ಪ್ರಕಟನೆ 17:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ತಿನಾ ಮಾತಾಪರ ಬರ್ದಲ ರ‍್ಹೈ. ತೆ ಬರ್ದಲನೆ ಗುಡಾರಥ ರ‍್ಹೈ. ತ್ಯಾ ಬರ್ದಲ ಅಮ್ಮ ರ‍್ಹೈ; "ಬಾಬಿಲೊನ ಕವಾನು, ಮ್ಹೊಟು ಗಾಮ ಜಿಮಿನ್ಪರ ರ‍್ಹಯಲ ಕೆಟ್ಟ ಕಾಮೊನೆ ವರಿ ವೈಬಿಚಾರ ಕರಾಲಿಯೊನಿಯೊ ಯಾ"

ಪ್ರಕಟನೆ 17:5 ပူးပေါင်းရင်းမြစ်များ

ಫಿಲಿಪ್ಪಿ 3:19

ಹಾಳಥವಾನುಜ ತ್ಯುನಿ ಲಾಸ್ಟನಿ ಪರಿಸ್ಥಿ ವ್ಹೈ, ಪೆಟಜ ತ್ಯುನು ಕ್ಹುದಾವೈ, ಸರಾಮಾವುನಜ ಕಾಮ್ಮ ತ್ಯುನೊನೆ ಚುಕು ವ್ಹೈ ತ್ಯುನೆ ದುನಿಯಾಮ್ಮಾ ರ‍್ಹಯಲ ಕಾಮೊನೆ ಚಿಂತಾ ಕರಸ.

2 ಥೆಸಲೊನಿಕ 2:7

ದಡಿ ರ‍್ಹಯಲ ವಿರೊದಿ ಯಕ್ಲಾಮಾಜ಼ ಜಗತ್ಮಾ ತಿನು ಕಾಮ ಕರತೊ ಛೆ. ತೆನೈಸೊ ತೆ ದಡಿ ರ‍್ಹಯಲ ಕೆಟ್ಟ ತಾಕತನಾ ವಿರೊದಿನೆ ತರಬಾನೆ ಯಕ್ಲೊ ಛೆ ತೆ ಕದ್ಯಾ ಬಗರ ತೆ ಕಾಮ ಕರತೊ ನೈ.

ಪ್ರಕಟನೆ 1:20

ಮಾರಾ ಸಿದಾ ಹತ್ಮಾ ತು ದೆಕಲ ಕ್ಹಾತ ಚಿಕ್ಕಿಯೊ ವರಿ ತು ದೆಕಲ ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದಡಿರ‍್ಹಯಲ ಅಮ್ಮ ಛೆ ಕ್ಹಾತ ಚಿಕ್ಕಿಯೊ ಕದ್ಯಾಮ ಕ್ಹಾತ ಸಭೆನಾ ದುತೊ ಕ್ಹಾತ ದಿವ್ವಾನಾ ಖಾಮೊ ಕದ್ಯಾಮ ಕ್ಹಾತ ಸಭೆ ವ್ಹೈ ಕೈನ ಕದ್ಯೊ.

ಪ್ರಕಟನೆ 11:8

ಎ ಸಾಕ್ಷಿಯೊನಾ ಬೆ ಮುರದಾ ಮ್ಹೊಟಾ ಗಾಮ್ನಾ ವಾಟಮಾ ಪಡಲ ರ‍್ಹವಸ. ಎ ಗಾಮನೆ ಸೊದೊಮ ವರಿ ಇಜಿಪ್ತ ಕೈನ ನಾಮ ಥಾವಸ. ತೆ ಗಾಮನಾ ನಾಮೊನೆ ಖಾಸ ಮತ್ಲಬ ಛೆ. ಪ್ರಭು ಎ ನಗರಮಾಜ಼ ಶಿಲುಬಿ ಪರ ಘಾಲ್ಯಾ.

ಪ್ರಕಟನೆ 14:8

ಪಾಚಾ಼ತಾ ಬೆವಾ ಕ್ಹುದಾನೊ ದುತ ಯಕ್ವಾ ಕ್ಹುದಾನಾ ದುತನಾ ಪಾಚ಼ೊ ಜಾ಼ತೊ"ತೆ ಹಾಳ ಥೈ! ಬಾಬಿಲೊನ ಪಡಿ ಗಯು! ತೆ ಘನ್ನಾ ಜನಾಂಗೊನೆ ತಿನಿ ಜಾರತ್ವ ಕ್ಹು ವರಿ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿಲಾಯಲವಾಲಿ ವ್ಹೈ "ಕೈನ ಕದ್ಯೊ.

ಪ್ರಕಟನೆ 16:19

ತೆ ಮ್ಹೊಟು ಗಾಮ ಫುಟಿನ ತನ್ನ ಭಾಗ ಥಯಾ. ಜನಾಂಗೊನಾ ಗಾಮೊ ಹಾಳ ಥೈ ಗಯಾ. ಮ್ಹೊಟು ಗಾಮ ಥಯಲ ಬಾಬೆಲೊನನೆ ಕ್ಹುದಾ ಶಿಕ್ಷಾ ದಿದ್ಯಾವಾಚಿ ರ‍್ಹಯೊ ನೈ. ತೆ ತಿನಾ ಘನ್ನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರ‍ಕ್ಹ ಕ್ಹು ಭರಲ ಸಾಮನ ತೆ ಗಾಮನೆ ಪಿವಾನೆ ದಿದ್ಯೊ.

