ಪ್ರಕಟನೆ 13:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ತೆ ಥಯಲಪರ ಜಿಮಿನಮಾತು ಆವಾನಿ ವರಿ ಯಕ್ಕ ಜಾನ್ವರ ದೆಕ್ಯೊ. ತಿನೆ ಟಗರ ಲಿಂಗತ ಬೆ ಸಿಂಗ್ಡಾ ವ್ಹತ್ತಾ. ತೆ ಮ್ಹೊಟಾ ಕ್ಹಾಪ ಲಿಂಗತ ಬೊಲಾಡ್ಯುತು.

ಪ್ರಕಟನೆ 13:11 ပူးပေါင်းရင်းမြစ်များ

ಮತ್ತಾಯ 7:15

ಸುಳ್ಳ ಪ್ರವಾದಿಯೊನಾ ಹುತಿ ಹುಶಾರ ರಹೊ. ತ್ಯುನೆ ಬಕ್ರಾವೊ ಲಿಂಗತ ದಿಕ್ಹಿನ ತುಮೊಕನ ಆವಸ. ತೆನೈಸೊ ತೊಳೊ ಲಿಂಗತ ಕ್ಹರಿಮಾಜ಼ ಕೆಟ್ಟ ರ‍್ಹಯಲ ಲಿಂಗತಜ ಛೆ.

ರೊಮಾಪೂರ 16:18

ಕಾಕದ್ಯಾಮ ತ್ಯವಾ ಸಂಗತಿಯೊ ಕರಲ ಮನಕ್ಹೊ ಅಪ್ನೊ ಪ್ರಭು ಥಯಲ ಕ್ರಿಸ್ತನಿ ಸೆವಾ ಕರಾಡ್ಯಾ ನತ್ತಿ. ತ್ಯುನೆ ಖಾಲಿ ತ್ಯುನೆ ಪೆಟನಾ ಹುತಿ ಕರಾಡಾಸ. ಕೆಟ್ಟನಾ ಹುತಿ ನೈ ತಿಳದ್ಯಲ ಮನಕ್ಹೊನಾ ಮನಸೊನೆ ಮೊಸ ಕರಾನೆ ತ್ಯುನೆ ಚೊ಼ಕಾ ಮಯಾನಾ ವಾತೊ ಬೊಲಸ ವರಿ ಮ್ಹೊಡಾನೆ ಪಸಂದ ಆವಾನಾ ವಾತೊ ಬೊಲಸ.

2 ಥೆಸಲೊನಿಕ 2:4

ಕ್ಹುದಾ ಕೈನ ಕವೈಲಿವಾನು ಸುಜ಼ ರ‍್ಹೈನೆಕಾ, ಮನಕ್ಹೊ ಪುಜಾ ಕರಾನು ಸುಬಿ ರ‍್ಹೈನೆಕಾ ವಿರೊಧಿ ರ‍್ಹಯಲವಾಲೊ ವಿರೊದ ಕರಿನ, ತ್ಯುನೊತಿಬಿ ತಿನಾಕ್ಹು ತೆ ಹೆಚ್ಕಿ಼ ಕವೈಲಿನ ಕ್ಹುದಾನಿ ಸನ್ನಿದಿಮಾ ಗೈನ ಬೈಟಿನ ತೆಜ಼ ಕ್ಹುದಾ ವ್ಹೈ ಕೈನ ಕವೈಲಿವಸ.

ಪ್ರಕಟನೆ 11:7

ಎ ಬೆ ಸಾಕ್ಷಿಯೊ ತ್ಯುನಿ ಸಂದೆಶ ಕೈನ ಕ್ಹರಲ ಪರ ಪಾತಾಳಮಾತು ಉಪ್ಪರ ಆವಾನು ಜಾನವರ ತ್ಯುನಾ ವಿರುದ್ದ ಯುದ್ದ ಕರಸ. ಎ ಜಾನವರ ತ್ಯುನೊನೆ ಸೊಲ್ಸಿನ ಖಲಾಸ ಕರಸ.

ಪ್ರಕಟನೆ 12:17

ತೆಳಾಮಾ ಕ್ಹಾಪ ತೆ ಬಾಕ್ಕಡಿಪರ ಘನ್ನೊ ಶಿಟ್ಟ ಥೈನ ತಿನಾ ತಿನಾ ಬಚ್ಚಾ಼ವೊನೆ ಕದ್ಯಾಮ ಕ್ಹುದಾನಿ ಆಗನ್ಯಾಲಿಂಗತ ಚಾಲ್ಲಿನ ಜಾ಼ವಾಲಾವೊನೆ ವರಿ ಯೆಸುನಾಹುತಿ ಸಾಕ್ಷಿ ಕವಾಲಾವೊಪರ ಯುದ್ದ ಕರಾನೆ ಶುರು ಕರ‍್ಯೊ.

