ಪ್ರಕಟನೆ 11:17 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁷ ತೆ ಶಾನಾ ಅಮ್ಮ್ ಕದ್ಯಾ; "ಪ್ರಭು, ಸರವಶಕ್ಕತ ರ‍್ಹಯಲ ಕ್ಹುದಾ, ಭುತಕಾಲಮಾ ರ‍್ಹಯಲವಾಲಾ, ವರತಮಾನ ಕಾಲಮಾ ರ‍್ಹವಾಲಾ, ತುನೆ ಕೃತಜ್ಞತಾಸ್ತುತಿ ಕರೆಸ. ತು ತಾರಿ ಮ್ಹೊಟಿ ಅದಿಕಾರ ಉಪಯೊಗ ಕರಿನ ತಾರಿ ಆಡಳಿತ ಶುರು ಕರಲಕ್ಹು ತುನೆ ಕೃತಜ್ಞತಾಸ್ತುತಿ ಕರೆಸ.

ಪ್ರಕಟನೆ 11:17 ပူးပေါင်းရင်းမြစ်များ

ಮತ್ತಾಯ 11:25

ಪಾಚಲ್ತೊ ಯೆಸು, ಪರಲೊಕ ವರಿ ಜಿಮಿನನೊ ಪ್ರಭು ಥಯಲ ಬಾ, ಮಿ ತುನೆ ಸ್ತುತಿ ಕರುಸ. ಕಾಕದ್ಯಾಮ, ತು ಎ ಕ್ಹಾರಾ ವಾತೊ ಗ್ಯಾನಿಯೊನೆಬಿ ಮಾತು ಹುಶಾರ ರ‍್ಹಯಲವಾಲಾವೊನೆಬಿ ಝಾಕಿನ ಮ್ಹೆಲ್ಯೊಸ. ತೆನೈಸೊ ನ್ಹಾನಾ ಬಚ್ಚಾ ಲಿಂಗತ ರ‍್ಹಯಲ ಎ ಮನಕ್ಹೊನೆ ತು ದೆಕಾಡ್ಯೊಸ.

ಲುಕ ಬರ್ದಲ ಸುವಾರ್ತಾ 10:21

ಪಾಚಲ್ತೊ ಯೆಸು ಪವಿತ್ರ ಆತ್ಮಾಕ್ಹು ಘನ್ನೊ ಖುಶಿ ಥೈನ ಅಮ್ಮ ಪ್ರಾಥನಾ ಕರ‍್ಯೊ ಸ್ವರಗ ಲೊಕನೊ ಭುಲೊಕನೊ ಕ್ಹುದಾ ಥಯಲ ಬಾ ಮಿ ತುನೆ ಸ್ತುತಿ ಕರುಸ ತು ಗ್ಯಾನಿಯೊನೆ ಗ್ಯಾನ ರ‍್ಹಯಲವಾಲಾವೊನಾ ಎ ಸಂಗತಿ ಝಾಕಿನ ಮುಕ್ಕಕಲ ಹುತಿ ಮಿ ತುನೆ ಸ್ತುತಿ ಕರುಸ ವರಿ ತು ನ್ಹಾನಾ ಬಚ್ಚಾ಼ವೊಲಿಂಗತ ರ‍್ಹಯಲ ಮನಕ್ಹೊನೆ ಎ ಸಂಗತಿಯೊ. ಝಾಕಿನ ಮ್ಹೆಲ್ಯಾವಾಚಿ ಕದ್ಯೊ ಹೊ ತೆಜ಼ ತಾರಿ ಆಸ ವ್ಹತ್ತಿ.

ಯೊಹಾನ 11:41

ತಿನಾ ಹುತಿ ಸಮಾದಿನಿ ಝಾಕಲ ದಗ್ಡೊ ಕಾಡ್ಯಾ. ತೆಳಾಮಾ ಯೆಸು ಡೊಳಾ ಉಚೈನ ಸ್ವರ್ಗನೆ ದೆಕಿನ ಬಾ ಮಾರಿ ಪ್ರಾಥನಾ ಐಕಲ ಹುತಿ ಮಿ ತುನೆ ಕೊಂಡಾಡುಸ.

2 ಕೊರಿಂಥ 2:14

ಕ್ಹುದಾ ಸ್ತೊತ್ರಾ ಥಾವಾದೆ ಕ್ರಿಸ್ತನಾ ಮುಲಕ ಕೆಳಾಮಾಬಿ ಅಪೊನೆ ಜಿತ್ತಾಡಾಲೊ ವ್ಹೈ. ಕ್ಹುದಾನು ಗ್ಯಾನನಿ ಚೊ಼ಕಿ ಬಾಸ ಕ್ಹಾರಿ ಜ಼ಗಾ ಫೈಲಾವಾನೆ ಅಪೊನೆ ಉಪಯೊಗ ಕರ‍್ಯೊಸ.