ಪ್ರಕಟನೆ 17:1

ಕ್ಹಾತ ದೆವದುತೊಮಾನೊ ಯಕ್ಲೊ ಮಾರಾ ಕ್ಹಾತೆ ಬೊಲ್ಯೊ. ಕ್ಹಾತ ಸಾಮನೊ ವ್ಹಂದಲ ವಾಲಾವೊಮಾನೊ ಎಬಿ ಯಕ್ಲೊ ವ್ಹತ್ತೊ. ತೆ ದೆವದುತ"ಆ, ಘನ್ನಿ ಪ್ರಚಾರ ಥಯಲ ಯಕ್ಕ ಧಂದೊ ಕರಾಲಿ ಬಾಕ್ಡಿನೆ ದಿವಾನಿ ಶಿಕ್ಷಾ ಮಿ ತುನೆ ದೆಕಾಡುಸ. ಘನ್ನಾ ಪಾನಿಪರ ಬೈಟಲವಾಲಿ ತೆಜ಼ ವ್ಹೈ.

ಪ್ರಕಟನೆ 17:2

ದುನಿಯಾಮಾ ರ‍್ಹಯಲ ರಾಜಾ಼ ತಿನಾ ಕ್ಹಾತೆ ಮಳಿನ ಲೈಂಗಿಕ ಪಾಪ ಕರ‍್ಯಾ. ದುನಿಯಾಮಾ ರ‍್ಹಯಲ ಮನಕ್ಹೊ ತಿನು ಲೈಂಗಿಕ ಪಾಪ ಕವಾನು ದಾರು ಪಿನ ನಿಶಾ ಕರ‍್ಯಾ "ಕೈನ ಕದ್ಯೊ.

ಪ್ರಕಟನೆ 17:7

ತೆಳಾಮಾ ದೆವದುತ ಮನೆ"ತು ಕಾ ಘಾಬ್ರೊ ಥಯೊ? ಎ ಬಾಕ್ಕಡಿನು ಗುಡಾರಥ ವರಿ ಎ ಚ಼ಡಿನ ಜಾ಼ವಾನು ಕ್ಹಾತ ಮಾತಾ ವರಿ ದಕ್ಹ ಶಿಂಗ್ಡಾ ರ‍್ಹಯಲ ಜಾನ್ವರನು ಗುಡಾರಥ ಮಿ ತುನೆ ಕೌಸ.

ಪ್ರಕಟನೆ 18:2

"ತೆ ಹಾಳ ಥೈ! ಬಾಬಿಲೊನ ಕವಾನು ಮ್ಹೊಟು ಗಾಮ ಹಾಳ ಥಯು! ತೆ ಭುತ್ಡಾ ರ‍್ಹವಾನಿ ಜ಼ಗಾ ಥೈ ಗೈ, ಕ್ಹಾರಿ ಅಶುದ್ಧ ಆತ್ಮಾ ತ್ಯಾಜ಼ ರ‍್ಹೈ ಗೈಯೊ. ಹಸೈ ವರಿ ಅಶುದ್ಧ ರ‍್ಹಯಲ ಪಕ್ಕಷಿಯೊನೆ ಆಸ್ರೊ ಥೈ"

ಪ್ರಕಟನೆ 18:21

ಪಾಚಲ್ತೊ ಘನ್ನೊ ತಾಕತವರ ಥಯಲ ಬಿಜೆಕ ದೆವದುತ ಯಕ್ಕ ಮ್ಹೊಟೊ ದಗ್ಡೊ ಉಚೈನ. ತೆ ದಗ್ಡೊ ದೆವದುತ ತೆ ದಗ್ಡೊ ಸಮುಂದರಮಾ ನಾಕಿನ ಅಮ್ಮ ಕದ್ಯೊ; "ಮ್ಹೊಟು ಗಾಮ ಥಯಲ ಬಾಬಿಲೊನ ಇನಾಲಿಂಗತಜ಼ ನಕೈ ಜಾ಼ವಸ. ಎ ಗಾಮ ಕೆಳಾಮಾಜ಼ ದಿಕ್ಹತು ನೈ.

ಪ್ರಕಟನೆ 19:2

ತೆ ಕರಾನಾ ಫೈಸ್ಲಾ ಕ್ಹರಿಕ್ಹು ವರಿ ನ್ಯಾಯ ಕ್ಹು ವ್ಹೈ. ಅಪ್ನೊ ಕ್ಹುದಾ ಧಂದೊ ಕರಾಲಿನೆ ಶಿಕ್ಷಾ ದಿದ್ಯೊ. ತೆ ಕರಾನಾ ಲೈಂಗಿಕ ಪಾಪೊಕ್ಹುಜ಼ ದುನಿಯಾ ಕೆಟ್ಟಿ ಗೈ. ತೆ ತಿನಾ ಸೆವಕೊನು ರಗತನಾ ಪ್ರತಿ ತೆ ಶಿಕ್ಷಾ ತೆ ಧಂದೊ ಕರಾಲಿನೆ ಶಿಕ್ಷಾ ದಿದ್ಯೊ"

ಪ್ರಕಟನೆ 7:3

"ಅಪ್ನಾ ಕ್ಹುದಾನೆ ಸೆವೆ ಕರಾಲಾ ಮನಕ್ಹೊನಾ ಮಾತಾಪರ ಸಿಕೊ ಮಾರೆ ಲಕ್ಕಾ ಜಿಮಿನ್ನೆ ರ‍್ಹೈನೆಕಾ ಸಮುಂದರನೆ ರ‍್ಹೈನೆಕಾ ಝಾಡೊನೆ ರ‍್ಹೈನೆಕಾ ತ್ರಾಸ ಕರೊ ನಕೊ. ಕೈನ ಕದ್ಯೊ.