ಪ್ರಕಟನೆ 18:23 - ಕ್ಹುದಾನಿ ಕ್ಹರಿನಿ ವಾಕ್ಯಾ

²³ ದಿವ್ವೊ ತುನೆ ಕೆಳಾಮಾಜ಼ ಉಜಾಲು ದೆತೊ ನೈ. ನೌರಾ ನೌರಿನು ಅವಾಜ಼ ಕೆಳಾಮಾಜ಼ ತುಕಂತು ಐಕು ಆತು ನೈ. ತಾರಾ ವ್ಯಾಪಾರಿಯೊ ದುನಿಯಾಮಾ ಮ್ಹೊಟಾ ಮನಕ್ಹೊ ಥಯಾ. ತು ಕರಾನು ಮಾಟಾ ಮಂತ್ರಾಕ್ಹು ತಾರಾ ಕ್ಹಾರಾ ಜಾ಼ತನಾ ಮನಕ್ಹೊ ಮಳ್ಳ ಥಯಾ.

ಪ್ರಕಟನೆ 18:23 ပူးပေါင်းရင်းမြစ်များ

ಅಪೊಸ್ತಲೊ 8:11

ಘನ್ನಾ ದಿನ್ತಾ ತೆ ಕರಾನಾ ಮಾಟಾ ಮಂತ್ರಾಮಾ ರ‍್ಹಯಲ ಮನಕ್ಹೊ ತೆ ಕದಲ ತಿಮ್ಮಜ಼ ಐಕ್ತಾತಾ.

ಪ್ರಕಟನೆ 12:9

ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.

ಪ್ರಕಟನೆ 17:2

ದುನಿಯಾಮಾ ರ‍್ಹಯಲ ರಾಜಾ಼ ತಿನಾ ಕ್ಹಾತೆ ಮಳಿನ ಲೈಂಗಿಕ ಪಾಪ ಕರ‍್ಯಾ. ದುನಿಯಾಮಾ ರ‍್ಹಯಲ ಮನಕ್ಹೊ ತಿನು ಲೈಂಗಿಕ ಪಾಪ ಕವಾನು ದಾರು ಪಿನ ನಿಶಾ ಕರ‍್ಯಾ "ಕೈನ ಕದ್ಯೊ.

ಪ್ರಕಟನೆ 17:5

ತಿನಾ ಮಾತಾಪರ ಬರ್ದಲ ರ‍್ಹೈ. ತೆ ಬರ್ದಲನೆ ಗುಡಾರಥ ರ‍್ಹೈ. ತ್ಯಾ ಬರ್ದಲ ಅಮ್ಮ ರ‍್ಹೈ; "ಬಾಬಿಲೊನ ಕವಾನು, ಮ್ಹೊಟು ಗಾಮ ಜಿಮಿನ್ಪರ ರ‍್ಹಯಲ ಕೆಟ್ಟ ಕಾಮೊನೆ ವರಿ ವೈಬಿಚಾರ ಕರಾಲಿಯೊನಿಯೊ ಯಾ"

ಪ್ರಕಟನೆ 18:22

ಹಾರಪ ವರಿ ಘನ್ನಾ ವಜಾ಼ಡಾನಾ ಮನಕ್ಹೊ ಮೆಜಿಕ, ಪಾಂಯೊ ವರಿ ಪಿಂಗಿಯೊ ವಜಾ಼ಡಾಲಾ ಮನಕ್ಹೊ ಮೆಜಿಕ ತುಕಂತು ಕೆಳಾಮಾಜ಼ ಐಕು ಆತು ನೈ. ಬಡಗ್ಯಾನು ಕಾಮ ಕರಾಲಾ ತುಕನ ಕೆಳಾಮಾಜ಼ ಮಳತಾ ನೈ. ದಳಾನು ಅವಾಜ಼ ತುಕಂತು ಕೆಳಾಮಾಜ಼ ಐಕು ಆತು ನೈ.

ಪ್ರಕಟನೆ 18:3

ಕ್ಹುದಾನಿ ಶಿಟ್ಟ ಕವಾನು ವರಿ ತಿನು ಲೈಂಗಿಕ ಪಾಪ ಕವಾನು ದ್ರಾಕ್ಷಾರಸ ಕವಾನು ದುನಿಯಾಮಾನಾ ಮನಕ್ಹೊ ಪಿನ ನಿಶಾ ಕರಲಿದ್ಯಾ. ಜಿಮಿನಪರ ರ‍್ಹಯಲ ರಾಜಾ಼ ಕ್ಹಾರಾ ತಿನಾ ಕ್ಹಾತೆ ವೈಭಿಚಾರ ಕರ‍್ಯಾಸ. ತಿನೆ ಸಾತ ದಿದಲವಾಲಾ ದುನಿಯಾಮಾನಾ ಘನ್ನಾ ಮನಕ್ಹೊ ತಿನಿ ಘನ್ನಿ ಸುಕಾಕ್ಹು ಸೌಕಾರ ಥಯಾ.

