ಪ್ರಕಟನೆ 14:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಮಿ ಸ್ವರ್ಗಮಾತೊ ಯಕ್ಕ ಅವಾಜ಼ ಐಕ್ಯೊ. ತೆ ಅವಾಜ಼ ಪಾನಿನಿಯೊ ಧಡ್ಕಿಯೊನೊ ಅವಾಜ಼ ಲಿಂಗತ ವರಿ ಬಿಜ್ಲಿನೊ ಅವಾಜ಼ ಲಿಂಗತ ವ್ಹತ್ತು. ಮನಕ್ಹೊ ವಜಾ಼ಡಾನು ಅವಾಜ಼ ಲಿಂಗತ ತೆ ಅವಾಜ಼ ಮನೆ ಐಕು ಆವಾಡ್ಯುತು.

ಪ್ರಕಟನೆ 14:2 ပူးပေါင်းရင်းမြစ်များ

1 ಕೊರಿಂಥ 13:1

ಮಿ ಮನಕ್ಹೊನಿ ಭಾಷಾ ಯಕ್ಕಜ಼ ದೆವದುತೊನಿ ಭಾಷಾಬಿ ಬೊಲ ಸಕುಸ. ತೆನೈಸೊ ಮಾರಾಮಾ ಮಯಾಜ಼ ನೈ ರ‍್ಹೈಮ,ಮಿ ಕ್ಹಾಲಿ ಟಣ ಟಣ ಕವಾನಿ ಘಂಟಿ ವ್ಹೈ, ಝನ ಝನ ಕವಾನಾ ತಾಳಾ ವ್ಹೈ.

ಪ್ರಕಟನೆ 1:10

ಪ್ರಭುನಾ ದಿನ್ಮಾ ಪವಿತ್ರಮಾ ಆತ್ಮಾ ಮನೆ ಹತೊಟಿಮಾ ಲಿದ್ಯೊ. ತೆಳಾಮಾ ತಿನಾ ಪಾಚೊ಼ ಯಕ್ಕ ಮ್ಹೊಟಿ ಅವಾಜ಼ ಐಕ್ಯೊ. ತೆ ಅವಾಜ಼ ಬೊಂಗಾವೊನೆ ಅವಾಜ಼ ಲಿಂಗತ ವ್ಹತ್ತು.

ಪ್ರಕಟನೆ 1:15

ತಿನಾ ಪಗೊ ಆಗ್ಮಾ ಲಾಲ ಕರಲ ತಾಂಬಾ ಲಿಂಗತ ವ್ಹತ್ತಾ. ಗಳೊ ವೈನ ಜಾ಼ವಾನು ಪಾನಿನು ಅವಾಜ಼ ಲಿಂಗತ ವ್ಹತ್ತು.

ಪ್ರಕಟನೆ 11:12

ಪಾಚಾ಼ತಾ "ಉಪ್ಪರ ಚ಼ಡಿನ ಆವೊ" ಕೈನ ಸ್ವರಗತಿ ಮ್ಹೊಟಿ ಆವಾಜ಼ ತೆ ಪ್ರವಾದಿಯೊನೆ ಐಕೊ ಆಯು. ತೆಳಾಮಾ ತೆ ಭಂಬಿ ಪ್ರವಾದಿಯೊ ಹಬಾಳನಾ ಕ್ಹಾತೆ ಸ್ವರ್ಗನೆ ಗಯಾ. ತ್ಯುನೆ ಜಾ಼ವಾನು ತ್ಯುನಾ ದುಶ್ಮನೊ ದೆಕತಾ ವ್ಹತ್ತಾ.

ಪ್ರಕಟನೆ 11:15

ಕ್ಹಾತ್ವಾ ಕ್ಹುದಾನು ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸ್ವರ್ಗಮಾ ಮ್ಹೊಟಾ ಆವಾಜೊ಼ ಥಯಾ. ತೆ ಆವಾಜೊ಼ ಅಮ್ಮ್ ಕದ್ಯಾ; "ಎ ಲೊಕನು ರಾಜ್ಯ ಹಮ್ನಾ ಅಪ್ನಾ ಪ್ರಭುನಾ ವರಿ ತಿನೊಜ಼ ರ‍್ಹಯಲ ಕ್ರಿಸ್ತನಿ ರಾಜ್ಯ ಥೈಸ. ತೆ ಯುಗೊ ಯುಗೊಮಾಬಿ ಅದಿಕಾರ ಚ಼ಲಾವಾ ವಾಲೊ ವ್ಹೈ"

