ಪ್ರಕಟನೆ 19:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.

ಪ್ರಕಟನೆ 19:10 ပူးပေါင်းရင်းမြစ်များ

ಮತ್ತಾಯ 4:10

ಯೆಸು ತಿನೆ ಸೈತಾನ ತು ಗೈ ಪಡ, ತಾರೊ ಕ್ಹುದಾ ಥಯಲ ಕರ್ತಾನೆ ಯಕ್ಕಜ ಅಡ್ಡ ಪಡಿನ ತಿನೆ ಯಕ್ಕಲಾನೆಜ ಆರಾದನಾ ಕರು ಕೈನ ಬರ್ದಲ ಛೆ ತೊ” ಕದ್ಯೊ.

ಮಾರ್ಕ 5:22

ತೆಳಾಮಾ ಸಬಾಮಂದಿರಪರ ಅದಿಕಾರಿ ರ‍್ಹಯಲ ವಾಲೊ ಯಕ್ಲೊ ಯಾಯಿರಕವಾಲೊ ಐನ ಯೆಸುನೆ ದೆಕಿನ ತಿನಾ ಪಗೊಪರ ಪಡಿನ.

ಮಾರ್ಕ 7:25

ತೆಳಾಮಾಜ಼ ಯಕ್ಕ ಹೆಣ ಮನಕ್ಹ ತಿನಿ ದಿಕ್ರಿನಾ ಅOಗಮಾ ಕೆಟ್ಟ ಆತ್ಮಾ ವ್ಹತ್ತಿ ಯೆಸು ತ್ಯಾ ಛೆ ಕೈನ ಸುದ್ದಿ ಐಕಿನ ತಿನಾ ಪಗೊಮಾ ಐನ ಪಡಿ.

ಲುಕ ಬರ್ದಲ ಸುವಾರ್ತಾ 1:19

ತೆಳಾಮಾ ತೆ ದೆವದುತ "ಮಾರು ನಾಮ ಗಬ್ರಿಯೆಲ ವ್ಹೈ. ಮಿ ಕ್ಹುದಾ ಕನ ರ‍್ಹವಾಲೊ ವ್ಹೈ. ವರಿ ಮಿ ಕ್ಹುದಾನಿಯೊ ವಾತೊ (ಸಂದೆಶ) ಮನಕ್ಹೊಕನ ಕವಾಲೊ ವ್ಹೈ, ವರಿ ಎ ಚೊ಼ಕಿ ವಾತ ಕವಾನಾ ಹುತಿ ಕ್ಹುದಾ ಮನೆ ತುಕನ ಮೊಕ್ಕಲ್ಯೊಸ.

ಲುಕ ಬರ್ದಲ ಸುವಾರ್ತಾ 24:44

ಯೆಸು ತ್ಯುನೊನೆ ಮಿ ತುಮಾರಾ ಕ್ಹಾತೆ ರ‍್ಹಯಲ ಶೆಕರಿಲಿವೊ. ಮಾರಿ ವಿಷಯಮಾ ಮೊಶೆನು ಧರಮಶಾಸ್ತ್ರಮಾ ಪ್ರವಾದಿಯೊನಾ ಗ್ರಂಥಮಾ, ಕಿರತನೆಮಾ ಬರ್ದಲ ಹರಿ ಯಕ್ಕ ಸಂಗತಿಯೊ ಪುರಾ ಥೌ ಕೈನ ಮಿ "ಕದ್ಯೊ.

ಯೊಹಾನ 5:39

ತುಮೆ ಪವಿತ್ರ ಗ್ರಂಥೊ ಅಬ್ಯಾಸ ಕರೊಶಿ. ಕಾಕದ್ಯಾಮ ತೆ ಪವಿತ್ರ ಗ್ರಂಥ ತುಮೊನೆ ಹಮೆಶಾನೊ ಜ಼ಲಮ ದಿವಸ ಕವಾನು ತುಮಾರಿ ವಿಚಾರ ವ್ಹೈ ತೆನೈಸೊ ತೆಜ಼ ಪವಿತ್ರ ಗ್ರಂಥೊಮಾ ಮಾರಾ ಹುತಿ ತಿಳ್ಸಾವಸ!

ಅಪೊಸ್ತಲೊ 10:43

ಯೆಸು ಪರ ಬರೊಕ್ಹೊ ಮ್ಹೆಲಾಲಾ ಹರಯಕ್ಕನಾ ಪಾಪೊ ತಿನಾ ನಾಮನಾ ಮುಲಕ ಮಾಫ ಕರಸ. ಎ ಕ್ಹರಿಜ಼ ವ್ಹೈ ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.

