ಪ್ರಕಟನೆ 16:17 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁷ ಕ್ಹಾತ್ವಾ ದೆವದುತ ತಿಕನ ರ‍್ಹಯಲ ಸಾಮನಮಾನು ವಾರಾಮಾ ರಿಚಾ಼ಯೊ. ತೆಳಾಮಾ ಯಕ್ಕ ಮ್ಹೊಟಿ ಅವಾಜ಼ಮಾ ಕ್ಹುದಾನಿ ಆಲಯಮಾ ರ‍್ಹಯಲ ಸಿಂಹಾಸನಕಂತಿ ಆಲಯ ಲಕ್ಕಾ ಐ. ತೆ ಅವಾಜ಼ "ಖಲಾಸ ಥೈಗಯೊ" ಕೈನ ಕದ್ಯು.

ಪ್ರಕಟನೆ 16:17 ပူးပေါင်းရင်းမြစ်များ

ಯೊಹಾನ 19:30

ಯೆಸು ಖಾಟು ರಕ್ಹನೆ ಸುರ್ಕಿನ"ಪುರಾ ಥಯು" ಕೈನ ಮಾತು ಜು಼ಕೈನ ಜ಼ಲಮ ಛೊಡ್ಯೊ.

ಎಫೆಸ 2:2

ಹೊ, ಪೈಲಾ ತುಮೆ ತೆ ಪಾಪೊಜ಼ ಕರೊಶಿ. ಎ ದುನಿಯಾನಾ ವಾಟೊ ಲಿಂಗತ ತುಮೆ ಜಿವ್ನಾ ಕರ‍್ಯಾಸ. ವಾಯು ಮಂಡಲಮಾ ರ‍್ಹವಾನಾ ದುಷ್ಟ ಶಕ್ತಿಯೊನಾ ಅಧಿಪತಿನೆ ತುಮೆ ವಿಧೆಯ ಥಯಾಸ. ಕ್ಹುದಾನೆ ಅವಿಧೆಯ ಥಯಲ ಮನಕ್ಹೊಮಾ ಹಮ್ನಾ ಕಾಮ ಕರಾಲಾಜ಼ ತೆ ಆತ್ಮಾ ವ್ಹೈ.

ಎಫೆಸ 6:12

ಅಪ್ನಿ ಹೊರಾಟ ಮನಕ್ಹೊನಾ ವಿರುದ್ದ ನ್ಹವ್ಹೈ. ಅಪೆ ಅಂಧಕಾರನಾ ಅದಿಪತಿಯೊನೆ ಅದಿಕಾರಿಯೊನೆ ವರಿ ಎ ಲೊಕನಾ ಅಂದಾರಾನಾ ತಾಕತೊನೆ ಹಬಾಳನಾ ದುಷ್ಟ ತಾಕತೊನೆ ವಿರುದ್ದ ಥೈನ ಹೊರಾಡಾಸ.

ಪ್ರಕಟನೆ 11:15

ಕ್ಹಾತ್ವಾ ಕ್ಹುದಾನು ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸ್ವರ್ಗಮಾ ಮ್ಹೊಟಾ ಆವಾಜೊ಼ ಥಯಾ. ತೆ ಆವಾಜೊ಼ ಅಮ್ಮ್ ಕದ್ಯಾ; "ಎ ಲೊಕನು ರಾಜ್ಯ ಹಮ್ನಾ ಅಪ್ನಾ ಪ್ರಭುನಾ ವರಿ ತಿನೊಜ಼ ರ‍್ಹಯಲ ಕ್ರಿಸ್ತನಿ ರಾಜ್ಯ ಥೈಸ. ತೆ ಯುಗೊ ಯುಗೊಮಾಬಿ ಅದಿಕಾರ ಚ಼ಲಾವಾ ವಾಲೊ ವ್ಹೈ"

