ಪ್ರಕಟನೆ 18:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಬಾಬೆಲೊನಿ ತು ಆಸ ಕರಲ ಪ್ಹಲ ತುಕ್ಹು ದುರ ಥಯು. ತಾರು ಕ್ಹಾರು ವೈಭವ ತುಕನ ರ‍್ಹಯಲ ಸೌಕಾರತನಾ ವರಿ ತಯ್ಯಾರ ಕರಾನು ಸಾಮನ ದಡಿ ರ‍್ಹೈ ಗಯುಸ. ತೆ ಕ್ಹಾರು ತು ವರಿ ಕೆಳಾಮಾಜ಼ ಪಡತ್ತು ನೈ.

ಪ್ರಕಟನೆ 18:14 ပူးပေါင်းရင်းမြစ်များ

ಮತ್ತಾಯ 11:8

ಕ್ಹರಿಮಾಜ಼ ತುಮೆ ಸು ದೆಕಾನೆ ಗಯಾತಾ? ಚೊ಼ಕಾ ವಣ್ಣಾ ಘಾಲ್ಲಿನ ರ‍್ಹಯಲ ಮನಕ್ಹನೆ ಸು? ನೈ! ಚೊ಼ಕಾ ವಣ್ಣಾ ಘಾಲ್ಲಿದಲ ಮನಕ್ಹೊ ರಾಜಾ಼ವೊನಾ ಮಹೆಲೊಮಾ ರ‍್ಹವಸ.

ಲುಕ ಬರ್ದಲ ಸುವಾರ್ತಾ 12:20

ತೆನೈಸೊ ಕ್ಹುದಾ ತಿನೆ, ತು ಗ್ಯಾನ ನೈಸೊವಾಲಾ! ಆಜ಼ ರಾತೆಜ಼ ತು ಮರಸಿ! ಹಮ್ನಾ ಕೆ ತು ಕುಡ್ಸಿನ ಮ್ಹೆಲಲ ಅನಾಜ಼ ತೆ ಸು ಥಾಸ? ತೆ ಕ್ಹಾರು ಅನಾಜ಼ ಕಿನಾ ಪಾಲ ಥಾಸ? ಕೈನ ಪುಚ್ಯೊ.

ಲುಕ ಬರ್ದಲ ಸುವಾರ್ತಾ 16:25

ತೆ ವಾತೆ ಅಬ್ರಹಾಮ ತಿನೆ ದಿಕ್ರಾ ತಾರಿ ಜಿವಿತಮಾ ತು ಸು ಕರ‍್ಯೊ ತುನೆ ಗ್ವತ್ತ ನತ್ತಿಸು? ತ್ಯಾ ತುನೆ ಕ್ಹಾರಿ ಸುಕಾ ವ್ಹತ್ತಿ. ತೆನೈಸೊ ಲಾಜ಼ರತೊ ತಿನಿ ಜಿವಿತ ಪುರಾ ಕಷ್ಟ ವರಿ ತ್ರಾಸ ಖಾದ್ಯೊಸ. ತಿನಾ ಹುತಿ ತೆ ಸ್ವರ್ಗಮಾ ತಿನೆ ಸುಖಾ ಛೆ. ತು ಕಷ್ಟ ಖಾವಡ್ಯೊಸ.

1 ಕೊರಿಂಥ 10:6

ಎ ಘಟನೆ ಕ್ಹಾರಾ ಅಪೊನೆ ಹುಶಾರಕ್ಹು ದಿವಾನಾ ವಾತೊ ಥಯಾಸ. ತ್ಯುನಾ ಲಿಂಗತ ಅಪೆ ಕೆಟ್ಟ ರ‍್ಹಯಲ ಆಸ ಕರು ನೈ.

ಯಾಕೊಬ 4:2

ತುಮೆ ಆಸ ಕರಲ ಪಡ್ದಿಲಿದ್ಯಾ ನತ್ತಿ. ತುಮೆ ಖಲಾಸ ಕರ‍್ಯಾತಬಿ, ಸಂಗಟ ಘಾಲಿಲಿದ್ಯಾತಬಿ ಆಸ ಕರಲ ಲಿದ್ಯಾವಾಚಿ ಛೆ; ತುಮೆ ಕಿತ್ತಾ - ಕಿತ್ತ ಕರೊಶಿ, ಲಡೈ ಕರೊಶಿ. ತೆನೈಸೊ ತುಮೆ ಕ್ಹುದಾಕನ ನೈ ಮಾಂಗಿಲಿದಲಕ್ಹು ತುಮೊನೆ ಸುಜ಼ ಲಿವಾನೆ ಥಾವಾಡು ನತ್ತಿ.

ಪ್ರಕಟನೆ 18:13

ತೆ ವ್ಯಾಪರ ಕರಾಲಾ ದಾಲ್ಚಿನಿ, ಸಾಂಬರನೊ ಮಸಾಲೊ ಉದ, ಬಾಸ್ನು ತೆಲ, ಸಾಂಬ್ರಾಣಿ, ದ್ರಾಕ್ಕಷಾರಸ ವರಿ ಓಲಿವ ತೆಲ, ನರಮ ಲೊಟ, ಘೌ, ಢೊರೊ ಗೈಯ್ಯೊ, ಬಕ್ರಾ, ಘೊಡಾ, ರಥಾ, ಮನಕ್ಹೊನೆ ಗುಲಾಮೊ ಕರಿ ಇಕ್ಕಸ. ಇಕ್ಕಾಲಾ ಇಮ್ಮ ಕವಸ;

ಪ್ರಕಟನೆ 18:15

"ತೆ ವ್ಯಾಪಾರಿಯೊ ತಿನೊ ತ್ರಾಸ ದೆಕಿನ ಭುಚಿ಼ಕಿನ ತಿಕಂತಾ ಘನ್ನಾ ದುರ ಗೈನ ಹುಬ್ರವಸ. ತೆ ಕ್ಹಾರು ಸಾಮನ ತಿನಿ ಇಕ್ಕಿನ ಸೌಕಾರ ಥಯಲವಾಲೊ ಇವ್ನೆಜ಼ ವ್ಹೈ.