ಅಪೊಸ್ತಲೊ 13:27

ಯೆರುಸಲೆಮಮಾ ರ‍್ಹಯಲ ಯೆಹುದಿಯೊ ವರಿ ಯೆಹುದಿನಾ ನಾಯಕೊ ಯೆಸುಜ಼ ರಕ್ಷಕ ವ್ಹೈ ಕವಾನು ತಿಳ್ದಿಲಿದ್ಯಾ ನೈ. ಪ್ರವಾದಿಯೊ ಯೆಸುನಾ ಹುತಿ ಬರ್ದಲ ವಾತೊ ಹರ ಸಬ್ಬತ್ತನಾ ದಿನ್ನೆ ಒದತಾತಾ. ತೆನೈಸೊ ತ್ಯುನೆ ತಿಳ್ದಿಲಿದ್ಯಾ ನೈ. ತೆ ಯೆಹುದಿಯೊ ಯೆಸುನೆ ಅಪರಾದಿ ವ್ಹೈ ಕೈನ ಪೈಸ್ಲೊ ಕರ‍್ಯಾ. ಇಮ್ಮ ಕರಾನಾ ಮುಲಕ ತ್ಯುನೆ ಪ್ರವಾದಿ ಕದಲ ಪುರಾ ಕರ‍್ಯಾ!

2 ಕೊರಿಂಥ 8:7

ತುಮ ಕ್ಹುದಾ ಜ಼ಗಾ ಬರೊಕ್ಹ ಕತಾಮಾ ಬೊಲ ಹುಷಾರ ಗ್ಯಾನ ಕ್ಹಾರ ಲಿಂಗತ ತುಮ ವರಿ ಅಪ್ನ ಬಿಯ್ಯ ಹುಟ್ಟಲ ಮಯಾ ಕಿಮ ಸಮೃದ್ದಿ ಥಯಾಸ ಎ ತಿಮ್ಮ ರ‍್ಹಯಲ ಧರಮ ಕಾರ ಸಮೃದ್ದಿ ರ‍್ಹೌ.

ಎಫೆಸ 5:15

ತಿನಾಹುತಿ ತುಮೆ ಕಿಮ್ಮ ಜಿವ್ನಾ ಕರಾಡಾಸ ಕವಾನಾ ಹುತಿ ಘನ್ನಾ ಹುಶಾರಕ್ಹು ರ‍್ಹವೊ. ಗ್ಯಾನ ನೈಸೊ ಮನಕ್ಹೊ ಲಿಂಗತ ಜಿವ್ನಾ ಕರ‍್ಯಾವಾಚಿ ಗ್ಯಾನಿಯೊ ಲಿಂಗತ ಜಿವ್ನಾ ಕರೊ.

ಎಫೆಸ 5:33

ತೆನೈಸೊ ತುಮೊಮಾ ಹರಯಕ್ಕ ಮಾಟಿ ತಿನೆ ತೆಜ಼ ಮಯಾ ಕರಲ ಲಿಂಗತ ತಿನಿ ಬೈಕೊನೆ ಮಯಾ ಕರು ವರಿ ಬೈಕೊ ತಿನಾ ಮಾಟಿನೆ ಭೆ ಭಕ್ತಿಕ್ಹು ರ‍್ಹೌ.

ಫಿಲಿಪ್ಪಿ 3:3

ಕ್ಹರಿನಾಜ ಖತ್ನಾ ಕರಾವಾಲಾ ಕುವೈ ಕದ್ಯಾಮ್ಮಾ ಕ್ಹುದಾನಿ ಆತ್ಮಾಕ್ಹು ಭರಲವಾಲಾ ಆರಾಧನಾ ಕರಾವಾಲಾ ಕ್ರಿಸ್ತ ಯೆಸುಮ್ಮಾ ಖುಶಿ ಕರಾವಾಲಾ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ನೈರ‍್ಹಹೆಲವಾಲಾ ಹಮೆಜ಼ ವ್ಹೈ.

1 ಥೆಸಲೊನಿಕ 5:15

ಕುನ ಕೆಟ್ಟ ಕರಲವಾಲಾವೊನೆ ಕೆಟ್ಟ ಕರ‍್ಯಾವಾಚಿ ಕ್ಹಾರವೊನೆ ಚೊ಼ಕುಜ಼ ಕರೊ. ಯಕೆಕ್ಲಾನೆ ವರಿ ಕ್ಹಾರಾವೊನೆ ಹಮೆಶಾಬಿ ಚೊ಼ಕು ಕರಾನೆ ಕೊಶಿಶ ಕರೊ.

