಶುದ್ಧ ರ‍್ಹಯಲ ಮನಕ್ಹೊನು ರಗತ ಪಿನ ನಿಶಾಮಾ ವ್ಹತ್ತಿ. ಯೆಸುಮಾ ತ್ಯುನೊನೆ ರ‍್ಹಯಲ ಬರೊಕ್ಹೊನಾ ಹುತಿ ಕದಲ ಮನಕ್ಹೊನು ರಗತ ತೆ ಪಿನ ನಿಶಾಮಾ ವ್ಹತ್ತಿ. ತೆ ಬಾಕ್ಡಿನೆ ಮಿ ದೆಕ್ತಾಮಾ ಮಿ ಘನ್ನೊ ಘಾಬ್ರೊ ಥಯೊ.

ಪ್ರಕಟನೆ 2:2

"ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ.

ಪ್ರಕಟನೆ 3:11

"ಮಿ ಭೆಗಿನ ಔಸ. ಹಮ್ನಾ ತು ಕಿಮಛೆ ತಿಮ್ಮಜ಼ ರ‍್ಹೆ ತೆಳಾಮಾ ತಾರು ಕಿರಿಟ ಕುನ್ನಜ಼ ಕಾಳ್ಳೆತು ನೈ.

ಪ್ರಕಟನೆ 3:3

ತಿನಾಹುತಿ ತು ವಪ್ಪಿಲಿನ ವರಿ ಐಕಲ ಉಪದೆಶ ಇಕ್ಹರ‍್ಯಾವಾಚಿ ತಿನೆ ವಿಧೆಯ ಥೈನ ರ‍್ಹೆ. ತಾರಿ ಜಿವ್ನಾ ವರಿ ತಾರು ಮನಸ ಬದಲಿ ಕರಲೆ! ಹುಶಾರ ಥಾ! ನೈತೊ, ಮಿ ಚ಼್ವಟ್ಟಾ ಲಿಂಗತ ತುಕನ ಐನ ಘಾಬ್ರೊ ಕರಿಪಾಡುಸ. ಮಿ ಕೆಳಾಮಾ ಔಸ ಕವಾನು ತುನೆ ಗ್ವತ್ತ ಥಾತು ನೈ.