ಪ್ರಕಟನೆ 11:19

ಪಾಚಾ಼ತು ಸ್ವರ್ಗಮಾ ರ‍್ಹಯಲ ಕ್ಹುದಾನಿ ಆಲಯ ಕ್ಹುಲ್ಯು. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಡಂಬಡಿಕೆ ಮ್ಹೆಲಲ ಪೆಟ್ಟಗಿ ತಿನಾ ಆಲಯಮಾ ದಿಕ್ಹಿ. ತೆಳಾಮಾ ಬಿಜ್ಲಿಯೊ ಮಾರ‍್ಯೊ, ಆವಾಜೊ಼ ಥಯಾ, ಭುಕಂಪೊ ಥಯಾ ವರಿ ಘಾರಗಿಯೊನು ಪಾನಿ ಐಯು.

ಪ್ರಕಟನೆ 14:15

ತೆಳಾಮಾ ವರಿ ಯಕ್ಕ ಕ್ಹುದಾನೊ ದುತ ಆಲಯಮಾತೊ ಭಾರೊ ಆಯೊ. ಎ ಕ್ಹುದಾನೊ ದುತ ಮ್ಹಾಡನಾ ಉಪ್ಪರ ಬೈಟಲವಾಲಾನೆ"ತಾರು ಕುಡುಗೊಲ ಲಿನ ಜಿಮಿನನಾ ಉಪ್ಪರ ರ‍್ಹಯಲ ಫಸಲ ಮಳಾ. ಕಾಕದ್ಯಾಮ ಸುಗ್ಗಿಕಾಲ ಆಯೊಸ. ಜಿಮಿನನಾ ಉಪ್ಪರ ರ‍್ಹಯಲ ಫಸಲ ತಯ್ಯಾರ ಥೈಯುಸ "ಕೈನ ಕದ್ಯೊ.

ಪ್ರಕಟನೆ 14:17

ಪಾಚ಼ತಾ ಬಿಜೆಕ ದೆವದುತ ಸ್ವರ್ಗನೊ ಅಲಯಮಾತೊ ಭಾರೊ ಆಯೊ. ತೆ ದುತಕನಬಿ ಧಾರ ರ‍್ಹಯಲ ದಾತಡು ವ್ಹತ್ತು.

ಪ್ರಕಟನೆ 16:1

ಪಾಚಾ಼ತು ಆಲಯಮಾತು ಯಕ್ಕ ಮ್ಹೊಟು ಆವಾಜ಼ ಮನೆ ಐಕು ಐಯು. ತೆ ಆವಾಜ಼ ಕ್ಹಾತ ಕ್ಹುದಾನಾ ದುತೊನೆ"ತುಮೆ ಗೈನ ಕ್ಹಾತ ಸಾಮನೊಮಾ ರ‍್ಹಯಲ ಕ್ಹುದಾನಿ ಶಿಟ್ಟನೆ ದುನಿಯಾಪರ ರಿಚಾ಼ವೊ "ಕೈನ ಕದ್ಯು.

ಪ್ರಕಟನೆ 21:6

ಸಿಂಹಾಸನ್ಪರ ಬೈಟಲವಾಲೊ ಮನೆ ಅಮ್ಮ ಕದ್ಯೊ; "ಕ್ಹಾರುಜ಼ ಪುರಾ ಥಯು! ಮಿಜ಼ ಆದಿ ವ್ಹೈ ಮಿಜ಼ ಅಂತ್ಯ ವ್ಹೈ. ಮಿಜ಼ ಶುರು ವ್ಹೈ ಮಿಜ಼ ಸಮಾಪ್ತಿ ವ್ಹೈ. ಪಾನಿನಿ ತರಕ್ಹ ರ‍್ಹಯಲವಾಲಾವೊನೆ ಮಿ ಜ಼ಲಮ್ನು ಘನ್ನು ಪಾನಿ ಪುಶಕ್ಕಯಾಟಿ ದ್ಯುಸ.