ಪ್ರಕಟನೆ 15:2

ಆಗ ಮಳಾಯಲ ಅರಕ್ಹಾ ಲಿಂಗತ ದಿಕ್ಹಾನು ಸಮುಂದರ ಲಿಂಗತ ಮನೆ ದಿಕ್ಹಾಡ್ಯುತು. ಜಾನ್ವರನೆ, ತಿನಿ ಮೊರತಿನೆ ವರಿ ತಿನು ನಾಮನು ಅಕ್ಷರನೆ ಸೊಲ್ಸಿನೆ ಝಿತ್ತಲ ಕ್ಹಾರಾ ಜ಼ನಾ ಸಮುಂದರನಿ ದಂಡಿಪರ ಹುಬ್ರಯಾತಾ. ಕ್ಹುದಾ ದಿದಲ ವಜಾ಼ಡಾನು ಸಾಮನೊ ತ್ಯುನೊಕನ ವ್ಹತ್ತು.

ಪ್ರಕಟನೆ 18:22

ಹಾರಪ ವರಿ ಘನ್ನಾ ವಜಾ಼ಡಾನಾ ಮನಕ್ಹೊ ಮೆಜಿಕ, ಪಾಂಯೊ ವರಿ ಪಿಂಗಿಯೊ ವಜಾ಼ಡಾಲಾ ಮನಕ್ಹೊ ಮೆಜಿಕ ತುಕಂತು ಕೆಳಾಮಾಜ಼ ಐಕು ಆತು ನೈ. ಬಡಗ್ಯಾನು ಕಾಮ ಕರಾಲಾ ತುಕನ ಕೆಳಾಮಾಜ಼ ಮಳತಾ ನೈ. ದಳಾನು ಅವಾಜ಼ ತುಕಂತು ಕೆಳಾಮಾಜ಼ ಐಕು ಆತು ನೈ.

ಪ್ರಕಟನೆ 5:8

ತೆಳಾಮಾ ಚಾರ ಜಿವಿಯೊ ವರಿ ಇಖ್ಪರ ಚಾರ ಮ್ಹೊಟಾ ಮನಕ್ಹೊ ತೆ ಬಕ್ರಾನಾ ಬಚ್ಚಾ಼ನಾ ಕ್ಹಾಮಾ ಉಂದಾ ಗುಡ್ಗಾ ಘಾಲಿನ ಪಗೆ ಪಡ್ಯಾ. ಹರಯಕ್ಕಲಾನಾ ಹತ್ಮಾ ಯಕ್ಕ ಯಕ್ಕ ತಂಬುರಿ ವ್ಹತ್ತಿ. ಧವಾಂಡೊ ಭರಲ ಕ್ಹೊನಾನಾ ಸಾಮನೊ ತ್ಯುನೆ ಧರಿಲಿದ್ಯಾತಾ. ಸಾಮನೊ ಕ್ಹುದಾನಿ ಪರಿಶುದ್ಧ ಮನಕ್ಹೊನಾ ಪ್ರಾಥನಾ ಥಯಾತಾ.

ಪ್ರಕಟನೆ 6:1

ಪಾಚಲ್ತೊ ಬಕ್ರಾನು ಬಚ್ಚು಼ ಕ್ಹಾತ ಮುದ್ರೆಮಾ ಯಕ್ಕ ಮುದ್ರೆ ಪ್ಹೊಡತಾಮಾ ಮಿ ಧ್ಯಾನ ದಿದ್ಯೊ. ತೆ ಚಾರ ಜಿವಿಯೊಮಾ ಯಕ್ಕ ಜಿವಿ ಬಿಜ಼ಲಿ ಲಿಂಗತ ಬೊಲಾನು ಮಿ ಐಕ್ಯೊ. ತೆ "ಆ! ಕೈನ ಕದ್ಯು.

ಪ್ರಕಟನೆ 8:7

ಪೈಲಾನೊ ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ರಗತಮಾ ಕಲಾಯಲ ಘಾರಗಿಯೊ ವರಿ ಆಗ್ನು ಪಾನಿ ಜಿಮಿನಪರ ಥಾವಾಡ್ಯುಸ ಜಿಮಿನ್ನಿ ತನ್ವಾ ಭಾಗ ವರಿ ಹಸರ ಝಾಡೊ ಬಳಿಗಯಾ. ವರಿ ಝಾಡೊಮಾ ತನ್ವಾಭಾಗ ಯಕ್ಕ ಬಳಿ ಗೈಯು.