ಪ್ರಕಟನೆ 18:9

"ತಿನಾಕ್ಹಾತೆ ಲೈಂಗಿಕ ಪಾಪ ಕರಿನ ತಿನಿ ಆಸ್ತಿಮಾ ವಾಟಾಮಾ ರ‍್ಹಯಲ ವಾಲಾ ದುನಿಯಾಮಾ ರ‍್ಹಯಲ ರಾಜಾ಼ ತೆ ಬಳಿನ ರಾಕಮಾತೊ ಆವಾನೊ ಧವಾಂಡೊ ದೆಕಿನ ತೆ ರಾಜಾ಼ ಘನ್ನಾ ರ‍್ಹವಸ ವರಿ ದುಖ ಪಡಸ.

ಪ್ರಕಟನೆ 21:8

ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.

ಪ್ರಕಟನೆ 22:15

ಗಾಮ್ನಾ ಭಾರಾ ಮನಕ್ಹೊನೆ ಭಟ್ಕಾವಾಲಾ ಛೆ. ಮಾಟಾ ಕರಾಲಾ ಛೆ, ಲೈಂಗಿಕ ಪಾಪೊ ಕರಾಲಾ ಮನಕ್ಹೊ ಛೆ, ಮನಕ್ಹೊನೆ ಖಲಾಸ ಕರಾಲಾ ಛೆ, ಮೊರತಿಯೊನೆ ಆರಾಧನಾ ಕರಾಲಾ ಮನಕ್ಹೊಬಿ ಛೆ ವರಿ ಸುಳ್ಳನೆ ಮಯಾ ಕರಾಲಾ ವರಿ ಕವಾಲಾ ಮನಕ್ಹೊ ಛೆ.

ಪ್ರಕಟನೆ 22:5

ತ್ಯಾ ರಾತ ಕವಾನುಜ಼ ರ‍್ಹತು ನೈ. ಮನಕ್ಹೊನೆ ಲೈಟನು ಉಜಾಲು ರ‍್ಹೈನೆಕಾ ಸುರಯಾನು ಉಜಾಲು ಚಾ಼ಯೆ ಥಾತು ನೈ. ಪ್ರಭು ಥಯಲ ಕ್ಹುದಾಜ಼ ತ್ಯುನೊನೆ ಉಜಾಲು ದಿವಸ. ತ್ಯುನೆ ಹಮೆಶಾಬಿ ರಾಜಾ಼ವೊಲಿಂಗತ ರಾಜ಼ ಕರಸ.

ಪ್ರಕಟನೆ 6:15

ತೆಳಾಮಾ ದುನಿಯಾಮಾ ರ‍್ಹಯಲ ರಾಜಾ಼ ವರಿ ಅದಿಪತಿಯೊ ಸೆನಾದಿಪತಿಯೊ ಸೌಕಾರೊ ತಾಕತವಾಲಾ ಹರಿ ಯಕ್ಲೊ ಗುಲಾಮೊ ಸ್ವತಂತ್ರ ರ‍್ಹಯಲ ಮನಕ್ಹ ಗವಿಯೊಮಾ ವರಿ ಡೊಂಗ್ರೊಪರ ದಗಡಾವೊನಾ ಹೆಟಾ ದಡಿಲಿದ್ಯಾ.

ಪ್ರಕಟನೆ 9:21

ಎ ಮನಕ್ಹೊ ತಿವ್ನಾ ಮನಸೊ ವರಿ ಜಿವ್ನಾ ಬದಲಿ ಕರಲಿದ್ಯಾ ನೈ ವರಿ ಬಿಜಾ಼ವೊನೆ ಖಲಾಸ ಕರಾನು ಛೊಡ್ಯಾ ನೈ. ತ್ಯುನೆ ಕರಾನು ಮಾಟಾ ಮಂತ್ರಾ ಲೈಂಗಿಕ ಪಾಪೊ ವರಿ ಚೊ಼ರಿ ಕರಾನು ಛೊಡ್ಯಾ ನೈ.