ಪ್ರಕಟನೆ 19:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ಪಾಚಲ್ತೊ ಸ್ವರ್ಗ ಖುಲ್ಲಾಥಾವಾನು ಮಿ ದೆಕ್ಯೊ. ಮಾರಾ ಕ್ಹಾಮೊ ಯಕ್ಕ ಧೊಳೊ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನು ನಮ ಬರೊಕ್ಹಾವಾಲೊ ವರಿ ಕ್ಹರಿನೊ ವ್ಹೈ. ತಿನಾ ಫೈಸ್ಲಾಮಾ ವರಿ ಯುದ್ದಮಾ ಕ್ಹರಿಕ್ಹು ಫೈಸಲೊ ರ‍್ಹವಸ.

ಪ್ರಕಟನೆ 19:11 ပူးပေါင်းရင်းမြစ်များ

ಯೊಹಾನ 1:51

ತೆನೈಸೊ ಯೆಸು ತ್ಯುನೊನೆ"ಮಿ ತುನೆ ಕ್ಹರಿಜ ಕೌಸ. ಸ್ವರ್ಗ ಖುಲ್ಲಾ ಕರಲನೆ ಮನಕ್ಹನಾ ದಿಕ್ರಾನಾ ಉಪ್ಪರ ದೆವ ದುತೊ ಉಪ್ಪರ ಜಾ಼ವಾನು ಹೆಟು ಆವಾನು ತುಮೆ ದೆಕೊಶಿ ಕೈನ ಕದ್ಯೊ.

ಯೊಹಾನ 14:6

ಯೆಸು "ಮಿಜ಼ ವಾಟ ವರಿ ಕ್ಹರಿ ವರಿ ಜ಼ಲಮ ಥಯೊಸ. ಕಿನೆಬಿ ಮಾರಾ ಮುಲಕ ನೈಸೊ ಬಿಜಾ಼ ಕಿನಾಜ ಮುಲಕ ಬಾಕನ ಆವಾನೆ ನೈ ಥಾತು.

ಪ್ರಕಟನೆ 1:5

ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ. ಯೆಸು ಬರೊಕ್ಹಾನಿ ಸಾಕ್ಷಿ ಥಯೊಸ. ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯಲವಾಲಾವೊಮಾ ಎಜ಼ ಪೈಲಾ ವ್ಹೈ. ತೆ ಜಗತ್ನಾ ರಾಜಾ಼ ರ‍್ಹಯಲವಾಲಾವೊನೆ ಅಧಿಪತಿ ಥಯೊಸ. ಯೆಸು ಅಪೊನೆ ಮಯಾ ಕರಸ. ತೆ ತಿನಾ ರಗತ ಕ್ಹು ಅಪ್ನಾ ಪಾಪೊ ಧ್ವಯಿನ ಬಿಡುಗಡೆ ಕರ‍್ಯೊ;

ಪ್ರಕಟನೆ 11:19

ಪಾಚಾ಼ತು ಸ್ವರ್ಗಮಾ ರ‍್ಹಯಲ ಕ್ಹುದಾನಿ ಆಲಯ ಕ್ಹುಲ್ಯು. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಡಂಬಡಿಕೆ ಮ್ಹೆಲಲ ಪೆಟ್ಟಗಿ ತಿನಾ ಆಲಯಮಾ ದಿಕ್ಹಿ. ತೆಳಾಮಾ ಬಿಜ್ಲಿಯೊ ಮಾರ‍್ಯೊ, ಆವಾಜೊ಼ ಥಯಾ, ಭುಕಂಪೊ ಥಯಾ ವರಿ ಘಾರಗಿಯೊನು ಪಾನಿ ಐಯು.

ಪ್ರಕಟನೆ 19:19

ಪಾಚಲ್ತೊ ಮಿ ದುನಿಯಾಮಾ ರ‍್ಹಯಲ ಮನಕ್ಹೊನೆ ವರಿ ಜಾನ್ವರೊನೆ ದೆಕ್ಯೊ. ತ್ಯುನೆ ಘೊಡಾಪರ ಬೈಟಲವಾಲಾನಾ ವರಿ ತಿನಾ ಸೈನಿಕೊಪರ ಯುದ್ದ ಕರಾನಾ ಹುತಿ ತ್ಯುನಾ ಸೈನಿಕೊನೆ ಮಳಾಯಾ.

ಪ್ರಕಟನೆ 19:21

ತ್ಯುನಿ ಸೈನ್ಯಾ ಘೊಡಡಪರ ಬೈಟಲವಾಲಾನಾ ಮ್ಹೊಡಾಮಾತಿ ಆಯಲ ತಲ್ವಾರಕ್ಹು ಖಲಾಸ ಥಯಾ. ತ್ಯುನಾ ಅಂಗೊನೆ ಪಕ್ಕಷಿಯೊ ಪೆಟ ಭರಿನ ಖೈ ಪಾಡಿಯೊ.

ಪ್ರಕಟನೆ 3:14

ಲವೊದಿಕಿಯಾ ಸಬೆನಾ ದುತನೆ ಆ ಪತ್ರ ಬರದ; "ಆಮೆನ ಕವಾಲೊ ಕದ್ಯಾಮ ಬರೊಕ್ಹಾವಾಲೊ ಕ್ಹರಿನಿ ಸಾಕ್ಷಿ ಕ್ಹುದಾನಿ ಸೃಷ್ಟಿನೆ ಅದಿಪತಿ ಥಯಲವಾಲೊ ಕವಾನು ಸು ವ್ಹೈ ಕದ್ಯಾಮ;

ಪ್ರಕಟನೆ 3:7

ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ.

ಪ್ರಕಟನೆ 4:1

ಪಾಚಲ್ತೊ ಮಿ ದೆಕ್ತಾಮಾ ಮಾರಾ ಕ್ಹಾಮೊ ಸ್ವರ್ಗನು ಬಾಕಲ ಖುಲ್ಲಾ ಥಯಲ ಮಿ ದೆಕ್ಯೊ. ಮಾರಾ ಕ್ಹಾತೆ ಪೈಲಾ ಬೊಲಲ ಆವಾಜ಼ಜ಼ ವರಿ ಮಾರಾ ಕ್ಹಾತೆ ಬೊಲ್ಯು. ತೆ ಅವಾಜ಼ ತುತ್ತುರಿನಿ ಅವಾಜ಼ ಲಿಂಗತ ವ್ಹತ್ತು" ತೆ ಅವಾಜ಼ಮಾ ಉಪ್ಪರ ಚ಼ಡಿನ ನ್ಹ್ಯಾ ಆ. ಅಗು ಥಾವಾನು ಮಿ ತುನೆ ದೆಕಾಡಿನ ದ್ಯುಸ "ಕೈನ ಕದ್ಯು.

ಪ್ರಕಟನೆ 6:2

ಮಿ ದೆಕ್ತಾಮಾ ಮಾರಾ ಕ್ಹಾಮು ಯಕ್ಕ ಧೊಳೊ ಘೊಡೊ ಹುಬ್ರಯಲ ಮನೆ ದಿಕ್ಹ್ಯೊ. ಘೊಡಾಪರ ಬೈಟಲವಾಲಾನಾ ಹತ್ಮಾ ಬಿಲ್ಲು ಬಾಣ ವ್ಹತ್ತಿ. ತಿನೆ ಯಕ್ಕ ಕಿರಿಟ ದಿದ್ಯಾ. ತೆ ಝಿತ್ತಾನಾ ಹುತಿ ಚಾ಼ಲ್ಯೊ.