ಪ್ರಕಟನೆ 11:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಕೊತ್ಳಾ ಘಾಲ್ಲಿದಲ ಮಾರಿ ಬೆ ಸಾಕ್ಕಷಿಯೊನೆ ಅದಿಕಾರ ದ್ಯುಸ. ತ್ಯುನೆ ಬಾರಾಕ್ಹೊನ ಕ್ಹಾಟ ದಿನ್ನ ಪ್ರವಾದನೆ ಕರಸ"

ಪ್ರಕಟನೆ 11:3 ပူးပေါင်းရင်းမြစ်များ

ಮತ್ತಾಯ 11:21

ಯೆಸು ಸು ಕದ್ಯೊ ಕದ್ಯಾಮ; "ಬೆತ್ಸಾಯಿವಾಲಾ, ತುಮಾರಿ ಗತಿ ಮಿ ಸು ಕೌ? ಬೆತ್ಸಾಯಿದ, ತಾರಿ ಗತಿ ಮಿ ಸು ಕೌ! ಮಿ ತುಮೊಮಾ ಘನ್ನಾ ಅದ್ಭುತ ಕಾಮೊ ಕರ‍್ಯೊ. ತೆಜ ಅದ್ಭುತ ಕಾಮೊ ತೊರ, ಸಿದೊನಮಾ ಕರಲ ರ‍್ಹವತ್ತೊ, ತ್ಯುನಾ ಮನಕ್ಹೊ ಘನ್ನಾ ಕಾಲ ಪೈಲಾಜ ತ್ಯುನಿ ಜಿವತ ಬದಲಿ ಕರಿಲೆತಾತಾ; ತ್ಯುನಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕೊತ್ಳಾ ಭಾಂದಿಲೆತಾತಾ; ತ್ಯುನಾ ಅಂಗಪರ ರಾಕ ಘಾಲಿಲೆತಾತಾ.

ಮತ್ತಾಯ 18:16

ಪಾಚಾತೊ ತೆ ತಾರಿ ವಾತ ನೈ ಐಕ್ಯಾಮ ಬೆ ತನ್ನ ಸಾಕ್ಷಿಯೊನೆ ಮ್ಹೊಡಾಕ್ಹು ಹರಿಯಕ್ಕ ವಾತ ಸ್ಥಿರ ಪಡಸಾನಾಹುತಿ ಯಕ್ಲಾನೆ ನೈತೊ ಬೆಜ಼ನಾವೊನೆ ತಾರಾ ಕ್ಹಾತೆ ಬಲೈಲಿನ ಜಾ.

ಲುಕ ಬರ್ದಲ ಸುವಾರ್ತಾ 10:13

"ಕೊರಾಜಿನ ಬೆತ್ಸಾಯಿವಾಲಾ, ತಮಾರಿ ಗತಿ ಮಿ ಸು ಕೌ! ತುಮೊಮಾ ಮಿ ಘನ್ನಾ ಸುಚಕ ಕಾಮೊ ಕರ‍್ಯೊ ತೆಜ಼ ಸುಚಕ ಕಾಮೊ ತೊರ ವರಿ ಸಿದೊನ ಗಾಮೊಮಾ ಥಾವತ್ತೊ. ತ್ಯಾನಾ ಮನಕ್ಹೊ ಪೈಲಾಜ಼ ತ್ಯುನಾ ಪಾಪೊ ಛೊಡಿನ ಪಶ್ಚಾತಾಪ ಪಡಿನ ಕೊತ್ಳಾವೊನಾ ವಣ್ಣಾ ಘಾಲ್ಲಿನ ರಾಕ ಅಂಗೆ ಲಗಾಡಿ ಲೆತಾತಾ.

ಲುಕ ಬರ್ದಲ ಸುವಾರ್ತಾ 24:48

ತುಮೆ ಮನಕ್ಹೊಕನ ಜಾ಼ವೊ, ತ್ಯುನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಾಲಾವೊನೆ ಪಾಪ ಮಾಫ ಥಾವಸ ಕೈನ ಕವೊ. ತುಮೆ ಸುವಾರ್ತೆ ಯೆರುಸೆಲೆಮಾ ಶುರುಕರಿನ ಜಗತ್ನಾ ಮನಕ್ಹೊಮಾ ಮಾರಾ ನಾಮಪರ ತಿಳಸೊ.

ಯೊಹಾನ 15:27

ವರಿ ತುಮೆಬಿ ಮಾರಾ ಸಾಕ್ಷಿ ದಿವೊಶಿ. ಕಾಕದ್ಯಾಮ ಪೈಲಾತಾಬಿ ತುಮೆ ಮಾರಾ ಕ್ಹಾತೆ ಛೆ.

ಯೊಹಾನ 3:27

ಯೊಹಾನ, ಕಯಾಜ ಮನಕ್ಹನೆ ತ್ಯಾಲಕ್ಕಾ ಮಳತು ನೈ, ಕಿಜಾ಼ ಲಕ್ಕಾ ತಿನೆ ಕ್ಹುದಾ ದೆತೊ ನೈ.