2 ಕೊರಿಂಥ 9:15

ಕ್ಹುದಾ ದಿದ ಮೊಜ಼ ಕೈನ ನೈಸೊ ದಿವ ಹುತ ಹುತಿ ನೈ ತಿನೆ ಸ್ತುತ ಕೈನ.

1 ತಿಮೊತಿ 1:12

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ಮಪರ ರ‍್ಹಯಲ ಬರೊಕ್ಹಾನಾ ಹುತಿ, ತಿನೆ ಸೆವಾ ಕರಾನೆ ಎ ಕಾಮ ಮನೆ ಮರಗಿನ ದಿದಲ ಹುತಿ ಮಿ ತಿನೆ ಸ್ತುತಿ ಕರುಸ. ತೆ ಮನೆ ತಾಕತ ದಿವಸ.

ಪ್ರಕಟನೆ 1:4

ಎಶ್ಯಾ ಪ್ರದೆಶಮಾ ರ‍್ಹಯಲ ಕ್ಹಾತ ಸಭೆನೆ ಯೊಹಾನ ಸು ಬರದಸ ಕದ್ಯಾಮ; ವರ್ತಮಾನ, ಭುತ, ಭವಿಷ್ಯತ ಕಾಲಮಾ ರ‍್ಹವಾಲಾನಾ ಹತೆ ವರಿ ತಿನಿ ಸಿಂಹಾಸನ್ನಾ ಕ್ಹಾಮೊ ಕ್ಹಾತ ಆತ್ಮಾವೊಕ್ಹು ವರಿ

ಪ್ರಕಟನೆ 1:8

ಪ್ರಭು ಥಯಲ ಕ್ಹುದಾ ಸು ಕವಸ ಕದ್ಯಾಮ" ಮಿಜ಼ ಆದಿ ವರಿ ಅಂತ್ಯ ವ್ಹೈ. ಮಿ ವರತಮಾನ ಕಾಲ, ಭುತಕಾಲ ವರಿ ಭವಿಷ್ಯತ ಕಾಲಮಾ ರ‍್ಹವಾಲೊ ವ್ಹೈ. ಮಿಜ಼ ತಾಕತವರ ವ್ಹೈ.

ಪ್ರಕಟನೆ 11:15

ಕ್ಹಾತ್ವಾ ಕ್ಹುದಾನು ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸ್ವರ್ಗಮಾ ಮ್ಹೊಟಾ ಆವಾಜೊ಼ ಥಯಾ. ತೆ ಆವಾಜೊ಼ ಅಮ್ಮ್ ಕದ್ಯಾ; "ಎ ಲೊಕನು ರಾಜ್ಯ ಹಮ್ನಾ ಅಪ್ನಾ ಪ್ರಭುನಾ ವರಿ ತಿನೊಜ಼ ರ‍್ಹಯಲ ಕ್ರಿಸ್ತನಿ ರಾಜ್ಯ ಥೈಸ. ತೆ ಯುಗೊ ಯುಗೊಮಾಬಿ ಅದಿಕಾರ ಚ಼ಲಾವಾ ವಾಲೊ ವ್ಹೈ"

ಪ್ರಕಟನೆ 15:3

ತ್ಯುನೆ ಕ್ಹುದಾನೊ ಸೆವಕ ಥಯಲ ಮೊಶೆನು ಗಿದ್ದ ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಗಿದ್ದ ಕದ್ಯಾ. ‘ಪ್ರಭು, ವರಿ ಕ್ಹಾರಾವೊತಿ ತಾಕತವರ ಥಯಲವಾಲಾ ಕ್ಹುದಾ,ತು ಮ್ಹೊಟಾಲಾ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ಕರಶಿ,ಕ್ಹಾರಿ ಜಾ಼ತಾವಾಲಾವೊನಾ ರಾಜಾ಼, ತಾರಿ ಯಕ್ಕ ವಾಟೊ ವರಿ ಫೈಸಲೊ ಕ್ಹರಿನೊ ವ್ಹೈ.

