ಪ್ರಕಟನೆ 18:20 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁰ ಸ್ವರ್ಗ, ಇನಾಹುತಿ ತು ಖುಶಿ ಥಾ! ಕ್ಹುದಾನಾ ಪರಿಶುದ್ಧ ಮನಕ್ಹೊ, ಅಪೊಸ್ತಲೊ, ಪ್ರವಾದಿಯೊ, ತುಮೆ ಖುಶ ಕರೊ! ತೆ ತುಮೊನೆ ಕರಲ ಕೆಟ್ಟಕ್ಹು ಕ್ಹುದಾ ತಿನೆ ಶಿಕ್ಷಾ ದಿದ್ಯೊ"

ಪ್ರಕಟನೆ 18:20 ပူးပေါင်းရင်းမြစ်များ

ಎಫೆಸ 2:20

ವಿಶ್ವಾಸಿಯೊ ಥಯಲ ತುಮೆ ಕ್ಹುದಾನು ಸ್ವಂತ ಘರ ಥಯಾಸ. ಅಪೊಸ್ತಲೊ ಪ್ರವಾದಿಯೊ ಕವಾನಿ ಫಾಯಾನಾ ಉಪ್ಪರ ತೆ ಘರ ಭಾಂದಲ ಛೆ. ಕ್ರಿಸ್ತಜ಼ ತೆ ಘರನೊ ಮುಲಾಮಾನೊ ದಗ್ಡೊ ಥಯೊಸ.

ಎಫೆಸ 3:5

ಪಾಚ಼ಲ್ಯಾ ಕಾಲಮಾ ರ‍್ಹಯಲ ಮನಕ್ಹೊನೆ ತೆ ದಡಿನೆ ರ‍್ಹಯಲ ಕ್ಹರಿನೆ ತೆ ತಿಳಸಾಯೊ ನೈ. ಹಮ್ನಾ ತುಬಿ ಕ್ಹುದಾ ತಿನಿ ಆತ್ಮಾನಾ ಮುಲಕ ತೆ ದಡಿನ ರ‍್ಹಯಲ ಕ್ಹರಿನೆ ತಿನಿ ಪರಿಶುದ್ಧ ಅಪೊಸ್ತಲೊನೆಬಿ ಪ್ರವಾದಿಯೊನೆಬಿ ದೆಕಾಡ್ಯೊಸ.

ಎಫೆಸ 4:11

ತೆ ದಕ್ಹಾ ಜ಼ನಾವೊನೆ ಅಪೊಸ್ತಲೊ ಕರಿನ ದಕ್ಹಾ ಜ಼ನಾವೊನೆ ಪ್ರವಾದಿ ಕರಿನ ದಕ್ಹಾ ಜ಼ನಾವೊನೆ ಸುವಾರ್ತೆ ಕವಾಲಾ ಕರಿನ ದಕ್ಹಾ ಜ಼ನಾವೊನೆ ಸಭಾಪಾಲಕ ಕರಿನ ವರಿ ಉಪದೆಶಕ ಕರಿನ ನೆಮಶ್ಯೊ.

2 ಪೆತ್ರಾ 3:2

ಪರಿಶುದ್ಧ ಪ್ರವಾದಿಯೊ ಪೈಲಾನಾ ಕಾಲ್ಮಾ ಕದಲ ತುಮೆ ಶೆ ಕರಲ್ಯುಕೈನ ಮಾರಿ ಆಸ ವ್ಹೈ. ಅಪ್ನೊ ರಕ್ಷಕ ಥಯಲ ಪ್ರಭು ತುಮಾರಾ ಅಪೊಸ್ತಲೊನಾ ಮುಲಕ ದಿದಲ ಆಗನ್ಯಾ ಶೆ ಕರಿಲಿವೊ.

ಯುದ ಬರ್ದಲ ಪತ್ರ 1:17

ಮಯಾನಾ ದೊಸ್ತೊ, ಅಪ್ನಾ ಪ್ರಭು ಯೆಸು ಕ್ರಿಸ್ತನಾ ಅಪೊಸ್ತಲೊ ಪೈಲಾ ಸು ಕದ್ಯಾತಾ ಕೈನ ಶೆ ಕರಿಲಿವೊ.

ಪ್ರಕಟನೆ 12:12

ತಿನಾಹುತಿ ವರಿ ಸ್ವರ್ಗ ತಿಮಾ ರ‍್ಹವಾಲಾ ಖುಶಿ ಥಾವಾದೆ! ತೆನೈಸೊ ಜಿಮಿನ, ಸಮುಂದರ, ಸೈತಾನ ತುಮೊಕನ ಆಯಲ ಹುತಿ ಕೆಟ್ಟ ಪರಿಸ್ಥಿತಿ ಆವಸ! ಸಿಟ್ಟ ಕವಾನು ಸೈತಾನ್ಮಾ ಭರಿ ಗೈಯುಸ. ತಿನೆ ರ‍್ಹಯಲ ದಕ್ಹೊಜ಼ ಟೈಮ ವ್ಹೈ ಕವಾನು ತಿನೆ ಗ್ವತ್ತ ಛೆ.

ಪ್ರಕಟನೆ 18:6

ತೆ ಗಾಮ ಬಿಜಾ಼ವೊನೆ ದಿದಲ ಲಿಂಗತಜ಼ ತುಮೆ ತಿನೆ ದಿವೊ. ತೆ ಕರಲನೆ ತಿನೆ ಬೆ ಯಕ್ಲು ಜಾಸ್ತಿ ತಿನೆ ದಿವೊ. ತೆ ಬಿಜಾ಼ವೊನೆ ದಿದಲ ದ್ರಾಕ್ಕಷಾರಸತಿಬಿ ತುಮೆ ತಿನೆ ಬೆ ಯಕ್ಲು ಜಾಸ್ತಿ ಘಟ್ಟ್ಟ ರ‍್ಹಯಲ ದ್ರಾಕ್ಕಷಾರಸ ತಿನೆ ತಯ್ಯಾರ ಕರಿನ ದಿವೊ.

ಪ್ರಕಟನೆ 6:10

ಎ ಆತ್ಮಾವೊ"ಪವಿತ್ರ ಥಯಲ ವರಿ ಕ್ಹರಿವಾಲೊ ರ‍್ಹಯಲ ಪ್ರಭು, ಹಮೊನೆ ಖಲಾಸ ಕರಲವಾಲೊವೊನೆ ಫೈಸಲೊ ಕರಾನೆ ವರಿ ತ್ಯುನೊನೆ ಶಿಕ್ಷಾ ದಿವಾನೆ ತು ಕೆಕ್ಲೊ ಟೈಮ ಲೆಸಿ? ಕೈನ ಜೊ಼ರ ವದ್ರಿಯೊ.