ಅಪೊಸ್ತಲೊ 1:8

ತೆನೈಸೊ ಪವಿತ್ರ ಆತ್ಮಾ ತುಮೊಪರ ಆಯಲ ಟೈಮಮಾ ತಾಕತ ವ್ಹಂದಿಲಿನ ಯೆರುಸಲೆಮಮಾ ಪುರಾ ಯುದೆಯಮಾಬಿ ಸಮರ್ಯಾಮಾಬಿ ವರಿ ಭುಲೊಕಮಾ ಹರ ಜ಼ಗಾ ಸಾಕ್ಷಿ ಥೈನ ರ‍್ಹವೊಶಿ" ಕದ್ಯೊ.

ಅಪೊಸ್ತಲೊ 13:31

ಎ ಥಯಲ್ಪರ ಗಲಿಲಾಯತಾ ಯೆಸುನಾ ಕ್ಹಾತೆ ಯೆರುಸಲೆಮೆ ಆಯಲವಾಲಾ, ಘನ್ನಾ ದಿನ್ನ ಲಕ್ಕಾ ತಿನೆ ದೆಕ್ಯಾ. ಹಮ್ನಾ ತ್ಯುನೆಜ಼ ಮನಕ್ಹೊನೆ ಸಾಕ್ಷಿಯೊ ಥಯಾಸ.

ಅಪೊಸ್ತಲೊ 2:32

ತಿನಾಹುತಿ ಕ್ಹುದಾ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಯೆಸುನೆಜ಼ ಅಪೆ ಕ್ಹಾರಾ ಜ಼ನಾ ಸಾಕ್ಷಿಯೊ ಥಯಾಸ.

ಅಪೊಸ್ತಲೊ 3:15

ಇಮ್ಮ ತುಮೆ ಜ಼ಲಮ ದಿವಾಲಾನೆ ಖಲಾಸ ಕರಾಯಾಸ! ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಉಟಾಡ್ಯೊ. ಇನೆ ಹಮೆಜ಼ ಸಾಕ್ಷಿಯೊ ವ್ಹೈ.

1 ಕೊರಿಂಥ 12:28

ಕ್ಹುದಾ ತುಮಾರಾ ಸಭೆಮಾ, ಪೈಲಾ ಅಪೊಸ್ತಲೊನೆ, ಬೆವಾ ಪ್ರವಾದಿಯೊನೆ, ತನ್ವಾ ಮಾಸ್ತರೊನೆ ನೆಮಿಶೊಸ. ಪಾಚಲ್ತೊ ಪವಾಡ ಕರಾಲಾವೊನೆ, ರೊಗ ಅರಾಮ ಕರಾಲಾವೊನೆ, ಉಪಕಾರ ಕರಾಲಾವೊನೆ, ಸಭೆ ಚ಼ಲೈ ಲಿನ ಜಾ಼ವಾಲಾವೊನೆ, ಘನ್ನಾ ಭಾಷಾ ಬೊಲಾಲಾವೊನೆ ನೆಮಿಶೊಸ.

2 ಕೊರಿಂಥ 13:1

ಮಿ ರ‍್ಹ ತುಮ ತನ್ ಟೈಮ ಆವಸ. ಸುಬಿ ದುರ ರ‍್ಹ ನೈ ತಿನೆ ತನ್ ಸುಳ್ಳ ಸಾಕ್ಷಿಯೊ ಆದಾರ ರ‍್ಹೌ. ಕೈ ಬರ್ದಲ ಛೆ ಕೈನ.

ಎಫೆಸ 4:11

ತೆ ದಕ್ಹಾ ಜ಼ನಾವೊನೆ ಅಪೊಸ್ತಲೊ ಕರಿನ ದಕ್ಹಾ ಜ಼ನಾವೊನೆ ಪ್ರವಾದಿ ಕರಿನ ದಕ್ಹಾ ಜ಼ನಾವೊನೆ ಸುವಾರ್ತೆ ಕವಾಲಾ ಕರಿನ ದಕ್ಹಾ ಜ಼ನಾವೊನೆ ಸಭಾಪಾಲಕ ಕರಿನ ವರಿ ಉಪದೆಶಕ ಕರಿನ ನೆಮಶ್ಯೊ.

ಪ್ರಕಟನೆ 1:5

ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ. ಯೆಸು ಬರೊಕ್ಹಾನಿ ಸಾಕ್ಷಿ ಥಯೊಸ. ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯಲವಾಲಾವೊಮಾ ಎಜ಼ ಪೈಲಾ ವ್ಹೈ. ತೆ ಜಗತ್ನಾ ರಾಜಾ಼ ರ‍್ಹಯಲವಾಲಾವೊನೆ ಅಧಿಪತಿ ಥಯೊಸ. ಯೆಸು ಅಪೊನೆ ಮಯಾ ಕರಸ. ತೆ ತಿನಾ ರಗತ ಕ್ಹು ಅಪ್ನಾ ಪಾಪೊ ಧ್ವಯಿನ ಬಿಡುಗಡೆ ಕರ‍್ಯೊ;

ಪ್ರಕಟನೆ 11:2

ತೆನೈಸೊ ಆಲಯನಿ ಭಾರಲಿ ಅಂಗಳಾ ಅಳತಿ ಕರ‍್ಯಾವಾಚಿ ಛೊಡಿಪಾಡ. ತೆ ಯೆಹುದಿಯೊ ನೈ ರ‍್ಹಯಲ ಮನಕ್ಹೊನೆ ಛೊಡ್ಯಾಸ. ತೆ ಮನಕ್ಹೊ ಪವಿತ್ರ ಗಾಮಪರ 42 ಮ್ಹೈನಾ ಖುಂದತಾ ಚಾ಼ಲಸ..