ಪ್ರಕಟನೆ 16:14

ತೆ ಕೆಟ್ಟ ಆತ್ಮಾವೊ ಸೈತಾನಿನಿಯೊ ಆತ್ಮಾವೊ ವ್ಹತ್ತಿಯೊ. ತ್ಯುನೊನೆ ಮ್ಹೊಟು ಅದ್ಭುತ ಕಾರಾನಿ ತಾಕತ ಛೆ. ಎ ಅಶುದ್ಧ ಆತ್ಮಾವೊ ಕ್ಹಾರವೊತಿ ತಾಕವರ ರ‍್ಹಯಲ ಕ್ಹುದಾನಾ ಮ್ಹೊಟಾ ದಿನ್ನಾ ದಿನೆ ಥಾವಾನು ಯುದ್ದೊನೆ ಕ್ಕಹಾರಿ ದುನಿಯಾಮಾ ರ‍್ಹಯಲ ರಾಜಾ಼ವೊನೆ ಮಳಾವಾನೆ ಭಾರಿಯೊ ಜಾ಼ವಸ.

ಪ್ರಕಟನೆ 16:5

ತೆಳಾಮಾ ಪಾನಿನೊ ಅಧಿಪತಿ ಥಯಲ ದುತ ಕ್ಹುದಾನೆ ಕದಲ ಮನೆ ಐಕು ಐಯು; "ತುಜ಼಼ ಕೆಳಾಮಾಬಿ ರ‍್ಹಯಲವಾಲೊ ವ್ಹೈ. ತು ಯಕ್ಕಲೊಜ಼ ಪರಿಶುದ್ಧ ವ್ಹೈ. ತು ದಿದಲ ಎ ಕ್ಹಾರಾ ಫೈಸಲಾ ತು ನ್ಯಾಯವಂತ ಥಯೊಸ.

ಪ್ರಕಟನೆ 16:7

ಯಜ್ಞವೆದಿತಾ ಅಮ್ಮ್ ಕದಲ ಐಕ್ಯೊ; "ಹೊ, ಕ್ಹುದಾ ಥಯಲ ಪ್ರಭು, ಸರವಶಕ್ಕತ, ತಾರಾ ಫೈಸಲಾ ಕ್ಹಾರಾ ಕ್ಹರಿನಾ ವ್ಹೈ ವರಿ ನ್ಯಾಯನಾ ವ್ಹೈ"

ಪ್ರಕಟನೆ 18:8

ತಿನಾಹುತಿ ತಿನೆ ಮರಣ, ರವಾನು, ಘನ್ನೊ ರೊಗೊ ಕವಾನಾತ್ರಾಸೊ ಯಕ್ಕಜ಼ ದಿನ್ಮಾ ಆವಸ. ತಿನೆ ಫೈಸಲೊ ಕರಲ ಕ್ಹುದಾ ಥಯಲ ಪ್ರಭು ಘನ್ನೊ ತಾಕತವಾಲೊ ರ‍್ಹಯಲ ಹುತಿ ತೆ ಆಗಕ್ಹು ಹಾಳ ಥೈಜಾ಼ವಸ.

ಪ್ರಕಟನೆ 19:11

ಪಾಚಲ್ತೊ ಸ್ವರ್ಗ ಖುಲ್ಲಾಥಾವಾನು ಮಿ ದೆಕ್ಯೊ. ಮಾರಾ ಕ್ಹಾಮೊ ಯಕ್ಕ ಧೊಳೊ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನು ನಮ ಬರೊಕ್ಹಾವಾಲೊ ವರಿ ಕ್ಹರಿನೊ ವ್ಹೈ. ತಿನಾ ಫೈಸ್ಲಾಮಾ ವರಿ ಯುದ್ದಮಾ ಕ್ಹರಿಕ್ಹು ಫೈಸಲೊ ರ‍್ಹವಸ.

ಪ್ರಕಟನೆ 19:6

ತೆ ಥಯಲ್ಪರ ಮನೆ ಬಿಜೆ ಅವಾಜ಼ ಐಕು ಐಯು. ತೆ ಘನ್ನಾ ಮನಕ್ಹೊನಾ ಗುಂಪನಿ ಅವಾಜ಼ ಲಿಂಗತ ಜಲಪ್ರವಾಹ ಲಿಂಗತ ಅವಾಜ಼ ವ್ಹತ್ತು. ಬಿಜಿಲಿನಾ ಲಿಂಗತ ಅವಾಜ಼ ವ್ಹತ್ತು. ತೆ ಅಮ್ಮ ಕದ್ಯು. ಹಲ್ಲೆಲುಯಾ ಅಪ್ನೊ ಕ್ಹುದಾ ಥಯಲ ಪ್ರಭು ಆಳಾನೆ ಚಾಲು ಕರ‍್ಯೊ. ತೆ ಕ್ಹರಿಕ್ಹು ತಾಕತ ವಾಲೊ ವ್ಹೈ.