ಇಬ್ರಿಯ 1:14

ತೆ ದೆವದುತೊ ಕ್ಹಾರಾ ಕ್ಹುದಾನಿ ಸೆವಾ ಕರಾಲಾ ಆತ್ಮಾ ವ್ಹೈ ವರಿ ರಕ್ಷಣೆ ಹೊಂದಾಲಾ ಮನಕ್ಹೊನಿ ಮದತ ಕರಾನೆ ವಳಾಯಲವಾಲಾ ವ್ಹೈ.

ಇಬ್ರಿಯ 12:25

ಬೊಲ್ತಾ ರ‍್ಹಯಲವಾಲಾನೆ ತುಮೆ ಬೆಜಾರ ಕರ‍್ಯಾವಾಚಿ ದೆಕಿಲಿವೊ. ಕಾಕದ್ಯಾಮ ಜಿಮಿನಪರ ದೈವೊಕ್ತಿ ಕವಾಲಾವೊನೆ ಬೆಜಾರ ಕರಲವಾಲಾ ಶಿಕ್ಷಾಕ್ಹು ಚು಼ಕೈ ನೈಲೆತಾ ಕದ್ಯಾಮ, ಸ್ವರ್ಗಲೊಕತೊ ಬೊಲಾಲಾನೆ ಛೊಡಿನ ದುರ ಅಪೆ ಗಯಾಮ ಶಿಕ್ಷಾಕ್ಹು ಕಿಮ್ಮ ಚು಼ಕೈಲಿನ ಜಾ಼ಸಕೆಸ?

1 ಯೊಹಾನ 5:10

ಕ್ಹುದಾನಾ ದಿಕ್ರಾನೆ ಬರೊಕ್ಹೊ ಕರಲಾವೊನೆ ಕ್ಹುದಾಕ್ಹು ಸಾಕ್ಷಿದಿದಲ ಕ್ಹರಿ ವ್ಹಂದಲ ರ‍್ಹವಸ. ಕ್ಹುದಾನೆ ನೈನಂಬಲವಾಲೊ. ಕ್ಹುದಾನೆ ಸುಳ್ಳವಾಲೊ ಕರಸ. ಕಾಕದ್ಯಾಮ ಕ್ಹುದಾ ತಿನಾ ದಿಕ್ರಾನೆ ಹುತಿ ಕದಲ ತೆ ಬರೊಕ್ಹೊ ನೈ ಕರ್ತೊ.

1 ಯೊಹಾನ 5:21

ಮಯಾನಾ ಬಚ್ಚಾ಼ವೊ, ಮುರ್ತಿಯೊನಾ ನಜಿಕ ಗಯಾವಾಚಿ ತಮನೊನೆ ವಚಾಳಿವೊ.

ಪ್ರಕಟನೆ 1:1

ಎಜ಼ ಯೆಸು ಕ್ರಿಸ್ತನಿ ಪ್ರಕಟನೆ ವ್ಹೈ. ಕ್ಹುದಾ ಭೆಗಿನಜ಼ ಅಗು ಥಾವಾನು ತಿನಾ ಸೆವಕೊನೆ ದೆಕಾಡಾನಾ ಹುತಿ ಎ ಕ್ಹಾರು ಯೆಸುನೆ ದೆಕಾಡಿನ ದಿದ್ಯೊ. ಕ್ರಿಸ್ತ ತಿನೊ ಸೆವಕ ಥಯಲ ಯೊಹಾನನೆ ದೆಕಾಡಾನಾ ಹುತಿ ತಿನಾ ದುತನೆ ಮೊಕಲ್ಯೊ.

ಪ್ರಕಟನೆ 1:9

ಯೊಹಾನ ಕವಾಲೊ ಮಿ ಕ್ರಿಸ್ತಮಾ ತುಮಾರೊ ಭೈ ವ್ಹೈ. ಅಪೆ ಕ್ಹಾರಾ ಮಳಿನ ಯೆಸುನಾ ಹುತಿ ತ್ರಾಸಮಾ ರಾಜ್ಯಮಾ ತಡ್ದಿಲಿವಾಮಾ ವಾಟೊಲಿವಾಲಾ ಥಯಾಸ. ಮಿ ಕ್ಹುದಾನಿ ವಾಕ್ಯಾಮಾ ಯೆಸುನಿ ಸಾಕ್ಷಿಮಾ ರ‍್ಹಯಲ ಹುತಿ ಪತ್ಮೊಸ ಕವಾನಿ ಜ಼ಗಾಮಾ ವ್ಹತ್ತೊ.

ಪ್ರಕಟನೆ 12:11

ತ್ಯುನೆ ಜ಼ಲಂಪರಲಿ ಮಯಾ ಛೊಡಿನ ಬಕ್ರಾನು ಬಚ್ಚು಼ ಥಯಲವಾಲಾನಾ ರಗತಕ್ಹು ತ್ಯುನು ಕ್ಹರಿನು ಭೊದನೆ ಕ್ಹು ವರಿ ಸಾಕ್ಕಷಿಕ್ಹು ಝಿತ್ತ್ಯಾ.

