ಪ್ರಕಟನೆ 11:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಎ ಭಂಬಿಜ಼ನಾ ಮರಲ ಹುತಿ ಜಿಮಿನ ಪರ ರ‍್ಹಯಲ ಮನಕ್ಹೊ ಖುಶಿ ಥಾವಸ. ತ್ಯುನೆ ಕಾರಯೊ ಕರಿನ, ಯಕ್ಕನೆ ಯಕ್ಕ ಆಯಾರ ದಿವಸ. ಎ ಭಂಬಿ ಪ್ರವಾದಿಯೊ ಜಿಮಿನ ಪರ ರ‍್ಹಯಲ ಮನಕ್ಹೊನೆ ಘನ್ನು ತ್ರಾಸ ದಿದಲಕ್ಹು ಎ ಮನಕ್ಹೊ ಅಮ್ಮ ಕರಸ.

ಪ್ರಕಟನೆ 11:10 ပူးပေါင်းရင်းမြစ်များ

ಮತ್ತಾಯ 10:22

ತುಮೆ ಮಾರಾ ಪಾಚಾ಼ ಆವಾಕ್ಹು ಕ್ಹಾರಾ ಮನಕ್ಹೊ ತುಮೊನೆ ದ್ವೆಶ ಕರಸ. ತೆನೈಸೊ ಲಾಸ್ಟ ಲಕ್ಕಾ ತಡ್ದಿಲಿವಾಲೊ ರಕ್ಷಣೆ ವ್ಹಂದಿಲಿವಸ.

ಯೊಹಾನ 16:20

ತುಮೊನೆ ಕ್ಹರಿಜ ಕೌಸ. ತುಮೆ ರವೊಶಿ, ಗೊಳಾಡೊಶಿ. ತೆನೈಸೊ ದುನಿಯಾ ಖುಶಿ ಥಾವಸ. ತುಮೆ ದುಖಿ ಥಾವೊಶಿ, ತೆನೈಸೊ ತುಮಾರು ದುಖ ಖುಶಿ ಥಾವಸ.

ಯೊಹಾನ 7:7

ಎ ದುನಿಯಾ ತುಮೊನೆ ದುಶ್ಮನಿ ನೈ ಕರ‍್ತು. ತೆನೈಸೊ ಎ ದುನಿಯಾ ಮನೆ ದೊಶ ಕರಸ. ಕಾಕದ್ಯಾಮ ಮಿ ಎ ದುನಿಯಾನಾ ಮನಕ್ಹೊನೆ, ತ್ಯುನೆ ಕರಾನಾ ಕೆಟ್ಟ ಕಾಮೊ ವ್ಹೈ ಕೈನ ಕೌಸ್ತೊ.

ಅಪೊಸ್ತಲೊ 5:33

ಮ್ಹೊಟಾ ಮನಕ್ಹೊ ತೆ ವಾತೊ ಐಕಿನ ಶಿಟ್ಟ ಥೈನ ತ್ಯುನೊನೆ ಖಲಾಸ ಕರು ಕೈನ ವಿಚಾರ ಕರ‍್ಯಾ.

1 ಕೊರಿಂಥ 13:6

ಮಯಾ ಕೆಟ್ಟನಾ ಹುತಿ ಖುಶಿ ಥಯಾವಾಚಿ ಕ್ಹರಿನಾ ಹುತಿ ಖುಶಿ ಥಾವಸ.

ಪ್ರಕಟನೆ 12:13

ತೆ ಮ್ಹೊಟಾ ಕ್ಹಾಪ್ನೆ ಜಿಮಿನಪರ ಡಕ್ಕಲಲ ತಿನೆ ಗ್ವತ್ತ ಛೆ. ತಿನಾಹುತಿ ತೆ ಕ್ಹಾಪ ಪಟ್ಟೊ ಜ಼ನ್ನಲಿ ಬಾಕ್ಡಿನೆ ತ್ರಾಸ ದಿವಾನಾ ಹುತಿ ಪಿಟ್ಟಲಾಗ್ಯೊ.

ಪ್ರಕಟನೆ 13:14

ಎ ಬೆವಾ ಜಾನ್ವರ ಅದ್ಭುತ ಕರಾನೆ ತಿನೆ ದಿದಲ ತಾಕತ ಕ್ಹು ಜಿಮಿನಪರ ರ‍್ಹಯಲ ಮನಕ್ಹೊನೆ ಮಳ್ಳ ಕರಸ. ಪೈಲಾನಿ ಜಾನ್ವರ ಮನಕ್ಹೊ ತಿನಿ ಸೆವೆ ಕರು ಕೈನ ಮ್ಹೊಟು ಅದ್ಭುತ ಕರಸ. ತಲ್ವಾರ ಕ್ಹು ದುಖ ಕರಲಿದಲ ಮರಾನಿ ಕ್ಹು ವಾಚ಼ಲ ಜಾನ್ವರನೆ ಮರ್ಯಾದಿ ದೆಕಾಡಾನಾ ಹುತಿ ಮೊರತಿಯೊ ತಯ್ಯಾರ ಕರಾನಾ ಹುತಿ ಮನಕ್ಹೊನೆ ಕದ್ಯು.

ಪ್ರಕಟನೆ 13:8

ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.

ಪ್ರಕಟನೆ 16:10

ಪಾಂಚ಼ವಾ ಕ್ಹುದಾನೊ ದುತ ತಿನಾ ಸಾಮನಮಾ ರ‍್ಹಯಲ ತೆ ಕೆಟ್ಟ ಜಾನ್ವರನಾ ಸಿಂಹಾಸನನಾ ಉಪ್ಪರ ರಿಚಾ಼ಯೊ. ತೆ ಕೆಟ್ಟ ಜಾನ್ವರನಾ ರಾಜ್ಯಮಾ ಅಂದಾರು ಭರಿ ಗಯು. ಮನಕ್ಹೊ ದುಖಕ್ಹು ತ್ಯುನಾ ಜಿಬ್ಬೊ ಕಡ್ಡಿ ಲಿದ್ಯಾ.

ಪ್ರಕಟನೆ 3:10

ತು ಮಾರಿ ಆಗನ್ಯಾ ಸಮಾದಾನಕ್ಹು ವರಿ ತಡ್ದಿಲಿನ ಚಾ಼ಲ್ಯೊ. ತಿನಾಹುತಿ ಆ ಜಗತ್ನೆ ಆವಾನಿ ಸಂಕಟಕ್ಹು ಮಿ ತುನೆ ವಚಾ಼ಡುಸ. ಜಿಮಿನಪರ ರ‍್ಹಯಲ ಮನಕ್ಹೊ ಕ್ಹಾರಾ ಎ ಶೊದನೆಮಾ ಪಡಸ.