ಪ್ರಕಟನೆ 17:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ತೆಳಾಮಾ ದೆವದುತ ಮನೆ"ತು ಕಾ ಘಾಬ್ರೊ ಥಯೊ? ಎ ಬಾಕ್ಕಡಿನು ಗುಡಾರಥ ವರಿ ಎ ಚ಼ಡಿನ ಜಾ಼ವಾನು ಕ್ಹಾತ ಮಾತಾ ವರಿ ದಕ್ಹ ಶಿಂಗ್ಡಾ ರ‍್ಹಯಲ ಜಾನ್ವರನು ಗುಡಾರಥ ಮಿ ತುನೆ ಕೌಸ.

ಪ್ರಕಟನೆ 17:7 ပူးပေါင်းရင်းမြစ်များ

2 ಥೆಸಲೊನಿಕ 2:7

ದಡಿ ರ‍್ಹಯಲ ವಿರೊದಿ ಯಕ್ಲಾಮಾಜ಼ ಜಗತ್ಮಾ ತಿನು ಕಾಮ ಕರತೊ ಛೆ. ತೆನೈಸೊ ತೆ ದಡಿ ರ‍್ಹಯಲ ಕೆಟ್ಟ ತಾಕತನಾ ವಿರೊದಿನೆ ತರಬಾನೆ ಯಕ್ಲೊ ಛೆ ತೆ ಕದ್ಯಾ ಬಗರ ತೆ ಕಾಮ ಕರತೊ ನೈ.

ಪ್ರಕಟನೆ 1:20

ಮಾರಾ ಸಿದಾ ಹತ್ಮಾ ತು ದೆಕಲ ಕ್ಹಾತ ಚಿಕ್ಕಿಯೊ ವರಿ ತು ದೆಕಲ ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದಡಿರ‍್ಹಯಲ ಅಮ್ಮ ಛೆ ಕ್ಹಾತ ಚಿಕ್ಕಿಯೊ ಕದ್ಯಾಮ ಕ್ಹಾತ ಸಭೆನಾ ದುತೊ ಕ್ಹಾತ ದಿವ್ವಾನಾ ಖಾಮೊ ಕದ್ಯಾಮ ಕ್ಹಾತ ಸಭೆ ವ್ಹೈ ಕೈನ ಕದ್ಯೊ.

ಪ್ರಕಟನೆ 12:3

ತೆಳಾಮಾಜ಼ ಹಬಾಳಮಾ ಬಿಜೆ಼ಕ ಅದ್ಭುತ ದಿಕ್ಹ್ಯು. ಲಾಲ ರ‍್ಹಯಲ ಯಕ್ಕ ಮ್ಹೊಟೊ ಕ್ಹಾಪ ವ್ಹತ್ತೊ. ತೆ ಕ್ಹಾಪ್ನೆ ಕ್ಹಾತ ಮಾತಾ ವ್ಹತ್ತಾ. ಹರಿ ಯಕ್ಕ ಮಾತಾಪರ ಯಕೆಕೆ ಕಿರಿಟ ವ್ಹತ್ತು. ತೆ ಕ್ಹಾಪ್ನೆ ಕ್ಹಾತ ಸಿಂಗ್ಡಾ ವ್ಹತ್ತಾ.

ಪ್ರಕಟನೆ 17:8

ತು ದೆಕಲ ಎ ಜಾನ್ವರ ಯಕ್ಕ ಟೈಮ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ತೆ ಜಾನ್ವರ ಪಾತಾಳಮಾತು ಜಿ಼ವ್ತು ಥೈನ ಉಪ್ಪರ ಉಟಿನ ಆಯಲ್ಪರ ಹಾಳ ಥಾವಸ. ದುನಿಯಾಮ ಜಿವ್ನಾ ಕರಾಲಾ ಮನಕ್ಹೊ ತೆ ಜಾನ್ವರನೆ ದೆಕಿನ, ತೆ ಯಕ್ಕ ಕಾಲ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ವರಿ ತೆ ಆವಸ ಕೈನ ಘಾಬ್ರಾ ಥಾವಸ. ದುನಿಯಾ ತಯ್ಯಾರ ಥಾವಾತಿ ಅಗ್ದುರತುಜ಼಼ ಜಿವಭಾದೆ ಬುಕ್ಮಾ ಎ ಮನಕ್ಹೊನು ನಾಮ ಬರ್ದಲ ನತ್ತಿಜ಼.

ಪ್ರಕಟನೆ 18:1

ಪಾಚಲ್ತೊ ಬಿಜೆಕ ದೆವದುತ ಸ್ವರಗತೊ ಆವಾನು ಮಿ ದೆಕ್ಯೊ. ಎ ದೆವದುತನೆ ಮ್ಹೊಟಿ ಅದಿಕಾರ ವ್ಹತ್ತಿ. ಎ ದೆವದುತ ಜಿಮಿನ್ಪರ ಮಹಿಮಾನಿ ಉಜಾಲು ಲಾಯು. ದೆವದುತ ತಿನಿ ತಾಕತ ನಿ ಅವಾಜ಼ ಕ್ಹು ಜೊ಼ರ ವದರ‍್ಯೊ;