ಪ್ರಕಟನೆ 12:17

ತೆಳಾಮಾ ಕ್ಹಾಪ ತೆ ಬಾಕ್ಕಡಿಪರ ಘನ್ನೊ ಶಿಟ್ಟ ಥೈನ ತಿನಾ ತಿನಾ ಬಚ್ಚಾ಼ವೊನೆ ಕದ್ಯಾಮ ಕ್ಹುದಾನಿ ಆಗನ್ಯಾಲಿಂಗತ ಚಾಲ್ಲಿನ ಜಾ಼ವಾಲಾವೊನೆ ವರಿ ಯೆಸುನಾಹುತಿ ಸಾಕ್ಷಿ ಕವಾಲಾವೊಪರ ಯುದ್ದ ಕರಾನೆ ಶುರು ಕರ‍್ಯೊ.

ಪ್ರಕಟನೆ 14:7

ತೆ ಕ್ಹುದಾನೊ ದುತ ಜೊ಼ರ ಆವಾಜ಼ಕ್ಹು"ಕ್ಹುದಾನೆ ಭುಚ಼ಕೊ. ತಿನಿ ಸ್ತುತಿ ಕರೊ. ಕ್ಹಾರಾ ಮನಕ್ಹೊನೆ ಕ್ಹುದಾ ಫೈಸಲೊ ದಿವಾನೊ ಟೈಮ ನಜಿ಼ಕ ಆಯೊಸ. ಕ್ಹುದಾನೆ ಆರಾಧನಾ ಕರೊ. ಸ್ವರ್ಗನೆ ಜಿಮಿನನೆ ಸಮುಂದರನೆ ಪಾನಿನಾ ಧಡ್ಕಿಯೊನೆ ಸೃಷ್ಟಿ ಕರಲವಾಲೊ ತೆಜ಼ ವ್ಹೈ "ಕೈನ ಕದ್ಯೊ.

ಪ್ರಕಟನೆ 15:4

ಪ್ರಭು ಮಾರಾ ಮನಕ್ಹೊ ತುಕ್ಹು ಭುಚ಼್ಕಸ; ಕ್ಹಾರಾ ಮನಕ್ಹೊ ತಾರಾ ನಾಮನೆ ಸ್ತುತಿ ಕರಸ. ತುಜ಼಼ ಯಕ್ಲೊ ಪರಿಶುದ್ಧ ವ್ಹೈ. ತು ನ್ಯಾಯಕ್ಹು ಕಾಮೊ ಕರಾಲೊ ವ್ಹೈ ಕೈ ದೆಕಾಡಿನ ದೆಶಿ. ಮನಕ್ಹೊ ಕ್ಹಾರಾ ತಾರಿ ಸನ್ನಿದಿಮಾ ಐನ ತುನೆ ಅರಾಧಾನಾ ಕರಸ"

ಪ್ರಕಟನೆ 19:9

ತೆಳಾಮಾ ದೆವದುತ ಮನೆ ಅಮ್ಮ ಕದ್ಯೊ. "ಅಮ್ಮ ಬರದ; ಬಲಿನೆ ಬಕ್ರಾನು ಬಚ್ಚು಼ ಥಯಲವಾಲಾನಾ ಹಿವಾಮಾಬ ಬಲಾಯಲ ಮನಕ್ಹೊ ಧನ್ಯ ವ್ಹೈ" ತೆ ಥಯಲ್ಪರ ದೆವದುತ"ಎ ಕ್ಹಾರಿಯೊ ವಾತೊ ಕ್ಹರಿನಿಯೊ ವ್ಹೈ ಕೈನ ಕದ್ಯೊ.

ಪ್ರಕಟನೆ 4:10

ಇಕ್ಹಪರ ಚಾರ ಮ್ಹೊಟಾ ಶಾನಾ ಮನಕ್ಹೊ ತ್ಯುನೆ ಘಾಲ್ಲಿದಲ ಕಿರಿಟೊ ಕಾಡಿನ ಬಾಜು಼ಮಾ ಮ್ಹೆಲಿನ, ಸಿಂಹಾಸನ ಪರ ಬೈಟಲವಾಲಾನೆ ಉಂದಾಗುಡಗಾ ಘಾಲ್ಲಿನ ಪಗೆಪಡಿನ, ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತಿನೆ ಆರಾಧನಾ ಕರತಾ ಅಮ್ಮ ಕದ್ಯಾ;