ಪ್ರಕಟನೆ 13:1

ಪಾಚಾ಼ತು ಸಮುಂದರಮಾತು ಯಕ್ಕ ಜಾನ್ವರ ಭಾರು ಆವಾನಿ ಮಿ ದೆಕ್ಯೊ. ತಿನೆ ದಕ್ಹ ಮಾತಾ ದಕ್ಹ ಶಿಂಗ್ಡಾ ವ್ಹತ್ತಾ. ತಿನಾ ಹರಿ ಯಕ್ಕ ಮಾತಾಪರ ಯಕೆಕ ಕಿರಿಟ ವ್ಹತ್ತು. ತಿನಾ ಹರಿ ಯಕ್ಕ ಮಾತಾಪರ ಕ್ಹುದಾನಿ ಮರ್ಯಾದಿ ಕಾಡಾಲವಾಲೊ ವ್ಹೈ ಕೈನ ಬರ್ದಲ ವ್ಹತ್ತು.

ಪ್ರಕಟನೆ 13:17

ಎ ವಳಕ ರ‍್ಹಯಲವಾಲವೊನೆ ಕುನ್ನಜ ಇಕ್ಕುಬಿ ನೈ. ಖರುದಿ ಕರುಬಿ ನೈ. ಎ ವಳಕ ಸು ವ್ಹೈ ಕದ್ಯಾಮ ತೆ ಜಾನ್ವರನು ನಾಮ ನೈತೊ ತಿನು ನಂಬರ ವ್ಹೈ.

ಪ್ರಕಟನೆ 13:4

ತೆ ಮ್ಹೊಟೊ ಕ್ಹಾಪ ತಿನಿ ಕ್ಹಾರಿ ತಾಕತ ತೆ ಜಾನ್ವರನೆ ದಿದಲ ಹುತಿ ಕ್ಹಾರಾ ಮನಕ್ಹೊ ತೆ ಜಾನ್ವರನೆ ವರಿ ತೆ ಮ್ಹೊಟಾ ಕ್ಹಾಪ್ನೆ ಆರಾಧನಾ ಕರ‍್ಯಾ"ಜಾನ್ವರ ತಿಬಿ ಬಿಜು಼ ಕುನ್ ತಾಕತ ವರ ಛೆ? ತಿನಾ ವಿರುದ್ದ ಕುನ್ ಯುದ್ದ ಕರಸ? ಕೈನ ಕವಾಡಾತಾ.

ಪ್ರಕಟನೆ 16:13

ತೆಳಾಮಾ ಬೆಂಡಕಾ ಲಿಂಗತ ರ‍್ಹಯಲ ತನ್ನ ಕೆಟ್ಟ ಆತ್ಮಾವೊನೆ ಮಿ ದೆಕ್ಯೊ. ತೆ ಬೆಂಡಕಿಯೊ ಮ್ಹೊಟಾ ಕ್ಹಾಪ್ನಾ ಮ್ಹೊಡಾಮಾತಿಯೊ, ಜಾನ್ವರನಾ ಮ್ಹೊಡಾಮಾತಿಯೊ ವರಿ ಸುಳ್ಳ ಪ್ರವಾದಿಯೊನಾ ಮ್ಹೊಡಾಮಾತಿಯೊ ಭಾರಿಯೊ ಐಯ್ಯೊ.

ಪ್ರಕಟನೆ 17:6

ತೆ ಬಾಕ್ಡಿ ಪಿನ ನಿಶಾಮಾ ರ‍್ಹಯಲ ಮಿ ದೆಕ್ಯೊ. ತೆ ಕ್ಹುದಾನಾ ಪರಶುದ್ಧ ರ‍್ಹಯಲ ಮನಕ್ಹೊನು ರಗತ ಪಿನ ನಿಶಾಮಾ ವ್ಹತ್ತಿ. ಯೆಸುಮಾ ತ್ಯುನೊನೆ ರ‍್ಹಯಲ ಬರೊಕ್ಹೊನಾ ಹುತಿ ಕದಲ ಮನಕ್ಹೊನು ರಗತ ತೆ ಪಿನ ನಿಶಾಮಾ ವ್ಹತ್ತಿ. ತೆ ಬಾಕ್ಡಿನೆ ಮಿ ದೆಕ್ತಾಮಾ ಮಿ ಘನ್ನೊ ಘಾಬ್ರೊ ಥಯೊ.

ಪ್ರಕಟನೆ 17:8

ತು ದೆಕಲ ಎ ಜಾನ್ವರ ಯಕ್ಕ ಟೈಮ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ತೆ ಜಾನ್ವರ ಪಾತಾಳಮಾತು ಜಿ಼ವ್ತು ಥೈನ ಉಪ್ಪರ ಉಟಿನ ಆಯಲ್ಪರ ಹಾಳ ಥಾವಸ. ದುನಿಯಾಮ ಜಿವ್ನಾ ಕರಾಲಾ ಮನಕ್ಹೊ ತೆ ಜಾನ್ವರನೆ ದೆಕಿನ, ತೆ ಯಕ್ಕ ಕಾಲ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ವರಿ ತೆ ಆವಸ ಕೈನ ಘಾಬ್ರಾ ಥಾವಸ. ದುನಿಯಾ ತಯ್ಯಾರ ಥಾವಾತಿ ಅಗ್ದುರತುಜ಼಼ ಜಿವಭಾದೆ ಬುಕ್ಮಾ ಎ ಮನಕ್ಹೊನು ನಾಮ ಬರ್ದಲ ನತ್ತಿಜ಼.