ಪ್ರಕಟನೆ 11:6

ಎ ಸಾಕ್ಕಷಿಯೊ ತ್ಯುನಾ ಪ್ರವಾದನೆನಾ ಟೈಮಮಾ ಹಬಾಳ ಪರತು ಪಡಾನು ಪಾನಿ ಹುಬ್ರಾಡಾನೆ ಪಾನಿನೆ ರಗತ ಕರಾನೆ ಜಿಮಿನ್ನೆ ಕ್ಹಾರಿ ತರಾನಾ ತ್ರಾಸೊ ದಿವಾನೆ ಅದಿಕಾರ ವ್ಹಂದಲ ರ‍್ಹವಸ. ತ್ಯುನೆ ತ್ಯುನೊನೆ ಮನಸ್ಸ ಆಯಲ ತೆಕ್ಲು ಅಮ್ಮ ಕರ ಸಕಸ.

ಪ್ರಕಟನೆ 12:6

ತೆ ಬಾಕಡಿಕ್ಹು ತಿನಾಹುತಿ ಕ್ಹುದಾ ತಯ್ಯಾರ ಕರಲ ಉಸುಕನಾ ಯಕ್ಕ ಗಾಮಾ ನ್ಹಾಟಿ ಗೈ. ತೆ ಉಸುಕನಾ ಗಾಮ್ಮಾ ತಿನೆ ಬಾರಾಕ್ಹೊನ ಕ್ಹಾಟ ದಿನ್ನ ಜ಼ತ್ತನ ಕರಸ.

ಪ್ರಕಟನೆ 13:5

ತೆ ಜಾನ್ವರನೆ ಗ್ವಡ್ಡ ವಾತ ವರಿ ದುಶಣೆನಿಯೊ ವಾತೊ ಕವಾನೆ ಮೌಕೊ ದಿದ್ಯಾ. ತೆ ಜಾನ್ವರನೆ ತಿನಿ ತಾಕತ ಉಪಯೊಗ ಕರಾನೆ ಚಾ಼ಳಕ್ಹಪರ ಬೆ ಮ್ಹೈನಾ ದಿದ್ಯಾ.

ಪ್ರಕಟನೆ 19:10

ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.

ಪ್ರಕಟನೆ 20:4

ತೆ ಥಯಲ್ಪರ ಮಿ ದಕ್ಹಾ ಸಿಂಹಾಸನೊ ವರಿ ತ್ಯುನೊಪರ ಬೈಟಲ ಮನಕ್ಹೊನೆ ದೆಕ್ಯೊ. ತ್ಯುನೊನೆ ಮನಕ್ಹೊನೆ ಫೈಸಲೊ ಕಾರಾನೊ ಅದಿಕಾರ ವ್ಹಂದಿಲಿದ್ಯಾತಾ. ಯೆಸುನಾ ಕ್ಹರಿನೆ ವರಿ ಕ್ಹುದಾನಾ ಸಂದೆಶನೆ ಬರೊಕ್ಹೊ ಕರಲವಾಲಾಮ ರ‍್ಹೈನ ತಿನಾಹುತಿ ಖಲಾಸ ಥಯಲವಾಲಾ ಜ಼ಲಮನಿ ಆತ್ಮಾವೊನೆ ಮಿ ದೆಕ್ಯೊ. ತೆ ಮನಕ್ಹೊ ಜಾನ್ವರನೆ ರ‍್ಹೈನೆ ಕಾ ವರಿ ತಿನಿ ಮೊರತಿನೆ ರ‍್ಹೈನೆಕಾ ಆರಾಧನಾ ಕರ‍್ಯಾನ್ಹೊತಾ. ತ್ಯುನೆ ತಿವ್ನಾ ಮಾತಾಪರ ನೈತೊ ಹತೊಪರ ರ‍್ಹೈನೆಕಾ ತೆ ಜಾನ್ವರನೊ ಸಿಕ್ಕಕೊ ಘಲೈ ಲಿದ್ಯಾ ನ್ಹೊತಾ. ತೆ ಮನಕ್ಹೊ ವರಿ ಜಿವ್ತಾ ಥೈನ ಕ್ರಿಸ್ತನಾ ಕ್ಹಾತೆ ಯಕ್ಕ ಹಜಾ಼ರ ವರಕ್ಹ ರಾಜ಼ ಕರಸ.